شات حوامل مصر القمرات وتجهيزاتهم للبيبي لشهر ربيع الثاني

ازيكوووووووووو

سمسمه ازيك يا قمر وازي البيبي
انتي متابعه مع دكتور مين وساكنه فين :D

semsema_semsemy;14671693:
ايه النظام من ناحيه ايه يارضوى ؟

يعنى المستشفيات هناك عاملة ازاى اسعارها اية كدة يعنى لحسن صحبيتى محتاسة ولحد دلوقتى لسة مش قررت تولد فين

ام صوفيا وام مالك
ازيكو وازي الولاد وايه اخر اخبار الصلصه ههههههههههههههههههههههههه
ربنا معاكو ويهدي الولاد كلها يارب

معاذ الحمدلله عقل شوية بس لسه مش اوي طبعا
بس لسه هبتدي تاني من الاول مع اياد
الله المستعان

*Om Mo3az & Eyad*;14671713:
ازيكوووووووووو

سمسمه ازيك يا قمر وازي البيبي
انتي متابعه مع دكتور مين وساكنه فين :D

احنا كويسين انتى عاملة اية ومعاذ واياد اية اخبارهم اكيد مجننينك مش كدة

حمد الله على سلامتكوا

انا البيبى الدكتوره بتقولى مكبر دماغه معرفش ده هيعمل مشكله بقى ولا ايه
بس همشى وخلاص وربنا يكتب اللى فيه الخير ان شاء الله


طب واللى جوزو مسافر يعمل ايييييييييييييه؟؟؟؟؟

razminia;14671720:
يعنى المستشفيات هناك عاملة ازاى اسعارها اية كدة يعنى لحسن صحبيتى محتاسة ولحد دلوقتى لسة مش قررت تولد فين

المستشفيات هنا عادي يا ام مالك زي القاهره يعني في كل المستويات

هي متابعه مع مين ؟

razminia;14671720:
يعنى المستشفيات هناك عاملة ازاى اسعارها اية كدة يعنى لحسن صحبيتى محتاسة ولحد دلوقتى لسة مش قررت تولد فين

بصى الدكتوره اللى بتابع معاها بتولد ف مستشفى مصر التخصصى ومجمع الايمان
وسعر الغرفه هناك على حسب نوعها
سعر الولاده بتولد طبيعى ب 750 وقيصرى 1500

razminia;14671732:
احنا كويسين انتى عاملة اية ومعاذ واياد اية اخبارهم اكيد مجننينك مش كدة

الحمدلله تماااااااااااااااااام
وكلمة مجنني دي قليله هههههههههههههههههههه
الاتنين كانو صاحيين انهرده الساعه 4 الفجر وعينهم مفنجله اد كده وانا كنت نمت نص ساعه واياد باشا صحي وصحاني مش قادره اقول لك بقى كنت قاعده بفقر وانا برضعه وراسي بتقع مني :lol:
ده غير بالنهاااااااااااار بقى اياد نايم طبعا وانا لو دخلت اريح شوية معاذ ييجي يتراخم عليا عااااااااااااااااا
عقبال ما تجربي عذاب الاتنين :D

semsema_semsemy;14671734:
حمد الله على سلامتكوا

انا البيبى الدكتوره بتقولى مكبر دماغه معرفش ده هيعمل مشكله بقى ولا ايه
بس همشى وخلاص وربنا يكتب اللى فيه الخير ان شاء الله


طب واللى جوزو مسافر يعمل ايييييييييييييه؟؟؟؟؟

ههههههههههههههههههه حلوه مكبر دماغه دي
ماتقلقيش هيتولد ف ميعاده ان شاء الله وربنا معاكي يارب ويرزقك ساعه سهله باذن الله


اللي جوزو مسافر عادي يا جميل انا قاعده عند ماما من الشهر التامن وبعيده عن جوزو :'(
ممكن تعملي تمارين كيجل مع المشي الكتير طبعا

*Om Mo3az & Eyad*;14671713:
ازيكوووووووووو

سمسمه ازيك يا قمر وازي البيبي
انتي متابعه مع دكتور مين وساكنه فين :D

اهلا اهلا يا ام معاذ
ازيك وازى معاذ واياد؟

هو انتى من المنصوره :)
انا مش ساكنه ف المنصوره نفسها معرفش بقى هتعرفى المكان ولا لا
بتابع مع د هاله الفقى

semsema_semsemy;14671751:
اهلا اهلا يا ام معاذ
ازيك وازى معاذ واياد؟

هو انتى من المنصوره :)
انا مش ساكنه ف المنصوره نفسها معرفش بقى هتعرفى المكان ولا لا
بتابع مع د هاله الفقى

اهااااااا
انا من المصنورة اول مره تعرفي ولا ايه
واسمع عن دكتورة هاله بس مش رحت لها قبل كده

احنا تمام والحمدلله رب العالمين

razminia;14671710:
ام صوفيا ماتقلقيش كلها كام اسبوع واحصلك وتبقى ايدى مع ايدك ونشوف هنحطها فين بالظبط مالك ابتدى المسيرة برضة ربنا يحفظهم اهم حاجة يارب ويخليهم بصحة وعافية دايما ومش مهم اى حاجة بعد كدة وشكل صوفيا دمها خفيف زى مامتها هههههههه
سمسة انا كنت بمشى كتير جدا وومكن ماتصدقنيش لو قولتلك انا ابتديت المشى من الشهر السابع بس هو دة فعلا اللى حصل وكان الدكتور قايلى على تمارين كدة بس جوزو هو اللى يعملهالى :o:o:o ومالك كانت راسة تحت عادى بس المشكلة انة مكنش عايز ينزل الحوض كان فوق لسة ومش عايز يتحتح من مكانة بس على مين اول لما قولت يلا ياعادل جية على طول

