` כـ // ــرم آڷـ م ــכــآمي `;14860359:
مخملياات :L:
هلا والله بالغاالية اللي وحشتناا F::o
الحمدلله على سلامتج F:
هلا أبوي حرم ,, الله يسلمج يالغالية وما يوحشج غالي , طمنيني عنج عساج صرتي احسن ؟
روحي وروحكـ;14860340:
فدييييتها واللهـ الغالية ماقصرتي واللهـ يزاج اللهـ ألف خير
وربي تستاهلين التقييمـ على تقاريرج الحلوة بس ياحيف ميزانج مستخف
انزين فديتج وإذا أبي مع البطن والصدر والظهر جمـ يصير..؟
وبالنسبة لحمامـ كليوباترا اللي بماسكات فيهمـ تفريكـ ولا ..؟
لنهـ أنا ناوية أروح أول حمامـ مغربي في صالون رحمة لنهـ أحس بيطلع مني سطل خمق من زمان مو مسوية
انزين عقب أبي أسوي واكس وبديكير منيكير وفيشل وحمامـ كليوباترا بس اذا فيهـ تفريكـ أتوقع بتتعب بشرتي
صج صج مشكورة خوخة وايد أفدتينا عاد عن محل بوتيغا فيرديهـ أو عن السمكرة في أللور أو عن الجواتي والعطور ماشاللهـ عليج ماقصرتي
عساني انشاللهـ اعضض ولدج :p
انزين بنات سؤال آخر وين أحصل طقمـ فوط حلو ومابي غالي لنهـ أوردي ماخذة واحد كشششخة حق العرس
هلا يالغالية "لولو" ,, لا حمام كيلوباترا ما فيه تفريك كله ماسكات وتشيل كل ماسك بفوطة مبللة , بس اخر شي في الجاكوزي تفرك جسمج على خفيف عشان تزيل اي ترسبات للخلطات و تغسل شعرج بعد , عاد انا اقول لها خليني انا اغسل شعري وعشان بعد اغسل اي جزء من جسمي بروحي , واذا الجسم كامل بـ 25 بس هاي مع البكيني , بس بدونه ماادري بكم بيصير , شوفي جدولج سويه كالتالي :
- أول يوم سوي الفيشل , لانه ينصح انه تسوينه قبل أسبوع من العرس
- ثاني شي حمام مغربي لاازلة الترسبات
- ثالث يوم سوي الواكس والبدي كير والمينيكير
- رابع يوم سوي حمام كيلوباترا عشان اذا طلع لج اي تهيج في جسمج من الواكس لا سمح الله او اي شي الحمام يزيله ويصفي البشرة ويخليها تلمع وتصير صافية وجاهزة للزواج ;)F:
حكاية غرام;14863030:
هلا مخمليات مشكوورة وايد ما قصرتي
حبيت اسالج عن المنظف تبع المكياج اللي مدحتيه من ماركة نيوكس وقلتي احسن من بايوديرما
هل اهو الغسول نفسه الثري روزز ولا منظف ثاني وشنو اسمه بالضبظ
لاني استخدم بايوديرما فحابة اجرب هاي بعد
وهل يصلح للعين ولا لا؟؟ وكم سعره ..
شي ثاني بالنسبة لبوتيغا فيري مجموعة الورد شنو احلى شي فيها ؟؟
انا عندي كريم الخوخ ويجنن اول ما تحطينه بس عقب مدة تروح ريحته ..
