عزيزتي حواء : كيف تفضلين شريك حياتك ؟؟؟

هلا وغلا يا أحلى
Ghala

آنه طلباتي وايد نشوف اللسته:
بحريني
طويل
أبيض البشرة أو حنطي
متدين (مو خرطي يعني يعرف إن في حساب وكتاب ويخاف الله فيني مو يرقعني طراق ويقول الله قال وإضربوهن )
عاقل
من عائله طيبه وأهم شي أمه تحبني وتموت علي
العمل غير مهم شنو يكون
من مستواي المعيشي لأني أؤمن بضرورة تناسب المستويات المعيشيه والإجتماعية في الزواج للتكافؤ
التعليم جامعي (مو مثل شبابنا هاليومين جامعيين ولا يعرفون يتكلمون ويخربطون مع هذي وذيك وكلام قله حياء)
ذا أخلاق عالية >>>>>>>>>>>. عجبتني هذي ذا
عصامي ( يعني يبني نفسه بنفسه >>>>>>>> ليس الفتى من قال كان أبي إن الفتى من قال ها أنا ذا (قامت تقول شعر السنيوره)
يفهم بالرومانسيه (يعني يقول لي صباح الخير حبيبتي، مساء النور يا نظر عيني، ولهان عليج وايد >>>> إلا آنه ينقص علي بالحجي
يحترم الوقت
يتفهم مشاعري وقت اللي خبركم ....... لأن مزاجي يصير X
وأبيه وقت اللي أزعل يراضيني (ما أبغي هديه بس كلمه طيبه ويعترف بغلطته ويقول لي سامحيني يا بعد جبدي
وأهم شي أبيه ريال والنعم وله كلمته بين الرياييل
يقدر الحياة الزوجيه والتفاهم
ويعرف هو ليش تزوج مو أهبل أمه مدورتني له
أبيه هو اللي يختارني
عزيز النفس والناس تحبه (مو البنات عاد ترى امشي واذبحهم)
وبعد ما أبغيه وايد حلو عشان اللي ذكرتهم فوق

وبس >>>>>>>>>>>> ما خلت شي وتقول بس

هلا

والله الموضوع حلو ...

طبعاً هذي المواصفات مجرد تمني:o ، لا أحد يحسبني طماعة (وما على الله بعسير) ...

العمر : يكون أكبر مني 2-6 سنوات يعني قريب عمرنا لبعض ...

الشكل : مو مهم بس أتمنى يكون برونزي ، شعره ناعم ، عيونه واسعة ، وخشمه طويل ، وطويل ...

التدين : متدين بإعتدال يفهم الحلال ويطبقه ولا يسوي الحرام ، ما أبغاه متطرف ولا منفلت ...

التعليم : مثقف وجامعي على أقل تقدير ...

مرح ، زين مع أهله ، طيب ، حنون ، رجل بكل معنى الكلمة ...

سلال الزهور

قطاف

روزا

الله يرزقكم باللي تتمنونه بأقررررررررررررررب وقت .. وتعيشون في عالم الحب والرومانسية ..

وادعوا ..ترا ماكو شي على الله بعيد ..

وادعولي معاكم خخخخخخخ:) ..طرارة :)

Ghala:
السلام عليكم .. ومساكم الله بالخير يا أحلى بنات ..

صراحة .. موضوع شريك العمر موضوع مهم جدا لكل البنات ( عادي قولوا لا تستحون :o:o:o).. وعشان جذي قلت لازم أعرف كل وحدة وشنو اللي تتمناه من مواصفات في شريك العمر .. يعني مثلا "السن " هل تبينه أكبر منك بشوي يعني سنة سنتين أو ثلاث .. ولا أكبر بكثير 10 سنوات وأكثر مع ذكر السبب ( حشا صار سؤال مقالي :D2:D2) ..
Ghala

بالنسبه لسن افضل انه يكون قريب من سني مو مشكله اذا كان اكبر عني 5 سنوات مو اكثر

Ghala:

الوظيفة مثلا هل تفضلينه يشتغل في مجال المدرسة أو عسكري ...

