mesk_2005;14736772:
يارب تكونى حامل ياحبيبتى
بصي هى سعات بتكون نفس الاعراض بتاعت الدوره
وسعات ممكن مش تحسي بحاجه وممكن تحسي بمغص وترجيع او غممان من غير ترجيع
ربنا يكرمك ان شاء الله ياحبيبتى
اولا الف سلامه على حبيبة قلبى صوفي
بصي ياحبيبتى المسلم اللي بجد فاهم دينه وسنة رسوله عمره ماهيأذي حد لا مسيحى ولاغيره
لا اخوان ولا سلف والغرب هما اللى موصلين لناس معينه الفكره الوحشه عن المسلمين والاسلام
وانا عمرى ماشوفت حد من الاخوان متشدد او متزمت فعشان كده لو اترشحوا للرئاسه فعادى
وانا مااتكلمتش عن السلف لأنهم عمرهم ماهيفكروا انهم يرشحوا نفسهم اصلا
ميرسي ياحبيبتى وصلت ياقمر مااتحرمش منك F:
وايه اللى خلاكي تتأكدي انها مش هتتغير ياكيتى
لو مش هتتغير ليه النصارى عاملين بيان وبيأكدوا على الكل انهم مش يقولوا نعم
وانا مش بقولك ان اللى هيقول لا عندهم اعتراض على الماده ديه بس فى نفس الوقت معندهمش مانع ان البلد تبقى مدنيه
وبعدين ماهى تونس اهى المفروض انها اسلاميه شوفى بن علي كان عامل فيها ايه
حد عنده استعداد اننا نبقى زي تونس كده والمساجد يتمنع فيها الدروس وشويه شويه تتقفل
ويافرحتى لما اتحاكم بقانون كمواطن مش هتحاكم بقى انى مسلمه ولا مسيحيه
طيب ماانا هيتفرض عليه عدم اظهار اى شئ من شعائر دينى وهيبقى لا نقاب ولا حجاب ولا هيسيبوا الناس الملتحيه فى حالهم ولا حاجه وشويه شويه هنبقى فرنسا :D
وفى الاخر الاختلاف فى الرأي لايفسد للود قضيه
ولازم حد يقول نعم وحد يقول لا
لو على امنيتى ياحبيبتى
ياسلاااااااااااااام لو حد من مشايخنا الكرام دول
بس ده حلم مستحيل للأسف :(
الي خلاني اتاكد انها مش هتتغير ان مش من مصلحة حد انها تتغير ولا المسيحيين نفسهم
لو بتقولوا ان المسيحيين عايزنها دولة مسيحية كنت فهمت وجهة نظرك
لكن انها تبقى دولة علمانية مش في مصلحة حد
ثانيا كلامك دليل اكيد انك مش عارفه يعني ايه دولة مدنية :)
الدولة المدنية محدش بيتحاكم فيها على اساس دينه ولا يتمنع من اظهار شعائر دينه
بالعكس هي بتحمي حقك ف ده...بس بتدي الحق ده ليكي ولغيرك يعني انتي تمارسي دينك عادي والمسيحي كذلك واليهودي كذلك
ثالثا بقى
انا بقول ومصرة ان السلفيين دول جماعه
جبت الكلام ده منين...من دماغي :)
احنا عندنا ف الكلية عاملين بيان كبير اسمه بيان جماعة الدعوة السلفية
وجروب على النت اتباع الدولة السلفية
وسايت
ياترى الي عاملين دول الشيوخ؟؟؟
وهما جروبات مع بعضهم وكانوا عاملين عندنا مؤتمرات تعريف بنفسهم ودعيت ليها وياريتني مارحتني
ناس مستفزة جدا للاسف بتتمسح ف عباية الدين
طبعا هما كلهم منقبات...انا معنديش مشاكل مع المنقبات ونص عيلتي كدا
بس هما باصين للي مش منقبات زيي مثلا من فوق..
لا وكمان مش لابسه خمار...ياه سنتي سوده
على رأي واحده منهم كانت بتقولي...عشان احنا(انا واصحابي يعني ) فاسدين كلنا فمش قادرين نحس ان الي احنا فيه ده مصيبة
لكن لو فينا حد مسلم كنا عرفنا اننا كدا غلط جدا وماشيين ف سكة الضياع تقريبا
وكانوا بيسمعوا الاقتراحات من بعضهم بس..اي اقتراح من حد تاني يتم تسفيهه
انا فرحت جدا ان الناس الي حضرت معظمها كرهت الاسلوب ده لانه اسلوب ارهاب ديني
اني استغل وتر الدين وادوس عليه عشان اكسب الناس ف صفي
وده رأيي ومش هغيره
والشيوخ الافاضل انا بحترمهم وبسمع بعضهم..ومنهم محمد حسان وبحبه جدا وحضرت له دروس قبل كدا
وبعضهم مابسمعلوش اطلاقا..ولا عندي استعداد اسمعه
واعتقد برده اني حره ف كدا :)