¨°•√التجمع الخامس : للحوامل اللواتي سيلدن بإذن الله بشهر يونيو (6) 2011 ♥√•°¨

نوارة الحياة2;14917668:
صباح النووور والسرورقمر الحمدلله بخير

بس قلة النوووم والثقل هاللي تاعبنا

اي والله
الله يعيننا

انا احيانا اميل ف النومه على بطني
ما اقدر طول الوقت على وضعيه وحده

قلت على الأقل بغسل الي حق المستشفى ... الواحد ما يضمن متى يولد

صباح الخير كروشات

قمر الله يعدي هل الفتره على خير ونشوف البيبيات في حظنا
اانا بعد قعده الكرسي في الشغل ذابحتني، نص شهر 5 انشاالله باخذ اجازة

توما من وين احصل هل الصابون

ابتهال مبروك عليكي التجهيزات وملبوس العافيه
وشنطه المعرض مثل شنطتي للمستشفى

ام فطوم وحشتينا اخبارك واخبارك فطومه واستعدادها للبيبي الجديد

ثلج ونار تقريبا خلصت تجهيزاتي

اخر اخباري
الحمدالله انا تقريبا خلصت تجهيزات البيبي من ثياب وباقي اشياء بسيطة
كتب لي ورقة بالاغراض اللي احتاجها لصيدلية، بشتريهم على بداية التاسع
وباقي اغراض الحواج والادوية الشعبية لي والبيبي
ابغي كبت ادراج بس مو محصلة النوعيه اللي ابغيها، شفتوا الادراج البلاستك انا ابغي من النوع اللي صاير سعف
وغرفة النفاس في بيت ابوي قاعده اجهزها وارتب الاغراض
تقريبا افتكيت من التفرفر في الاسواق

بنت الروضه .. الأدراج الي تقصدينها شفت من قبل في هوم سنتر نفسهم
والصابون حق ثياب البيبي اتلاقينه في سنتر بوينت .. وجيان كأن عندهم بعد

unlimited;14917614:
كروشات اغسل ثياب البيبي من الحين لو توه الناس؟؟

أنا بعد محتارة أغسلهم لحين ولا أصبر لما أدخل التاسع؟؟؟؟^o)

همس الزهور;14917806:
أنا بعد محتارة أغسلهم لحين ولا أصبر لما أدخل التاسع؟؟؟؟^o)

اتوكلي على الله يلا قومي غسلي عشان اتشجعيني :lol:

بتغسلين القماطات والقبعات والجواريب؟؟

انليمتد انا شفتهم في هوم سنتر بس كلش صغار حدهم درجين
ابغي كبير مثل حجم الادراج البلاستك

صباح الورد كروشات شخباركم والثقل شمسوي فيكم:)
انا توني بالشهر الثاني يادوب بس معليش قلت اعطي نفسي حافز قوي واطل علكم
الله يسهل عليكم ويقومكم بالسلامة ويوصلني لمواصيلكم لانه اللوعة ذابحتني حيل

اختي بنت الروضة يبيعيون من هالادراج في القبائل واتوقع فيه في فخر المملكة وفخر البحرين

بنت الروضة;14917901:
انليمتد انا شفتهم في هوم سنتر بس كلش صغار حدهم درجين
ابغي كبير مثل حجم الادراج البلاستك

الأنوار عندهم كبار

بيان الله يثبت لج وتوصلين لتمام الحمل يارب
رحت فخر البحرين مالقيت عندهم

انلميتد بس اكمل شغلي الحين من مجمع ستره بروح اشوف الانوار وانشالله احصل وافتك

اعتقد ثلج ونار قالت راحت مجمع الرملي، شنو المحلات الموجوده هناك
فيه محلات عندهم تخفيضات

تسلمين حبيبتي بنت الروضة عالدعوة الحلوة ولك بالمثل وأكثر>>>> شلون يعني تبيني اعوشر!!!!!
الله يسهل عليج يارب وعلى كل الحوامل
امممم بالنسبة للادراج انا شفت منهم بالقبائل وغريبة فخر البحرين ماعندهم يمكن مخلصين سألتيهم او داخل لستور؟؟
وان شاء الله تلقين اللي تبينه

العهد;14918122:

صباح الخير ...

اشحالكن ياحلوات ..

مب قادره اقرا الواجب ..

من ثلاث ايام ارقادي متقطع وتحت عيوني سواد يخوف..

انا من يومين غسلت الثياب كلهااااااا حتى القبعات والقماطات باقي بس البرنوص الصغير والفوظه ..

وان شاء الله في الويك اند بكويهن.

قلت خل اخلص الحين وازهب الجنطه احسن الواحد مايعرف ظروفه ومتى بيربي ..

الحين بالحين نسوي الشي ..فقلت يالله دام فيني قو خل اخلص شغلي احسن واكون مرتاحه ما احاتي شي ..

طموني عليكم شو اخبار التجهيزات خلصتوا ولا ...؟

هلا صباح النور
شخبارش؟
اي والله احسن الواحد يخلص اموره .. اني اولردي جهزت الأغراض من قبل في الشنطه حق المستشفى عشان لو جاني الطلق وبعدي ما غسلت امي اتعرف شنو ابغي بالضبط واتغسلهم .. بس هذاني اليوم غسلت جزء وبعدين بكويهم .. كل يوم بغسل اشوي ظهري انكسر

unlimited;14917821:
اتوكلي على الله يلا قومي غسلي عشان اتشجعيني :lol:

بتغسلين القماطات والقبعات والجواريب؟؟

خلص يلا نغسل نسوي جماعي:lol:
بغسل كل الملابس مع القماطات والقبعات والجوارب بعد لان هذول يلامسون بشرة البيبي فلازم نغسلهم أحس

همس الزهور;14918282:
خلص يلا نغسل نسوي جماعي:lol:
بغسل كل الملابس مع القماطات والقبعات والجوارب بعد لان هذول يلامسون بشرة البيبي فلازم نغسلهم أحس

اني سبقتش وبديت اغسل .. من مساعه انتظرش تأخرتي :mad:
مو اتغسلينهم كلهم مرة وحده بتعبين ترى .. خليهم بالأقساط .. ولا تنسين اتحطينهم في الغساله :rolleyes:

زهر الرمال هذاني غسلت جزء من الثياب وما صادهم شئ

وعن السرير في واحد في مذركير مسوين عليه تخفيض ب 55 بس