وبسالج جربتي باث ان بدي ووركس ؟؟ او فيكتوريا سيكرت
شنو احلى شي عندهم ؟؟
هلا حبيبتي حكاية ,, بالنسبة للمنظف تبع "نوكس" , لا هو غير عن المنظف بس من نفس المجموعة اللي هي "Gentle Purenss" وهو مستخلص من ال 3 أنواع من الورد مع الشاي الاخضر واسمه "Micellar Cleansing Water" والحلو فيه إنه مب بس ما يحرق , هو عبارة عن منظف وتونر في آن واحد يعني حتى لو ما تغسلين ويهج من بعده ماراح تحسين بحكة في ويهج بعكس المنظفات الثانية ويناسب كل انواع البشرة حتى الحساسة , وانا اغسل ويهي من بعده عشان أحط الكريم وطبعا هو للوجه والعين حتى مكتوب عليه وسعره 8.500 الكبير 200 ملي , والصغير بـ 6 دينار 100 ملي , بس طبعا ما انصحج تاخذين الصغير لانه ما يسوى وبسرعة بيخلص الا اذا تبينه للتجربة وبصراحة روووعة هالماركة
بالنسبة لبوتيغا فيرديه , طقم الورد اللي اخذه هو الكريم اللي علبة مب رش , والعطر ايدي تواليت , والشاور جل , و الورد عندي الريحة اثبت من الخوخ , واذا تبين ريحة الخوخ تثبت لازم تاخذين العطر لانه ريحته ثابتة وفواحة , وعندج بعد الكريم اللي على لافندر فظيييع وريحته ثابتة
بالنسبة لـ باث أند بودي ووركس للحين ما جربته واذا جربته اكيد بوافيكم بتجربتي , وفكتوريا سيكرت انا بصراحة صار ما يعجبني بتاتا أحس مستوى الجودة قل بصورة واضحة وكان على ايام قبل المميز عندهم الفانيلا بس وبصراحة ياني طقم فانيلا في زواجي , عطيت الكريم امي والبخاخ خليته معطر جو للغرفة والحمام عزج الله
حكاية غرام;14863194:
بنات بسالكم شنو افضل للبشرة المختلطة اللي فيها اثار حبوب
تونر كلارنس او تونر لانكوم
انا جربت لانكوم اللي فيه كحول حلوو بس يحرق عيوني
بس اللي عجبني فيه انه تشوفين في القطنة وصخ البشرة اللي لونه بني
على عكس كلارنس اللي ما اشوف شي في القطنة يمكن لانه لون التونر اخضر مال كلارنس
فاللي جربت تحط تجربتها
ولانكوم فيه نوعين نوع بكحول ونوع بدون ..
وبعد سمعت وحدة تمدح تونر كلينك الوردي ومغطاته رصاصي ..
حبيبتي حكاية , طبعا وبقوة انصحج بـ كلارنس لانه هو من بين الماركات المعروفة أقل نسبة كيميكال في الكريمات والمنظفات , وانا استخدمته من قبل وايد لطيف عالبشرة , وبالنسبة لكينيك ابتعدي عنه لانه واايد ناس طرحوا تجاربهم بأنه أثر على بشرتهم سلبا وما يناسب كل بشرة لانه نسبة الكيميكال فيه عالية , وعلى فكرة في تونر من "نوكس" من نفس المنظف والغسول شوفيه اذا يناسب البشرة المركبة لانه ما قريت عنه عدل
روحي وروحكـ;14863322:
بنات محد عندهـ فكرة عن أطقمـ الفوط ..؟
ياللهـ قولوا لي ترى بصيح كيفكمـ عاد
هلا أبوي انتي , لا كل شي ولا صياحج F:
شوفي يالغالية عندج اذا تبين فوط سعرها معقول ماركي اند سبنسر بس للأسف مي ذاكرة السعر , بس نصيحة مني لج لا تاخذين اي كلام لانه الفوط اذا مب نوعية عدل بتضطرين انج تشترين غيرهم وتقطينهم , انا انصحج تاخذين من زينة فوق قسم الفوط , تاخذين 2 متوسطين للشعر و 2 كبار للجسم , خسارة من فترة كان في تخفيض نص السعر , وكل الالوان وانا لحقت عالابيض بس الصغير والمتوسط والملون البيج الكبار , وصج صج يتمون ولا يتغيرون , اتوقع يمكن كامل يكلفونج 30 دينار بس صدقيني تسوى لانهم احسن كواليتي في محلات البحرين كلهم , وبالنسبة للروب عندج ماركس وعندج ذا وايت كومباني اللي في الستي دايما عليهم سيل من 31 الى 16 دينار , انا خذت لزوجي قبل 6 شهور , وفي للنساء والرجال وسايزات , وانا روبي بصراحة شريته من الانتركونتيننتال اللي في دبي وايد يعجبني روبهم خفيف وينشف بسرعة , لانه تقريبا كل الفنادق الـ 5 ستار يبيعون مثل الروب اللي عندهم بالغرف ومكتوب عليه نفس التاغ مال الفندق ;)
