شات حوامل مصر القمرات وتجهيزاتهم للبيبي لشهر ربيع الثاني

الحمد لله ههههههه انا مش عندكم

الغدا لسه مافكرتش فيه بس انا النهارده عندي محاضرات من 10 الصبح وشغل ف المستشفى الساعه 8 باليلل
فممكن اعمل حاجه سهله مكرونة وفراخ ولا حاجه

فطستوووني علي روحي من الضحك، كل واحدة بتسأل فيه حاجة ملهاش علاقة بالتانية :lol::lol::lol::lol:


بابا كان بيسألني عشان لو جوزي اجازة ممكن نروح لسه مش عارفة متفقناش لسه


والاكل انا بردو بفكر لسه بس مش هتعب تفكيري دلوقتي عشان مش قادرة


بالنسبة للصوت الواطي اي نعم هو فعلا بيعللللللللللي اوي بس ساعة الموقف نفسه ويرجع يوطي تاني لطبيعته :lol::lol::lol::lol:

جودي الكلبة عدتني من كام يوم وانا الموضوع عمال يزيد عندي جامد ودلوقتي مش قادرة بجد خلصت بكر كتير وطلعت واحدة جديدة اهي ومناخيري حرقاني وحمرا ونفسي مرة اعرف اوقف البرد عن حده بسرعة وموصلش للدرجة اللي بوصلها دي :'(:'(

طب لو روحتي هتصوتي بايه ياايمي

انا هقوم فعلا كمان شوية كده، بس هقعد معاكم حبة كمان واخلص شوية شغل بردو واحاول انام بقي بالمنظر ده كل شوية اصلا هاصحي عشان الزكام

M!ss Tuky;14712040:
سلفتى بطلت البرشام بقالها شهر وبعدين عملت بعدها بفتره كده تيست حمل الى ف البيت مكنتش خامل والبريود اتأخرت عليها راحت عملت تحليل دم مفيش حمل بردو المهم راحت لدكتور قالها كسل ف التبويض وعملت كميه تحاليل ف المختبر مظهرش انها حامل

المهم الدكتور ادالها برشاتم ممنوع منا باااتا ان الحوامل ياخدو وفضلت تاخدو اسبوعين وراحت استشاره للدكتور قالها يومين والبريود تنزل

البريود منزلتش وبتحس بتقطيع ف بطنها راحت لدكتور تانى عملها تحليل دم طلعت حاامل ف هي الى منغص عليها عيشتها انها قلقانه من البرشام الى كانت بتاخدو ومكتوب عليه تحذير للحوامل

لانها خدتو اسبوعين والدكتور التانى بيقولها الحمل حصل بعد التحليل الاخرانى عشان كده مظهرش

سؤالى بقي

الاول انهو اصدق تحليل الدم ولا البول بالنسبه للحمل

وهل في قلق من البرشام الى خدتو ده بعد فترة

الدكتور بيقولها قدامنا اول تلاته شهور هيبان فيه كل حاجه بس هى قلقانه جداااا

تحليل الدم اصدق طبعا واظبط وبيبين من نسبة اقل وبدري اسبوع او اسبوعين عن تحليل البول
البرشام بقى ... نوعه ايه بالظبط...في ادوية كتييييييير مكتوب عليها ممنوع للحوامل او ماتتاخدش بس مش دايما بتعمل مشاكل
وفي حاجات دايما بتعمل مشاكل
فبيبقى الافضل انها ماتتكتبش لاي واحدة ف سن الحمل اساسا سواء ناوية تحمل او حتى بتاخد وسيلة منع حمل

بوبا الف مبروووووووك ربنا يتمم لك بخير

جوزي بيقولي نغير، وبابا لسه متناقشتش معاه عشان هو فاهم كويس وكمان كان فاتح علي شيخ بيتكلم في الموضوع ده وبيقول المفروض ايه وبيفهم الناس وكده،

الموضوع ده ماتسمعيش فيه كلام شيوخ
مع احترامي ليهم...هما مش متخصصين
وبعدين الاخوان والسلفيين مع التعديلات الدستورية فللاسف بيفتوا انك لازم تصوتي بنعم وانا حاسة ان كدا حرام عليهم لان مش من حقهم يقولوا نصوت بايه
بس هما ضامنين انهم هيبقوا اغلبية ف البرلمان الي جاي فعايزين الانتخابات تتعمل حالا قبل كمان شوية عشان ماتلحقش الاحزاب التانية تثبت وجودها وتوصل لرجل الشارع

انا عن نفسي هصوت بلأ طبعااااااااا

كيتي انتي هتعملي ايه طيب انا مش عارفة لسه

قـلـب طـفـلـة;14714942:

حرام عليكي بتشتميها
ليه هي عارفه حاجه
اشربي حاجه دافيه ياحبيبتي وان شاء الله يروح على طول اشربي لمون مغلي او جنزبيل رهيييييييييييب بس عايز اللي يشربه يستحمله
بجد ماتسبيش نفسك كده

:lol::lol::lol: بكرة نيجي نتفرج عليكي انتي كمان هتعملي ايه مع البيبي بجد والله في اوقات بحضنا وافعصها وابوسها واهريها كده واقعد اضحك علي اللي بتعمله بس لما بترخم جامد او تعمل غلط كتير وتكرر وميمهاش لما نقولها لا نو عيب كخ غلط تعالي سيبي وهي بردو مصرة وتكون حاجة كبيرة بتخرجني عن شعوري عشان انا الضغط عليا لوحدي اكتر لما بيكون معايا حد بغصب عني

اما بقي الجنزبيل ده معرفش خالص انه ممكن يتشرب في حالة زي دي هو هايبقي حامي زي القرفة كده؟

طيب انا معنديش عندي بتاع الاكل بس اللي هو الباودر، انا شربت تيليو دافي كذا مرة ومفيش اي حاجة عشان زوري كمان كان عامل قافلة بس هديت سنة

انا بردو ساعتها استغربت اوي لما سمعته بيقول مفروض نعمل ايه وبيقولها للجمع كله فقلت بيني وبين نفسي طيب هو هايحكم الناس كلها تمشي مع رأيه واتجاهه هو ليه، وكان بيقولها يعني هي كده وهو ده الصح وهو ده اللي مفروض نعمله وهتعملوه :confused::confused:

شكلك جاده ياكيتي ههههههههههههههههه

انتي كنتي بتدخلي يا روري ساعة الثورة والتنحي وكده والخطابات وشوفتي البنات كانوا عاملين ايه هنا


كيتي انتي صحيح مبسوطة بالاوضاع اللي بتتغير كل شوية من ساعة التنحي وكده وعلي الوزراء واحمد شفيق والحاجات اللي بيكتشفوها كل شوية وبتوع التحرير ولا غيرتي رأيك عن الاول؟

يابنتي اصل هما ضامنين ان لو اتعملت انتخابات حالا هيفوزوا باغلبية لانهم عندهم قدرة على حشد جموعهم
يعني لو هما 5 مليون
يبقى لو في انتخابات الخمسة مليون بينزلوا يصوتوا
والله صاحبتي كانت ف القاهرة والمفروض بطاقتها الانتخابية ف مكان جنب طنطا
كان لما يبقى في انتخابات لازم تنزل مهما كانت الظروف عشان مايفوتوش صوت
ده لما كانت الانتخابات بتتزور
مابالك بقى دلوقت

فمن مصلحتهم كدا...يبقوا اغلبية ف البرلمان .. وكمان بحكم التعديلات البرلمان هو الي هيختار اللجنة الي هتعدل الدستور..فلو هما اغلبية هيختاروا الي يناسبهم