مواقف مع اهل الزوج

فديتج حبيبتي ما قصرتي والله
كلامج بلسم يدش القلب

بس حبيت اقول لج بالنسبة لموضوع ولد خالته يوم اني اضطريت اكلمه بطلب من زوجي لأن زوجي كان طايح بمشكله ويبي احد يطلعه منها وولد خالته اقرب شخص له كان الله يسلمج رايح العمره وطاف تاريخ القسط اللي المفروض يدفعه للبنك وبعد ما رجع من العمره وقفوه وما كان يقدر يتكلم بالتلفون زين اللي قدر يكلمني ويفهمني السالفه وبس قال لي كلمي ولد خالتي اذا يقدر اييني او يخلي احد باختصار يتصرف ولا تخلين احد يعرف بالسالفه عشان ما يوصل الكلام حق امي مراعاه لشعورها هو فديته وايد وايد يحب امه ويحاسب لها في كل شي..
يعني اختي السالفه مو هينه وقبل لا اتصل فكرت في زوجته وقلت ممكن تتضايق بس الموضوع ما كان سهل عشان جذي اتصلت على بيت خالته وزين اللي رد علي زوج خالته وفهمته السالفه اللي صايره حق زوجي وقلت له يمكن ولدك يقدر يفيدنا قال كلمية وشوفي شنو يقدر يسوي..الخ
وفي الآخر ما رد علي هي اللي اتصلت وقالت خير الا متصله حق زوجي وما كثرت خبر انا وقلت لها سوري بس هذي السالفه..
وعلى فكره ترى اتصالاتها حق زوجي اللي قلت لج عنها بحجة انها بس تسأل وغيره وصار انها اتصلت في المناسبات تقول حق زوجي زوجتك وايد تستحي قول لها اذا محتاجه شي تبي شي ترى انا حاضره يعني تقدر تتصل لي انا اتقول لي هالكلام ما له داعي اتبين حق زوجي ان هي ذربه وراعية واجب وغيره صح!!

انا يا اختي اعترف اني تسرعت يوم اني كلمتها بهالأسلوب وعلى فكره هي قالت لي بعد لو كنتي مكلمتني بأسلوب ثاني ممكن اتفهم بس اسلوبج غلط وانا فيني هالطبع الشين اني بسرعه انرفز واستعيل بتصرفاتي بعد ثانيتين اندم واقول انا اشسويت ماعرف اجامل والمفروض اني اتعلم اسلوب العياره شوي.. حتى زوجي قال لي اشفيج نسيتي انها من الأهل جان فكرتي اتفهمينها بطريقة ثانية..


عن ام زوجي والله هي اللي في بالي الحين ومضايقني وايد موقفها مني وخاصة ان زوجي من اول ما تزوجنا دائما يقول لي أهم شي عندي امي ياويلج ان ضايقتيها وهي اتحبني وايد ودائما تمدحني والحين الله اعلم شنو بتقول عني فكرت اتصل فيها اكلمها بس خفت تحرجني واتسكر الخط في ويهي وفكرت اخذ لها هديه بس خوفي اتقول تبي اتقص علي بهديه واتردها وتحرجني ويوصل الخبر حق زوجة ولد خالته وتتشمت فيني وفكرت اشرح لها ليش انا سويت جذي بس اخاف ما تقتنع وتكبر السالفه..

سألت زوجي شخبار امي قال الحمدلله بخير قلت له ما قالت عني شي قال لا ليش في احد منهم اتصل فيج قلت له لا قال بس خلاص تركيهم عنج وانسى هالموضوع..ما كنت اتمنى اني اكون منبوذه بين أهله والكل يعرفني المحترمه الهادئه الخجولة توقعت الموضوع بيكون بيني وبينها وبس تخيلي ان خالته رايحه قايله حق ولدها لا اتكلم ولد خالتك (زوجي) بس رد عليها قال لها انا ما بيني وبين ولد خالتي شي واحنا رياييل ما لنا شغل فيكم..الله يسامح خالته

انا الحين تفكيري بس في امه شلون اخليها ترضى عني وانا برضاها برضي زوجي

اختي الله يخليج فكري معاي بطريقة اضمن فيها رضاها عني


سامحيني تعبتج معاي

مرحبا مرة اخرى يالغالية :L: عزيزتي كلنا نغلط حتى الحكماء ماصاروا

حكماء الا لما اغلطوا وتعلموا من غلطهم , لا تلومين نفسج وايد انتي ما

غلطتي , بس شوي يبيلج مثل ما قلتي اسلوب ;) عياره ولو ام زوجج

طيبة صدقيني مع الإسلوب الحلو بتنسى وانتي ما سويتي شئ , سوي

مثل ما قلت لج , وفي النهاية ابيج تكونين واثقة من نفسج وقوية بعد وحياج

الله مره ثانية :thumbs_up:

يعطيج العافية حبيبتي ما قصرتي كفيتي ووفيتي يالغلا

حياالله محلقة تحت الأمواج يه يه يه ايش هالزين:thumbs_up: ايش هالإسم الحلو , عزيزتي ثقي بنفسك F:

ابتسمي , حينما كنتي تعلمينهم بدافع الحب والخير , وأنا رديت على مشكلتك في الصفحة الأخرى

ولكن اي مشكلة اخرى تعانين منها حياك الله وصباحج عسل ونورتي موضوعي يا حبي :)

انزين حبيبتي طفلة زوجك اذكري لنا موقف عشان نقدر نحل الموقف ومنكم

نستفيد ونفيد وحياك الله دائما وابدا في موضوعي يا عزيزتي F:

مرحبا اخت اشواك
و الله الصراحة انا اعجبت جدا بفكرج الراقي و طريقة حلج للمشاكل ما شاء الله عليج رزينة و الله
انا بعدني متزوجت عرسي بشهر 7 ان شاء الله , بس عندي مشاكل شوي وي زوجي يعني ما اعرف بس يصير عصبي يصير يحجي كلام احسه يجرحني و اضوج منه و ازعل و ابجي و كل مرة يوعدني يحاول يسيطر على العصبية و ماكو ابد نفس الشي و اني الجبيرة بين خواتي و ما ابي اوصل الموضوع لامي لان اعرف راح تكبر الموضوع و تحجي وياه و يزعل بس احس انو لازم احسم هيج مواضيع من اول خصوصا اني راح اتزوج ببلد و اهلي ببلد ثاني و اني هذا الي خايفة منه و احسب له حساب ..
شنو تنصحيني ؟ و صديقتي تكول ابو طبع ما يتغير :((

اشكرك على ثناءك علي فإن دل على شئ دل على طيبة قلبك وروحك

الصافية :L: مااريده منك هو كالآتي وبما أنك ستتغربين اطلب منك أن

تستفسري منه عدة استفسارات وتأخذين الموضوع بجديه , تتكلمين معه

بصوت حكيم ومسموع ( عزيزي بما أنني

سأتغرب , اريد أن اعرف هل ستجعلني اسكن في بيت مستقل ؟ هل

ستجعلني اقود السيارة بما أنني متغربه وستكون انت في العمل هل ستجعلني

اذهب الى السبا بشكل مستمر ؟ ) :thumbs_up:

اذا شعرتي بأنه ليس مقتنعا فقولي له وبصوت مسموع وحكيم يا عزيزي اذا

لم توفر لي هذه الأشياء فأنا لا استطيع أن استمر معك .

و الله مو اشواك انتي الورد بس :)
هاي الاشياء موجودة و اعرفها و اعرف انها راح تصير , مو هنا المشكلة اذا صار موقف او شي و حاولت انطي رأيي يعصب و انتي ما عندج ثقة باختياراتي و كل شي اسويه اني غلط و اني اظل متفاجئة هيج !!! الولد متعلم و مهندس و مثقف كلش و هذا الي جذبني له بس عصبي جدا و اذا عصب ميعرف منو كدامه و المشكلة اني احس الكلام يجرح اكثر من الفعل و الكلمة تبقى ببالي و ما انساها حتى اذا جا و خلص الموقف و صالحني اني اكون مو راضية اكون فبالي كيف جرحني بالكلام و اذاني و تظل تصرفاتي وياه لا انا راضية و لا زعلانة و هذا شي موتر العلاقة كلششش لدرجة اني افكر اتطلق اقول باجر اذا رحت عنده و صار عصبي و اني وحدي شسوي له :(
انتي شنو رأيج ؟ شلون الواحد يتعامل وية هيج حالة ؟ شلون ما انطي رأيي بالاشياء ما انصحه اذا سوى شي مو زين ؟؟ و الله حيرة !!
شكرا لاني ماخذة من وقتج , تسلمين و الله :)