Ghala

بعد مب مشكله الوظيفه المهم ما يشتغل في مجال البنوك الربويه

Ghala:

وهكذا السكن هل تفضلين مع حمولة (بيت عائلته) أو لوحدك

Ghala

في بدايتنا اذا ما عنده امكانيه ممكن اسكن عند اهله بس بعد ما نجيب لنا كم طفل 2 او 3 اعتقد افضل ان نطلع في بيت مستقل .... وبعد اذا ما ارتتحت مع اهله يعني كانوا يناجروني بطلع في بيت بيت مستقل او اذا كان عددهم كبير والبيت صغير

Ghala:

وهل تفضلينه وسييييييييم أو مو مهم

Ghala

يعني افضل ان يكون شكله مقبول مب لازم وسيم ..بعدين يخق علي احسن اكون اجمل منه عشان ما يطالع غيري

Ghala:


وهل تفضلين أن يكون من عائلتك يعني قريبك (من جماعتك ) ولا من خارج العائلة
Ghala

والله اني افضل من برع العائله بس اهلي يحبون العكس ...انا اقول روح بعيد وتعال سالم ترى الاقارب عقارب (r)


شي أخير احب اضيفه

ابغيه شوي بارد عشان يستحمل عصبيتي.... وحنون .....ملتزم في صلاته....ويحبني ...وقلبه كبير يغفر لي اخطائي

العمر ابغاه اكبر مني ب 4 والا 5 والا 6 سنين مو اكثر
الوظيفه مو مهمه اهم شي وظيفه ثانيه تدخل عليه راتب يقدر يصرف من على البيت واهم شي وظيفه بالحلال
والسكن افضله لحالي علشان ماتصير العلاقه بيني وبينهم قويه وتطلع المشاكل بعدين:mad2:
وبالنسبه لشلكه مو مهم وسيم بس ماابغاه اجمل مني لايشوف حاله علي:D2 المهم شكله مقبول
وافضله من خارج العائله :shy:

بنت الفجيرة ..
sweeta girl ..

الله ينولكم اللي ببالكم يارب ...:)

أنا افضل زوج المستقبل كالتالي : بالاضافة للدين والخلق كشرط أساسي أتمنى:
العمر : الفرق بيننا يتراوح ما بين 4 إلى 7 سنوات
الشكل : مملوح تشتهين تناظرينه
السكن : مستقل طبعا ويا ليت يكون في الرياااااااااااااااااااااااااااااااااااااض (ادعو لي بهالنقطة يا بنات الله يوفقكم وينولكم اللي تتمنون)
التعليم: جامعي ولو كان أعلى ياليت
شفتو شكثر أنا قنوعة
(اللهم إني أسألك خير مما أستحق من الزوج وخير مما آمل وأن تقنعه وأهله بي وتقنعني وأهلي به يارب العالمين)

انا الحمدلله ........... مثل ما كنت اتمنى زمان جاني ................ انا وزوجي علاقتنا عن حب .............

وانا مقتنعه فيه كتييييييييير ................... الحمدلله ..........طويل و شخصيه وشكله عادي امووووور .........واهم شئ طبعا الاخلاق و الاحترام .............

وزوجي جامعي و خريج هندسه ....................... وانا تغذيه ............... والله يوفق الجميع


:D2:up: موضوووووعك حلووووووووووووووووو

مساء الخير:
تمنيت ارتبط بانسان والمهم الحين انا مخطوبة وارتبطت بانسان احبه لحد الجنون..
يمكن تمنيته يكون متعلم او جامعي عشان افكارنا تكون متقاربه نوعا ما.. بس كان حلم..
يمكن تمنيته يكون حنون ويهتم بمشاعري عشان يكون حب عنيف من الطرفين.. بس كان حلم..
يمكن تمنيته يرمي كل حياته وراء ظهره ويجيني.. بس كان حلم..!!
ارتبطت بانسان كل حياته دوااااااااااااااااااااام لدرجة انه ينسى انه خاطب انسانه تتمنى تعيش معاه كل لحظة.. وللحين اتمنى يكون نهاية صبري هالانسان ولكن مع تغييير كبير في طبعه وتصرفاته..
وما في شي بعيييييييييييييد عن الله..!!