¨°•√التجمع الخامس : للحوامل اللواتي سيلدن بإذن الله بشهر يونيو (6) 2011 ♥√•°¨

صبآآحو كروشآت ..
كيفكم ..؟ وكيف البيبي..؟
رحت اليوم لسنتربوينت مررره حلووو رايحتله من قبل وشاريه سرير وكم لبس للبيبي ورحت اليوم وفيه تخفيض مرره حلو ودي اشيل كل المحل هع
بس مرررره تعبت من المشي وبطني الحين يعورني وامي ماخلتني كل شوي تقول اجلسي بالسوق فديتهآ

بنت الروضة;14881678:
سلام عليكم كروشات اخباركم

عطر انفاسه فيه في سوق الطفل بجامات للبيبي ابغي شئ خفيف مو محصله في المحلات
وفيه بجامات لوقت النفاس

روبي الله يسهل علينا الولاده يارب

زخت مطر تحصلين البانبو للبيبي في ماذركير الاصلية فيه اشكال وايد اختاري اللي يعجبك
انا اشتريت وحده فيها كرسي نخليه في البانبو، امن للبيبي وتقدرين بعدين تشيلينه
اذا كبر البيبي وتقعدينه فيه
كان ب35 دينار ومع التخفيض مسوينه 22 دينار
اما اللي تتغطين ابه للرضاعه تحصلينه في مذركير الاصلية وسنتربوينت بعد عندهم

نوارة مبروك التجهيزات للبيبيات وملبوس العافية يارب، ومو شرط تولدين قيصري انا مرت عمي ولدت بتوائم طبيعي الحمدالله

برلينت الله يسهل عليش وتولدبن طبيعي ولا تفكرين واجد بالموضوع

توما هذا الاختراع شفت وحده كاتبه عنه في المنتدى ينباع في السعودية يقولون مافيه بالبحرين
انا قلت بوصي صديقتي تجييب لي واحد من السعودية

بنت سبتمبر الله يسهل عليش وتشيلين الربط وتتسهل الولاده

صباح الخير كروشات
بنت سبتمبر زخت مطر والعهد وروز شنو اخر اخباركم مع التجهيزات؟

امس رحت اتسوق في مجمع البحرين بعد اذان الظهر وكان هدوء
شريت لي فراش لوقت النفاس من هوم ستور مسوين تخفيضات
وعجبني سرير لي لوقت النفاس وبعد مااخلص الاربعين انشاالله اقدر اسويه جلسه للشقة
فقلت مرة وحده اخذه سرير مااخسره بعدين واستخدمه للشقة
وشريت شنطة للبيبي من رد تاج، وعجبني بوكس صغير بس طلعوا مخلصين الموجودين مكسرين
انشاالله اليوم بروح اشتري السرير لي

وباقي عليه ثياب لبيبي لاربعين احس ماشريت كفاية مابيكفون
انا مخليه في بالي انه البيبي يحتاج يغير في اليوم مرتين فاحس مو كفايه اللي عندي

انا الحين مؤقتا لبيت ابوي شتريت سله للبيبي، وانتظر يطرشون لي باباز وماماز مسج لتخفيض
اذا سوه تخفيض هل الفتره بروح اشتري السرير والكبت
واذا ماصار عندهم تخفيض بنتظر لبعد الاربعين وبروح اشتري

خيو حصلتين فراش في هوم ستور لونة احمر؟؟
والشنط الي في رد تاج مال البيبي ملمسهم شلون وكبار وهل مقسمين من داخل؟

ثلج ونار;14882477:
سلام عليكم

شخباركم

نوارة بالعافية الملابس يتهنون بهم

توماا من وين يشترون الملحه؟؟ ويبي لج تحطين الطريقة بالتفصيل الممل في رد بروحها للاستفادة

بنت سبتمبر ماعليج شررر والله يسهل علج عمليتج ولاتخوفين روحج ازيد لان حتى لو في الم بس النفسية والخوف يزيدج

تحياااتي للجميع

مشكورة خيو

مجنونة انا;14883072:

اهاا ...

لان قالو لي لاتكثرين نيو بورن
وتوهقت ماادري جم وحدة اخذ

اني اخدت كلة من 0-3 اكثر شي ونيو بورن على قطعة وقطعتين فقط

أبتهال الروح;14885064:
طرق التنفس أثناء الولادة Breathing patterns during labor



يساعد التنفس بالطريقة الصحيحة أثناء الولادة على تخفيف ألم الولادة ، و كذلك يسهل عملية الولادة نفسها.

