شات حوامل مصر القمرات وتجهيزاتهم للبيبي لشهر جماد اول

ده كده فعلا لقطة بجد وشيكو شيكو ولا تقليد، طيب ودول كت ولا نص ولا كم ولو كده ممكن تجيبي المقاس الكبير عادي ويبقي عندك لبعد كده بس شوفي الاول حسب الجو في السن ده يعني لو كم مثلا وهايكفوا في وقت صيف يبقي متجبيش

كتكت انا هناك قلتلك على البتاع اللبني وده جبت زيه لتوتا فعلا
الي هو ده


لكن الي شفته امبارح البيج الي عليه بنوتة ده
شفت زيه ف محل

بالنسبة للي جبتهم بقى لا هما شيكو شيكو
العلبة ماعليهاش ولا كلمة عربي
ومكتوب عليها ميد ان ايطاليا :)
حلوة ميد ان ايطاليا دي صح ههههههههههههه
والمقاسات بالسن والوزن والطول

ههههه اه فهمت كده، الفستان ده كميل موووووت يا مروة بجد عايزة امسك الفراشات دول اوي الوانه حلوة اوووووي بجد، انا علي فكرة بيقابلني كتير الفستان اللي بيكون متقفل تحت زي السالوبيت كده ده وبحبه اوي بجد واشكاله كميييييييييلة

اهي الصور ياكتكت

مامتي بقى بتعز كل حاجة شيكو زي عينيها ههههههه
واحنا صغيرين كانت بتجيبلنا حاجاتنا شيكو..وانا بالذات دفعتها دم قلبها
كانت بتجيبلي البيبرونات الازاز
وكنت لما اخلص ارميها على الارض تتكسر هههههههههههههههه
وهي اساسا كانت من النوع الموسوس ف النضافة فكل شهر تروح تجيب 6 جداد وترمي القدام..وعامله تعقيم كامل للببرونات وحوارات عجيبة كدا
بس كانت جايبه فايدة كنت ماشاء الله حاجة حلوة تسر الناظرين هههههههه

هههههههه مصيبة يا كيتي انتي بجد

شكلهم تحفففففففففففة بجد الواحد عايز يصغر تاني عشان يلبس الحاجات دي لنفسه والله بس خللي بالك شكله بيدفي كويس يعني تخليهم لوقت الخرف بقي ولا ايه مش عارفة انتي اللي تحكمي اكتر عشان حاسة بالخامة نفسها من جوا

اه بس هو مش تقيل اوي يعني بس ناعم اوي ملمسه جميييييل اوي
خلاص ممكن انزل اجيب المقاسين الي بعده اهو هيبقى وقت الشتا ومش هيقولوا لا يعني هههههههههه
المشكلة انهم نفس اللون
الاشكال التانية بادئة ف سن سنتين و3 زي ماقلتلك

الفستان الي انتي حاطه صورته عسوووووووووووول اوي
شفتي حاجات البنات حلوة ازاي ههههههه مسكرة بجد والله انا كل ما اشوف حاجه الاقيها حلوة وشكلها ملفت وعايزة اجيب منها
لولا بقية من عقل يعني

هههههه لا امسكي نفسك احسن هتعيطي بعد كده لما البيبي يجي وطلباته اللي مش بتنتهي كل شوية، وهتجيبي كل فصل لبس جديد ومقاسات جديدة ده غير باقي اللوازم طبعا، متجبيش منهم الكبار اوي دول خليهم في ساعتها احسن وكمان انتي ممكن ساعتها تجيبي بقي حاجات مفتوحة من تحت وتبقي ملبسة بانتي.

انا بردو لما بلاقي حاجة ملونة او عليها رسومات كده مش بحب اجيب نفس الشكل كتير لكن الابيض عادي بقي

الفستان ده كان هدية من صاحبتي لجوجو وهي صغيرة

اسكتي يا مروة ده انا لسه شايفة جيبة تحفففففففففففففففة كنت عمالة اصوصو والله في المحل مع صاحبتي بس كانت صغيرة علي جودي، عارفة هي سك اوي وعاملة زي الكبار بالظبط ميكرو كمان ونفس شكل لبس الجيش والصاعقة كده بس مش البيئة لأ الشيك الفاتح شوية والكمر بتاعها استيك مش عريض اوي بيج غامق ومن تحت بردو فيها استيك زيه كانت مسخرة والله بجد هفطس ونفسي البسهلها اووووووي

اهي دي الصحاب ولا بلاش هههههههه
بقولك ايه ماتعرفي صحابك عليا..وتتعرفي انتي كمان عليا ههههههههههه ماشاء الله حاجات صاحبتك الي انتي جايباهالها عسل مووووت

ماتخليش ف نفسك حاجه ياكتكت
ماجتش على مقاس جوجو تيجي على مقاس توتا
هاتي وابعتي هههههه
صحيح بجد لو عايزة حاجة من عندي قوليلي وابعتهالك..بتكلم جد مش بعزم :)

هههههه ربنا يخليكي ليا يا مروة تسلمي بجد نفسي اشوفك واشوفكم كلكم يا بنات بجد اووووي، ده احنا بجد ولا اللي نعرف بعض من ايام المدرسة من سنين، بجد فعلا اكتر من الاخوات ربنا يديم المحبة دي عالطول يارب

صحابي معتبرين جوجو دي بنتهم اصلها اول بيبي في الجروب بتاعي القريبين اوي يعني لكن طبعا فيه بيبهات اكبر بس من صحاب ابعد شوية، فعشان كده بيتجننوا عليها الحمدلله

يارب ان شاء الله
مشغلة الغسالة من حبة وسامعاها عماله تغسل وحاسة اني ناسية حاجه لحد مافتكرت دلوقت
نسيت احط برسيل هههههههههههه

انا هجرب اروح اكمل نومي كده عشان انا بستهبل اوي وهقلب اليوم زي المرة اللي فاتت انا نمت 3 ساعات بس كده

اوووووووووووووووووف هههههههههههههههههههههههههههههههه بتغسل اورديحي يعني هههههه

اه والهدوم هاريه نفسها لف هههههههه صعبت عليا
طب روحي نامي..ربنا معاكي انا كمان بقالي يومين مابنامش معرفش ليه
بس مبعرفش انام بالنهار قلت اعمل حاجه مفيدة
حملة نضافة للبيت وليا هههههههههههههه

انا جالي ارق برو رهييييييييييب في اخر شهور الحمل غير الاول خالص ولما لقيت العملية زادت اوي وفعلا مش بنام غير ساعة واحدة مقطعة بدون مبالغة في يومين مثلا حكيت للدكتورة عشان تلحقني وتتصرف احسن كنت تعبت جداااااا بجد وهتجنن خلاص، فيظهر فهمتني غلط وقامت كتبالي علي دوا ينشط ويفوق هههههههههه فاتجننت زيادة وطبعات مجبتوش ومرضتش اقولها تاني بقي



يلا تصبحي علي خير بقي

وانتي من اهله ياجميل
يارب بقية البنات ييجوا بقى