ماهو الشامبو المفضل لديك

هلا فيج حبيبتي و بمشاركتج معانا

انا بالنسبه لي استخدم حاليا شامبو في او فايف الاخضر

و شعري نوعه خفيييييييف و جاف من الاطراف و يدهن من فوق

مشكله ههههههههه

بس ابي اغيير هالشامبو لني وايد استخدمته يعني اكثر من شهر و يقولون مو زين نعود الشعر على نوع واحد من الشامبو

انا احب اشتري الشامبوهات من الصيدليه على فكره علشان اضمن انها اصليه

و لما اشتري شامبو نوع ثاني راح اكتب اسمه بعد ولا يهمكم







تشاااو

افضل شامبو عندي

1- ميتال : الصراحة رهيب و يخلي الشعر حرير
2- هيربال ايسنسز : يقضي على التقصفات اللي بالشعر و يخليه حرير

3- شامبو سلفيكرين بالبيض : الصراحة جربته مؤخرا و شفت انه يناسب شعري وايد

:smile: مرحبا موضوع وايد حلو بالنسبة للشامبوهات لازم تكوون خالية من البلسم لأن البلسم يضر الشعر ويسببه له تساقط ، والشامبو الي ينعم الشعر بعد الأستخدام هذا عادة يضر الشعر لأن يكون بسبب البلسم الي فيه مو بسبب الشامبو نفسه، اما افضل شامبو فأنا حاولت اسأل وعرفت من خبيرة شعر أن افضل شامبو على الطلاق هو شامبو الأحمر القديم لأنه يكون خالي من الكماويات وخفيف على الشعر ومافيه مضر لو استخدمتيه كل يوم. وآنا حاليا غيرت الشامبو من شامبو سلفكرين بالصبار إلى الشامبو الأحمر , وبالعكس واايد حلوو هو صح مال عجايز لأن جداتنا بالأصل كانوا يستخدمونها بس صدقوني ورب الكعبة مافي منه وايد حلو وخيف على الشعر.:up:

انا أستخدم شامبو بانتين ونوع شعري عادي بس المشكله انه يدهن من فوق ومع الاطراف جاف

موضوووع يجنن

وانا جربت شكثر شااامبوات ... فيه شااامبو طبي استعملته وكااان زين واسمه kaminomoto وقيمته 4 دنااانير ... وقف تساااقط شعري


وجربت شااامبو ستراس بعد كااان زين .. وشااامبوات شكثر

بس حبيييت اسال الاخت اوبرا

وين احصل شامبو ميتال ؟؟

انا استعمل دوف
لأنو يرطب الشعر وينعمه..ويخليه حيوي..
بس لازم تتداومون عليه

مرحبا استخدمت شامبو هيمالايا و الحين انا قرعا :(

انا عني احب صانسلك الحنا
وكنت اول استخدم هيربل بس ساقط شعري ومناسب
وشعري عادي موجاف ولا دهني بس بلسم هيبربل ناسب شعري اما الشامبو لا وانا مرتاحة معا صانسلك

انا استخدم elvive من loreal الصراحة الشامبو الوحيد الي ينفعني لو استخدمت غيره شعري يوقف.... استخدم الاحمر للشعر المصبوغ وريحته حلوةة ..ز بغيت اسال وين احصل الشامبو الاحمر ؟؟؟؟

وانا استخدم هيربال اسنسيس يخلي الشعر ريحته تجنن .... وبعد استعملت دوف وهو يناسب الشعر الجاف

انا استخدم بانتين لشعر نظيف وانيق

عشان يشيل اثر الخلطات من شعري

واستخدم بعد صانسيلك الاخضر اللي بالفواكه

هذا حلو ع الشعر

بس بانتين احلا

وطبعا اثنينهم بدون بلسم لان البلسم يضر

عشان جذي شعري منكوش :(

نسيت اقول لكم
استخدمت شامبو البابونج من لاش

يفتح الشعر لونه يصير رهيب

واستخدمت الشامبو اللي اسمه دكتور بيبرمنت من عندهم بعد

الشامبوهات حلوه

بس مافيها ريحه قويه

عشان تنهي اثر الخلطات

فأنا ما استمر عليها

استخدمت صانسيلك بالبيض

ولحين استخدم هيربل اسنسيس

بس احس ان صانسيلك احسن من هيربل لانةينشف شعري

مرحبا

انا عني استخدم شامبو سيباميد للاطفال ... خفيف على الشعر بس الاحين اعاني من القشر ... و ما احب استخدم الشامبوهات الى ضد القشره لانها تنشف الشعر وايد وانا اصلا شعري شديد الجفاف ....

انا حاليا استخدم شامبو سيباميد لتعديل افرازات فروة الراس

واقول للاخت زهرة الليلك لا تستعملى سيباميد الاطفال لان افرازات فروة الراس للشخص الكبير غير عن الصغير
واذا بغيتى استعمال شامبو اخف استعملى سيباميد الاستعمال اليومى

أنا أستخدم شامبو السدر الإيراني ، اسمه ( صحت )
عرفته من مدح بنات المنتدى
وشعري عادي

أنا بعد أستخدم إلفيف .. من لوريال .. ابصراحة روعة ... الأحمر زين .. والأصفر بعد زين للتشابك .. وأستخدم الماسك معاهم ايضاً من نفس الماركة لشعري ...:up:

اممممممممممممممممم

انا احب استخدم شامبو اسمه ايس بلو او بلو ايس
من بودي شوب
للشعر الدهني
اول ماتحطينه تحسين انك بطيرين .. تحسين ببروده على فروه الراس وبعدين راحه
هذا اكثر شيء يحتاجه الشعر الدهني
مرره يعجبني
بس احب ريحه بيبي جونسون الي لونه احمر ..
ويقولوون والعلم عند الله بيبي جونسون يلمع الشعر .. بس مدري

وفييه شامو كنت استخدمه وانا صغيره لونه اخضر غامق لون العلبه حقته شفاف ومرسوم عليه صوره حرمه شعرها عليه ورد واعشاب مررررررررررررررررررررره خطيير هالشامو نفسي القاه ولا اعرف اسمه

وريحه البلسم حق ويلازيد الاخضر مررررررره حلوه بس يسبب تساقط الشعر بشكل فضيييع .. بس ريحته تجلس مده طووووووووويله على الشعر

تحياتي
لك روحي

آنه أستخدم شامبو Wellapoon من Wella فيه أنواع على أعشاب وبرتقال وبعد أنواع كثيرة بس آنه آفضل على البرتقال للشعر الدهني وخصوصاً أنه مايحتوى على المادة المضرة بالشعر والتى تستخدم في الكراجات والقار التى قالوا عنها متواجدة وبالأخص في شامبو Herbal Esensses .