أحب زوجي لكن ما أقدر أعيش وياه..!!!

مرحبا اختي بصرااااحه انتي الغلطانه كان من البدايه ماوافقتي عليه ولما صار عندك طفل بديتي تطلبين الطلاق ايش الفايده بدل ماتحلين الامور صعبتيها اكثر واول شي راح تسوينه هو انك بتجنين ع الصغير اللي ماله ذنب يعيش بين ابوين بعيدين عن بعض حاولو تبحثون عن حل ومن ابسط الحلول انه يشوف لكم دخل اخر مع دخله اللي الحين وياه وأما الدراسه فما اتوقع من واحد ماعنده حمااس انه يكمل دراسته انه بتوفق خلاص الدراسه لها مده ويقل حماسها لكن نصيحتي لكي لاتبنين سعادتك ع ان طفلك يصير تعيس
اكيد فاهمه قصدي زين
تحياتي

مد رجولك ع قد لحافك

وقولي الحمدلله لو انسان مايحبك ومايصرف عليك شنو بتسووين
؟؟؟؟

اختي احمدي ربك علي النعمه

مدري بصراحه هذي غلطتك ولازم تتحملي وخاصه ان عندك ولد شلون بتتطلقي؟؟

خلاص اتحملي وأصبري مالك الا هذا الحل للأسف >.<

حبيبتي احين تفكرين بالطلاق بعد ماصار بينكم الولد صعبه وااايد حرام يضيع من بينكم و اذا زوجج يعاملج معامله زينه و يحبج بس مو مكمل دراسته فهو اختيارج و كان المفروض في فترة الخطوبه تلزمينه يكمل دراسته و بعدين يفكر في الزواج حتى لو كان في بداية مشواره الجامعي بس الحين صار الي صار و ماينفع اللوم

بس ابي اقول لج شغله حسيتها من كلامج ان انتي نفسيا مو مرتاحه مو بس معيشيا امممم انه تقدم لي واحد مو مكمل اعدادي تخيلي و عمره 24 بس معاشه زوين 500 دينار على ان معاشه زوين بس الصراحه ما يعيش هاي الايام بس رفضته لان احس ان من بينا وااااايد فرق بالمستوى و بعدين انه ودي افتخر بزوجي و ودي يكون حتى احسن مني و اهم شي عندي الطموح فما همني المعاش كثر ماهمني راحة بالي و نفسيتي

الزبده من كلامي يمكن انتي حاسه بهاي الشي فمن جذي تفكرين بالطلاق لان لو كانت مسألة مادية جان فكرتي تشتغلين و تعاونينه مافيها شي ابد ، يا حبيبتي الطلاق مو حل ابد و خصوصا ان عندكم بيبي و الريال شاريج و يحبج و اذا مريحج لا تبيعينه اهو صح انه جذب عليكم و استغلكم لكن الحين صار الي صار ليش ماتقعدين معاه و تقولين له اني ابي افتخر فيك و باجر عيالك يفتخرون فيك و من هاي الحجي الزين و ان شاءالله ياربي الله يهديه و يصلح باله و يقرر يكمل دراسته


بالتوفيق قلبي بس عليج بالدعاء ان الله يهديه و يوفقه معاج

اختى الله يهديج ترى الدراسة مو كل شي والوضع المادي مو كل شي
اهم شي ان الريال يحبج ويحترمش ويوفر لج كل اللي تطلبينه والشهادة صدقينى مو كل شي ياما ناس اخذو متعلمين وعندهم شهادات ومتحسفين لان الشهادة مو اهي اللي تصنع الريال , وانا معاج ان انتي ودج وخاطرج بانسان مكمل تعليمه بس اذا هالشي مايجي منه ومن نفسه ، ورغبته في الدراسة اهي اللي تحركه صعب انتي تجبرينه ..

وبعدين نصيحتى لج لاتطلبين منه يكمل دراسته لان هذا كان شرط مكتوب في عقد الزواج ، اطلبي منه يكمل دراسته عشان اهو وعشان تتحسن ظروف معيشتكم ، عشان الريال مايعاند وتصيده ردة فعل عكسية ...

وارجع واقولج الشهادة مو كل شي ولا اهي دليل على ان الرجال رجال، يا ما دكاترة ومهندسين وعندهم مناصب بس مايعرفون يتعاملون مع زوجاتهم ....


