شات حوامل مصر القمرات وتجهيزاتهم للبيبي لشهر ربيع الثاني

kitty_kity;14718213:
كتكت ازيك عامله ايه
اجيب كمان كام شاية؟
انا كدا تقريبا عندي 4 وتقريبا 3 ولا 4 فانلات بس زي مابقولك راسهم واسعه اوي لانها حمالات على الكتف

ازيك يا كيتى بقالنا فتره متقبلناش ازى توته
ها رسيتى ع الاسم ول لسه محتاره

ازيكم يابنات عاملين ايه يارب تكونو بخير

مسك مش عارفه الفين وكام كانت تعبانه ونزل ا نقطة دم تقريبا منها
دخلت ولا لا؟ وعملت ايه ؟ ياريت تقولولى لانى مش متابعه معلش

kitty_kity;14718213:
كتكت ازيك عامله ايه
اجيب كمان كام شاية؟
انا كدا تقريبا عندي 4 وتقريبا 3 ولا 4 فانلات بس زي مابقولك راسهم واسعه اوي لانها حمالات على الكتف

الحمدلله يا كيتي :):)
بصي كمليهم يبقوا 6 واللي هما بحمالات دول خليهم للصيف تحت الفساتين الكت، انا كنت بعمل كده مع جودي مش بلبسهملها إلا في الفساتين وبس لكن لو لابسة سالوبيتات عادي او في البيت بلبسها الشايات الكت ده لو صيف يعني

كريز;14718223:
مانا عدلته ياقمر هو برضه برضه مش باين ول ايه دا مدوخى من امبارح

لا كده تمام اتظبط اهو

ازيكم يابنات

كل سنة وجودى طيبة عقبال 100 سنة

زهرة عامله ايه مسك الحمدلله بخير

نور التقوى;14716978:
ا
بنات انا من امبارح مش حسه بحركه البيبى خالص

امبارح كانت مره كده وخلاص والنهارده مفيش حاجه


اصبر لحد الاسبوع الجاى ان شاء الله على ما انزل عند ماما ميعادى مع الدكتوره

ولا اروح هنا جوزى عاوز يودينى

متقلقيش يا نور، ان شاء الله خير....

ضياء الجنه;14717324:
نور تقريبا انتى ماشيه معايا عاوزه اقولك على حاجه تضحكك ماما مره بتسألنى منه عامله قولتلها تمام الحمد لله وانا عندها قالتلى بتحسى بحركتها قولتلها اه بس دلوقتى لا لانى لما بستناها تتحرك تعند وماتتحركش ماما حطت ايدها على بطنى قالتلى هى فين قولتلها ياااااه الساعه 9 ولسه ماجتش مع انى قولتلها ماتتأخرش ههههههههههههههههه

ههههههههههههههههههههه:lol::lol::lol::lol:

kitty_kity;14717364:
بنات انا فرحانة اوي
واحدة صاحبتي متجوزة من 6 سنين وماكانتش حملت وتابعت مع دكاترة مصر كلهم
الحمد لله كلمتني دلوقت وقالت انها حامل وسبحان الله من غير حاجة هي كانت بطلت علاج وزهقت من كتر الدوا

ماشاء الله، ربنا يكملها على خير يارب

kitty_kity;14717479:
نور ماتقلقيش ان شاء الله خير...انا كمان امبارح وانا راكبة التاكسي السواق بيهزر مع صاحبه فدخلوا على بعض جه يفاديه قام خابط وانا اتخبطت خبطة جامدة ف بطني
واعدت بعدها كتير مش حاسة بحركة
ربنا يستر

ايه الهبل دة، معلش يا كيتي ان شاء الله مفيش حاجة و اصلا حاولي تقللي ركوب التاكسيات دلوقتي

ازيك ياكريز عامله ايه؟
الحمد لله تمام انتي ازيك وازي النونو

ام عمر تسلمى حبيبتى على التقرير الجامد ده وماشاء الله الاسعار حلوة اوى

وماشاء الله الطاقية والسالوبيت حلوين خالص ربنا يجيبها بالسلامة يارب وتتهنى بيهم

كتكت الحمالات دي كلهم مقاس صغير وانا اساسا هولد ف الصيف ان شاء الله :)
يعني اجيب شايات كت؟؟ انا الي عندي نص كم

@زهرة دبلانة@;14718254:
ازيكم يابنات عاملين ايه يارب تكونو بخير

مسك مش عارفه الفين وكام كانت تعبانه ونزل ا نقطة دم تقريبا منها
دخلت ولا لا؟ وعملت ايه ؟ ياريت تقولولى لانى مش متابعه معلش

ازيك يا رورو عاملة ايه، مسك الحمدلله كويسة ولسه مولدتش الدكتورة مستنية عليها ولسه هتكشف تاني المرة الجاية ان شاء الله

دلوعة الغالى;14718305:
ازيكم يابنات

كل سنة وجودى طيبة عقبال 100 سنة

زهرة عامله ايه مسك الحمدلله بخير

ايمي ازيك عاملة ايه دلوقتي

kitty_kity;14718370:
كتكت الحمالات دي كلهم مقاس صغير وانا اساسا هولد ف الصيف ان شاء الله :)
يعني اجيب شايات كت؟؟ انا الي عندي نص كم

