¨°•√التجمع الخامس : للحوامل اللواتي سيلدن بإذن الله بشهر يونيو (6) 2011 ♥√•°¨

حبوبة زماني صار خاطري فيها من شهر اقول بسوي براوني وللحين ماسويت :(

نوارة الحياة2;14805805:
اهلين عسولات

مس بحرين مشكوووورة
يالغلا انك سألتي الدكتورة لاني محتاجه من يأكد لي عن الكالسيوم صحيح الدكتور قال لي اوصل عليه لبعد الولادة بس كنت اشوي متخوفه لان كلامه غير الدكتورة فأحترت

بنت الروضه كل عاااام وانتي بألف خير وان شاء الله تحتفلين السنه الجايه مع البيبي

نيغار زين سويتي صحيح الزبادي والخيار هم يخفف الحارق

برلينت غريبه الدكتورة قالت لك مو زين سونار انا كل دكتور او دكتورة اسألها بخصوص السونار يقولون مايضر
لاني يوم تنيمت في الشهر الثالث اذكر سوو لي سونار 3مرات في نفس اليوم وانا كنت حيييل متخوفه بس الدكتور طمني قال مايضر الجنين

حبوبه زماني شخبارك ومتى موعدك طمنينا متحممممسه ابي اعرف جنس البيبي خخخ بس مادري ليش احساسي يقول فيك بنوته ان شاء الله

ان ليمتد شخبارك ياحلوة

وبقيه الكروشات شخباركم ^_^

______________
انا اليوووم مو طبيعيه كأني نومي مؤقت كل مامرت ساعه جلست
عظامي تعوووور كف ايدي احس كأن محتقن فيها الدم وتعوور بالذات اطراف اصابعي
انا خايفه من هالاحساس من البارح احس عور واحتقان في كفوف ايدي وساعات انتفاخ بسيط وعندي رجل وحدة الله يعزكم منتفخه
مادري الضغط مرتفع ولا هالشي طبيعي >.<
وطبعا من المحااتاه كل ساعه احلم حلم شكل >.<

الله يستر بس

انا كمان مستغربه زيك انها قالت لي كذا

الله يعين والله الالم هذي مشكله

والله صرت كأني عجوز لما اقوم واقعد

princesslana;14805920:
التجمع حلو حابة اضيف اسمي معاكم انا انشاللة موعد ولادتي 15/6 وانشاللة الله حيرزقنا بولد

هلا بك ياعسل منوره

xxRosexx;14807141:
وديمااا

حياك الله ياقلبي بين خواااتج

برلينت

حبيبتي كل تأخيرة وفيها خيرة ..

ان شاء الله

حبوبة زماني;14807179:
شوفوا شغلي مع العيال يوم الخميس



كان ودي احددها بالهرشي احلى بس كان مخلصوالحين هي ذايبة قبل احطها بالثلاجة

يمي يمي

شكلها روعه

والله انك فنانه ومبدعه ياحبوبه بسم الله عليك ماشاء الله

اهلن كروشاات
كيفكم ..؟

بسألكم معااي افرازات بيضاء وصفراء عاادي هالشي..؟!

حبوبة زماني;14807179:
شوفوا شغلي مع العيال يوم الخميس



كان ودي احددها بالهرشي احلى بس كان مخلصوالحين هي ذايبة قبل احطها بالثلاجة

ماشاءالله تبارك الله مبدعه انتي وعيآلك
ربي يسعدك انتي وعيآلك

زهر الرمال

اله يساعدك حبيبتي

سراب عمري

انا بعد عندي افرازات والدكتورة قالت لي اذا مافي حكة مو مشكلة هالشهر تكثر الافرازات

بنوتاااااااااات كيفكم حبايبي ؟


اليوم سويت سونار رباعي


والحمددد لله الجنين واعضاؤه الداخلية بخير وربي لك الحمد

بس كأن الجنين أنفه مفطووووس :|

مرحبا كروشات ...اخباركم حبايبي ؟؟واخبار بيبياتكم؟؟

زهر الرمال;14808513:

بنات قاعده وأحاتي أني ما شريت ولا شي

حاطه في بالي سوق واقف بس الحين الأوضاع وين أروح بالضبط ما شريت ولا شي

وحاطه في بالي السعوديه بعد اشتري سله وسرير وهالاغراض الخفيفه لي وللبيبي


بنات تعرفون على شارع لبديع احد يسوي مفارش حليوه .... بيييييه يبي اليي أشياء واجد

وين أروح أشتريها واجد احاتي ....ما خذيت ولا شي

رقه عروس;14810674:
مرحبا كروشات ...اخباركم حبايبي ؟؟واخبار بيبياتكم؟؟

نوارة الحياة2
تسلمين نوارة وربي يعافيك ويبقيك هذا من ذوقك

xxRosexx
لا بس هشوم طالع علي رسام وتسلمين لرايك
بس الصينية حقت امي لاني مسويتها الخميس بيت اهلي ههههههههههه

