عس عس;14805333:
مساء الخير بنات شلونكم؟؟
مخمليات فديتج ههههههه طلبتج ابي صورة الخميرة الفورية موعارفتها الي حصلتها مكتوب عليها سريعه وجافه وفعاله مو اهي صح؟؟ :009:
وسؤال بنات الرفاع اوكي انروح عادي، في احد من الرفاع او راح الرفاع بكوارة وصوب صالون الجوزاء؟؟ :01:
ابي اروح الجيم وابي اروح العياده موعدي لليزر طاف امس:091: وابي اروح الصالون احف
ومادري شلون الوضع هناك
هلا حبيبتي عس عس ,, لا الوضع كلش عادي قبل كم يوم كنت رايحة ليدتي في الرفاع
وان شاء ابوي بحط لج ولكل اللي يسأل بكرة صورة الخميرة , وانا اخذها من كارفور
وان شاء ابوي بحط لج ولكل اللي يسأل بكرة صورة الخميرة , وانا اخذها من كارفور
قًلْبـِـیۓ حببُيــۓ;14805577:مخمليات فديتج سؤالي نفس الاخت عس عس قلت حق أمي وماعرفتها بالضبط هههههههـ :lol: اسوي لها ابي اعتني بنفسسي اشووي عل و عسى بالبيت ! F:
ان شاء حبيبتي بكرة احط لكم الصورة F:
` כـ // ــرم آڷـ م ــכــآمي `;14805747:
مخملياااااااااااااااااات ياحبيبتي انتي والله مشكووووووووووووووووورة ويزاااج الله خييير :032: :087: :009:
في بعض الاشياءات احتماال تتعدل
مثلا انه ماحب لولو
ومابسوي باقة
والمكيااج انه افكر اخذ منوع بين ماك وماكس فاكتور وبدي شووب واايد ناعم واحسه يصلح لـ بشرتي مايسوي لي حكةفـ خدودي :o
هو أكييد رااح أستعين بـ حضرة المحاامي لأن في أشياا واايد ماشملهاا العرض :lol:
يعني الصالة والكوشة والأكل والديجي
انزين فـ وين تنصحيني أسوي ,, بالنسبة للأكل والمكاان ,,
ابي مكاان فـ حدود محرق
الأكل اسوي شي تراثي ولا بوفيه ؟؟
هلا حبيبتي حرم ,, انا عن لولو ما عمري طبيته بس اسمع البنات يمدحون الشعر , انا عن نفسي روحي لعايدة هي اوردي تكون مع ابتسام وشغلهم راقي , وبالنسبة للأكل اي احلى يكون تراثي كتغيير , مثلا تيبين وحدة تسوي لقيمات لايف , خنفروش على كباب , بلاليط , خبيص , خبز رقاق , بو فروة مشوي , رنقينه , عقيلي , مضروبة , هريس , حتى لا توزعين بيبسي او عصير , لا سوي شربت ورد , فيمتو , كركديه ,شربت تانج او سانكست احس واااايد بيصير مميز :D, واذا ما يكفي البيت سوي بـ صالة الشكر لانه للأسف بن دينة سووها للريايل , ويبي لج خدمة من جمعية اوال حق القهوة و الشاي والشربت , اما الاكل كله خليه عالطاولة , مثل البوفيه , وسوي تزويعات تراثية مهفة , على ديرم على حنة حدددده بيصير فن , وفي ناس وايد يسوون ههالاشية الحين انا اللي اعرفها ام نور , بس في المحرق ما عندي خبرة وايد بس اكيد البنات بيفيدونج وفي اشية تحصلينها في مخبز دلمون مثل الكباب والخنفروش مالهم لذيذ اي وصج حتى الزلابيا والحلوى والمتاي , ما خليت شي الناس بيفطسوون :lol:
عروسة وردية;14809134:
سلام عليكم ورحمة الله وبركاته
ممكن يا عضوات تساعدوني في اختيار صالة لعرسي
ما آبي صالة مرمريز الكل يسوي فيها صارت مو حلوه
ابي صالات ثانيه بس بنفس مستوى مرمريز و إضاءتها حلوه اهم شيء..
في احد يعرف كم اسعار فندق كراون بلازا ..
والرجنسي انترناشيونال
وفندق قولدن توليب
وتنصحوني لو بسوي عرسي في فندق .. أي فندق اختار
ولو بسوي عرسي في صالة اي صاله اختار طبعا غير مرمريز
ومشكورين مقدماا
هلا حبيبتي ,, عندج اذا تبين صالة واحلى من مرمريز بوااايد , قاعة برستيج اللي في عين عذاري
وبالنسبة للفنادق اللي ذكرتيها : الكراون بلازا يبتدي من 9.500 الى 15 دينار للشخص على حسب البوفيه واليوم اذا كان دوام او في ويكند , واذا على الطاولات او بوفيه , والحد الادنى للمعازيم 300 شخص
وبالنسبة للريجنسي حاليا تحت التعديلات يعني الفندق مسكر
والجولدن توليب السعر يبتدي من 9 دينار للشخص الى 12.500 على حسب البوفيه , واليوم
واتمنى اكون افدتج حبوبة F:
وبالنسبة للفنادق اللي ذكرتيها : الكراون بلازا يبتدي من 9.500 الى 15 دينار للشخص على حسب البوفيه واليوم اذا كان دوام او في ويكند , واذا على الطاولات او بوفيه , والحد الادنى للمعازيم 300 شخص
وبالنسبة للريجنسي حاليا تحت التعديلات يعني الفندق مسكر
والجولدن توليب السعر يبتدي من 9 دينار للشخص الى 12.500 على حسب البوفيه , واليوم
واتمنى اكون افدتج حبوبة F: