حبيبته ♥;14760725:
بنات انا موصية على مفرش حق البيبيي
ودافعة فيه فلوس ومادري متى يتصلح الحال ونقدر نرجع حبايب وكلنا نروح مناطق بعضنا مثل قبل وأحسن :(
قولكم شنو أسوي؟
حرام دافعة فيه فلوس وصاحبة المحل ذهب والله مافي مثلها ساعدتني وماقصرت خصوصا لما قلت لها اني ابيه من وكت لأني دشيت الثامن, ومسكينة جهزته حقي بأسرع وقت, ومابي أخسرها ويتم المفرش عندها وفيه اسم البيبي!
ولها فلوس بعد وماابغي يصيير في ذمتي :( لأني دفعت بس المقدم حقها !
شوروا علي واذا في احد يقدر يساعدني من بنات المنطقة أكون شاكرة لكم وايد وايد
نفس الحالة ... مع انهم يبرزون تاريخ 1 /4 يعني عقب اسبووعين
ومادري شلون بروح اخذهم :-#
شجــن;14762139:
انزين بنات تعرفون بجم الولادة في ابن النفيس للولادة - شامل كل شي ؟
تقرير بسيط عن بكجات المستشفيات الخاصه للولادة ..
مستشفى البحرين التخصصي (الجفير )
* ولادة طبيعية : اقامة يومين 690 دينار
: اقامة 3 أيام 765 دينار
* ولادة قيصرية : اقامة 4 أيام 1430 دينار
** العرووض لاتشمل الادوية **
مستشفى الكندي (الزنج )
* ولادة طبيعية : اقامة يومين 600 دينار
* ولادة قيصرية : اقامة 4 ايام 1000 دينار
** العض يشمل الأدوية الضرورية للولاد فقط **
مسشفى ابن النفيس
* ولادة طبيعية : اقامة لمدة يومين في :
- غرفة صغير 560 دينار
- غرفة متوسطه 630 دينار
- غرفة كبيرة 715 دينار
* ولادة قيصرية : اقامة 4 ايام 990 دينار
** العرض لايشمل تحاليل الدم للأم والجنين ولايشمل الأكل و الأدوية **
المستشفى الامريكي
* ولادة طبيعية : اقامة يومين في
- غرفة خاصة 600 دينار
-غرفة في اي بي 720 دينار
* ولادة قيصرية : اقامة 4 ايام في
- غرفة خاصة 950 دينار
- غرفة في اي بي 1300 دينار
** العرض يشمل جميع الادوية والمستلزمات للودلاة**
خلاص خلصت :D
طبعا هذي الاسعار توها نيوو اول امس متصله فيهم كلهم
ويلي يعجبها تدعي لي اكمل اغراضي واولد بالسلامه :D