زخت مطر
لو اقدر اوصلها سويت لك من عيوني تشجعي وسوي البراوني تغيير جو


زهر الرمال
لا تحاتين المشتريات ولا شيء انا بعد للحين ماجهزت اهم شيء الصحة والعافية وكل شيء يصير بعدين باقي شهرين تقدرين تسوين فيهم كل شيء
برلينت
تسلمين اختي هذا من ذوقك عيونك الحلوة

سرآب عمري
اهلين كروشة احنا الحمد لله والافرازات طبيعية ان كانت بلا ريحة وحكة
وتسلمين على رايك بالكيكة هذا من طيبك ويسعدك ربي انتي والجميع

توته الصغيرونة
اهلين كروشة احنا الحمد لله بخير وصحة الحمد لله تطمنتي على البيبي عاد شوفي من طالع عليه افطس هههههههههه

رقه عروس
اهلين اختي احنا بخير جعلك بصحة وعافية دووم

مجنونة انا
الحمد لله دمك ارتفع وضغطك كويس عقبال مايشرف البيبي بالسلامة
واذا على التهاب الابوال كثري شرب ماي طول اليوم وان شاء الله يخف
والحديد كلنا ياذينا علشان كذا ماندوام عليه بس انتي حاولي اشربيه مع عصير برتقال

روبي22;14800500:


انا دخلت الاسبوع ال30

مرحلة ال30 اسبوع ,,ومايحدث
مشكلة الحصول على الراحة في السرير


مع تقدم الحمل بإتجاه مرحلته الأخيرة، يصبح النوم ذكرى باهتة وبعيدة. يكبر بطنك إلى درجة لا تسمح لك بالاستلقاء المريح. إذا لم يساعدك النوم على جانبك الأيسر مع وسائد تفصل بين رجليك وتسند ظهرك، حاولي الاستقرار على كرسي وثير عوضاً عن ذلك. في الأسابيع الأربعة أو الستة الأخيرة، ربما تجدين أن النوم جلوساً هو أفضل الحلول

ربي يتمم لج ع خير يارب

wadeema;14803712:
حطو اسمي معاكم بليز انا بربي 28-6-2011 بيبي بوي ان شالله يوصل بالسلامه

حياج الله

مس بحرين;14803977:
صباح ال F: لكل الكروشات
شخباركم وشخبار البيبيات
انه اليوم مداومة وعيوني مغمضة الله يهداه ولدي الصغير مانام كلش البارحة :'(:mad:والصبح قاعدة الساعة 5
المهم انه امس كان عندي موعد مع الدكتورة فرح في التخصصي طبعا هاي الدكتورة الثالثة الي اروح لها :o
قبل الموعد رحت اتسوق اشوي بس صج صج تعبت وماخديت الا بيجامتين لي وبدلة للبيبي
رحت الموعد طبعا انه الدكتورة فرح رحت لها على اخر ولادتين واحبها وايد لانها حبابة وصريحة
طبعا الحمدالله الضغط اوكي بس الوزن :oواااااااااااااااااااااااااااااااااايد لازم احاسب وعطتني ريجيم وزفتني لانه ماسويت تحليل سكر ووزني زااااااااااااااااااااايد وضغطي لازم في الاسبوع مرتين اتاكد منه لانه الحملتين القبليتين صادني سكر و ضغط وقالت لي لازم احاسب من الولادة المبكرة لانها عندي ولادة في السابع وبداية التاسع

حاسبي واقعدي اجازة بدون راتب

مس بحرين;14804590:
كروشات نسيت اخبركم
امس سالت الدكتورة عن الكالسيوم ولمتى ناخده قالت لي لعقب الولادة ب 6 اسابيع لانه الجسم يحتاجه

:thumbs_up:

نيغار;14804699:
هلا ان ليميتد و بريلينت و باقي البنوتات الكروشات

مشكورين للي جاوبوني بخصوص الحارق بصراحة جربت روب بالخيار و كان مفعوله سحري و روح الحارق بسرررعة:D

اليوم مداومة و حدها نفسيتي تعبانة امس ما نمنا من الاوضاع و فوق هاي كله ضليت في الشارع ما يقارب الساعة عشان اوصل الشغل زحمة مو طبيعية و الشمس ضاربتني احس روحي دايخة و مالي مزاج اشتغل:thumbs_down:

كنت موصية توزيعات سجادة الجيب و الامورة الي طلبت منها ما تجاوب صار لي اتصل فيها فوق الاسبوع و فيه فلوس في ذمتي لها لانه حسب اخر مكالمة لي معها وصلوا بس 35 حبة و الباقي قالت لما تجين و تشوفين الكواليتي بطلب لج.. و الحين ما تجاوب:struggle:

باقي لي بس قماط مفصلتنه و في هالظروف ما اقدر اروح استلمه و اكون بجذي خلصت اموري:rolleyes:

في موضوع قاعدة احاتيه واااااااااااااااااايد... ما ادري اذا استمرت الاوضاع بهالطريقة افكر اولد في بريطانيا او كندا عشان احصل الجنسية للمولود.. بس ما اعرف استشير منو بهالخصوص و متى لازم اسافر و التكاليف .. الي عندها فكرة عن هالامور تخبرني بليييز:!!:

:'( لهدرجة

نيغار;14804758:
شنسوي يا اختج انا ما احب اتكلم بهالمواضيع بس انا اخر شي سمعته انه يبهدلون الواحد على جواز المولود الجديد و انا ما ابي طفلي ما يكون له جواز شذنبه مسكين!!!

:'(

princesslana;14805920:
التجمع حلو حابة اضيف اسمي معاكم انا انشاللة موعد ولادتي 15/6 وانشاللة الله حيرزقنا بولد

حياااج الله

العبد الضعيف;14806156:

هلا أمهات ويش أخباركم

من زمان ما كتبت رد
الصراحة ما لي زاغر كلش النفيسيه تعباته من الأوضاع في البحرين
أدخل أتابعكم وطلع
او حاليا أني مو في البحرين مسافره الامارات مع زوجي عنده دراسة
بس يعني نفس شي محاته الأهل هناك
الله يفرج

الله يسهل عليش

حبوبة زماني;14807179:
شوفوا شغلي مع العيال يوم الخميس



كان ودي احددها بالهرشي احلى بس كان مخلصوالحين هي ذايبة قبل احطها بالثلاجة

اللله شنو الطريقة اختي ؟؟:lol:ما شاء الله عليك

توته الصغيرونة;14810325:
بنوتاااااااااات كيفكم حبايبي ؟


اليوم سويت سونار رباعي


والحمددد لله الجنين واعضاؤه الداخلية بخير وربي لك الحمد

بس كأن الجنين أنفه مفطووووس :|

الحمدلله اهمشي فيه انف

رقه عروس;14810674:
مرحبا كروشات ...اخباركم حبايبي ؟؟واخبار بيبياتكم؟؟

اهلين شخبارج

صباح الخير كروشات

صباحكم فل وياسمين

امس كان عيد زواجنا الثالث ياربي يخلينا لبعض وعشرة دايمة..

كان ودي احتفل لو بشي بسيط بس ما سويت ولا شي كفاية بس جاني زوجي بالسلامة وتغدينا بالبيت مع بعض بس ان شاء الله نعوضها السنة الجاية

ما ادري من قالت اخذت كميرا بس حابة اعرف نوعها وسعرها اذا امكن افكر اخذ لي للولادة مهمة الكميرا عندي

افكر ان شاء الله اكمل اغراضي على الاسبوع القادم باذن الله اذا ربي سهل !

بنات عندي سؤال وجهي كلة شاحب ولوني مخطوف وبشررتي طالع لي حب فيها ما ادري شسوي مضايقة من هالوضع وخاطري اصور نهاية الشهر بدبتي لان اول حمل ...وعروق ايدي ورجولي طافرين ما ادري من شنو بعد على الرغم اني قليل اتحرك من مكاني

وبعد سؤال عن المستشفيات الخاصة الحين اي مستشفى ارخص شي حق الولادة الطبيعي احس اسعارهم متقاربة مثلا التخصصي والامريكي نفس الشي !

وعن التجهيزات والله داير راسي اخذت كلة تناتيش ما اخذت تطقيمات بنات كل وحدة تكتب وش اهم الاشياء حقها وحق البيبي حتى لو في شي ناستنة اتذكره

unlimited;14811710:
صباح الخير كروشات

هلا صباح الانوار حبيبتي شخبارج ...تريقتين

احاتي بطني

هلا بنت سبتمبر
شخبارش?
شكله البيبي مقعدنش من وقت اليوم!
الله يخليكم الى بعض انتي وابو العيال وعقبال ما تحتفلوا ب 30 سنه
عن الريوق حدي جوعانه اكلت لي قطعه كيك مع زوجي قبل لا يروح الشغل بس بطني مو راضي يسكت من الجوع. . ها عازمتني على الريوق??! ;)
وعن المستشفيات الخاصه عندش الامريكي وابن النفيس والتخصصي والكندي اسعارهم تقريبا نفس الشي بس المشكله في الاشياء الزياده الي يحسبونها بعدين زياده على البكج
وعن التجهيزات كل مرة اقول بصورهم وبحطهم لكم بس الخيابه وما اتسوي

اي خيو رحتين موعدش عند الدكتورة?
ان شاء الله كلشي تمام?