-

طرق التنفس أثناء المرحلة الأولى من الولادة[LIST=1]
- التنفس البطيء Slow breathing:
ابدئي التنفس ببطء عند الشعور بانقباضات الرحم القوية التي تجعلك لا تستطيعي المشي. عند بداية انقباضات الرحم ( الطلقة ) خذي نفس عميق من الأنف ببطء ثم أخرجي هواء الزفير من الفم كأنك تتنهدي بعمق. استخدمي هذه الطريقة في التنفس مادامت تساعدك و تقلل الألم . و إذا لم تأتى بنتيجة معكي غيري إلى طريقة أخرى.

- التنفس السريع الخفيف Light accelerated breathing:
أغلب السيدات تستخدم هذه الطريقة في بعض الأوقات من المرحلة النشطة للولادة Active Phase Of Labor. يتم التنفس سريعا سطحيا ليس بعمق من الفم بمعدل شهيق و زفير واحد في الثانية. يكون الشهيق في هدوء و الزفير بصوت مسموع. اجعلي قوة الانقباضات الرحمية ( الطلقة ) هي التي توجهك متى تستخدمي التنفس السريع الخفيف.
كلما زادت قوة الطلقة قومي بجعل التنفس سريع و سطحي ( ليس عميق ). فإذا كانت ذروة ( قمة ) حدة الطلقة تأتى سريعا عليكي ببدء هذا التنفس سريعا . أما إذا كانت قمة قوة الطلقة تأتى تدريجيا فعليكي البدء في استخدام هذه الطريقة من التنفس تدريجيا . و بذلك يزداد معدل سرعة التنفس مع زيادة حدة ( قوة ) الطلقة ليصبح سطحي و سريع . و مع نقص قوة الطلقة قومي تدريجيا بجعل التنفس بطئ و عميق و يكون الشهيق من الأنف و الزفير من الفم.
و معنى ذلك أنكي في بداية شعورك بالطلقة استخدمي الطريقة الأولى للتنفس (التنفس البطيء ) ، و مع زيادة قوة الطلقة غيري لاستخدام الطريقة الثانية ( التنفس السريع الخفيف ) ، ثم مع نقصان قوة الطلقة ارجعي مرة أخرى للطريقة الأولى للتنفس.

- التنفس المتغير Variable breathing:
و هي طريقة أخرى بدلا من استخدام الطرق السابقة. في بداية الطلقة خذي شهيق عميق من الأنف ثم زفير من الفم ثم خذي شهيق و زفير سطحي سريع من الفم متكرر بمعدل 5-20 شهيق و زفير كل 10 ثواني . ثم بعد كل 3-4 مرات تنفس بهذه الطريقة خذي نفس عميق . كذلك عند انتهاء الطلقة خذي نفس عميق باسترخاء مع تنهيدة .


- طرق التنفس في المرحلة الثانية من الولادة
في تلك المرحلة تحتاجي إلى الدفع لكي تساعدي الجنين في الخروج . في بداية الطلقة خذي نفس عميق من الأنف و أخرجيه من الفم . و عند الشعور بالحاجة القوية للدفع خذي نفس عميق و كبير و احبسيه ثم اضغطي به إلى أسفل تدريجيا . بعد 5 ثواني تنفسي بعمق حتى يأتي الشعور بالحاجة إلى الدفع مرة أخرى . و يتكرر هذا 2-3 مرات في الطلقة الواحدة . بعد انتهاء الطلقة تنفسي باسترخاء تام.
[/LIST]

:| صعب علينا نفهم بدون ما نجرب بحاول اطبق عملي


صراحة كنت مفكرة اني كملت اغراض طلع في اشياء ناقصة بعد ذكرتيني ما خديت شنطة اوف
ياربي ميتة احس بثقل وعوار في عضامة العانة والفخود مو طبيعي حتى امشي واني محندبة الله يستر

اول امس بنت عمتي ولدت فالسلمانية وكانت قيصري وتعاني من السكلر

ام لنوني ولدتين لو بعدش

بنات اقترحو علي مسج تبشير ولادة لين عندكم

سلام بنات

اليوم النفسيه داااااااااااااااااااااااون متضايقه حدي خصوصا البارحه عشانا كان في بيت عمي وهم يموتون في الحار اكلت وياهم وعلى الساعه 11 هاتك يا وجع البطن والحارق شربت لبن وماقدرت اتنفس صرت بس رايحه جايه في الحجره ويوم قلت بنام جاني جد في رجلي اليسار وفي خصري حدي تغربلت وقلت ماباكل شي حار مره ثانيه اديه والله


حالتي حاله امبي اروح اشتري اغراض للبيبي كله خايفه اولد وهو ماعنده شي وكل ما اقول الى زوجي يقول مو وقته والله متضايقه من هالسالفه قلت بسكت عن الموضوع فتره والله يستر

بنات ادعوا لنا وانشاالله هالاسبوع يعدي على خير يارب

تحياتي القلبيه والقالبيه

زخت مطر

ساعات اتخوف ان اللي فيني مو بنت لما اشتري الاغراض
بس ان شاء اله يكون كله هذا وسواس

بنت الروضة

على وشك اخلص ان شاء الله وبحط لكم الصور

أبتهال الروح
الله يعطيك الف عافية على المعلومات ماقصرتي اختي
ان شاء الله البكريات يستفيدون منها

مجنونة انا
حتى انا لاحظت هالشيء ادخل واطلع مافيه تغير
يمكن لانها اجازة والكل عند اهله

زهر الرمال
الله يعين يا اختي لازم نتحمل راح الكثير مابغى الا القليل ربي يعديه على الف خير

سرآب عمري
صباح النور والسرور كروشة انا بخير والبيبي كالعادة مثقل علينا بس الحمد لله
عليك بالف عافيةالمشتريات انتي والبيبي بس انتبهيلحالك واحس المشي صحيح يعور بس مفيد من الشهر الثامن

بنت سبتمبر
الله يعينك وتكملين بقية اغراضك ويخفف عنك الثقل والتعب والالم
انا امس كذا احس من الشغل بالبيت لاني بيت اهلي وامي مسافرة اتعب بسرعة
بس اطلع اتمشى بالحوش يخف الالم شوي
الحمد لله على سلامة بنت عمك ويتربى بعزهم ولدهم

مجنونة انا

انا مااخذت نبو بورن كلش كله من 0-3

ابتهاااال

مشكوووورة حبيبتي والله يعيننا تنفس وبوش

ToOoma ToOomy;14887625:

ادعوي لي بنات الله يتمم حملي

امس صادتني مشكله جاني الم في بطني وحقرته وبعد شوي دخلت الحمام الله يعزكم وما اجوف الا طالع مني دم... قمت اصارخ.. جه زوجي وجاف الدم. وقعدت امشه بكلينس علشان اجوف طالع من وين الا الطالع لي حرار صغار يطلع لي دم حتى قول حق زوجي حرار يطلع هالكثر دم... قمت اغسل روحي... واغسل الحمام الان لعوزته . وانه من فتره بداية الحمل تركت كير فري الان اجيني حكه واستخدم صابونه عاديه ديتول.. والحين رجعت على كير فري من 3 ايام تتعتقدون منه... وانه طالعه انزلق عند الباب واسوي فشحه...وقمت اصيح ويزيد علي الدم... وانه الحين مو عارفه يطلع من وين هالدم من الحرار او من تحت ورجولي مرضوضه واتالمني ماقدر انبطخ ولا امشي والا اتقلب قبل بالموت انقلب وانه على سرير اشلون مسويه فشحه ورجولي مرضوضه:(

وماقدرت امس اروح مستشفى الان عندنا حظر تجول والحين موقف علي دم بس الالم فضيع مو قادره منه والعصر بروح المستشفى دوعواتكم لي بنات مابي اولد

سراب عمري

حتى انا رحت سنتر بوينت بصراحه هو احلى محل يبيع اطقم كااامله للبيبي الجديد و باقي المحلات ماعندهم اطقم كله ثياب طلعات
بس مافي تخفيضااات !!!

بنت سبتمبر

اي والله انا بعد موقاااادرة امشي من رجولي و احس انه بطني من تحت يعورني فيه ضغط
حتى انا ابي مسج تبشير ... عندي في جوالي كم واحد بس الحين جوالي مو جنبي مافيني شده اقووم
بس ان شاء الله بكتبهم لج بعدين

زخت مطر

يو الحااار كريه ... ومزعج بالليل

حبوبة زماني

هلا حبيبتي ايوه ان شاء الله بحطهم

توما

اي والله تسوين فينا خير ... ما اعرف سافلون !!
ياريت تحطين طريقة مع الصورة إذا ماعليج كلاافه

تومااا انتبهي لنفسج .. وان شاء الله ماعليج شر
بس لا تنسين تطمنينا اذا رجعتي من المستشفى

امس رحت السوق الصبح والعصر تعبت تعبت
بس قلت ابي اخلص
طبعا المحلات اللي تبيع اغراض للمولود كااامله بس شفت مذركير و محل الاطفال (سنتر بوينت ) و ماماز وباباز الباااقي صراحة بس يبيعون ملابس واغلبها حق طلعات يعني حتى مهادات ماعندهم ... ما ادري اذا في محلات ثانية !!