حبووبه حبيت اقولج .. ما يخصه اذا كنتي انتي جامعيه او لآ
بس حاولي تكسبينها بكلامج الحلو .. وصدقيني اول شيء بتنرفزج وبتتكرر اكثر من 100 مرة بس بعدين صدقيني بتتغير

صديقتي بلسم جروحي شلونج؟؟
رجعت لج بمشكلتي ترى للحين ما صار شي بعد آخر مسج ارسلته حق البنت قولي لي شنو اسوي بالضبط مابي اتهور بتصرفاتي خلاص اطنش وابتعد عن حياتهم واخسر اهل زوجي كلهم واتم متضايقه من هالموضوع طول حياتي والا ابتدي اكلم من فيهم أمه والا اعتذر للبنت مره ثانيه واللي هي يخصها الموضوع من الأساس والا أكلم اخت زوجي واطلب منها نتلاقى ونتفاهم فيس تو فيس معاها والا مو عارفه شاسوي كيف اقدر ارجع العلاقة بيني وبين أهل زوجي!!
ترى والله ما استاهل يصير معاي ذي كله انه والله طيبه وقلبي نظيف بس مشكلتي انفعل بسرعه واندم بسرعه متعبني هالموضوع ما تعودت ازعل واضايق احد مني خلج معاي الله يخليج

..الريم..;14953956:
حبووبه حبيت اقولج .. ما يخصه اذا كنتي انتي جامعيه او لآ
بس حاولي تكسبينها بكلامج الحلو .. وصدقيني اول شيء بتنرفزج وبتتكرر اكثر من 100 مرة بس بعدين صدقيني بتتغير

مشكورة

انتي فهمتي الموضوع غلط؟؟؟

لانه حماتي تدخل روحها بكل كبيرة وصغيرة وتتدخل بكل خصوصياتي وتسوي روحها هي الي فاهمه وهي الي دارسه وفي النهايه ما تملك الا شهادة ثانويه....عرفتي!!!!:)


وبعدين انا مااقدر ارد عليها...وعلشان ابتعد عن المشاكل اظل ساكته ومنقهره ...
ومثل ما كتبت قبل ........اذا رديت عليها زوجي يعصب عليي ويصير بصفهااااا....وتتمادى اكثر واكثر


اتكلم معاها باسلوب حلو؟!؟!؟!....
احس ان هالشي مو لمصلحتي ابدا لانها بتدوسني اكثررر وبتستصغرني قدام الكل والجميع
لانه هدا اسلوبها معاي وعلى طول هذي حركاتها وياي.... وجدي راح اخلي الكل والجميع يتهجم عليي مو بس حماتي...



مشكورة حبيبتي...

نهارج سعيد بياض :L: عزيزتي , اذا تأكدتي أنه يستطيع فعل الأشياء التي

ذكرتها لك , فعصبيته امر هين إنما فقط يحتاج الى تمرين وتدريب
:09:اولا حينما يعصب الزوج نسكت تماما , مثال كنتي
في السيارة وانزعج من موقف ما وعصب , اسكتي تماما حتى تصلين الى

