هالمره مقهوره من حاجه غير :(

السلام عليكم ورحمة الله وبركاته

اتمنى ان اكون جريئه ولكن للأسف دائما اخجل واستحي ان اواجه الناس بأخطائهم حتى في حقي دائما احاول اني اتحامل على نفسي واكتم غيضي واسكت لاني لو تكلمت اعرف الرد كيف بكون وراح ساعتها افقد كل الناس لاني لوغضبت راح اقول كلام ماراح يرضي اللي قدامي وساعتها ماراح يهمني احد لاني اعرف نفسي لو تكلمت ماراح اسكت الا وانا مطلعه كل اللي بقلبي وماراح يهمني احد حتى لوافقد اقرب الناس لي عشان كذا انا دائما اكتم إساءة اي احد لي حتى لو هو قريب اكتمها بقلبي واضغط على نفسي واتحمل مع انهم يكونون حاسين فيني كيف كلامهم جرحني وأثر فيني مع كذا يتمادون ... بس ما اقول الا حسبي الله ونعم الوكيل .. والله يعين يارب :(

السلام عليكم
تحياتي الحارة إلك أخت مقهورة
أنا قرأت كتير من مواضيع القهر الي كتبتيها
نفسي من زمان أحكيلك هالكلمة:
الواحد مرات برتاح أكتر لما يضله ساكت لأنك إنتي (أصدي حضرتك) بتعملي من الحبة قبة والبنات ما شاء الله عمرهم ما قصروا معك. بس كله رح يروح هباء منثور لأنك إنتي ما عمالك بتحاولي. يعني ببساطة عمالك بتدوري بنفس المحل أو زي ما بحكوا مكانك سر.
يا أختي الحق بين والباطل بين, وبحالتك صار بين جداً جداً أد ما رد عليكي بنات.
أنا ما بحب أكون قاسية بس كمان ما بدي إياكي تكوني هالقد ضعيفة, يعني نتفة كلمة انحكتلك بتزعلي عليها أبصر أديش وهي ما محرزة حتى تحطيها بزاكرتك.
دوري على شغل اسمع مني, لا تضوعي وقتك.
الله معاكي ويوفقك
سلامي لك من فلسطــين

الله يعينج انا عندي بنتين من ها النوع واحدة كانت تقولي متى بتحملين وبتيبين اخو او اخت حق بناتك(تؤام) وانا كنت هذيك الفتره والده من سنه ويمكن اقل وكانت قيصريه كل ما تتصل تسئلنى نفس السؤال اما الثانيه فاكانت شايفه حالها علي سويت واشتريت وراحت المكان الفلانى اخر شى قمت كل ما اشوف ارقامهم على الكاشف ما ارد عليهم واخيرا فهموا وارتحت من هذا الهم

السلام عليكم ورحمة الله وبركاته

جزاكم الله خير على ردودكم وتحملكم لمشاكلي .. وإن شاء الله ينصلح الحال ..:)

كاتب الرسالة الأصلية : أبي أعرس
مقهورة حبيبتي ..

يمكن لأنج انتي حساسة أصلا .. تحسين انهم يجرحونك وهم موقصدهم يجرحونك أصلاً ... ويمكن لأتج حساسة لموضوع الزواج .. تفتكرين إن قصدهم الإغاظة .. أنا في رايي انهم لو ما كنتي تهمينهم ما كانوا دوروا عليج ولا كانوا حريصين على انهم يوصلون لرقم تليفونك ..

يمكن يكونون صديقات وفيات بس انتي اللي حطيتي حاجز بينك وبينهم بسبب زواجهم .. والشيطان ترا شاطر في هالأمور .. ويقدر يوهمك بأشياء غير صحيحة حتى يبعدك عنهم .. فانتبهي لها الشي .. وبعدين كوني حريصة إنه أي شيء يضايقك من صديقاتك .. خبريهم فيه .. وكوني صريحة معهم ..

الله يوفقك .. ويزيح ما فيكي من هم وحزن ..

اولا اشكر الاخت ..........ابي اعرس ..........


سبحان الله نفس الكلام اللي جاء في خاطر عبرت عنه ((ابي اعرس ))

وبعدين ياخت مقهوره :انا دايم احب ان اقرأ مواضيعك لان الجميع يتفاعل معها :up:

ونصايحهم جدا رائعة بس الاحظ فيك بدون زعل انك ما تغير في شخصيتك شيء كثير قالوا لك وقوى شخصيتك ....وقفيهم عند حدهم يعني مقهور قبل شهرين احس هي نفسها مقهور الان
لازم تكون لك خطوات جادة في حياتك وبعدين في زماننا البنات افضل بكثير من المتزوجات ....ومن اللي حصر السعادة في الزواج...وانت شايفة كثير متزوجين مو سعيدين ...وترى مسؤلية الزوج عظيمة وامرها جدا مهم في الاسلام والواحدة تخاف انها ما تقدر على هذي المسؤلية اقرئ اي كتاب عن هذا الموضوع والله تبطلين على طول :D2......

حبيبتي مقهور غيري اسمك وتفألي فأنت لستي مقهور بل محبوبة ..ومن الجميع ايضا ....:up:


................الام المربية ...............

حبيبتي المقهورة .وانشاء عمرك متنقهرين لا تحطي فبالك مدام هم حطينك فراسهم يعني انت احسن منهم ولا يهمك كنهم .وان شاء الله يرزقك بالزوج الصالح والذرية الحسنة انت وجميع بنات المسلمين يارب,امين

السلام عليكم ورحمة الله وبركاته


الله يجزاكم خير يابنات ويارب ان شاء الله يسهل اموري قريباً ان شاء الله ... ادعولي يابنات ان الله يسهلي امر الوظيفه حقتي اللي الى الان ونا انتظرها والان تقريباً فيه أمل بس الله اعلم هل بيتم الامر ان شاء الله وبتوفيق من رب العالمين ولا لأ يارب الله يسهل اموري ادعولي الله يخليكم ... والله يوفق الجميع يارب