¨°•√التجمع الخامس : للحوامل اللواتي سيلدن بإذن الله بشهر يونيو (6) 2011 ♥√•°¨

مجنونة انا;14864452:

نيغااار

حدج ضحكتيييني :lol:
انه لما اشغل شموع بسرعه ابي اطيفهم كله خايفة من هالموقف
او اخاف يحترق شعري << شدخل !!
ههههه

&

زحت مطر

مافهمت فكرة السرير >>> المخ مشير هالايام

شخباركم كروووشات F:

بسألكم
شنو الاشياء اللي اخذها من الصيدلية للبيبي
يعني مثل ماي مرقدوش وهالاشياااء

ومتى يصير نسوي رياضة عقب ما اولد ؟
ومتى احط المشد مال البطن لان حماتي تقول من اول يوم
تولدين حطيه
وانه خايفة اخاف يأثر على بطني :adore:

بنت سبتمبر;14864496:
الصيدلية: تاخدين لها المراضع والي تنضف المراضع والسهاية او ما تبين تعلمينة عليها كيفش
تاخدين المقص والقصاصة ..كريمات ما كريمات للحفاظة وشامبو وبودر وقطن للصدر حقش ومشد وبودرة السر او كريم ميبو يعني هالسوالف
المرقدوش خيو من السوبر ماركت او الحواج

زهر الرمال;14865511:

بسألكم بخصوص المنتدي مشاركاتي كله 18

ما تتغير ليش يعني؟؟؟؟

كل ما أشارك ما يزيد عدد المشاركات

جعفريه;14865265:

مرحبا أمهات ..

شخباركم كلكم..

مبروك للامهات اللي عرفوا جنس الجنين ..

رقة عروس مبروك .. معرفة جنس البيبي.. وعندنا تؤام بنوتات فاطمه وزهراء بنات اخوي كملوا 3 سنوات .. الله يبلغج وتشوفينهم في حضنج..

وعليهم بالعافيه الامهات اللي جهزوا البيبيات .. انا للحين ولا شي..

ما ادري.. ان شاء الله تفرج قريبا واقدر اطلع ..

ام فاطمه ربي يسهل عليج.. ولا تتعبين روحج .. وان شاء الله توصلين التاسع ..

ام لنوني.. شكلج بتفتحين القائمه.. الله يسهل عليج..

لا تنسونا من الدعاء..

ثلج ونار;14862050:
سلام عليكم

شحباركم يا حلواات

واحشيني كلكم

انا امس رحت موعدي وللاسف طلع السكر مرتفع تقول 8 من طلع لها نفس الرقم وقالوا لها شنوووو؟؟؟

الحين عطتني تحليل بو 4 ساعات وعطتني موعد ثاني بعد اسبوعين

دمي وصل 10 اخيرا هههه بس قالت لي لازم تاخدين الحبوب مرتين في اليوم بس للاسف نسيت اقول لها تكتب لي الكبسولات وكتبت لي الحديد العادي الي مستحيل اشربه

وقالت لي البيبي راسه تحت اوكي وكل شي عدا السكر تمااام

والتجهيزات لحين ماكملت وقاعده احاول اكمل مني ومني هالايام دام الاوضاع شوي هادئة

بنات البحرين من رااحت السيتي او مكان فيه سنتر بوينت هالايام؟؟ وشلون الوضع؟؟ بليز ضروري خبروني

نيغااار حمدالله على سلامتكم اهم شي انتوا ماصار لكم شي كل شي يتعوض وكل عام وانتو بخيير.. انا باجر عيد ميلادي بس حسافة الواحد مايقدر ياخد راحته ويطلع يستانس في مكااان مالنا الا البيت هههه

حبوووبة حلو الجدول تبع الاسامي تسلم ايدج

زخت مطر;14862235:
شخباركم امهات كتبت رد وانمسح :(

المهم نيغار ضحكني الموقت الله سلمكم ههههههههههههه
بخصوص الكندي البكج شامل الابر والتحاليل؟؟؟

باجر انشاالله الالتراساوند مالي وانشاالله بتحدد لي موعد الولاده بحسب الالتراساوند وانشاالله تطمني على البيبي

امس طلعت الصبح رحت بيت عمي والعصر رحت اشتري لي جم غرض لازمميني امي عصبت علي وعطتني محاضره اني لازم ما اتحرك ولا اطلع بنات والله متملله من القعده في البيت واليوم ابي اطلع اكمل اغراض البيبي بس متضايقه من المحاضره الي بجيني :(

سؤال بنات
عمتي مجهزه اعشاب للبيبي تحطهم مع الحليب وانا خايفه من هالشي ما احب الاعشاب وما اثقق فيهم وهي قايله انها كانت تستعملهم مع اولادها :(
انتوا استعملتوا هالاشياء مع اولادكم او لا؟؟؟

ام لنوني;14858969:
لالالا ماااااااااااااااولدت:o

بنت سبتمبر;14860532:
اخباري رحت لدكتورتي وخبرتني ان البيبي وزنة متوسط بس لازم اكل اشياء تزيد وزنة حليب وجبن وجدي وان راسة نزل نص ونص وطلبت مني تحاليل

أبتهال الروح;14865765:

انى بعد قالت لي الدكتورة وزن البيبي في المتوسط .. قالت لي حوالي 1.300 كيلو .. تقوول يعني لين تولدين يوصل حووول 3 كيلووو ..

انتين جم قالت لش تقريباً وزن البيبي ..؟؟