طيب نبدأ محل الاطفال ( سنتر بوينت )

1- طقم حبيته مرررة احب هالالووااان



2- طقم ثاني الوااانة رااايقة بس مش واضح لونه بطيخي واحلى شي الفستااان كيوت



3- مشط شيكو ، بساط تغيير الحفاظ ، علبه احط فيها البودرة واستخدمها على جسم البيبي نفس فكرة البودرة اللي انحطها بوجهنا للمكياج

وشريت كحل و روجين لزوم الكشخة ههه



الآآآآن مذركير :L:

4- اسفنجة للسباحة ، فوط صحيه ، اعواد اذن ، مناديل مرطبه بدون عطر ، شريت بس واحد معطر لي



5- ادوات الاستحمام ( شامبو ، بودرة ، زيت ، لوشن ، كريم التهاب الحفاظ ، كريم مرطب )





وبس ان شاء الله اكمل شراء بااقي الاغراااض
ان شاء الله تعجبكم مشتريااات

:D

xxRosexx
عليك بالف عافية المشتريات تتهنى فيهم العروسة
تشوفينهم عليها ان شاء الله

مااااشااااااااء الله هذا جنااااان ملبوس العافيه
وانا شفته امس في سنتربوينت بس انتظر الخصم عشان اكمل النواقص وبأخذ مثل هذا ان شاء الله
لان على مااعتقد نهايه هالشهر في خصومات




واللي سألت عن القماش اللي لرضاعه شفته زيه في سنتربوينت ب189

تومي ماتشوفين شر حبيبتي طمنينا عليك

بنت سبتمبر ليه بيفكون لك الربط قبل التاسع !!
انا ناسيه متى بيفكونه لي بس كأأأأأن قال لي الدكتور لخذت من الشهر التاسع اسبوعين يفكونه
بتأكد منه متى بالضبط لرحت موعدي
واللي قااااااااهرني ان بيفكونه بدون بنج *_* حراام عليهم بيعذبونا

شخباركم بنااات مع الاجازة شكل الكل مشغووول
التجمع فااضي

هلا امهات

شخباركم جميعااااااااااااااااااااااااا

حلوين المشتريات روعه

عليهم بالعافيه الحلوين ان شاء الله تقر عينكم بشوفتهم عليهم

والتعبانين ماتشوفون شر

واللي عرفو جنس البيبي مبروك ويقر عينكم بشوفته بحظنكم

واللي فيهم ارق من النوم الله يعينكم

والولاده على الشق يمكن كلامكم صح انا لما كنت بولد بنتي كنت ادفع بقوه لما شفتها جابت المشرط

قلت يمكن الحق تطلع قبل تشقني ههههههههه تفكير غبي

وماشوفها الا تقول خلاص وشقتني وطلعت بننتي

وقالت ليش يسوي كذا الظاهر اني كنت بنشق بطريقه غلط بس هي سوت بالمشرط علشان احسن من يستوي

معرج فاهم مايسونه الا لانهم يبون يساعدونا وصحيح كان معاي بالغرفه ثنتين والدين بكر وفيهم اولاد وماشاء الله اوزان اعيالهم 3وشوي مو متذكره كم بالظبط

والدين طبيعي وبدون جراحه ولا شيء وانا اللي بنتي 2 كيلو سوو لي جرح يمكن يعتمد على طريقة الدفع وانا غلطت لما دفعت بقوه


وبالنسبه لي انا عملت لي ماي وملح لما وولدت ببنتي وعملت ماي ومره وكنت استخدمهم كمعقم وكنت استخدم ديتول ببتادين كثير زين

وعطتني الدكتوره كريم نسيت اسسمه احطه بعد ماتنشف

واما بالنسبه للملحه سالت عنها اختي تقول جربتها ببنتها تقول هلاك هلاك تولع نار بداخلك كانك حاطه جمره تقول ماجربتها الا مره في اول بنت

بعدين عيالي ماستخدمها


واللي تقول نحط الملحه في زيت زيتون يعني اكيد مانحس ولا تحر بعدين لان ودي اجربها بس خايفه