اه هاتي كت بقي تاني عشان يبقي في الحر الجامد ، اصل في ماكركات بيكون النص كم فيها نص فعلا وفيه ماركات بتحسيه انه فرق بسيط اوي عن الكت، بس اوعي تنزليها من غير قطعة داخلية حتي في عز الصيف، دايما للحماية خلي شاية واحدة كت قطن تحت لبسها سواء خروج او بيت

الحمدلله ياام جوجو احسن بس الوجع لسه موجود شوية

جوجو عامله ايه

ازيكو ازيكو

تسلمى يادلوعه وكتكت طب الحمد لله ربنا يهونها علينا باذن الله

كتكت انتى كنتى سالتينى بلبس جوجو كيلوت بدل البامبرز
اه بلبسهولها بدل الكادلز حلو اوى وجميل مريييح لكن لسه موضوع الحمام ده لسه ربنا ييسر اعلمها ف الصيف

ازيك ياايمى عامله انتى والعيال ؟


ايمى ام جوجو الكريم كراميل بتاع شيرى كام بيضه ؟؟انا عايزاه طرى مش ماسك كده ؟؟اعمل ايه ؟كنتى حطيتى طريقتها ف الموضوع معلش ممكن الطريقه تانى

الحمدلله يا ايمي تمام ، خدي الدوا بانتظام بقي الكالسيوم وكله عشان الوجع يخف ان شاء الله


ايميييييي عاملة ايه الولاد صاحيين :lol::lol:

رورو ايوة فعلا انا بستخدمه لجودي دلوقتي وحلو جدااااااااااااااااااااااااا وبتضايق لو لقيته خلصان وملسه مجاش بضطر ارجع تاني للقفل والفتح والغلبة معاها، وبردو ان شاء الله في الصيف هجرب اعودها علي البوتس والقاعدة وربنا يسهلنا يارب

اهي طريقة شيري يا رورو:

7 بيضات
1.1/2 سكر
كيلو لبن
معلقه فانيليا
ونص كوب سكر للكرمله



بتغلى اللبن وهو سخن قلبى فيه الكوب ونص سكر وتسيبيه يبرد

وفى الخلاط تحطى البيض والفانيليا وعليهم مقدار من اللبن لغايه ما الخلاط ياخد يعنى نص الكميه مثلا
ودرررررررررررررررررررررررررررررررررررررررررررررررر ر ونفصل ودرررررررررررررررررررررررررررررررررررررررررررررررر ررررر

وفى وعاء كبير تحطى الخليط اللى فى الخلاط مع باقى اللبن وقلب قلب قلب لحد مايتخلطوا كويس

وتجيبى بقى نص كوب السكر وتحطيه على النار مع رشه مع شويه ميه نونو ونقطتين لمون وقلب قلب قلب لحد مايبقى كراميل حطيه بسرعه وهو سخن فى القالب اللى هاتعملى فيه ولما يبرد والسكر يجمد صبى الخليط اللى جهزناه

وحطى القالب ده فى صينيه اكبر منه وفيها ميه لانه هايستوى فى حمام مائى


وعلى الفرن بياخد ساعه وشويه بتعرفى انه استوى بتشوفيه بالسكينه زى الكيكه كده بتكلع مفيهاش ساااااااائل منه يبقى تماموز

ولما يهدى حطيه فى التلاجه


وبردو رونا وشيمو بيعملوا الكوبايتين لبن عليهم 4 بيضات

الحمدلله يا بنات تمام


هههههههههههههه لا يا ايمي اياد نايم وميزو قاعد جنبي اهو ومزهقني مصمم يقلعني النضاره ومش بشوف كويس
عاااااااااااااااااااااا

ايمي كنت بتاخدي ايه لادرار اللبن وانتي بترضعي جوجو ؟
وحسيتي فعلا انه حلو وبيزود اللبن

وازي جوجو عامله ايه ياكتكت

:lol::lol::lol: هما لما بيكبروا كمان بيبقوا فيهم داء النضارات ده، جودي بتموت في تقليع النضارة واللعب بيها لما بتشوف حد من جداتها ولا حاجة


صحيح انتي اخدتي حقنة شرجية او شربة او اي حاجة قبل الولادة ولا لأ

ربنا يكرمك ياايمى
طيب نهو احسن يبقى طرى كده اصل جوزى بيحبه طرى كده مش ماسك اعمل على كوبايتين لبن 4 بيضات ولا ايه

خدي اعشاب سيكم لادرار اللبن بس اشربي منها كذا مرة في اليوم يعني 3 مرات مثلا مش مرة واحدة وفيه هيربانا وحاجة تانية بس ممكن تلاقيهم مختفيين شوية من الصيدليات دايما بيختفوا ويرجعوا تاني، بس هيربانا ده مخدتوش إلا لما كان قل خلاص، خليكي في الاعشاب كده كده هي حلوة وخلطات كتيرة من ضمنها الحلبة ، وطبعا السوايل بصفة عامة 3 لتر ونص حاولي علي اد ما تقدري، شوربة بس حاولي متبقاش دسمة عشان متتخنيش بالعكس احنا عايزين نخس مع الرضاعة ونستغلها فرصة، واعشاب وعصاير ولبن طبعااااااااا وخضار مشكل بقي وسلطة وفاكهة كده كلي المفيد وقللي من الدهون، وحاولي حتي مرة واحدة حلبة في اليوم معلش :(:(