kitty_kity;14943548:
ازيك يارورو وازي النونة عاملين ايه؟؟؟
طمنينا كدا على مستقبلنا هههههههههههههه
صحيح انتي ولدتي طبيعي ولا قيصري واحكي التفاصيل يعني
الميلك شيك جبت فراولة وقطعتها وحليب وسكر وايس كريم
الكميات بقى انا كنت هعمل الشوبين الي شوفتيهم دول
فحطيت حوالي 400 مل حليب .. و فراولة ممكن بتاع 15 او 16 حباية فراولة هههههههههههه
وسكر حسب المزاج بقى انا بحب الحاجة عادبة ومحمد بيحبها مسكرة اوي
وايس كريم حوالي 4 معالق
بس طلعت الكمية زيادة شوية عن الشوبات...
انا حطيتها ف الخلاط الاول الحليب والفراولة والسكر وبعدين ضفت الايس كريم وضربتهم تاني وصبيتهم من الحنفية بتاعت الخلاط...وعلى الوش صبيت الرغوة بقى الي بتتكون دي
وكنت مقطعة الفراولة عاملاها مروحة كدا وحاطاها على الوش بس اتطافست وكلتها قبل ما اصور هههههههههه
وكل ده كان جزء من مخططي عشان اخليه ياكل او يشرب اللبن يعني :) ادينا بنحاول بس الحمد لله عجبه اوي
OM SIMO;14943560:
ازيك يا كيتى حلوة اوى الحاجات اللى انتى عاملاها تسلم ايدك فنانه
و حاجه النونه جميله زوق اخوكى تحفه
رورو حبيبتى ازيك يا قمر عامله ايه دلوقتى
قـلـب طـفـلـة;14943619:
ازيك انتي يادلوعتي انا بخير الحمد لله
زهرة اخبارك ايه ياحبيبتي يلى بقى احكيلنا بجد وطمنينا هههههه
كيتي هههههه افتكرتك مشيتي
دلوعة الغالى;14943654:
الحمدلله بخير ياروكا الايام دى عندى دوخه وهبوط جامد مش عارفه ليه
زهره عامله ايه والنونة عامله ايه
ام سيمو عامله ايه وسما القمر عامله ايه
بالف هنا ياكيتى حلو اوى تسلم ايديكى
ودى الولاده بتاعتى ف مشاركة تانيه وامانة عليكم تدعولى بصلاح الحال وان ربنا يغفرلى ويلهمنى رشدى ويهديلى زوجك ويرزقنا الجنه ويرزقنا حسن الخاتمة وهبقى ممنونة جدا ليكم
دندونة وحشانى معلش مش فااااضيه خاااااااااااااااااااالص ومزاجى ف النازل معرفش ليه ؟؟؟
باين النفساء بتبقى عندها اكتئاب :(
المشاركة اهى
والله ياندوش انا عانيت ف الطلق جدا عن جوجو الطلق جالى الساعه واحده وفجاه لقيته بيشتد جدا ووراكى مااقولكيش وكان جوزى وبنتى نايمين وانا بتمشى ف الشقه ودموعى على خدى وكاتمه صوتى من الالم وكان كل عشر دقايق يعنى المفروض مايشدش كده الا ف الاخر وفضلت لحد 1 الظهر بتالم من الطلق وكان كل خكس دقايق وشديييييييد جدا جوزى والله قعد يعيط على الالم اللى انا فيه:'(كان مش ممكن مع انه لسه كل خمس دقايق واتصلت بالدكتوره العصر قلتلها الطلق لسه عند خمس دقايق ووجع موت ف وراكى وظهرى قالتلى روحى المستشفى لقيته برده خمس دقايق ف المستشفى مش عايز يبقى منتظم خااااالص وبدات اموت بجد بقى من الالم :'(:'(:'(والدكتوره سابتنى وراحت حته تانيه على امل ان الطلق يحمى والرحم يفتح اكتر وانا بمووووت من الالم واشد ف هدوم جوزى واكتم صوتى جوايا لانى مش بحب الصويت والكلام ده وانزل ع الارض من الالم وراكى ورجلى مش قادرة امشى وحاسه ان روحى واقفة :'(يمكن اللى صبرنى ع الالم جوزى الله يحميه خلانى اردد ادعيه وكلمات وقعد يقولى كلام هون عليا الالم كتير :'(لما جوزى لقى ان الطلق مش منتظم والرحم مافتحش الا سته سم بس برده اتصل بالدكتوره قالها تعالى اعمليلها اى حاجه تخففلها الالم جاتلى الدكتوره وادتنى مهدا وانا لاحظت انه ماهداش الطلق خالص :'(واستغربت من عدم انتظام الطلق وقالتلى ادامك ساعه كمان كده:'(قلتلها لابجد كده هموووت:'( بدات تديلى حاجه تحمى الطلق وساعتها اجارك الله بقيت بعانى من الالم جدا واتبسطت لانى خلاص عايزة اولد :'(رغم الالم الا انى كنت سعيده ان الدكتوره دخلت العمليات وهتبدا تولدنىوسبحان الله شافتنى بعد ماكانت بتقولى لسه ساعه لقيتها ف دقيقتين قالتلى يلا يارورو لو جالك طلقة ادفعى والحمد لله الحمد لله ربنا كريم ولدت ف ربع ساعه اثناااء الدفع بقى برده لقيت صعوبه عن جوجو خااااااااااااالص بس ف ثانيه الدكتوره قالتلى ماشاء الله وشاطرة وجادعه واتبسطت بتشجيعها جدا وخلاص نمت نوم عميق ماحستش باى شئ بعدها الا وجوزى جمبى ف اوضه تانيه واول ماشفته سالته على جوجو :adore::adore::adore:وبستها جااااااااااااامد:'(:'(
اشوفكم على خير