الحمد الله ربي العالمين واتمنى تتقبلين مروري والله يوفقج

حكايا الورد;14795425:
اختى الله يهديج ترى الدراسة مو كل شي والوضع المادي مو كل شي
اهم شي ان الريال يحبج ويحترمش ويوفر لج كل اللي تطلبينه والشهادة صدقينى مو كل شي ياما ناس اخذو متعلمين وعندهم شهادات ومتحسفين لان الشهادة مو اهي اللي تصنع الريال , وانا معاج ان انتي ودج وخاطرج بانسان مكمل تعليمه بس اذا هالشي مايجي منه ومن نفسه ، ورغبته في الدراسة اهي اللي تحركه صعب انتي تجبرينه ..

وبعدين نصيحتى لج لاتطلبين منه يكمل دراسته لان هذا كان شرط مكتوب في عقد الزواج ، اطلبي منه يكمل دراسته عشان اهو وعشان تتحسن ظروف معيشتكم ، عشان الريال مايعاند وتصيده ردة فعل عكسية ...

وارجع واقولج الشهادة مو كل شي ولا اهي دليل على ان الرجال رجال، يا ما دكاترة ومهندسين وعندهم مناصب بس مايعرفون يتعاملون مع زوجاتهم ....


الحمد الله ربي العالمين واتمنى تتقبلين مروري والله يوفقج

:thumbs_up::thumbs_up:انا مع الاخت حكايا الورد:thumbs_up::thumbs_up:

اشكركم بنات على ردودكم

بصراحة زوجي كانت له تصرفات تقهرني وتجرحني وحتى اهله في بعض الأحيان..لكن عقب ما كتبت موضوع والبنات ساعدوني الحمدلله تعدلت تصرفاته

وأرد أقول ما في رجال ما يزل او ما يغلط ويتم يحب زوجته

لكن سالفة الدراسة شي مهم

واحد من أهلي ضمن له الوظيفة وبراتب ممتاز بس شرط عليه الشهادة وبزيدونه بعد ان شاء الله..

وأفكر لبعدين .. يعني وش بكون مستقبل أولادي..الحين لو كفانه باجر ما بكفينه

الحين لو عشنه في شقة صغيرة باجر بنحتاج لبيت..

الله كريم

السلام عليكم ورحمة الله وبركاته

بصراحة يا اختي مو عارفة المشكلة فين .... يعني خلص الثانوية ولا الاعدادية مو معقولة تكون سبب في الطلاق ... لانه الانسان بس يتعدى سن معين ما اعتقد انو راح يبدالك في الدراسة الثانوية وبعدها الجامعة


هو من حبه لك كدب عليكي ولانه يحبك اكيد بحترمك ومعاملته حسنة معك .... يعني انا مو شايفة اي عيب فيه....

وبالنسبة للحالة المادية فالرزق بيد الله مو معقولة تتخلي عن زوجك لان حالته المادية صعبة ...فانت لما وافقتي عليه وافقتي تعيشي

معاه في الاوقات الصعبة والاوقات اليسرى مو تختارين على كيفك الاوضاع اللي تحبي تعيشي فيها مع زوجك ....

وفي نقطة اخرى ... مثل ما فهمت انت الان حاملة ... بصراحة انا انصدمت انك مستعدة تشتتي حياتك الزوجية من اجل اسباب تافه,,,

وراه كل رجل عضيم امراة ,,,,,,,,,


فادا انت كل مرة بتدمريه بانك مو دارسك وما عندك فلوس اش راح تستني يكون في المستقبل غبر زوج تقطعت في السبل .....

انت الان الزوجة والام لازم توقفي معاه عشان يعد الازمة .... والله كبير ويمهل ولا يهمل ,,,,

ولا تقارنيه مع اي رجل اخر ... هدا زوجك و لا تشوفي كثير لازواج اخواتك كيف هم دارسين ومقامات ....

انا قصيت شوية معاكي بس ما حكيت شي غير لمصلحتك ...والله اعلم


تقبلي مروري

تحياتي

رحوووقة;14797194:
اشكركم بنات على ردودكم

بصراحة زوجي كانت له تصرفات تقهرني وتجرحني وحتى اهله في بعض الأحيان..لكن عقب ما كتبت موضوع والبنات ساعدوني الحمدلله تعدلت تصرفاته

وأرد أقول ما في رجال ما يزل او ما يغلط ويتم يحب زوجته

لكن سالفة الدراسة شي مهم

واحد من أهلي ضمن له الوظيفة وبراتب ممتاز بس شرط عليه الشهادة وبزيدونه بعد ان شاء الله..

