DodyCat;14661432:
انا كنت بستخدمة زمان سكرب اصاله حلو قوى فعلا
جزاكى الله خيرا يا قمر
طيب يا بنات أخر كلام اجيب انواع ايه علما انى بحب الميكب بسيط
ممكن حد يقولى اجيب ايه بالظبط فاونديشن وبلاشر وجلوس وماسكرا ومنين
انا جنبى مزايا وفيسيس
مسلمة تقية;14661614:
الفاوندشين و الماسكرا طبعا من ماكس فاكتور هما عندهم كذا نوع لازم تعرفى نوع بشرتك
علشان ماتختاريش فاوندشين غلط
و البلاشر و الجلوس من جوردانا
الروجات من ريميل مجموعة الاستينج فينيش
DodyCat;14662184:
فاونديشن ماكس فاكتور كرهتو كان وحش جدا معايا
مسلمة تقية;14661233:
سارة بودرة فلورمار كذا نوع فى منها بحاجة و تلاتين انا مجربتهاش
انا جبت الثابتة اللى فيهم ب50 مكتوب عليها compact makeup و دى ثابتة فى الحر
وباستعملها من غير كريم اساس لانها بتدى تغطية
انا باستعمل كريم الاساس لوحده لانى مش بحب احس انى حاطة حاجات كتير على وشى و احيانا باستعمل فوقه بودرة مايبلينpressed powder) dream matte)
لان تغطيتها خفيفة بتدى ثبات لكريم الاساس
لو الباودر بتسيح معاكى قلللى كمية الكريم اللى بتحطيه تحتها
مسلمة تقية;14661267:
احسن بلاشر matte ن حيث الجودة و السعر بلاشر جوردانا
ميادة
طالما انك عروسة يعنى مش مجرد مناسبة حتروحيها يبقى لازم تجيبى
احسن كريم اساس انا مجربتش كريولان اعرف بس انو تقيل قوى
حاولى تسألى حد خبير فى مكياج العروسة يفيدك باحسن نوع
kanzy1;14661526:
حد قالى هنا تقريبااا ان فى محل جنب سمير وليم بيبيع منتجات اصالة
لو حد يعرف صح الكلام ده يقولى
ميااااااده;14664079:
انا في بنوته ققالتلى جابته الاستيك بتاع كريولاين وقالتلى هتقولى نتيجته معاها
لما تستخدمه لان عندها مناسبه وسعره في سمير ويليم 115جنيه انا شيفه ان سعره حلو
وكويس وكمان بيقولوا ان تغطيتوا تقيله وهو ده المطلوب عاوزه حاجه تدى كفر للوش
وتغطيه قويه وانا كنت سئله خبيره تجميل سئلت اتنين وقالولى كريولاين حلو للمناسبات وثابت
انا برضه هتجنن على منتجات اصاله عاوزه اعرف مكان ليها اجيبها منه
كان موجود في كارفور طريق مصر الصحراوى منتجات بسيطه جدا جدا لاصاله بس انا نفسي في السكرب والكريم المرطب
ميااااااده;14660602:
الاسكينول هيناسب بشرتك بس لو بشرتك حساسه يبقي مش هيناسبها انا بشرتى دهنيه وجيبه اليه بلليمون وتحفه بينظف االبشره كويس بس انا مش بستخدمه كل يوم عشان بشرتى مش تتعب لانه كله كحول وبمسح بيه وشي وبعد كده بغسل وشي بمايه وغسول او صابون بس بينظف كل المكياج وبيشيل اى تراب او رواسب في بشرتك وانوش جيبه نوع بلبابايا عمتا البابايا و اللليمون افضل اتنين
وسعره كنت جيباه ب 15جنيه
kanzy1;14664219:
هو كارفور الصحراوى ده ال فى العبوررر
ولا تقصدى على كارفور المعادى
انا نفسى اجيبها اوووووووى خصوصا السكرب
كريولاين حلووو اوى بس انا خايفة منو
لان انا خايفة اجيبو وهو تغطيتو عالية اوى يخلى شكلى مش طبيعى
حتى لو فى مناسبة بحب المكياج الطبيعى لو جبتيه ابقى قوليلى على تجربتك
nado44;14664420:
معقول الاسكينول كله كحول:-o ازاي دانا سمعت انه كويس علشان مفيهوش كحول زي المنتجات الباقية مثلا تونرات افون
ازاي انتي كمان بتحطيه قبل الغسول ازمال ليه كل الناس بتحطه بعد علشان يقفل المسام ومش بيتغسل:-o
دانا اتجننت كده واتلخبطت اوووووووووي
شكرا ليكي يا جميل بجد هتخليني اتاكد تاني قبل مابهدل وشي
