بنتي تيتمت بسبب ابوها...

السلام عليكم ورحمه الله وبركاته......
رجاءا اقروأ موضوعي بالكامل


ماابي ادخل بالتفاصيل المؤلمه والظلم اللي تعرضتله انا وبنتي

كل اللي اقدر اقوله حسبي الله في كل محامي وقاضي ظلمني وحسبي الله في طليقي واهله
وكل راشي ومرتشي بالنار والله مايظلم عباده ومااسأله سوى الصبر





مااشوف بنتي الا مرتين بالشهر يعني اي ام تقرأ المشكله مااظن قلبها مابيألمها

عموما..
اهم ماعندي بنتي نفسيا كيف بتكبر عمرها سنتين و10 شهور
ابوها قطها عند امه وعمرها في ال60 والله يشهد اني ماابالغ ومايشوفها الا الاربعاء والخميس والجمعه عنادا لي ليش تزوجت والنتيجه بنتي تتحملها

والله خايفه تكبر فاقده حنان خاصه انها ماتشوفني الا ل10 ساعات باليوم ومرتين بالشهر ولمن تجي عندي مااسمعها غير كلمه حبيبتي حياتي ياقلبي واحبك والله تقولي ماما انتي عمري انا اريد انام عندك اريدك تمشطين لي شعري ابيك انتي تسبحيني ماابي اروح عند بابا انا انهار لاني مااقدر اسوي شي هذا حكم الظالمين الله كاتبلي هالاختبار بس ايضا يختبر امانه الحامين والقضاء اللي رشاهم طليقي بتقولون اتهمه زور مااتهمه لان بنفسي جاني شخص قالي تبيت بنتك عطيني فلوس وبردها لك كذا تمشي الامور ف المحكمه بس والله اتحمل بعدها ولا اكفر وارتكب ماحرمه الله ويمكن كان الله يختبر قوه ايماني .
والله الغرب مايحكمون هالحكم للام واحنا دوله خليجيه مسلمه وحكمولي هالحكم اللي مافيه الا ظلم وضرر لبنتي


لما كانت عندي كنت اقرالها قصص هي تختارها وكنت اغسل اسنانها مرتين باليوم وفهمتها الحلويات مب زينه ممنوع ناكلها الا مره باليوم يعني حاولت اربيها احسن تربيه هذي ضناي اغلى من روحي والله

الحين هذا كله تغير اسنانها صفرت وريحه فمها مو حلوه اسألها ياماما حد يغسلك اسنانك قالت لا تصدقون ماالهم بارض صياحها بليل يعطونها مرضعه وهي عمرها 2و10شهور

اشلون اقدر اعوضها هالنقص اشلون افهمها اني اموت فيها وابيها عندي بس و بايدي همي الوحيد نفسيه بنتي