وأفكر لبعدين .. يعني وش بكون مستقبل أولادي..الحين لو كفانه باجر ما بكفينه

الحين لو عشنه في شقة صغيرة باجر بنحتاج لبيت..

الله كريم

لا تطلعين مبررات

احس عقليتج محدووودهـ جدا

تقولين تفكرين لبعدين وبالمستقبل

وتفكيرج سلبي

ما فكرتي ان مع السنوات اليايهـ اللهـ يفتحها عليكم؟؟

اللهـ يقول "أنا عند ظن عبدي بي إن ظن خيرًا فله وإن ظن شرًا فله".

وانتي هذا ظنج بالله؟؟

وتقولين تفكرين بمستقبل عيالج

يعني الطلاق أهو العيشهـ السنعهـ حقهم؟؟

بعيد عن أبوهم؟؟

وشنو فايدهـ الشهادهـ اذا التفكير جذي

وأكبر دليل ( انتي )

هذا انتي جامعيهـ وشوفي تفكيرج!!

ولا تفكير واحد بالروضهـ

الصراحهـ حسافهـ عليج زوجج

انتي وحدهـ ترفس النعمهـ وتتحجج بأشياء سخيفهـ وسطحيهـ

وماعمرج عرفتي النعمهـ اللي انتي فيها

روحي حبيبتي تطلقي عشان هالسبب الكبيييييير

ودوري واحد جامعي يعيشن مثل الزفت وركضي ورا المظاهر

يمكن حزتها بتحسين وبيكون فات الأوان

انا لو من زوجج جان انا اللي طلقتج ورفضتج ما انطرج انتي ترفضيني

العقل نعمهـ :)


وعلى فكرهـ الزوجهـ السنعهـ توقف مع ريلها بكل الأحوال

وانتي مو كفو



ادري ردي قاسي بس انتي طلبتي النصيحهـ وهذا رايي

row3a;14782836:
يعني المشكله في الدراسه الحين مافكرتي في بيتك وولدك ولين صرتي مطلقه شلون بتحرمين ولدك من ابوه اهم شي الدراسه اذا زوجك ما يخونك ولايشرب ولا راعي حريم هذا ما حطتيه في بالك انا اقولج اتقى الله في الرجال مافي شي يجي بالقوه وليش هذا نصيبج هذا النصيب من قبل لاينولج ابوج وامج مو انتي بس حتى زوجج تقولين صحته تغيرت معليه اصبري عليه وكلميه بدون تعصب اذا ما رضى ترى الشهاده مو كل شي بدنيا

:thumbs_up::thumbs_up::thumbs_up::thumbs_up::thumbs_up:

من صجج ؟

هذي الاسباب اللي تبين تتطلقين عشانها ؟ !

و ليش تطالعين اهلج و البنات و حالتهم المادية ؟!

اساساً غلط انج تطالعين غيرج ..

اقتنعي باللي الله رزقج اياه ..

و قولي الحمدلله .. لئن شكرتم لأزيدنكم

و ترى انتي مب أول وحده تاخذ واحد مستواه المادي و التعليمي أقل منها ..
وايد بنات مثل حالتج اجوفهم راضيين و مرتاحين و مستانسين ..

كل هذا على دراسة !

فكري في الأشياء الحلوة اللي سواها لج و الأشياء اللي قدمها لج اتذكري الايام الحلوة و لا تركزين ع الذكريات الشينة ..

صغري سلبياته في عينج و كبري ايجابياته في عينج ..

وبعدين الشكل اللي هامج ! مو هامج انه يحبج و شاريج !

حرام عليج ضعفتي الريال !

لا تكونين انانية فكري في زوجج وولدج مثل ماتفكرين في سعادتج ..

سـوري بس حسيتج تتدلعين ! سامحيني فكري بجدية أكثر بعدين انتي عندج ولد يعني أم المفروض تفكيرج اكبر من جذي ..

و السمـوحـة ادري قسيت عليج بالكلام بس لمصلحتج والله ..