يارب يخليهملنا ويديهم الصحه يارب
ربنا يخليكى ياقلبى دى مش حكاية دم خفيف دى طرائيعو ف البهدله جدااااااااااااااااا
والله انا كنت بمسك شعرها زى مابنغسل هدوم على ايدينا ههههههههههههههههههه بيدعكوه كدا مش عارفه اسمه ايه بس كانت بتصوت وانا مسك الصلصه خدت بطرمنا معايا الحمام واقولها عليها نو وارجع احمى لما الاقى نفسي هاضربها اقوم امسك البطرمان واقولها نو بس اياك تستوعب:)

*Om Mo3az & Eyad*;14671731:
ام صوفيا وام مالك
ازيكو وازي الولاد وايه اخر اخبار الصلصه ههههههههههههههههههههههههه
ربنا معاكو ويهدي الولاد كلها يارب

معاذ الحمدلله عقل شوية بس لسه مش اوي طبعا
بس لسه هبتدي تاني من الاول مع اياد
الله المستعان

ام معاذ واياد ازيك وازى النونو ومعاذ عامل ايه معاه

ام معاذ اخبارك اية واخبار اياد اية ؟يارب يكون كلة تماااام ربنا يحافظ عليهم
اشرى وايمى وسارة افندى عاملين اية يارب كلة يبقى بخير

معلش اعذروا جهلى :)
ايه تمارين كيجل دى

*Om Mo3az & Eyad*;14671739:
المستشفيات هنا عادي يا ام مالك زي القاهره يعني في كل المستويات

هي متابعه مع مين ؟

هى مش متابعة مع حد معين متابعة مع كذا دكتور عنديكوا ومتابعة عند كذا دكتور هنا ومشتتة نفسها واقولها قررى عشان تشوفى هتولدى فين ومع مين ولا هى هنا شكلها هتولد فى الشارع ههههههههههه ربنا معاكم كلكم يارب
سمستى فى تمارين كنت بعملها انا لوحدى الدكتور كان كاتبهالى انك تجطى كرسى قدامك وتقفى وراة وتقعدى تنزلى وتطلعى 10 مرات 3 مرات فى اليوم
ونفس الكرسى تسندى علية وتثبتى رجل على الارض والرجل التانية تحركيها على جانبك مش عارفة عارفة اشرحك ولا اية بس لو لقيت صور على النت هنزلهملك

هههههههههههههههههههههههههه ربنا يهديها لك يا ام صوفي يارب
هي طبعا هتفهم من تعبيرات وشك وكلمة نو بس هم بيحبو يستعبطو ويعملو نفسهم مش فاهمين هههههههههههههههههه
ربنا يحميهالك يارب

احنا الحمدلله تمام ومعاذ ربنا يهديه مع اياد بجد مجنني خالص بيعمل فيه حاجات فظيعه هههههههههههههههههه
ربنا يهديهم كلهم يارب

ام صوفيا ..ربنا يخليهالك ومبروك ع الحمل

شكلك مش فاكرانى :)

بيبو اهلا ياقمر

ام معاذ انتى م المنصوره نفسها ؟؟طيب ولدتى فين بقى وكنتى متابعه مع مينن؟

رضوى

انا فهمت التمرين الاولانى انما التانى ده لا

خلى صاحبتك تستقر مع حد عشان وقت الولاده ماتتلخبطش

بوبا 123;14671760:
ام معاذ اخبارك اية واخبار اياد اية ؟يارب يكون كلة تماااام ربنا يحافظ عليهم
اشرى وايمى وسارة افندى عاملين اية يارب كلة يبقى بخير

بوبا وحشاني اوي عامله ايه وازي البيبي
احنا تمام وبخير الحمدلله يا حبيبتي

semsema_semsemy;14671761:
معلش اعذروا جهلى :)
ايه تمارين كيجل دى

بصي هي انك بتعملي كده كأنك بتعملي تواليت وتوقفي فجاه
مش عارفه اشرح لك :lol::lol:

ممكن تعملي سيرش على جوجل هتلاقيها

semsema_semsemy;14671776:
ام صوفيا ..ربنا يخليهالك ومبروك ع الحمل

شكلك مش فاكرانى :)

بيبو اهلا ياقمر

ام معاذ انتى م المنصوره نفسها ؟؟طيب ولدتى فين بقى وكنتى متابعه مع مينن؟

اها يا جميل من المنصوره نفسها :D
انا شقتي في ش قناة السويس بس حاليا عند ماما في 6 اكتوبر



كنت متابعه مع دكتورة مديحه المنصورة في المختلط وولدت معاها ما شاء الله بجد مبسوطه منها جداااااااا ومن الممرضات اللي معاها ما شاء الله عليهم بجد

عرفتها يا ام ميزووو

كان دكتور على التى فى بيقولها بس معرفش ان دى هى اسمها كده