شات حوامل مصر القمرات وتجهيزاتهم للبيبي لشهر ربيع الثاني

طالما عندك برد اعملي فراخ وعليها شوربة خضار نفسي فيهم اوي وانا تعبانه كده

انا عندي باقي الاكل موجود كنت عاملة بزيادة المحشي والفراخ المشوية بس المحشي مش هايكفي فلسه مش عارفة هعمل جنبه ايه

اه ممكن في حالات قليلة يعني بيعمل كيكي بس المفروض انه مش بيعمل طبعا لغاية اخر وقت، لكن في الحالة دي بيضطروا يولدوا قيصري لو لسه يعني ميعاد الولادة مجاش

اه افتكرت في مرة بردو وانا في التاسع كانت جودي راسها لتحت عادي من اول التاسع بس كانت مديانا ضهرها مش وشها، فالدكتورة قالتلي مفروض تبقي بوشها وبس كان في الاول وبعد كده عدلت نفسها ومنزلتش بردو

انا مستغربه هو ليه ناس بترفض الدبله وبيقولوا عليها حرام والتوينز مش حرام يعني؟ الاجانب هنا كلهم لابسين توينز المخطوبين والمتجوزين ففهموني براحه بقي ليه الدبله حرام والتوينز لا؟

CuTie KaTkOoTa;14757375:
علي فكرة ساعات الدكتور بيحدد قيصري فجاة من غير ميعاد سابق عشان بيلاقي مثلا البيبي ابتدي يعمل كيكي جوا او مشكلة في الضغط مثلا، وساعات بيكون في قلق من السكر او تسمم الحمل، في حاجات كتيرة بتغير الاتجاهات في يوم وليلة

يععععععععععععععععععععع :badly: حصلت لكيكي جوه بطننا طيب يعملوها لما يطلعوا براحتهم
ياعينى على بطننا ديه بتشوف بلاوي هههههههههه

kitty_kity;14757377:
ايمي
انا بقدر الامكان مابقولش جوزي حتى هههههههه من اول ماتجوزت وانا بتفادى اقول جوزي
حتى تلاقيني اكتر واحدة بقول اسم جوزي وانا بتكلم ههههههههه
يمكن عشان انا من اول ماتخطبت والجماعه عندي بيغيروا اوي...فكنت حتى مش بقول خطيبي
ولما اتجوزت الغيرة بقت اكبر هههههه فبطلت اقول جوزي
حتى لما اقول محمد ماما تقولي محمد مين؟...لان اخويا كمان محمد...اقولها اسمه بالكامل او اقول مش محمد اخويا
ههههههه

انا كنت بفكر البس نقاب على فكرة..بس لسه الفكرة مادخلتش طور التنفيذ
دايما بحس اني لسه مش اد اني اخد الخطوة دي
لاني كنت اول ماتحجبت قمت شهرين ولابسه خمار...تخيلي بقى من انك مش محجبة لانك تلبسي خمار على طول
فيوم ماقررت البسه ماكانش عندي ولا جيبه البسه عليها
ولا كنت بلبس جيبات نهائي
فشوية وحسيتني مش قادرة عايزة ارجع للبسي تاني
فقلعته....ورجعت للبسي العادي
ودلوقت بقى وسطنت هههههههه بلبس طرحة عادية او طويلة شوية يعني...على تونيك او بلوزة وجيبة او عبايات كدا يعني

لكن بحس ان خطوة النقاب دي لازم ماترجعيش فيها ابدا
خصوصا اني لو لبسته مش هينفع اقلعه مثلا قدام قرايبي او اهل جوزي او كلام من ده..يانمشي صح للاخر يامانمشيش هههههههه

هههههههههههههه ايه ده بجد عندك فى البيت بيغيروا عليكى منه فعلا فى ناس كده
انا بابا ايام كتب الكتاب كان بيغير جدا وبالذات لما يعرف انه جايلى يفضل كل شويه ينادى عليه ههههههههههههههههه

CuTie KaTkOoTa;14757380:
علامات الولادة الطبيعي بتختلف من واحدة للتانية بردو، يعني ماما باين قالتلي في التلات مرات كان بينزل دم، وفيه بينزل مية وفيه ولا ده ولا ده بيكون الطلق ولما بيروحوا هناك الدكتور هو اللي بيفتح

الدكتور بيفتح ازاى يعنى ولا لمين مش فاهمه

روقا انتى عندك ايه فى التلاجه طيب ولا لسه هتنزلى تشتري

علامات الولادة الطبيعي ...العلامات المؤكدة يعني: اي حاجة من دول تتوقعي انك ف ولادة
ان ينزل علامة الي هي زي مخاط او افرازات كدا فيها دم او بيسموها معرقة بدم..دي بتبقى سدادة كدا قافلة عنق الرحم فبتنزل اول ما بيبدا يفتح
ان تنزل المية الي حوالين الجنين دي
ان يحصل طلق..الي هو علاماته انه بيتكرر على مسافات بتتقارب كل شوية...وان لما بيحصل البطن بتجمد كدا...وانه بيزيد ف الشدة مش بيقل
ان عنق الرحم يكون بيتسع مع الانقباضات دي

نهي فقستك يا روري هههههه

حلوة اوي يا كيتي موضوع راس طالعلها طفل دي ههههه

نهي قصدي بيفتح الكيس اللي جواه البيبي والمية يعني لو كان الطلق شغال وهو مفتحش لسه لوحده، تقريبا ايمي حصلها كده باين ولا مين نسيت

غادة بتهيألي الحرمانية في انك بتقلدي الاجانب في ان ده رمز للجواز، لكن هما لو جاتبوا توينز هنا بيعتبروه زيه زي الشبكة او الدهب بصفة عامة او هدية عادي مش مرتبط برمز الجواز زي الويدينج رينج يعني لأ


