سوبر ناني

مشكوررة اختي
ان شاء الله بعمل الي قلتيلي عنه
بس شنو الحل للصراخ كيف اعلمها انه هذا غلط
وكيف لا كافئتها اذا ماصرخت كيف افهمها انه عشانها ماصرخت
هالعمر صعب التواصل معه

بتر فلاي صباحج عسل F: انتي لما تتقربين منها وتعطينها حنانج ,

وتلعبين معاها , وتكلمينها بصوت هادي بتتعلم الهدوء :thumbs_up: النقطه الثانية في

احتمال حد ثاني يصرخ في بيتكم , هل انتي من النوع العصبي , الطفل

يكتسب كل شئ , ممكن الخادمه :p

الأب اي حد من افراد الأسره , بالنسبة لصياحها , احيانا الطفل فجأه

يصيح , اهني اول شئ تودينها المطبخ:012: يمكن تكون جوعانه , تبي

ماي تخيلي طفل ليحين ما يتكلم :042: يلجأ للصياح بطبيعة الحال , تقعدين

معاها , تمسحين على خدها مثال : شنو حبيبتي

خليها توديج كل مكان تبيه فإنت اهني تلعبين دور الصديقة , وانتي تمشين

معاها , اي شئ حسسيها أنج مهتمه , وينه ؟ تبين لعبه ؟ غيري لها

الموضوع :014: هذا موضوع ثاني ارجو الرد .

اهلا انجلي :L: حبيبتي بالنسبة للحضانه بس ابيج تتأكدين من سمعة

الحضانه ومن مشرفة ابنج هذي الأمور أمانه , تخيلي ولدج يتم عندهم , هو

بس من باب الإحتياط نهتم في اولادنا :thumbs_up: النقطه الثانية , نصيحتي دايما

وابدا ادعي حق عيالج بالخير , انت وديتيه مؤسسه ولا بيت اختج ولا

المدرسة , اهني لابد من الدعاء اليومي للأبناء : اللهم احفظهم :04:

واحففهم بالملائكه واجعلهم في اياد امينه , النقطه الثانية بالنسبة للعناد ممكن

يكون سببه عدم احترام رايه يعني احيانا ممكن يكون ماسك صحن او ملعقه

وماخذها من مكانها تحملي تاخذينه من يده

قولي له حبيبي حطه في مكانه عفيه على ولدي الشاطر , طبعا اهم شئ أنه

ما يكون شئ حاد , اذا هنا الإسلوب مفقود , بالنسبة للأكل طبيعي الطفل في

هالسن ما ياكل , ولكن شلون اخليه ياكل :012: اسوي المستحيل , الجبس

والحلويات ايام الإسبوع ممنوع شراءه ممكن

في الويكند عن الخاطر , مكان اليمعه لما تتيمعون , ممكن تشترون بحيث

كأنه مكافأه مع الأيام يتعلم أن الحلويات مب كل يوم الواحد ياكله , بما

أن الحين موسم البازلا الخضرا , اشتري

بازلا , وحطي بالفرن مع الدجاج ولما يجهز الأكل , دائما احرصي أن طفلج

يكون عنده صحن خاص بالأطفال , بحيث يجذب الطفل - لما يحطون

مسلسل الكرتوني ارنوب لاحظي أن ارنوب

دائما في يده جزر , اسألي ولدج مين هالشخصية , ارنوب , ارنوب مثل

فلان يحب الجزر :ok:وايد , وانتي تكلمينه , ابتسمي واحضنيه خلي يتركز

هالموضوع في ذهنه عشان يعرف حلاوة

الجزر , لما يي وقت الغدا - حطي قطع من الدجاج بطريقه حلوه وحطي

البازلا , الحين في اطفال ما يحبون البازلا , بعد ما تغسلين يدج جيدا , يبي

حبة البازلا , والعبي لعبه مع ولدج مثلا :01:

يبي صحن بيضاوي , والعبي معاه صبعه فريق وصبعج فريق , وكأنه

بتهدفين الكوره لين تحطين اللقمه في فمه :045: أنا عندي اهم شئ الطفل

ياكل , لأن البقوليات مفيده لإبنك , بالنسبة للضرب , هو يضرب مين

بالضبط ارجو الرد F:

حبيبتي انجلي :L: بالنسبة لإبنك فهو اغلى ما تملكين :03: حينما يضربك

حينها يحتاج ابنك لشئ من الجدية , فقط ضعي عينك في عينه وامسكي

بمعصمه ولكن لا تضغطي عليها بقوه لا تصرخي في وجهه :034: ولكن

حسسيه أنك جاده ما نسوي جذي عيب , ولكن بالنسبه

في الحضانه هذه مسؤولية مشرفات الحضانه وليست مسؤوليتك , بالنسبة

لكيف تزرعين حبه في الآخرين , هو استخدام الإسلوب الحسن , حينما يلعب

مع ابنة اختك ,راقبيهم العبي معهم ,:099:علمي ابنك أن يعطيها الأشياء

مثل المكعبات , حاولي أن تجعليهم اصدقاء بإسلوبك الجميل :016:

السلام عليكم
اختي اشواك الورد
يزاك الله خير حبيبتي علي هالموضوع
بغيت اسالج شسوي لبنتي احس حالتها النفسيه شينه
من يومين تطلقت للمره الثالثه من زوجي وخبرتها وكانت تصيح وايد
عمرها خمس سنوات ونصف بس ذكيه وايد ماشاء الله عليها
ابا اغير لها من هالجو
مع العلم اني بدولة غير دولتي الحينه ولها سنه واربع شهور ماشافت ابوها
وتتكلم عن اني السبب في بعدها عن ابوها وتشتيت شمل الاسره
في الفتره اليايه بحتاج اشتغل عسب اقدر اصرف عليها واقدر ادخلها روضة شسوي كيف اوصل لها هالمعلومه
لاننا بغربه وهي ماتتركني حتي اروح السوبر ماركت بروحي
دوم وياي مابعد عنها
امم مابا اقلك اكثر هاي اكثر شي يشغلني الحينه
هيه تراها تكح من خبرتها ادري ان نفسياتها مب زينه :(

هلا والله بشقاف :L: حبيبتي باعطيج عدة نصايح مهمه بنتج مهما كانت

ذكيه فهي طفله F:اي نقاش يدور بينج وبين اي حد يكون في مكان او في

غرفه بعيد عن بنتج تماما مهما كانت نوعية الموضوع بنتج خليها تكبر على

الشفافية , بالنسبة لموضوع الطلاق اذا ييه يوم وسألت :042:

عن ابوها او ليش تطلقتوا , لا تنسين هالجملتين وعمرج لا تغيرينهم : ابوج

اخلاقه زينه :thumbs_up: بس احنا توصلنا حق هالإتفاق , لأن هالإتفاق الأحسن

لنا , وبس لا تخوضين معاها في اي :034: موضوع دار بينج وبينه , لأنها ما

بترضى عليه حتى لو الحق وياج بتدش في متاهات وبتحلل , كان ممكن كذا

وكذا فإنتي في غنى عن هاي كله لا الحين ولا في المستقبل لأن يظل

ابوها , اذا سألتج في المستقبل ليش تطلقتوا , نفس الرد , لا تغيرينه , بالنسبة

لتعلقها فيج الحين هذا امر طبيعي , اهتمي فيها :025: وديها الحديقة ممكن

تلعب مع البنات الي في عمرها مع المراقبه وديها البحر خليها تقعد

عالشاطئ , وديها حديقة الحيوانات خليها تستمتع بها الأشيا

حببيها في الحيوانات , اشتري لها كتب , الله يوفقكم وينور طريجكم اي

استفسار ثاني انا حاضره :thumbs_up: