شات حوامل مصر القمرات وتجهيزاتهم للبيبي لشهر ربيع الثاني

بنات هو الحمل بيجيب اكتئاب انا مخنوقه علي طول وزهقانه

اه يابنبون ساعات بس حاولى تغيرى من مودك انا مدروخه هريح شويه وارجعلكم

السلام عليكم

هند يا حبيبتي ايوة الحمل بيجيب اكتئاب
ربنا معاكي حاولي تغيري جو وتخرجي واعملي اي حاجه بتحبيها

ربنا يعينك يارب ويهونها عليكي

وعليكم السلام ازيك ام ميزو واياد وعاملين ايه

الف لا باس عليكي يا شوشو

المشكله يا ايمي اني علي طول تعبانه فا مش بقدر اخرج ولا حتي اعمل حاجه في البيت طول اليوم وشي في وش التي في والكمبيوتر

الحمدلله يا شوشو تمام
انتي اخبارك ايه وازي منه العسله



معلش يا هند هي فتره صعبه والله بجد ربنا يعينك ويهونها عليكي
بس مش بتخرجي خالص خالص كده
انزلي حتى كلي ايس كريم من اي حد قريب م البيت وارجعي تاني هتلاقي نفسك ارتاحتي شوية ان شاء الله

معلش هسبكم خمسه وارجعلكم تانى

وكمان حكايه اني مش قادره اعمل حاجه في البيت دي خنقاني جدا انا في العادي زي النحله ما بقعدش

بخرج اروح عند ماما فقط وده مش علي طول يعني يوم ولا يومين في ااسبوع
والله ممكن بجد اعمل كده
ده انا حتي عايزه انزل السوبر ماركت اللي جبنا مش قادره عايزه حد يزقني

ههههههههههههههههههه خلي جوزو يشيلك يا هند :D


سلامتك يا شوشو قومي ريحي شوية عشان مش تتعبي ياقمر

ههههههههههههه
جوزي جه من كام يوم بالليل من الشغل قالي البسي وتعالي نخرج
اتعشينا بره وجينا طبعا لفا بالعربيه

طب كوووويس يا هند اهو اي تغيير وبالعربيه عشان مش تتعبي
انا بحب اللف بالعربيه لما بكون زهقانه بخلي جوزو يلففني البلد كلها اهو اي تغيير حد طايل ههههههههههههههههههه

انا هروح انهرده
عاااااااااااا

ادعولي بخاف اوي لما بكون مروحه هههههههههههههههههههههه

اصل يا اختي الفيوم دي شبر ونص تتلف بالعربيه في خمس دقايق هههههههههههه

ههههههههههههههههههههه ليه كده
انا يوم الجمعه كنت قاعده عند ماما ومش عايزه اروح

هههههههههههههههههههه
هي الفيوم دي اقرب للقاهره ولا المنصوره


انا كمان مش ببقى عاوزة اروح بس لازم اروح اشوف جوزو بقى
والعيال بتجنني وانا لواحدي مش بعرف اعمل اي حاجه خالص

يلا الله المستعان

لا اقرب للقاهره طبعا بصي هي اقرب للجيزه
بينا وبين الرمايه ساعه الا ربع

لا انا مش عايزه اروح عشان عندي اكتئاب

ميـــرو ميـــدو;14804967:
يابنات انا ولدت يوم الخميس اللى فات

الحمد لله رودى جت بالسلامة

الف مبروك يا حببتي ربنا يكملك نفاسك على خير

noor1984;14804977:
بجد طمنتينى ههههههههههههه
انا قاعده بحلم الشهر الرابع يجى علشان بيقولو اول تلت شهور التعب بس
ههههههههههه
ربنا يهديه ويخلهولى ياااارب
كيتىىىىىىىىى
انا عايزه عصيررررررررررررررررر وكتير
بس ايه مزرعه البرتقال اللى عندك دى

متقلقيش هو فعلا كل ما يكبر هيبقي اريح يا نور و كمان سمعت ان اريح فتره من 4-8 شهور قبل ما بقي يبتدي يزحف و يهريكيجري وراه في الشقه كلها

toto & roro;14805394:

لماذا نقول الحمدلله بعد العطاس ؟

جـ : الحكمه من قول "الحمدلله" بعد العطسة لأن القلب يتوقف عن النبض خلال
......
العطاس

والعطسه سرعتها 100كلم في الساعه

وإذا عطست بشده من الممكن أن تكسر ضلع من أضلاعك

وإذا حاولت إيقاف عطسة مفاجئة من الخروج ، فإنه يؤدي إلى إرتداد الدم في الرقبه

أو الرأس ومن ثم إلى الوفاة

وإذا تركت عيناك مفتوحتان أثناء العطاس ، من المحتمل أن تخرج من محجريها ..

وللعلم . اثناء العطسه تتوقف جميع أجهزة الجسم التنفسي والهظمي والبولي وبما

فيها القلب رغم ان وقت العطسه ( ثانيه او الجزء من الثانيه) وبعدها تعمل إن

أراد الله لها أن تعمل و كأنه لم يحصل شيء .

لذلك كان حمد الله تعالى هو شكر لله على هذه النجاة !!!

فسبحــــــــان الله العظيـــــــــم

منقول

سبحان الله كل ده بيحصل في العطسه
الحمد لله على كل شئ

miramiro;14805880:
السلام عليكم
ازيكم يا بنات عاملين ايه بجد وحشتوووووووونى اوى
معلش انا مش بعرفادخل اوى علشان انا فى شقتى دلوقتى بس هحاول انتظم معاكم على اد ما اقدر لانى محتجاكم اوى و الله

قبل ما انسى ميرسى لام ادهم و منى على سؤالهم عليا ربنا يخليكم ليا يااارب يا حبايبى

بنات
انا الحمد لله بدات الرابع بقالى كام يوم بس تعبانه فيه اوى و الترجيع زايد الصبح بالذات بطريقه صعبه اوى

وكنت روحت لدكتوره من اسبوع و قعدت عندها كتيرررر ودخلتلها تعبانه اوى و دايخه لانى مكنتش فطرت و صاحيه من بدرى
المهم قالتلى من التحاليل اللى كانت طلباها منى ان الكالسيوم يدوب مش اوى
و انى لازم اكل كويس علشانكده هضعف وانى مش اعتمد على الفيتامينات اللى ادتهالى لانها مش هتعمل حاجه اوى

وكمااااااااااان لاقيت الضغط عالى
وزعقتلى جامد ومنعتنى من الحوادق كلها و ملح خفيف فى الاكل

المهم انا دلوقتى تعبانه اوووووى
و مش قادره اعمل حاجه

وبجد محتاجه ماما جمبى اوى مامتى مسافره عند اختى فى السعوديه
و تعبانه و مش عارفه اكل ايه


و مبقتش بعرف اشرب اللبن عندى قرفه منه جامده اووووى وكمان كنت عند حماتى و قعدت تقولى اللبن المبستر ده مش حلوو اللبن السايب احسن
المهم خلتنى اشربه و شربت كوبايه غصب عنى و ربنا ما يوريكووووووووا اه يا بطنى لما بفتكر عايزه ارجع

و من ساعتها مش عارفه اشرب اى نوع لبن خالص ولو كان عليه ايه مش بعرف اشربه خالص

معلش دوشتكم معايا
انا مش عارفه اكل ايه لو فى جدول لاكل فى اليوم اكل ايه

لانى بجد حاسه انى ضعيفه اوى ومش باكل كويس

اعمل ايييييييييييييييييييييييييييه؟؟؟؟؟؟؟؟؟؟؟؟؟

ميرا الف سلامه عليكي يا حببتى
معلش انا برده الترجيع زاد معايا في الرابع بس متقلقيش ان شاء الله فتره و تعدي
اهم حاجه دلوقتي مدام لسه ملكيش نفس للاكل كلي فاكهه و خضار كتير و شوفي ايه اللي انتى مش قرفانه منه كليه
و متغصبيش على نفسك في اى حاجه لانك هتتعبي جدا و مش هتستفادي حاجه بيه
و اللبن لو انتى قرفانه انك تشربيه دخليه في اى حاجه تانيه يعني مثلا اعملي كريم كرامل او رز بلبن او بليله اى حاجه تدخلي فيها لبن بحيث انك تاخدي منه الفايده و في نفس الوقت متقرفيش و كمان كلي جبنه قريش او جبنه كوبيات لانها غنيه بالكالسيوم جدا
و قولي لمامتك تنزل تقعد معاكي بجد هتفرق جدا معاكى
انا مكنتش باكل كويس الا لما ماما كانت بتبقي هنا و الدكتورة حتى لاحظت كده لانى مكنتش بيزيد الا لما ماما كانت موجوده لانى برده مكنتش بقدر اعمل اكل و كنت بكسل جدا من كتر التعب

رورو الف حمد الله على سلامتك

اها

مش عايزة تروحي لمامتك ؟
ما انتي لو رحتي الاكتئاب هيروح وهتنسي وهتغيري جو