معاناتي مع تأخر الحمل

اختي الدكتورة ادرى بالانسداد وممكن تاخذي رأي دكتورة ثانية وثالثة ماعليج شر ان شاء الله

بالنسبة لسؤالج عندي موضوع بذات السؤال/ ادخلي بيتتكونلج فكرة واضحة ..
وبعد ادخلي من مشاركاتي على الاخت غسق الاردن / موضوع : تصويت .. لذات السؤال تستفادي من الردود

موضوع تصويت للاخت غسق الارد مختلف عن سؤال الاخت جلنار

شوفي يا جلنار اولا بدعيلك ربنا يشفيكي ويرزقك بالذرية الصالحة في القريب العاجل باذن الله
مشكلتك نفس مشكلتي
تحليل زوجي كان قلة حركة الحيوانات المنوية وارتفاع نسبة التشوهات ونقص كمية السائل لكن العدد كان معقول الحمد لله ... ذهبنا لطبيب النساء فقال ممكن نعمل تلقيح صناعي علشان نختصر الوقت وطلب مني اعمل اشعة صبغة للتأكد من سلامة الانابيب والحكم على صلاحية اجراء التلقيح الصناعي

فكانت المفاجئة ... التصاق بالرحم وانسداد في الانبوب الايسر والانبوب الايمن نص نص

ذهبنا للطبيب بالاشعة فقال ممكن نعمل منظار نحاول نشيل التصاق الرحم لكن انسداد الانابيب صعب شوي وبعدين نعمل حقن مجهري وحدد لي ميعاد العملية ... وفعلا دخلت اوضة العمليات لاجراء المنظار ... ودخل الطبيب وقاللي قبل ان اخذ البنج ... هنشوف هنقدر نشيل الالتصاق ده ولا لأ ... (يعني انت مدخلي العمليات وانت مش عارف هتعرف تشيله ولا لأ) ما علينا !!!
وفوقت من البنج في اوضة العمليات على صوته يقول للطبيب المساعد ماعملناش حاجة ... كنت هعيط ولكن تذكرت ان دي ارادة الله واحمد ربنا كي يزيدني من خيره ويرزقني فقلت الحمد لله رب العالمين
ودخل الطبيب علي الحجرة بعد اتمام الافاقة مع اهلي وقال ... دخلنا بالمنظار ووجدنا التصاق الرحم من النوع الشديد جدا وصعب انه يتفك ولو اتفك هيلزق تاني فممكن نعمل حقن مجهري مع ريسك الاجهاض وانا بخيركم وانتم حرين

حمدت ربنا وقلنا خلاص بنعمل الحقن المجهري ... نسيت اقولكم انا قبل العملية صليت استخارة وشوفت اخويا بيقوللي اسألي طبيب تاني واتاكدي ... وانا طنشت وقلت اهه حلم وهواجس من القلق

وبعد العملية اخويا اتصل يطمئن علي وقال خلوها تسأل دكتور تاني ... واعطاني اسم وعنوان طبيب زوجته
رحت له فنظر بالاشعة وقال لالالا كدة حمل بالمنظر ده ماينفعش خالص لازم منظار نشيل الالتصاق ده
فقلت له الطبيب السابق قال كذا وكذا ... قاللي الطبيب الجديد كل واحد يتكلم في تخصصه انا تخصصي مناظير وهو المفروض ان ده مش تخصصه
المهم دخلت العمليات تااااني ومنظار تااااني ورحت له بعد العملية باسبوع وادانا الـ CD بتاع العملية وشغله لنا عنده على الجهاز وكيف دخل بالمقص عند الانبوب شال الالتصاق وبانبوب مطاطي سلك قناة فالوب زي السباك لما بيسلك الحوض هيهيهيهيهي
اما التصاق الرحم سألته عليه ... امال فين التصال الرحم ده ... قاللي اتفتح بفعل الماء اثناء دخول المنظار ( امال ايه نوع شديد وملتصق جدا وصعب يتفك ... ماهو اتفك اهه بدون ما يعمل فيه حاجة الدكتور ... امال الدكتور الاول كان بتاع كفتة ولا اييييييه؟؟؟
وبعد شهرين عملت اشعة صبغة جديدة وكانت المفاجئة ... الحمد لله الرحم زي الفل والانابيب الاتنين سالكة والحمد لله ... قولوا ماشاء الله

والحمد لله الطبيب قاللي كدة ممكن احمل طبيبعي بس انا بصراحة هاعمل تلقيح صناعي علشان تحليل زوجي

..................

أما بالنسبة لسؤالك عن اي من التجربتين اكثر نسبة نجاح ... فاحقن المجهري اكثر نسبة في الاخصاب ...يعني ممكن يحصل اخصاب بنسبة كبيرة في الحقن المجهري ولكن نسبة حدوث الحمل 30% للحقن المجهري و20% للتلقيح الصناعي ... وبتزيد النسبة مع صغر السن ... وبتوفيق الله

.......
نصيحتي ليكي تسألي طبيب متخصص حبيبتي كي لا تتخبطي في اراء الدكاترة ... وما تيأسيش ابدا ... فانا كنت فاكرة ان انسداد الانابيب ده صعب و اني هفك التصاق الرحم واعمل بعدها حقن مجهري ولكن الحمد لله الانسداد زال ... بس لازم طبيب ماااااهر