^0^{ تجمع الحوامل اللواتي يلدن في ديسمبر 12 -20011 }^0^

إهىء إهىء

كتبت رد طويل وإنمسح بعد ما كتبته

أعيده تانى من اجل عيونكم

ماشاء الله عليكم أسيبكم يوم واحد أرجع ألاقيكم

جاريين عشر صفحات

مبروك ألف مبروك للحوامل الجدد

رينا يثبت أحمالكم وإيانا

أختى بنوتة ربنا يعوضك خير قولى

اللهم آجرنى فى مصيبتى وأخلفنى خيرا منها

أختى بنت الأسياد

إن شاء الله تطمنى على جنينك ورينا يثبت حملك

أختى بيبى ما تقلقيش إرمى حمولك على ربك وإن

شاء الله لن يخيب رجائك وإن شاء الله تطمنى

وفكرتك حلوة سبقتينى بيها

وهاشارك معاكى بالنسبة لقائمة الممنوعات

يابنات مش المقصود بها منعها تماما ولكن كل

حاجة من الحاجات دى لها مدمنين يعنى زى ما

بعضكم قالوا بيشربوا أكتر من كوب شاى أو قهوة

فى اليوم وده الغلط

لكن لو واحدة حملها مافيهوش مشكلة تقدر

تشرب يوميا كوب واحد

واللى حملها فيه مشكلة تسأل طبيبتها أحسن

الخطر فقط من الإكثار فى تناولها بشكل مستمر

أنا بقى جاية أتكلم معاكم عن حاجة للاسف أغلب

النساء العربيات مش بيفكروا فيها وخاصة فى فترة

الحمل

الرياضة فى الحمل

الرياضة مهمة للحامل علشان تقدر تتفادى مشاكل

العمود الفقرى وآلام المفاصل أثناء التقدم فى

الحمل(اللى عندها مشكلة فى الحمل لازم تسأل

طبيبتها الاول علشان تعرف إيه المناسب لها)

المهم انا جبت لكم شوية تمارين للفترة الاولى من الحمل:

مجموعة التمرينات للمرحلة الأولى من الحمل : الأشهر الثلاثة الأولى :

وطبعا ده تانى حمل لى بإذن الله

علشان كده مريت بشوية مشكلات هأحاول أتكلم

معاكم إن شاء الله عنها وإيه العلاج اللى ممكن

تقلل من آثارها

أول مشكلة تشقق البطن

المرحلة دى تقريبا هتبدأ من الشهر الرابع تقريبا

دى بالنسبة لى أكبر مشكلة مريت بها لانها

شوهت شكل بطنى جدا:(

أول ما ظهرت ما كنتش عارفة هى إيه

بتظهر فى الأول خط أحمر صغير بالطول

ومع مرور الوقت بتظهر خطوط كثيرة وتبدأ تزيد فى

الطول وكل ما تكبر البطن يفتح اللون لحد ما يقرب

للون الشفاف


طبعا ما بتظهرش درجة سوءها إلا بعد الولادة لان

البطن كانت مشدودة من الحمل لكن لما فضيت

بقى شكلها زى البالونة اللى إتفخت قوى وبعدين

فضتيها من الهواء بقى شكلها مترهل وفيها خطوط

مش حلوة

طبعا بيقولوا إن سبب المشكلة دى إن جلد البطن

غالبا بيكون غير معرض للترطيب

فلما يتعرض للشد من قبل الضغط عليه وهو ليست

عنده المرونة للمط بدون آثار عليه فتحدث

التشققات

لذا أفضل خطوة لنتفادى جميعا هذه المشكلة

أن نعتنى من الآن بترطيب جلد جسمنا كله

حتى نتفادى التشققات فى شكل الجلد

وبيقولوا إن افضل مرطب اللى بيحتوى على زبدة

الكاكاو فيه

طبعا احنا عارفين إن بالمرز عامل منتجات للموضوع ده

بس مش لاوم يعنى تشترى المجموعة دى

المهم الترطيب بأى منتج مش هتفرق

وطبعا الترطيب للثديين برضه ممتاز

لأن مع التقدم فى الحمل الثديين هيكبروا ولو

برضه جلدهم مش مترطب كويس هيتعرضوا للترهل

والتشقق

المشكلة التانية

الكلف

الكلف ده بيبقى إسمرار فى لون الجلد فى اماكن معينة عند الحامل

وبيتختلف المكان من حامل لحامل

يعنى واحدة يظهر على خدييها

واخرى على رقبتها

واخرى على بطنها واخرى على ظهرها

وده برضه مشكلة لان فيه منه اللى مش بيروح مع

إنتهاء الحمل

وطبعا بيسبب تشوه فى لون الجسم او الوجه

الحل اللى جربته ولقيته ممتاز لعلاجه بإذن الله

صابونة البابايا

أيوا بس إتأكدوا من نوعها

انا جربت نوعين

الاولى ليكاس ودى صورتها بأستخدمها لبشرتى

والثانية هى صابونة البابايا اللى تحسى

إن لونها برتقالى شفاف وفيها قطع مكعب

بداخلها انا مش فاكرة إسمها

المهم الأولى روعة فى تصفية الوجه من أى

مشاكل فيه

بس احب أنبه أنا بشرتى دهنية مختلطة

فما إحتجتش أرطب وجهى بعد الغسل بالصابونة

لان الصابونة البنات قالوا عنها إنها بتجفف البشرة

وفى بنات إتحسسوا من صابونة البابايا

فاللى تنوى تجربتها تجربها الاول على جزء صغير

من بشرتها فإن تحسست منها بالحك أو الإحمرار أو

الحرقان تبطلها فورا

الصابونة التانية عملت منها خلطة تحفة للجسم

أنا إستخدمت صابونتين مع نصف عبوة إسكينول

ليمون وزجاجة ماء ورد صغيرة تقريبا 200 مل

وقطعت الصابونة لمكعبات صغيرة ووضعتها مع

الإسكينول وماء الورد فى برطمان زجاجى وتركتهم


أربع وعشرين ساعة المفروض إنها تدوب مادابش

الصابون رحت بالخلاط خلطاهم كانوا فى الاول

سائلين جدا لما تركتها جمدت فما تقلقوش

المهم إنك لما تيجى تستحمى تدهنيها على

جسمك المبلول كويس

وبليفة خشنة شوية (مغربية بقى ولا بتاعة ذى

بودى شوب ولا الليفة المصرية المهم تكون خشنة

شوية علشان تفركى بها جلدك بالراحة )

وتغسلى جسمك كويس بعدها وترطبى جسمك

كله بعدها

انا إستخدمتها برضه على المنطقة الحساسة وما

عملتش مشاكل عندى

بس طبعا علشان إحنا حوامل إستخدميها على

منطقة العانة فقط يعنى إبعدى عن

المنطقة الداخلية

ماشاء الله هتشوفوا النتيجة بدأت تظهر إن شاء الله

من تانى مرة ومع الإستخدام إن شاء الله الكلف

مش هيظهر وحتى لو عندك عدم توحد فى اللون

إن شاء الله هيتوحد لون جلدك

دى تجاربى فى المشكلتين دول

ولو إفتكرت حاجة تانية مش هأبخل عليكم باللى

عندى عنها

أختكن فى الله أم سلمى

الله يعوضك اختي الغاليه
وعسى ان تكرهو شيئا وهو خير لكم
سبحان الله ربك كريم وراح يعوضك بالي احسن منه
عسى الله يفرج همك

تسلمى يا أختى القمرة

وبالنسبة لزبدة الكاكاو أو كريم الترطيب لا من الحين

إستخدميها لأنها مش هتضرك ابدا

بالعكس تعطى بشرتك فرصة تستعد فيها للضغط

اللى هيقع عليها

وبالنسبة للزيادة أثناء الحمل

فى اجسام لا تزيد مع الحمل بل أحذرك أن هناك

من تزيد ضعفا مع الحمل والولادة والرضاعة

أنصحك بأن تحسبى السعرات الحرارية التى

يحتاجها جسمك فى اليوم العادى

وفى عملية حسابية سهلة لحساب السعرات الحرارية

الوزن بالكجم×السعرات الحرارية التى يحرقها كل كجم×عدد ساعات اليوم


يقولون ان الإنسان الخامل يحرق 1,3 سعر حرارى لكل كجم من وزنه فى كل ساعة

أما الإنسان متوسط النشاط يحرق 1,4 سعر

والإنسان الذى يبذل مجهود كبير يحرق 1,5 سعر

يعنى لو وزنك 58ونشاطك خامل

يبقى نحسبها هكذا :

58×1,3×24=1809,6

يبقى الناتج ده السعرات اللى بيحتاجها جسمك

علشان يحافظ على وزنه الحالى بدون زيادة أو

نقصان

فأنتى إبدأى حساب السعرات فى وجباتك وشوفى

هل بتوصل للنسبة دى ولا أقل

لو أقل يبقى لازم تزوديها

وفى أغذية سعرات الحرارية عالية جدا وهىأغذية

طبيعية برضه

الموضوع محتاج منك شوية تنظيم ومتابعة لما تأكلين

تعرفى أنا عاملة عندى كشكول

باكتب فيه السعرات اللى فى مكونات كل وجبة

وأجمع سعرات اليوم كله وفى آخر الأسبوع أعمل

رسم بيانى لمحصلة الأسبوع كله

لأنى سمينة

وكنت بدأت أضبط وزنى قبل الحمل

وإن شاء الله أتابع فى الحمل

لانى اصلا مش باتابع رجيم

لكن بأنظم فقط السعرات اللى داخلة أكلى

وهازود النسبة اللى كنت ماشية فى حدودها

علشان هأزود حصة الحليب فيها إن شاء الله

أختى ام الغلا وبس

بالنسبة للقطط

نسخت لك هذه الأجوبة عن أسئلة تخص القطط

والحامل:



" القطط تؤذي المراة الحامل "







القطط .. من اهم الحيوانات الأليفة واكثرها تربية في البيوت كونها جميلة ونظيفة، وهي حيوانات ذكية بطبيعتها تعتمد على نفسها وهي مغرمة باللعب والتسلية وتتميز بالألفة والإخلاص لبعض الناس. تعيش معظم القطط فترة تتراوح بين 13 و 15 سنة وقد تصل اعمار بعض القطط الى 18 او 19 سنة، ومع ذلك كله فقد يشكك البعض كونها غير صحية ومن الخطر تربيتها في البيوت اذ تسبب العقم والاجهاض للمرأة، ماذا يقول الطب في هذا الموضوع هذا ما سنعرفه بحوارنا مع استشاري امراض النساء والولادة الدكتور حسام كمال..


• ما تأثير تربية الحيوانات الأليفة على صحة المرأة؟


- لا أرى تأثيرا سلبيا على المرأة مادامت القطة تعيش في ظروف بيئية سليمة وصحية، وما أراه غير صحي ويمكن أن يؤثر على صحتها هو احتكاك المرأة الزائد بالقطط مثلا أن تنام معها في سرير واحد أو تقبلها وغيره لذا فإني انصح مريضاتي دائما بتخصيص مكان للقطة تنام فيه، فالاختلاط بهم يجب أن يكون تحت مظلة صحية سليمة.


• يقال عن القطط إنها تسبب أمراضا عديدة، ما صحة هذه المعلومة؟


- الخطر من القطط يهدد المرأة الحامل وليس الفتاة، وبالنسبة لباقي الحيوانات من الممكن أن تكون أضرارها موزعة على أنحاء متفرقة من الجسم، ولكن القطط تؤثر مباشرة على المرأة الحامل وتهدد استمرارية حملها، فمن الممكن أن تواجه المرأة العديد من الأخطار وأهمها الإجهاض المبكر وأمراض الحمية وهو أن يخرج الطفل ولديه مشكلات صحية إذا لم يصاب بالوفاة مبكرا، فاحتمالية وفاة الجنين داخل الرحم واردة في هذه الحالة، وهذا كله ناتج عن طريق انتقال عدوى من القطة إلى المرأة وهذا ما يسببه ميكروب يسمى «التكسوبلازما» وهو طفيل له دورة حياة معينة والانسان بهذه الحالة يعتبر وسيطا ناقلا لهذه الدورة.


• ما هو داء القطط؟


- هو تطفل التكسوبلازما على جسم المرأة وهو ناتج عن طريق تربية القطط في المنزل، لان القطة مهما اعطيت من اهتمام ورعاية وتطعيمات فإن احتمالية وجود التكسوبلازما واردة حتى ولو كانت بأفضل حالاتها بالنظافة، لذلك فإني أحرص على عدم مخالطة المرأة الحامل للقطة حتى تعرف إذا كان لديها مناعة ضد هذا الطفيل أم لا.


• كيف ينتقل هذا الطفيل من القطة إلى المرأة؟


- ينتقل الطفيل عن طريق الأكل لأنه طفيل دقيق جدا، وقد يكون موجودا في خروج القطة عالقا فيه لذا من الممكن أن يكون عالقا برجليها أو يديها فلكونها حيوان لا تعنى بنظافتها وتغسل يديها ورجليها بالديتول، فهذا عمل المربية، ومن الممكن أن يكون عالقا بشعرها، فتأتي المرأة بهذه الحالة وتداعب القطة وتجلس على فراشها وبذلك تكون معرضة للإصابة أو انتقال الطفيل لها، واذا كانت المرأة تحمل جنينا فإن انتقال الطفيل من القطة إليها سيكون عن طريق المشيمة التي ستظهر بالجنين بالنهاية.


• كيف تقي المرأة نفسها وتزيد من مناعتها ؟


- ان اصابة المرأة بهذا الطفيل يعطي لها مناعة لان الجسم في هذه الحالة يفرز أجساما مضادة تعطي مناعة، لذا فقد لا تكون هناك أي مشكلة، فيما بعد، لكن في حالة عدم وجود مناعة وتعرّضت المرأة الحامل لهذا الطفيل لأول مرة فقد يسبب لها مشكلات عديدة ومنها الإجهاض، فإذا تعرضت المرأة لهذا الطفيل في المرحلة الأولى من الحمل سبب لها اجهاضا مبكرا، واذا كان في المرحلة الثانية فقد يصيب الطفل بتشوهات قد تصيب العين أو الكبد وتسمى في هذه الحالة «عدوى جنينية»، لكن في حال إصابة المرأة سابقا بهذا الطفيل وتعرضت له مرة اخرى في اي مرحلة من مراحل الحمل فلن يحدث هناك اي مضاعفات لها او للجنين بسبب وجود الاجسام المضادة، لذا فمن المهم ان تعرف المرأة اذا كان لديها مناعة ضد هذا الطفيل أم لا، عن طريق فحص الدم والتبين إذ كان الجسم يحوي اجساما مضادة للتكسوبلازما أم لا، فوجود الاجسام المضادة في جسم المرأة ناتج إما عن اصابتها سابقا بالطفيل أو عن طريق التطعيم، والمشكلة تكمن في عدم وجود تطعيم خاص ضد هذا الطفيل.




أتمنى أن يكون الأمر قد وضح امامك

أختكن فى الله أم سلمى