البيت , ومن ثم ابتسمي له , وإن وجدتيه هادئا , ووجدتي أن الحق معك هنا

لابد أن تحدثيه بصوت الإنسان الحكيم , ياعزيزي أن ما فعلته لم يكن

صحيحا , او مثلا تناقشتوا في موضوع ما وعصب ,

اسكتي عنه تماما , وحينما يهدأ اخبريه , وبصوت هادئ , هل كان

الموضوع يستدعي أنك تعصب , وفي حالة كنتي أنت غلطانه :01: فهنا لابد

أن تتحولي الى قطة هادئة جدا جدا جدا وبعد أن يهدأ تكلميه بصوت رقيق

وناعم حبي أنا ما كنت اقصد :014: الآن تكمن المشكله في أن

احيانا لا نعلم إن كنا اخطأنا او لا وذلك بسبب التربية , لذلك من الضروري

التعرف على اخلاق زوجك وطباعه وفهمها جيدا لتوخي المشاكل ,

اتمنى لك حياة سعيده يا عزيزتي :thumbs_up:

كرزه انتي فيج طبع ما تردين صح ولا لا , يعني مثال : قالت حماتج أنج

تصرفين فلوس واجد , علي صوتج شوي مب وايد خليه مسموع حيل بحيث

كل الي قاعد يسمع , ( ايه أنا اصرف

فلوس واجد , ما قصر على عيالي ) بالنسبة لزوجك لا تدخلين :092:زوجك

في المشاكل سواء الإجتماعية :055:ولا النفسية :009:الي بينج وبين اهل

زوجك او اي احد ثاني نسي زوجك أنك في يوم من الأيام كانت في مشاكل

بينج وبين هله :086: بالنسبة أنها ما تكلمج عادي انتي بعد لا تكلمينها لما

تجوفينها اشغلي نفسج بعيالج , وخليج مع الي يكلمونج :077:

سواء حمواتج الثانيات ولا السليفات المهم ابيج في المره القادمه تنزلين وانتي

واثقه من نفسج , وخليج في قمة كشختج لأن الكشخه تعطي الوحده الثقة

عندي استفسار شلون ما تسلم عليج , يعني ما تسلم عليج باليد ولا بالكلام

انزين أنا الحين ابيج تمارسين دور الشخصية وهالشئ يصير مع التدريب

وبالتدريج , يعني مثال دخلتي على حمواتج وهذي الحلوه كانت قاعده ,

سلمي عليهم كلهم باليد بس الحلوه سلمي عليها شفوي باللسان وبصوت

مسموع حيل , شلونج فلانه ؟ اذا ما ردت

ردي : السلام لله , بيني حق الكل أنها تتصرف تصرفات خاطئه , بس

بطريقة غير مباشره :) يعني مب تقولين حق العالم أنها ما تسلم , خليهم

هم بعد هالموقف يقولون ليش ما سلمت ؟ عاد انتي قولي وبصوت مسموع

حيل , خلي الكل يسمع (ما تبي تسلم كيفها , أنا ما عندي مشكله ), وعادي

سولفي مع الي حواليج ونهارج سعيد واي تطورات صارت أنا حاضره .

مين بلسم جروحي :study:

هلا والله بإختصار , هلا وغلا هلا بالحب كله :L: هلا حبيبتي , اجوف

الموضوع نور , عزيزتي لساني عاجز عن التعبير , فهذا بعض ما عندكم ,

اي موضوع حابه تطرحينه حياك الله .

اللهم بعدد حبات المطر التي انزلته على هذه الأرض منذ أن خلقت

الخلق ,اللهم انر لوالد بإختصار كل نور وهدايه واهديه الى دربك والى

صراطك المستقيم المستنير , اللهم اجعل دربه كله صراطا واستقامه , اللهم

اجعل بينه وبين رفقاء الشر , سدا لا يمكن اجتيازه ولا اختراقه , اللهم احففه

بالملائكه واحفظه من شرور الدنيا وفتنها , جئناك نطرق

بابك فلا ترد يدينا خائبتين , اللهم اجمعني واجمع كل من دخل صفحتي في

العليين , اللهم آمين :065:

اهلين اختي اشواك ورد

اخاف اقول لها: ايه أنا اصرف

فلوس واجد , ما قصر على عيالي

وتروح تكلم اخوها وتقول له حرام ولا تصرف ومو زين هذا كله خساره ما عليك منهااااا
مو بس اخوهااا بتقول له بعد بتكلم البيت كلهم وبتبين لهم اني وايد العب بالفلوس
عاد زوجي كل كلمه تقولها يطبقهااااعليي

وايد حركاتها تنرفزززز