وانا قريت بالنت عن تحاميل ببتادين بعد ماتاخذ الوحده 20 يوم تتحمل فيهم ينزل الاوساخ وينظف المنطقه ويضوقها

وامي تقول لي تحملي بالمره هي معقم طبيعي وتنزل الاوساخ بسرعه وترتاحين تنظفين بسرعه بس انا ماحطيتها الا مره

ماحب احط شيء داخل




رديت لكم بسرعه لان تعبانه من بعد الشبكه واخيرا ارتحنا انتهت الشبكه اللي مقلقتنا

واحس هلكانه ودايخه جسمي كله مكسر تكسير

الله يسهل يارب

نوارة الحياة2
المفروض ينفك قبل التاسع او ببدايته ان شاء الله تفكينه وتقومين بالسلامة يارب

توما تومي
طمنينا عنك ماتشوفين شر اختي الله يتمم لك بخير وسلامة

ام فآآطمة
اهلين ام فاطمة ماتشوفين شر ويتهنى اخوك والف الف مبروك
الله يسهل عليكم يارب

ToOoma ToOomy;14887625:

ادعوي لي بنات الله يتمم حملي

امس صادتني مشكله جاني الم في بطني وحقرته وبعد شوي دخلت الحمام الله يعزكم وما اجوف الا طالع مني دم... قمت اصارخ.. جه زوجي وجاف الدم. وقعدت امشه بكلينس علشان اجوف طالع من وين الا الطالع لي حرار صغار يطلع لي دم حتى قول حق زوجي حرار يطلع هالكثر دم... قمت اغسل روحي... واغسل الحمام الان لعوزته . وانه من فتره بداية الحمل تركت كير فري الان اجيني حكه واستخدم صابونه عاديه ديتول.. والحين رجعت على كير فري من 3 ايام تتعتقدون منه... وانه طالعه انزلق عند الباب واسوي فشحه...وقمت اصيح ويزيد علي الدم... وانه الحين مو عارفه يطلع من وين هالدم من الحرار او من تحت ورجولي مرضوضه واتالمني ماقدر انبطخ ولا امشي والا اتقلب قبل بالموت انقلب وانه على سرير اشلون مسويه فشحه ورجولي مرضوضه:(

وماقدرت امس اروح مستشفى الان عندنا حظر تجول والحين موقف علي دم بس الالم فضيع مو قادره منه والعصر بروح المستشفى دوعواتكم لي بنات مابي اولد

تامي مااا تشوووفين شــر خيووو .. بالهووووون حاسبي مره ثانيه وانتين طالعه من الحمام .. اهو بدوون شي والعافيه متشلخه شلون بعد شدخات .. لله يعطيش الصحه والعافية .. وبالنسبة للحرار بالدم .. فاتوووقع من كيرفري .. انى استخدمته قبل ما احمل .. وويلااااه التهابات ودم وحاله حال معنى بس مرتين استخدمته وما قدرت منه .. وحتى سألت بالمنتدى عنه وبناات واجد قالو نفس الحاله سبب لهم التهاب شديد حتى الدم يطلع .. :thumbs_down: عندش غسول سيبامبيد هذا يقولون افضل انه ما جربته تعقد من كير فري بس هالمره قلت بجربه يمدحونه ..

طمنينه عنش .. وحاولي ترتاحين وما عليش شـر ان شاء الله ..

روووز يهبلووون اللباسات .. عليها بالعافيه الكتكوته .. عقبال ما تشوفيها بحضنش مزينه بلبسها ..

زخت مطر .. الحااال من حالش خيووو .. ابفي اشتري للبيبي وازن على زوجي .. يقولي مو وقته اصبري .. اقوله الحين ما اقدر اشيل عمري من الثقل اشلون بعدين ^^ واخاف اصبر ويزيد الوضع تعقيد .. جان الحين فيه اشوووي فجه الواحد يزمق محل بعدين لله يستر .. يالله يفرجها لله .. بعد الواحد يخاف يغامر .. لله كريم وتنحل الامور وان شاء الله .

مرحبا بنوتات شخباركم؟؟؟

ام فطوم مبروووك عقبال ما توقفين في شبكه فطوم :)


توما
طمنينا عليش خيتي


باقي البنات شخباركم؟؟؟

بخير لله يسلمش .. كالعاده ضيقة خلق .. واقبال الجدران الله كريم ..خيو انتين وين عايشه ..؟؟ لين ما في مانع ^^

هلا مجنونه انا .. ههه اسمش يخلينه نقول لروحنه مجانين !! ..