تعانين من حب الشباب (تجربتي ) اللي ما تدخل هي خسرانة

السلام عليكم ورحمة الله وبركاته
شخباركم عرايس وبنات إن شاء الله بخير :)
( من لا يشكر الناس لا يشكر الله) أتمنى أشوف ردودكم وتقييماتكم إذا أستاهل التقييم :o

قبل ما أبتدي بالموضوع أحب أشكر الأخت (حرامية كيوت) جزاها الله خير الله يسعدها ويوفقها في حياتها الصراحة ما قصرت شرحت لي شرح وافي وشجعتني أستخدم هالمنتج , وأكيد الشكر موصول للأخت @ فوشيا @

لأن أهيه الأساس الي حطت هالمنتج من ضمن صور منتجاتها والأخت little heart لأن في أحد المواضيع كتبت عن تجربتها للمنتج جزاهم الله خيرا الله يسعدهم ويوفقهم دنيا وآخره أتمنى من كل وحده تستفيد من هالموضوع تدعي لهم ولي :o إذا ما عليكم أمر

حبيت أفيدكم بجربتي بعد ما جفت النتيجة , أكيد الأغلبية يعانون من مشكلة حب الشباب وآثاره وطبعا ما خليتوا شي ماجربتوه ومن دون فايدة لا تخافون الحل معاي وإن شاء الله تستفيدون من تجربتي
أنا بشرتي دهنية وحساسة وطبعا أعاني من مشكلة حب الشباب (حبوب , بقع, رؤوس بيضاء وندب ) أستخدمت وااااايد أشيه ماخليت شي ما جربته وأكيد الي تعاني من هالمشكلة بتحس فيني

أستخدمت غسول طبي والحين تقريبا أسبوعين والنتيجة الحمد لله روووووووعة بليز قولوا ما شاء الله (طبعا هالغسول يناسب جميع أنواع البشرة وطبعا أنا أقول هالكلام لأن البنات (المنتدى) الي أستخدموا هالغسول كل وحده بشرتها تختلف عن الثانية والغسول ماله تأثير سلبي على البشرة ما يسبب تهيج أو أي شي لأن إذا لاحظتوا بشرتي دهنية وحساسة في نفس الوقت والحمد لله وما شاء الله النتيجة إيجابية
غسول طبي للتخلص من آثار الميك أب وينظف البشرة من الدهون المتراكمة وخاص لحب الشباب :

Exfoliac foaming gel

صج سعره أغلى من باقي الغسولات بس يستاهل سعره لأن نتائجه أفضل (سعره 7 دينار ونص : طبعا مو متوفر في جميع الصيدليات في البحرين :أنا خذيته من صيدلية رويان )

تأثير مفعوله على بشرتي : (ما شاء الله بعد أسبوع لا حظت بشرتي تحسنت وتقريبا خلال أسبوعين لاحظت الحبوب أخف ولون البقع أخف وحتى الرؤوس البيضاء الحين أقل وحتى أختي لاحظت هالشي الحمد لله على كل حال)

أتمنى الكل يذكر أسم الله ( ما شاء الله )
سوري طولت عليكم بس حبيت أوضح لكم كل شي :o

أتمنى أشوف تقييماتكم وردودكم المشجعة عشان أحط لكم موضوع (عنايتي ببشرتي وفي نفس الوقت علاج بشرتي من حب الشباب )