شات حوامل مصر القمرات وتجهيزاتهم للبيبي لشهر ربيع الثاني

Om Soffiia;14727319:
تفتكرور الاخوان لو مسكو حكم هايعملو ايه ف البلد؟
وهايعملو ايه ف المسيحيين

ازيك يا مى ؟؟واخبار صوفيا والنونو ايه؟؟
على فكرة انا من الناس اللى ممكن تصوت بنعم
عشان انا دينى اهم من بلدى
انا مسلمة مصرية عربية
انا نفسى اصوت بلا
بس لما بحس ان ممكن مصر تبقى دولة علمانية ويبقى الشذوذ ليهم حقوق
والحجاب يتمنع فى المدارس والمصالح الحكومية ويبقى فيه تراخيص لبيوت الدعارة
برجع اقوا اصوت بنعم ويحكمنى الاخوان احسن ما يحكمنى العلمانيين

عشان كدة انا سالت كيتى عشان بحب كلامها

وفعلا يا كيتى فى اصلا مسلمين مش فارق معاهم الدين يعنى عايزين تبقى دولة ملهاش دين ويفصلو الدين عن السياسة

ومعاك حق فعلا لما بتقولى ان قبل كدة مكنتش اسلامية اوى
بس الخوف انها تبقى علمانية قلبا وقالبا

طيب ايه هى الماده التانيه دى يا مروه اصلا قوليهالى


اه الاخوان ممكن يعملو حاجات وحشه ف المسيحيين انا خايفه اوى انا اعرف ناس كتير مسيحيين وفى ناس متشددين جدااااااااااااااااااااااا حتى على المسلمين اللى زيهم

والله انا حاسة انى فى لخبطة كتير عن التعديلات دى
المفروض واحد من المجلس الاعلى للقوات المسلحة يطلع يفهمنا ايه اللى حيحصل لو قولنا نعم او قولنا لا

ادخلو على صفحة كلنا خالد سعيد شوفو كاتب ايه

دلوقتي اللواء ممدوح شاهين عضو المجلس الأعلى قال في برنامج مصر النهاردة إن دستور 71 معطل ولن يعود ولا صلاحيات للرئيس عند التصويت بنعم ... وبعدين في حواره مع المصري اليوم قال إن الرئيس المنتخب سيحكم البلاد بدستور 71 مع مواده المعدلة لحين عمل دستور جديد .. فيه سوء تفاهم ومطلوب من المجلس العسكري التوضيح بشكل قاطع لأن رأي الناس هيختلف في كل حالة من الحالات

ندى
مين الي قال كدا؟؟؟ انتي بتجيبي الكلام ده منين يابنتي
الدين مش اهم حاجه عندك لوحدك
حتى لو انتي سلفية او اخوانية او اي حاجه
الدين اهم حاجة عند معظم المصريين حتى لو مش مسلمين لاننا شعب متدين بطبعه
محدش هيوافق على الي بتقولي عليه
بدليل ان معظمنا لما كان مثلا بيروح شرم الشيخ كان بيحس انه متضرر بالي بيشوفه
او بلاش
لما كنا بنشوف بنات لابسين ضيق كنا بنتخنق...او بنزعل
فمحدش هيمس الدين

بلاش تخلي حد يقنعك انك لو قلتي نعم تبقي بتحمي الدين

انا جيييييييت

Om Soffiia;14727319:
تفتكرور الاخوان لو مسكو حكم هايعملو ايه ف البلد؟
وهايعملو ايه ف المسيحيين

صعب انهم يمسكوا لانهم اصلا مش اغلبية بس كانوا احسن الوحشين و كل الناس كانت بتحبهم من وجهة النظر دي
لكن دلوقتي الاغلبية هما الناس العاديين و محدش يقدر يعمل حاجة في المسيحيين، معتقدش اننا هنسمح بكدة و على فكرة هما ليهم مبادئ حلوة جدا لكن على راي كيتي معندهمش ديموقراطية خالص,,,, من يومين كنت بشوف برنامج مستضيقين فيه مجموعه و بينهم عصام العريان المرشد العام بتاعهم و ااستفزني جدا، فضل يقاطع في الناس و يقولهم انتم غلط و صوته عالي بشكل عجيب

kitty_kity;14727328:
كلام مفتي الجمهورية واعتقد بيفهم كويس ف الدين :)

وعن إلغاء المادة الثانية من الدستور التي تؤكد على أن الشريعة الإسلامية هي المصدر الرئيسي للتشريع، قال فضيلة المفتي: "إن المادة الثانية من الدستور هي مادة "فوق دستورية"، وجاءت في جميع الدساتير التي مرت بها مصر، فكانت المادة 149 في دستور عام 1923 الذي يعتبر أفضل الدساتير الليبرالية، والمادة 138 في دستور عام 1930، وكذلك في المادة رقم 2 في دستور 1971".
وأوضح مفتي الجمهورية إن "إلغاء المادة الثانية من الدستور يترتب عليه إلغاء كمية ضخمة من القوانين المتعلقة بها، وكذلك ستؤثر على علاقات مصر في الخارج، لذلك فيه تعتبر مادة "كينونة" لا يمكن إلغائها".


يعني اكتر دستور ليبرالي كانت فيه المادة دي
فياريت بلاش ناخدها حجه :)

انا فعلا بحترم كلام المفتي جدا و المادة التانية دي لو اتطبقت صح الدنيا هتتظبط جدا يعني لا حد هيضطهد مسيحي ولا منتقبة و لا هيهدموا كنيسة و لا حاجة من اللي بنسمع عنها دي ابدا
و اغلب المسيحيين المثقفين سياسيا رافضين الغاء المادة التانية دي

يعنى هما يا ندى الللى هايقولو لا مش مسلمين ولا ايه؟
على كدا كل اللى هايقول لا كافر متلا

المادة التانية هي ان الدين الاسلامي هو الدين الرسمي للدولة ومصدر التشريع

السلفيين بقى بيحاولوا يقنعوا بعض ان الي عايز يقول لأ بيقول كدا عشان مش عاجباه المادة دي
مع ان محدش جاب سيرتها
بس اهو لعب على وتر حساس والسلام :)

انتي بتقولي فيها يامي
ده احنا ورمنا فتاوى...كل واحد ربنا يفتح عليه يطلع يقولك التصويت والموافقة واجب شرعا...
منتهى انعدام الديموقراطية

اسماء ماوصلنيش طلب صداقة منك
انتي متاكدة انك ضفتيني انا :)
ابعتيلي اسمك انتي

وحتى اما نقول لا والدستور كله هايتغير عمرهم ماهيغيرو دين مصر
لان حتى ابسط نظريه ان المسلمين عددهم اكتر بلاش ف كل خلاف حد يقول انه بيحب دينه
ويكفر الباقى او انه هو اللى متمسك والباقى مهرول كدا بجد حاجه تزعل


دا المسيحيين عمرهم مابيقولو كدا لبعض عمرى ماشوفت مسيحى يقول لمسيحى انا بحب دينى اكتر منك

ليه الكلام اللى يزعل دا؟

kitty_kity;14727366:
ندى
مين الي قال كدا؟؟؟ انتي بتجيبي الكلام ده منين يابنتي
الدين مش اهم حاجه عندك لوحدك
حتى لو انتي سلفية او اخوانية او اي حاجه
الدين اهم حاجة عند معظم المصريين حتى لو مش مسلمين لاننا شعب متدين بطبعه
محدش هيوافق على الي بتقولي عليه
بدليل ان معظمنا لما كان مثلا بيروح شرم الشيخ كان بيحس انه متضرر بالي بيشوفه
او بلاش
لما كنا بنشوف بنات لابسين ضيق كنا بنتخنق...او بنزعل
فمحدش هيمس الدين

بلاش تخلي حد يقنعك انك لو قلتي نعم تبقي بتحمي الدين

انا لا اخوان ولا سلفية انا مسلمة سنية الحمد لله
انا حستخير ان شاء الله
بس فيه كلمة قلقتنى لبلال فضل
لقيته بيقول
لو مصر حتفضل دولة اسلامية عايزنها اخوان ولا سلفيين ولا صوفيين ولا جهاد
حسيت انه عايزاها من غير دين
والله اعلم نيته ايه

Om Soffiia;14727370:
يعنى هما يا ندى الللى هايقولو لا مش مسلمين ولا ايه؟
على كدا كل اللى هايقول لا كافر متلا

انا قولت يا مى انا شخصيا بفكر اقول لا
بس ممكن تكون وجهة النظر مش واضحة
على فكرة اغلب اصحابى حيقولو لا
بس انا عايزة اقتنع باللى حقوله مش عشان شباب الثورة والمفكرين قاللو لا يبقى انا وراهم

Om Soffiia;14727347:
طيب ايه هى الماده التانيه دى يا مروه اصلا قوليهالى


اه الاخوان ممكن يعملو حاجات وحشه ف المسيحيين انا خايفه اوى انا اعرف ناس كتير مسيحيين وفى ناس متشددين جدااااااااااااااااااااااا حتى على المسلمين اللى زيهم

المادة التانية دي بتقول ""الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع".

