استشارة عاااااااجلة..

ح

حلا2006

عروس فضية

20-03-2011 | 07:20 PM

السلام عليكم ..

ابي استشارة عااااااااااااااااااجلة .. اول مرة اكتب في قسم مشاكل وحلول وماتوقعت بيجي اليوم الي اكتب فية ..

انا بنوتة عمري 25 جامعية على قدر من الجمال طويلة بيضا زينة مواصفاتي الحمدلله الكل يتمناها واهم شي اني اخلاق ومتربية ..

انا متعودة اي مكان اروحة انخطب واحيانا يجونا ناس يخطبون مانعرفهم ولا ادري من وين شافوني متعودة كثيير بس دايم ارفض واهلي اصلا يرفضونهم بعد يا ان الولد مواصفاتة ماتصلح او الولد مواصفاتة زينة بس اهلة يكونون شينيين او مايصلحون

انا كتبت الموضوع هنا لاني متاكدة انة مخفي وماحد يقدر يطلع علية لان عندي صديقات واقارب في المنتدى ومابي يقرون موضوعي

المشكلة : انا حاليا ادرس حاسب وفي حال سبيلي جاووني خطاب قبل شهر انا سمعت اسم العيلة ورفضتهم بدون ما اعرف اي شي عن العريس

الحين رجعوا ثانية وخطبوني واهلي عاجبهم العريس اهلي الي هم امي وابوي وخواتي
مواصفاتة : على قدر من الجمال والطول واخلاق وحيوي ..ساكنين في حي راقي امة تعبانة في تربيتة وامة انسانة طيبة واخلاق
ماعندة الا اخت وحدة واخوين فقط وابوة متوفي .. عندة جناح في بيت اهلة يعني بيسكن مع اهلة ..
خريج ثانوي لاكنة يشتغل في شركة وراتبة عالي وحالتة المادية زينة..

يعني اي بنت تتمناه لاكن عيبة بالنسبة لي انا عائلتة ..يعني عائلتة ابد ماتدخل فينا وعماتة وخالاتة وبيئتهم وعاداتهم كلش غير عنا ..ونسايبهم وكذا وكل حاجة تختلف عنا يعني مستحييييل بقدر اتاقلم معاهم .. طبعا اهلة العمات والخالات ساكنين في منطقة وهو مع امة واخوانة ساكنين في منطقة ثانية مبتعدين عنهم بس مادري عن مدى علاقتهم..

الحين اهلي كلهم عاجبهم ويقولون ماراح تلقين زي مواصفاتة والرجال نادرين هالايام عطوني مهلة اسبوع افكر واستخير احس اني ابد مو مقتنعة ابدااااااا عشان العيلة يعني هذيلي بيحملون اسم عيالي لازم اصير مقتنعة مية المية احس جاني هوجاس قلت برفض والله يعوضني بواحد ثاني اهم شي العيلة ..

كلمت صديقاتي المقربات لي وكلهم متزوجات من قرايب لهم ..قالوا لي ياخبلة لاترفضين ووافقي وانتي مغمضة واحد بهالصفات نادر تلقينة ..على كل الاغرائات والمدح الي جاني منهم الا اني موب مقتنعة تكفون ابي مساعدة

هل اوافق والقناعة تجي مع الايام.. او ارفض والله يعوضني ..

اتمنى ان ارى الاستشارة منكم في الوقت العاجل..

S

SHREEFA

أخصائية اجتماعية

20-03-2011 | 11:46 PM

غاليتي سبحان الله
قرار الزواج لا انا اتخذه ولا امج ولا ابوج ولا اقرب الناس لج
سبحان الله هذا قرار مصيري بالنسبه لج
الحل البسيط والسهل
انج تقومين وتتوضين وتصلين استخاره ...
وتقولين حق الوالده حياهم الله خل يتفضلون البيت عندنا

قعدي مع الولد
وتكلموا
من حقج الشرعي لا تقولين ماعندنا هالشي ...

اوكي قعدي مع امه وخواته وتكلموا بالتفاصيل

وخلي الوالد واخوانج يسألون عنه بكل صغيره وكبيره

بالعمل ، الجيران ، الاصدقاء ، الديوانيه

وعن طريق السؤال تعرفون اخلاقه ، صلاته ، عاداته ، طبعه

واظفري في الرجل الصالح اللي يؤدي صلاته في وقتها لان صاحب الدين هو الانسان الخير اللي تفضلين تعيشين معاه العمر كله

اختي العزيزه

استخيري مره ومرتين وثلاث
وسبحان الله الاستخاره مو شرط الشعور بالراحه او حلم معين
لالالالالا
الاستخاره من خلالها تعرفين اذا هذا الشي خير لج او لا
تشوفين سبحان الله كل شي يتيسر من خلال الخطبه السؤال عن الولد امور الزواج
واذا لا يصير شي يعقد الامور سبحان الله
وتوكلي على الله وربي يكتب اللي فيه الخير لج

دمتم سالمين
اختكم شريفة

ح

حلا2006

عروس فضية

21-03-2011 | 02:33 AM

مشكورة وجزاك الله خير

انا استخرت كثير

وسبحان الله الاستخاره مو شرط الشعور بالراحه او حلم معين
لالالالالا
الاستخاره من خلالها تعرفين اذا هذا الشي خير لج او لا
تشوفين سبحان الله كل شي يتيسر من خلال الخطبه السؤال عن الولد امور الزواج
واذا لا يصير شي يعقد الامور سبحان الله

بس الي قاهرني اني ما احس باي مشاعر احس اني جماااااااااااد لا قبول ولا رفض لاراحة ولانفور..

بكمل استخارة الاسبوع هذا وبشوف

ومشكورة..