صباح الخير كروشات
اخبار البيبيات اليوم؟ وشخبار النوم معاكم؟

نيغار الحاروق صار شئ عادي مع الحمل، وانا من يجيني اما اكل خيار بالروب او اشرب لبن او اشرع منقوع علج لبان
خصوصا المنقوع مغعوله سريع و بارد على المعده
اما بخصوص السفر خيو لا تفكرين بالجنسية مدام امه وابوه بحرينيين بالاخير بعطون البيبي
لا توترين اعصابك، فكري الحين انسب مستشفى بتولدين فيها

مس بحرين انا دائماا احاول اني افرفش واضحك ومااخلي شئ يوترني علشان البيبي

توما الله يبارك فيش خيو

حبوبة وانتي بخير وصحه وسلامة، صح النوم صاير ازمة للكل في هل الفتره

نوارة وانتي بخير وصحه وسلامة، وانشاالله كلنا نحتفل السنه الجاية مع البيبي
احس ان الانتفاخ شئ طبيعي لانش حامل بتوم والثقل ياثر على الرجول
انا امي باختي اخر العنقود صار معاها انتفاخ بالرجل من دخلت بالشهر الثامن، من ولدت خلاص راح النفخ

العبد الضعيف هلا خيو طولتي الغيبات هل الفتره

روز وانتي بصحة وسلامة وانشاالله السنة الجاية سنة خير على الكل

زهر تقدرين تجهزين من مكان غير سوق واقف عندش المجمعات لانه سوق واقف كلش مو امان
وانتي روحي اشتري الاشياء المهمه هل الفتره، وانشاالله ازمة وتعدي

سراب عمري الافرازات من دون حكه بالمنطقة جدا طبيعيه، ماتاثر

توتة الحمدالله تطمنتي على البيبي

مجنونة انا الحمدالله زاد دمش بس بعد نازل بنسبه انش حامل، كثري فواكة وخضروات

بنت سبتمبر مبروك عيد زواجك وانشاالله تعوضية السنة الجاية مع البيبي
انا الي اشترى لي زوجي كيمرا بشوف لش رقم الكيمرا وموديلها وبخبرش علنها انشاالله

انليمتد انا بعد جوعانه عزموني معاكم بالريوق، اكلت بس بسكويت

هلا صباح الخييير

مجنونه انا اممم مادري انا عن نفسي لخذت الحديد عادي مايصير لي شي
والحمدلله ان دمك ارتفع بس 10 بعدة يعتبر نازل حاوليه ترفعينه ل11

unlimited
صباح الخير شخبارررك
دام جوعانه قومي اكلي لك شي لاتجوعين البيبي معاك مسكين خخخخ

بنت سبتمبر
الشحوب معانه دمك نازل اكلي فواكه وسلطات وكبده وبتصيرين اوكي ^_^
وبالنسبه لتجهيزات البيبي اخذي الاشياء الضروريه لفترة الاربعين على الاقل
مثل الملابس الدخليه وكم افرول على كم ثوب وقماطات ومفرش تقديم البيبي
وفوطه وادوات النظافه ورضاعات ولهايه ومقسم حليب >>تقريبا هذا المهم لفترة الاربعين
وكل عااام وانتوا بألف خير وعقبال ماتحتفلون فيه السنه الجايه مع النونو

توته الحلوة اهم شي تطمنتي على النونو واذا على الخشم
عادي يكبر ويتغير اهم شي انه بخير الله يجيبه بالسلامه
_________
انا اليوم جالسه الصبح عشان عندي تحليل سكر ونسبه الهموجلوبين
بس رحت على الفاضي ولا استفدت بس ضيعت ربع ساعه انتظر السستر
قلت لها موعدي بكرة واليوم عندي بس تحليل
قالت ليش ماجيتي قبل اسبوع@_@ لان بكرة ماراح تطلع النتيجه
اففففف انا اشدراني انا مشيت على كلام الدكتور هو اللي قال لي تعالي قبل بيوم سوي التحليل واليوم الثاني الموعد والنتيجه
قالت لي مرة ثانيه اما تجين قبل اسبوع تسوين التحليل
ولا تسوين التحليل في المركز الصحي وجيبي معاك النتيجه
ولا فوق كذا يوم اروح لهم كانت الساعه 8 تقول لي الساعه 9اسوي لك تحليل وانتي صايمه والساعه 11 وانتي فاطرة @_@
طيب ليش العطله شمعنى 9 ليش ماتسوينه الحين تنرفزت من كلامها وخذت ارواقي ومشيت
مو مسويته عندهم بسويه في مكان ثاني وبودي تحاليلي معاي ابرك منهم