ولا ايه مش عارفة

انا عملت خضار مشكل صينية كدا ورز معمر ولحمة
جوزي مش هياكل لحمة بس انا هاكل كفاية الانيميا الي جتلي هههههههه

ممكن كيس المية مايتفتحتش حتى بعد ما الولادة تبدا والدكتور يضطر يفتحه
وف حالات نادرة الطفل اتولد بالكيس حواليه :)

بالنسبة للكيكي عشان مسك قرفت هههههه مش بيبقى كيكي بالمعنى المفهوم
الي هو البراز الاخضر الي الطفل بينزله لما بيتولد
لو نزل جوه لازم الدكتور يولده
هو كان اكل حاجه عشان يطلعها يابنتي ههههههههههه

انا جوز اختي لابس الدبلة في اليمين من الاول خالص

مسك تصوري رحت شوفت في التلاجه لقيت ماشاء الله جلاش وفراخ ولحمة خلاص هعمل جلاش بالحمة انزل فين ياختي عيب هنا حد ينزل لواحده ولو نزلت اصلا خلاص مش هاتشوفوني تاني لاني ماعرفش اي مكان هنا خالص ولا حتى الشارع اللي جمبنا اعرف بس اسم المكان بس هههههههههههه

CuTie KaTkOoTa;14757438:
نهي قصدي بيفتح الكيس اللي جواه البيبي والمية يعني لو كان الطلق شغال وهو مفتحش لسه لوحده، تقريبا ايمي حصلها كده باين ولا مين نسيت

غادة بتهيألي الحرمانية في انك بتقلدي الاجانب في ان ده رمز للجواز، لكن هما لو جاتبوا توينز هنا بيعتبروه زيه زي الشبكة او الدهب بصفة عامة او هدية عادي مش مرتبط برمز الجواز زي الويدينج رينج يعني لأ


ولا ايه مش عارفة

طيب يا ايمي هما الاجانب اصلا بيلبسوا التوينز كرمز للجواز مش الدبله فهماني

ايوة فعلا هو الكيكي الاخضر ده ههههههه

مروة اول مرة اعرف انه ممكن البيبي يتولد بالكيس دي ازاااااااااااااي مش متخيلة خالص


صحيح نفسي اعرف ازاي في كل الفيديوهات اللي اتفرجت عليها بشوفهم بعد ما يطلعوا البيبي يقوموا ساحبين الحبل والمشيمة الكتلة دي كده بره، هي مش بتبقي ممسوكة جوا في اي حاجة بتبقي سايبة كده وبتلق جوا هههههههه اصلهم بيطلعوها بسهولة جدااااا، طيب وسؤال كمان كان محيرني ايام الحمل، دلوقتي الحبل السري اخره المشيمة طيب والمشيمة دي بيوصلها الغذاء منين من الام ومتوصلة ازاي

غادة
انا بعتبر ان دي حاجة ليها علاقة بالنية
يعني انا عاجباني الدبلة انها كانت حاجة نفسيي فيها من خطيبي وعشان الناس تعرف اني اتخطبت
بقت حاجة مرتبطة بالعرف عندنا مش تقليد للاجانب
لكن مش بتفاءل ولا بتشاءم بيها او لو قلعتها اتشاءم او كدا
وبقلعها والبسها عادي
وكنت لابساها ف الشمال من الاول :)

لا يا غادة بيلبسوا خاتم بس واحد اللي هو اسمه ويدينج رينج اللي في ماسة في النص ده، وفيه فئة منهم بيلبسوا دبلة زينا بالظبط

لكن توينز لأ مشوفتهاش خالص، بس عامة انا مش عارفة بس حاسة انه مادام احنا مش واخدنا من باب التقليد ليهم هما ومش مجرد انسياق وخلاصن هي مجرد فرحة وخلاص وعادات مش اكتر فمش حاسة انها حرام مش عارفة بصراحة

كتكت
لما البيبي يتولد المشيمة بتنفصل عن الام فبيبقى سهل تنسحب
ولو ماسحبوهاش هتنزل لوحدها
لكن طول الحمل بتبقى ثابته .. لو انفصلت لا قدر الله البيبي بيموت..اكتر من 50% انفصال ف المشيمة البيبي مش بيكمل
هي فكرتها ازاي...عافه لما تدخلي صوابعك ف بعض كدا؟؟
يعني المشيمة طالع منها بروزات
وجدار الرحم كذلك وبيركبوا ف بعض...البروزات دي شعيرات دموية...بيحصل عندها تبادل الغذاء والاوكسجين
بيتنقل من الشغيرات الي جايه من الام للمشيمة
ويروح للنونو

ماشاء الله كلكم عاملين الاكل تعالو بقى ساعدوني يااااااه بحب اوي وانا بتكلم معا حد اقوم واعمل الحجات اللي ورايا علشان ما كسلش بس طبعا لسه بادري على ما اعمله ههههههههه

kitty_kity;14757457:
غادة
انا بعتبر ان دي حاجة ليها علاقة بالنية
يعني انا عاجباني الدبلة انها كانت حاجة نفسيي فيها من خطيبي وعشان الناس تعرف اني اتخطبت
بقت حاجة مرتبطة بالعرف عندنا مش تقليد للاجانب
لكن مش بتفاءل ولا بتشاءم بيها او لو قلعتها اتشاءم او كدا
وبقلعها والبسها عادي
وكنت لابساها ف الشمال من الاول :)

قلتي اللي انا قصدي عليه بالظبببببببببببط، كان نفسي البسها اوي عشان اعرف الناس كلها وامشي جنبه ومعاه بثقة وامان واحبه اكتر واكتر واحلم بالجواز وكده