ممكن انووووش تدخل تقول تجربتها ايه بليييييييييييييز يا انوش قوليلي
يارب وفقني مرمر;14664485:
انا كمان نفسي ف حاجه اصاله في القاهره بليز اللي يعرف يقول
و حد يديني لينك تجمع الشعر الجديد و الجسم و البشرة؟؟؟؟؟؟؟
ميااااااده;14664462:
كارفور الصحراوى اليه في طريق مصر اسكندريه هو ده اليه بروحو كنت جيبه منه كريم تقليل نمو الشعر من اصاله وكنت بشوف حاجات بسيطه لاصاله جدا بس مش لقيت كريم ولا سكرب اصاله
وكريولاين عاوز مناسبات مش للاستخدام اليومى خالص
بقولك يا كنزى متعرفيش محل سمير ويليام اروحله ازاى بلمترو هو مفيش محطه مترو قريبه منه
kanzy1;14664674:
بصى انا المترو ده مش بعرف فيه اووى عشان عندى فوبيا منو اصلا ومش بركبو
ههههههههه
بصى هو مفيش عند سمير ويليم مترو
اقرب محطة مترو ليه اعتقد هى محطة كبرى القبة
وتخدى بقى منها ميكروباص لحد اشارة روكسى
nado44;14664420:
معقول الاسكينول كله كحول:-o ازاي دانا سمعت انه كويس علشان مفيهوش كحول زي المنتجات الباقية مثلا تونرات افون
ازاي انتي كمان بتحطيه قبل الغسول ازمال ليه كل الناس بتحطه بعد علشان يقفل المسام ومش بيتغسل:-o
دانا اتجننت كده واتلخبطت اوووووووووي
شكرا ليكي يا جميل بجد هتخليني اتاكد تاني قبل مابهدل وشي
ممكن انووووش تدخل تقول تجربتها ايه بليييييييييييييز يا انوش قوليلي
ميااااااده;14664774:
ههههههه انا عمرى ما ركبت المتروا الا وتوهت فيه
كنت باخد كورس انجليزى وكنت بركب محطه وحده كل مره كنت اتوه واركب عكس الاتجاه
هههههههه انا عارفه ان في محطه كبرى القمه عرفاها بس كنت عاوزه اعرف محل سمير ويليام جمبها ولا بعيد امممممم انا قولت المترو يبقي اسهل من العربيه خصوصا ان الطريق بعيد
ووالدى لازم يتوهنا هههههههه يارب بس الدنيا تهدى من المظاهرات والحاجات دى عشان
مش عارفه اشترى حاجه انا
كمان بفكر اشترى بلاشر جيوردانا عجبنى اوى
صحيح يا بنات متعرفوش ايلاينر نوعه حلو ومش يزيد عن 35جنيه عاوزه ماركه مطفيه مش فيها لمعه يكون فحم
وثابته
أنوش;14665002:
على فكرة يابنات امبارح نزلت مع خطيبة اخويا وكانت عايزة تجيب فاونديشن
جربت بتاع اماندا الموس وعجبها اوي بعدين وانا بجرب في ستاند جوردانا الروج واقلام الكحل لفت نظري فاونديشن سائل خالي من الزيوت دا شكله
جربتهولها على وشها وما شاءالله كان رووعة تغطيته حلوة وملمسه ناعم ومش مدهنن خالص بالعكس مخلي الوش منور وجميل هي كانت مقتنعة جدا بالموس فاونديشن عشان خفيف ومش باين ولانها اول مره تستخدم فاونديشن
بس انا اقنعتها والبنت اللي فالمحل بردو ان دا افضل عشان ممكن تستخدمه في مناسبة او في خروجة عادية زي بتاع جولدن روز كده واقتنعت بكلامنا واشترته ب 37 جنية
لما روحت غسلت وشها وحطت منه على نضافه واتصلت بيا في نص الليل تقولي روووعة مخلي وشهي منور وجميل حتى اخواتها البنات ومامتها قالو نفس الكلام فا اللي عايز يشتري فاونديشن سائل ممكن يجرب من جوردانا اللي زي الصورة دا حلو اوي
وجربت قلم الكحل الجليتر من جوردانا ناعم والجليتر فيه باين ومش خشن خالص ولقيت شوية الوان تجنن الجنزاري ( الاخضر المزرق ) والازرق البترولي و اللبني والوان حلوة اوي منها اللي بيتبرى ومنها اللي زي جليمر ستيك بيتلف ويطلع وسعره 25 جنية
ميااااااده;14664527:
على فكره الاسكينول جميل جدا جدا معايا
بس هو منظف قوى للبشره وانا بستخدمه لنظافه البشره لو فيها اثار ميكياج او تراب مش بستخدمه عشان قبض المسام واصلا لو مسحت بيه وشي وغسلتى وشك بغسول ومايه بارده المايه البارده بتقبض المسام مش زى المايه السخنه بتفتح المسام
بس انا مش بحب اسيبه على بشرتى انا بعد ما بغسل وشي لو هحط تونر يبقي نيفيا فيزاج للبشره الدهنيه او مايه ورد وشوفي انوش برضه بتستخدمه ازاى
لان كل واحد بيبقي على حسب الطريقه اليه بيستريح ليها
أنوش;14664870:
الاسكينول فيه كحول يا قمر والطف تونر ممكن تستخدميه هو اوبتمالز ونيفيا بردو مفيهاش كحول كتيرة
الاسكينول بتاعي بالبابايا بستخدمه وبعدين بشطف وشي بمايه سائعة عشان محبش اخليه على بشرتي
ومش بستخدمه الا كل يومين مره او لما اكون جايه من برا وفالصيف طبعا بيكون يوميا
kanzy1;14665063:
بجد حلووو اوى كده طب كويس جدا وسعره كمان حلووو بصراحة
بصى انا كنت هجيب نيفيا للخروجات بتاعة بليل
وموس اماندا للكلية على اساس الموس ملمسه بيتحول لباودر
مش هيبقى انسب بردو ؟ ولا جوردانا افضل
انتى شجعيتنى كمان اجيب اقلام الكحل من الجليمر من جوردانا وفيها الوان حلوة
nado44;14665361:
شكرا ليكوا يا بنات كده خلتوني ارجع ادور واحاول اجيب اوبتيمالز بس ادعولي الاقيه لاني مش لاقيه عندي اي حد خاااااالص ومبدئيا ققرت اجيب غسول كلين اند كلير شاين كنترول انا بشرتي زيك يا انوش وهستخدمه من غير تونر لغاية مالاقي اوبتيمالز ايه رأيك كده
kanzy1;14664951:
ههههههههههههههههه مشكلة فعلا المترو ده
هو المحل مش جنب المحطة بس قريب ليها اوى
وبلاشر جوردنا حلووووووو اوى انا جبته بس لسة مخرجتش بيه
بس جربته فى البيت كان شكله طبيعى وحلووووووو اوى وفضل ثابت لحد بليل
والايلاينر انا عمرى ما استعملته مش عارفة حساه صعب وعايز محترفين عشان الايد متتهزش
عمرى مفكرت اشتريه بصراحة
أنوش;14665002:
على فكرة يابنات امبارح نزلت مع خطيبة اخويا وكانت عايزة تجيب فاونديشن
جربت بتاع اماندا الموس وعجبها اوي بعدين وانا بجرب في ستاند جوردانا الروج واقلام الكحل لفت نظري فاونديشن سائل خالي من الزيوت دا شكله
جربتهولها على وشها وما شاءالله كان رووعة تغطيته حلوة وملمسه ناعم ومش مدهنن خالص بالعكس مخلي الوش منور وجميل هي كانت مقتنعة جدا بالموس فاونديشن عشان خفيف ومش باين ولانها اول مره تستخدم فاونديشن
بس انا اقنعتها والبنت اللي فالمحل بردو ان دا افضل عشان ممكن تستخدمه في مناسبة او في خروجة عادية زي بتاع جولدن روز كده واقتنعت بكلامنا واشترته ب 37 جنية
لما روحت غسلت وشها وحطت منه على نضافه واتصلت بيا في نص الليل تقولي روووعة مخلي وشهي منور وجميل حتى اخواتها البنات ومامتها قالو نفس الكلام فا اللي عايز يشتري فاونديشن سائل ممكن يجرب من جوردانا اللي زي الصورة دا حلو اوي
وجربت قلم الكحل الجليتر من جوردانا ناعم والجليتر فيه باين ومش خشن خالص ولقيت شوية الوان تجنن الجنزاري ( الاخضر المزرق ) والازرق البترولي و اللبني والوان حلوة اوي منها اللي بيتبرى ومنها اللي زي جليمر ستيك بيتلف ويطلع وسعره 25 جنية
nado44;14665361:
شكرا ليكوا يا بنات كده خلتوني ارجع ادور واحاول اجيب اوبتيمالز بس ادعولي الاقيه لاني مش لاقيه عندي اي حد خاااااالص ومبدئيا ققرت اجيب غسول كلين اند كلير شاين كنترول انا بشرتي زيك يا انوش وهستخدمه من غير تونر لغاية مالاقي اوبتيمالز ايه رأيك كده