موفقـة عزيزتي ~

الحب يسوي المعجزات لوكنتي تحبينه ماراح تتمسكين بهالسبب التافه وتترددين
طول الوقت قص علينا وقص علينا
انتي اللي هامك الحالة المادية بصراحة
لوكانت حالته المادية تمام واوكي ماتذمرتي
يامامتزوجين بينهم وبين بعض فرق السماعن الأرض مع كذاعيشين بسعااادة لأنهم راضين ومقتنعين ببعض
انتي لوتحبينه بجدحتى لوسمعتي احدمن اهلك يتكلم فيه ماترضين موانتي تقارنين بينه وبين غيره عشان شهادة
وياليت كل من حمل شهااادة كان قدها والايستاهلها
ومدام انتي جامعية ليييييييش ماتشتغلين وتساعدينه عشان الوضع المادي يكون احسن
سامحيييني اذا خذت راحتي بكلامي معك بس انتي طلبتي المشورة وهذا رأيي
وشكرا

حاولي معاه لاخر مره حطوا النقاط عالحروووووف

قوليله انت وعدتنى ولازم تنفد وعدك

عندي لج حل
دام اهلج حالتهم الماديه اوك
مافيها شي لو خصصولج مبلغ كل شهر اعرف وايد ناس جي ومرتاحين مع ازواجهم
موفقه

على فكرة انتي ما بتحبي جوزك بس بهمك المظاهر الخارجية يعني بس بدك تحكي شوفوني يا ناس.......... جوزك ما دام انه بحبك ليش تضيعيه من بين اديكي وبكرة تتندمي....انا برضه خواتي ازواجهم مكملين جامعة وانا جوزي مو مكمل بس انا حاسة حالي مالكة الدنيا وما فيها لاني بحبه كتير....فكري بكستقبلك واعرفي انه ما في صدر حنون عليكي الا جوزك وبس.....ورجاءا ما تزعلي مني انا بدي مصلحتك

مرحبا اختي
انا قرأت موضوعك وحبيت اشاركي .
انا لما تزوجت زوجي كان يدرس ثانوي ليلي و عمله شفتات يعني كان مره الصباح ومره الظهر و مره الليل و الحمد لله كمل الثانوي و دخل الكلية التقنية ودحين باقيله تقريباً نص سنه والله كان حالنا حال و الحمد لله مايجي قبل نص الشهر إلا والراتب بح مافي شى ابد ولا نص ريال والله العظيم مافي أحد ماتسلفنا منه بالميه و الخمسين و احيانا اكثر من هذا مافي شى في البيت ناكل وكنت لما اروح عند اهلي اكل و اسوي نفسي اني نفس فيه و انا جعانه والله يشهد على كلامي هذا و مع هذا تحسبيني راضية كنت بس ابكي ندمانة اني تزوجت وخرجت من عند اهلي و بعدها جبت ولدي زادت الحاله ضيق وضيق و الحمد لله وكان راتب زوجي اربعة الاآف و نص و اجار بيت ومستشفيات واكل وشرب ولبس نسيت المطاعم و الخرجات مع زوجي الى كانت بس في الأسابيع الأولى من الزواج و حتى اني كنت احس ننقص لما اسمع اخواتي راحوا مع ازواجهم اسواق او مطاعم او خرجات مع بعض كنت اقول في نفسي ليه انا كذا حظي كذا ؟ والله العظيم مرت علينا ايام و ليالي الله العالم كيف مرت و اهلي و اهله عارفين بظروفنا كلها بس كان زوجي طبعا رافض المساعدة من عند اهلي وبعدين رجع وغير رايه من الحال الى مرينا فيها و مع العلم اهلي ميسورين حال و اهله اقل من اهلي بس مع هذ كان المساعدة من اهله يقبلها من دون تردد ؟ و لحد هذا اليوم و انا ندمانه على اني تزوجت مش من هذا الشخص لا بس كله الزواج عموما بس لما اشوف ولدي فيصل اقول هذا أحسن شى في زواجي بس الحمد لله شكلها حياتنا بتتغير عشان زوجي جاه تثبيت في عمله في شركة الكهرباء و لسه الأسبوع الجاي دوامه و انشاءالله ربنا يغيرنا من حال الى حال يارب و مع العلم انا جامعية عندي خبرات و دورات و بلنسبه لحبي لزوجي اتوقع اني اقدر اعيش بدونه بس اهلي ما يعتبرون هذي اسباب كافية وبس الحمد لله هو يموت فيا بس انا مدري احبه او لاااااااا .
اسفه على الإطاله بس لما قرأت موضوعك افتكرت نفسي وحبيت افضفض شويه من الى في داخلي و الحمد لله رب العالمين .
اسفه على الإطاله بس

وانتي ليش تطالعين غيرك ؟؟؟

اهم شي انه يحبك ويعاملك زين

ياما دكاتره وناس متعلمين ويعاملون حريمهم اسو ء معامله .... بعدين انتي عندك منه ولد

انا لو مكانك وقت الدراسه اشجعه بكل الطرق ....

الله يهديه يارب ويفرج همكم