و طبعا دة لو اتطبق فعليا احوال البلاد هتتصلح

و مش الاخوان بس اللي متشددين، في مسيحيين متشددين جداااااااااااااا مش هو دة المقياس يعني
الحل اننا كلنا نشارك دلوقتي في الحياة السياسية علشان منخليش المتشددين دينيا و لا سياسيا و لا اجتماعيا يركبونا

lifedrop;14727359:
والله انا حاسة انى فى لخبطة كتير عن التعديلات دى
المفروض واحد من المجلس الاعلى للقوات المسلحة يطلع يفهمنا ايه اللى حيحصل لو قولنا نعم او قولنا لا

ادخلو على صفحة كلنا خالد سعيد شوفو كاتب ايه

دلوقتي اللواء ممدوح شاهين عضو المجلس الأعلى قال في برنامج مصر النهاردة إن دستور 71 معطل ولن يعود ولا صلاحيات للرئيس عند التصويت بنعم ... وبعدين في حواره مع المصري اليوم قال إن الرئيس المنتخب سيحكم البلاد بدستور 71 مع مواده المعدلة لحين عمل دستور جديد .. فيه سوء تفاهم ومطلوب من المجلس العسكري التوضيح بشكل قاطع لأن رأي الناس هيختلف في كل حالة من الحالات

انا موافقاكي جدااااا في الموضوع دة بس مش معاكي في حكاية ان البلد هيبقى فيها شذوذ و الحجاب يتمنع و الجو دة لانه ببساطة لو في 10% هيقبلوا دة ففي غيرهم 90% هيرفضوا و بشدة

لا ياندى معتقدش يقصد كدا
هو يقصد ان كل جماعة اسلامية مقتنعه انها هي الصح...فلو سبناها لهم يبقى كل واحد شايف ان اسلامه هو الي صح والباقيين غلط
وانا معاه ف دي
انا ماسمعتش حواره
بس انا تعاملت مع ناس اخوان وسلفيين وجهاد
ووالله كلام احاسب عليه
السلفيين مقتنعين ان عقيدة الاخوان فاسدة وانهم واخدين الدين عشان يوصلوا للسياسة...ده ايام ماكان السلفيين بيحرموا الكلام ف السياسة
وجماعة الجهاد شايفه ان الاتنين غلطانين ومتخاذلين ومعطلين فريضة غائبة
والاخوان شايفين ان اسلامهم هو الصح

فالمفروض مانمشيش على كلام جماعة ولا حزب ولا بتاع
الدين بتاع ربنا ..نزل فيه قرآن وفيه سنة...كفايه علينا دول

Om Soffiia;14727300:
انا تمام يا سمسمه
يقولو رايهم براحتهم بس بحسهم غريبين كدا

Om Soffiia;14727233:
انا م ش عارفه الناس اللى هاتقول نعم دى هاتقول نعم ازاى؟

Om Soffiia;14727406:
وحتى اما نقول لا والدستور كله هايتغير عمرهم ماهيغيرو دين مصر
لان حتى ابسط نظريه ان المسلمين عددهم اكتر بلاش ف كل خلاف حد يقول انه بيحب دينه
ويكفر الباقى او انه هو اللى متمسك والباقى مهرول كدا بجد حاجه تزعل


دا المسيحيين عمرهم مابيقولو كدا لبعض عمرى ماشوفت مسيحى يقول لمسيحى انا بحب دينى اكتر منك

ليه الكلام اللى يزعل دا؟

اللى يزعل يا مى انك تقولى على المخالف لرايك انه غريب وتحسسيه انه غلطان ومبيفهمش


راى غير صواب يحتمل الخطا
ورائى خطا يحتمل الصواب
انا كنت مقتنعة بنعم واتكلمت مع كيتى عشان تفهمنى وجهة نظرها
وانا مش شا يفة ان اللى حيقول لا غريب
بالعكس انا ممكن اقول لا برضه لو دة فى مصلحة دينى وبلدى

ومين بس اللى قال انى عشان المفكرين وشباب الثوره قالو لا يبقى احنا هوبا وراهم؟

محنا لينا دماغ بردو وقاعدين نقرا ونقارن ونشوف ونحكم عقلنا هو العقل مش عشان نفكر ولا محطوط عياءه لناس وللتفكير لناس كلنا معمولنا مخ للتفكير

amatalrahman237;14727408:


و مش الاخوان بس اللي متشددين، في مسيحيين متشددين جداااااااااااااا مش هو دة المقياس يعني
الحل اننا كلنا نشارك دلوقتي في الحياة السياسية علشان منخليش المتشددين دينيا و لا سياسيا و لا اجتماعيا يركبونا


:thumbs_up::thumbs_up::thumbs_up::thumbs_up::thumbs_up::thumbs_up::thumbs_up::thumbs_up::thumbs_up::thumbs_up::thumbs_up:

انا موافقاكي جدااااا في الموضوع دة بس مش معاكي في حكاية ان البلد هيبقى فيها شذوذ و الحجاب يتمنع و الجو دة لانه ببساطة لو في 10% هيقبلوا دة ففي غيرهم 90% هيرفضوا و بشدة

ماهو دة كلام البرادعى وناس كتير موافقاه

kitty_kity;14727432:
لا ياندى معتقدش يقصد كدا
هو يقصد ان كل جماعة اسلامية مقتنعه انها هي الصح...فلو سبناها لهم يبقى كل واحد شايف ان اسلامه هو الي صح والباقيين غلط
وانا معاه ف دي
انا ماسمعتش حواره
بس انا تعاملت مع ناس اخوان وسلفيين وجهاد
ووالله كلام احاسب عليه
السلفيين مقتنعين ان عقيدة الاخوان فاسدة وانهم واخدين الدين عشان يوصلوا للسياسة...ده ايام ماكان السلفيين بيحرموا الكلام ف السياسة
وجماعة الجهاد شايفه ان الاتنين غلطانين ومتخاذلين ومعطلين فريضة غائبة
والاخوان شايفين ان اسلامهم هو الصح

فالمفروض مانمشيش على كلام جماعة ولا حزب ولا بتاع
الدين بتاع ربنا ..نزل فيه قرآن وفيه سنة...كفايه علينا دول

بصى معاكى حق

عشان كدة مش بحب اقول انا تبع حد
انا مسلمة وموحدة بتبع منهج رسول الله
مش بحب تقسيم بقى سلفى سنى اخوان والكلام دة
ممكن كلامى يبقى غلط بس دى وجهة نظرى فى الوقت الحالى

على فكرة ياندى
بلال فضل مش علماني :)
سيبك من كتاباته والفاظه
ومراته كانت هي مسئولة موقع اسلام اون لاين

لا طبعا اللى يزعل ان حد يختص نفسه ويقول انا بعمل عشان دينى وكان الباقى مابيفكرش ف دينه نهائى

ندى البرادعي ماقالش كدا
انا سمعت حواره
هو اتسال عن رايه ف تغيير المادة دي
فقال انه حاسس انها لو اتغيرت مش هتفرق كتير لان البديل هو الدولة المدنية وهو برده بيحمي حقوق كل المواطنين
بصي صدقيني...عمر مجتمعنا ماهيتقبل الكلام ده
حتى لو مين قال انه بيدعمه
احنا لحد حالا جسمنا بيقشعر لما بنسمع او نقرا كلمة شذوذ
عشان كدا كان في ناس بتقول بلاش نقول شذوذ نقول مثلية جنسية عشان يتخطوا الجزئية دي

Om Soffiia;14727438:
ومين بس اللى قال انى عشان المفكرين وشباب الثوره قالو لا يبقى احنا هوبا وراهم؟

محنا لينا دماغ بردو وقاعدين نقرا ونقارن ونشوف ونحكم عقلنا هو العقل مش عشان نفكر ولا محطوط عياءه لناس وللتفكير لناس كلنا معمولنا مخ للتفكير

ماهو الناس عقولها مش زى بعض
ولا اهتمامتها واولوياتها زى بعض
وعشان كدة احنا بنختلف
يعنى مش اللى حيقول لا يبقى علمانى
ولا اللى حيقول اه يبقى اخوانى
انا بحترم اللى بقولو نعم ولا
مش بحقر من تفكير اى حد منهم

kitty_kity;14727453:
على فكرة ياندى
بلال فضل مش علماني :)
سيبك من كتاباته والفاظه
ومراته كانت هي مسئولة موقع اسلام اون لاين

انا كنت بحبه
اصله شبه جوزى شوية:D
وبحب كلامه وبستخسره فى الافلام اللى بيعملها
بس جديدة معلومة مراته دى
بس برضه بحترم ارائه
الوحيد اللى بكره بجدددددددددددد
عمو البرادعى كل ما احاول اقرا كلامه يمكن اتهبل واقتنع بكرهه اكتر