يارب تسعد الى ترد عليا وتساعدنى فى حل مشكلتى مع اكتر واحد تعبنى فى الدنيا

ارجو من الله ان يصبرنى على العيش مع مثل هذا الرجل :mad: :mad: :mad:
احبتى انا زوجه وعندى 3 اطفال صغيرين ومليش غير الله اشتكى له علشان مليش حد خالص ممكن اشتكيلوا ويجبلى حقى منه ولا اهلى ولا اهله ممكن يقدروا عليه او حتى يكلموه ولو دخلت حد هيعاند اكتر معايا ومش هيعمل الا الى فى باله وده انا جربته كتير
هو من الأول كل ميخاصمنى كنت انا بروح وصالحه بس احيانا كنت اتقل بس مفيش فايده برضه كنت من الأخر برضه بروح وصالحه مش علشان حاجه علشان براعى ربنا وبحاول اقنع نفسى انى ممكن اكون غلط وميصحش اعمل كده مع جوزى
بس المرادى هو جرحنى قوى قدام ولادى ومعنديش اى تقبل ان ممكن اتهان تانى قدمهم
وهو دلوقتى مخاصمنى من شهرين مبيكلمنيش ولا اى حاجه حتى مش بيرضى ياكل فى البيت ولا اعمله اى حاجه
مع ان السبب الخناقه تافه قوى وانا مش غلطانه خالص
بس المده طالت ومش عارفه اعمل ايه انا مش معانده والله بس كرامتى مينفعش بعد مقالى ان( مليش لازمه خالص فى حياته وانى ولا حاجه عنده وانه بيلعن اليوم الى شافنى فيه ) وبعد شهرين يتجنب رايتى لما ييجى من الشغل يدخل الأوضه ويقفل عليه لغايه مينزل تانى علشان ميشفنيش وأنا كمان اروح و اصالحه
على فكرة انا قلت لماما وهى كلمته وفهمته انها حاسه ان فى بنا خصام وممكن تدخل وتصالحنا وفوجئت انه مش عايز يدخلها وقلها انه ( شبهنى ببنته الصغيره وعايز يربينى ) شفتى منطقه ايه بيربينى والله مش عارفه مين الى عايز يتربى
للأسف هو من طبعه لما بيخاصم حد ممكن يعد بالسنين ميكلمهوش بس مكنتش عارفه ان معايه انا كمان كده على فكره ده طبعه من زمان كان لما يخاصم اخواته ميعرفهمش ولا حتى بباه ولا مامته يدخلوا يصلحوهم ولا حاجه يسبوهم كده لغايه ماربنا يصلحهم من عنده بعد شهر بعد سنه زى مظروف تقول سامحهم الله على كده
المهم انا بعد المده دى كلها عايزه اصالحه بس الأمور تمشى ونتكلم علشان المركب يمشى بنا فى الحياه علشان الأولاد علشان هحكيلكم الموقف ده وانتم تحكموا
عرفين مره بقول لأبنى وبهدده وبقولو انا هقول لبابا عرفين قالى ايه قلى بابا مش بيعبرك هتقوليلو ازاى وهو مش عايز يكلمك
شفته العيال الصغيرين بيفهموا ازاى انا مش عايزه اهزق نفسى اكتر من كده وانهى المهزله دى وممكن بعد الصلح اقوله كل الى مدايقنى
بس كرامتى مش قابله ادخله واكلموا انا الأول
فكرت اعمل نفسى تعبانه واشوف هيعمل ايه معايا ممكن يكلمنى ولا ايه بس ازاى وأنا ممكن يبان عليا
يترى الى هعمله ده صح ولا غلط مش عارفه
يارب الى عندها فكره جديده ممكن اعملها بس تحفظ كرامتى خاصه بعد المده دى يارب الاقى الرد عندكم
وربنا معانا كلنا ويرحمنا برحمه من عنده ويقوينا عليهم يارب
:'(:'(:'(:'(:'(