خلاص انا كبرت ياماما ...وداعا للحفاظ

انا عندي عيالي التؤام الله يحفظهم توهم مخلصين سنتين وماعرف كيف اعلمهم الحمام احسه صعب تعليمهم رغم ان عندي ولدين كبار وماكانت صعبه علمتهم يمكن لان اعمارهم متباعده الله يعين بس ....

يسلموووووووووووووو

اب ... لاني بصراحه محتاجه لموضوع مثل هذا ... يالله نبي نشوف تجاربكم مع عيالكم ...

اني ولدي عمره سنتين و 5 شهوور بحاول افطمه من المرضعه و بعدين الحفاظه بس المشكله الحليب مايشربه الا في مرضعه مايرضى يشتربه في كوب من جديخ متخايبه و اخااف يترك الحليب وهوو مهم للاطفال

انا ولدي الله احفظه كمل قبل كم يوم سنتين وشهرين وعلمته على الحمام من كان عمره سنة وتسع شهور اول شي علمته ان الحفاظة عليه بس حزة الحمام يفصخ الحفاظ ويسويها في الحمام والمرحلة الثانية اخليه طول الصبح بدون حفاظ وكل اشوي اوديه الحمام والحين كل اخليه صبح وعصر من غير حفاظ بس حزة النوم كان يشرب حليب بالمرضعة وفطمته من المرضعة وعمره سنة وسبع اشهور وعطيته الحليب في كاس والحين فطمته من الحليب فيي الكاس حزة النوم ومايششرب حزة النوم اي حليب بس باقي في الليل اخليه بلا حفاظ بداية الامر صعب بس كل ما علمتيه من الصغر تعود اسرع بس باقي على ولدي حفاظ الليل وانشالله الايام الجاية ببدي معه في الليل انام بدون حفاظ.

انا بنتي ماشيه اوكي تروح للحمام بس اذا كنت طالعه احيانا تنسى نفسها بصراحه انقهر

انا بصراحة اتاخرتعلى بنتى لانها كانت عنيدة و بطلت على 3 سنوات و كام شهر بس لدلوقتى و هى بتنسى روحها و تسوى شوية فى البنطلون و بعانى معاها و بنتى الاصغر عمرها سنة و شهر و نفسى اعلمها لانهم بيقولوا لو قعدتم البيبى عالبوتى من سن صغير قبل السنة كمان بيكون اسهل ياريت تفيدونا

الحمدلله بنتي اسمها ايمان وعودتها على الحمام من عمرها سنتين ونص وعيالي كلهم اعودهم في هذا السن بس اذ قلت خلاص بلاش بامبرز يعني خلاص بس في الليل لمده شهر والحين من اول ما تصحى اوديها الحمام الله يكرمكم وافك الحفاظ واجلس معاها لين خلا ص وساعه واوديها كل ساعه تقريبا وفي بعض المرات نجلس في الحمام لمده ساعه وحن نستنى البوبو ونتم بكرامه بس شوفو حبيباتي احسن شي للطفل في ذا السن المقعد العربي حتى يكبر وبعدين خلاص وفي بعض الاحيان اذسوت في ملابسها ما اضربها اقولها اذ سويتي في ملابسك مااعطيك هديه ولا حلاوه واذ سوت في الحمام اعطيها حلاوه وابوسها وعلى ذا الحال لدرجه اني بعض الاحيان ما اطلع من البيت لمده اسبوع وبعدين تسلك والحمد لله بس الصبر ياامهات ولا لا لا للضرب ونعم للتشجيع ولا مانع من انها تبول في ملابسها مره كل كم يوم :lol:بس الله يعين

الله يعين الجميع

انا ابني حمود سنتن و6 شهور ماشاء الله,, وبدت معاه من 4 شهور ولسى ماخلصنا والله وايد عذبني,, عنييييييييييد جدا جدا جدا

بس انا خبرتي متواضعة ولاح اخبركم شو سويت يمكن اولادكم يتماشوا احسن من ولدي

المهم اول شي بديت اخليه يقرف من البامبرز وبس يكون لابسها اقوله ماما فوطة قرف تعال نرميها ونلبس كلوت حلو عليه رسومات حيوانات حلوين ولمن بدك تعمل اي شي تعال نعمل بكرسي الحمام عشان لازعل الارنوب اللي على الكلوت

وهيك صار يحب الحيوانات اللي على الكلوت وخاف عليهم عشان لايتسخون وصرت ادخلوا معي الحمام واخليه يقعد على الكرسي الصغير تبعو وجبت شكل النونية مثل كرسي الحمام للكبار بس على اصغر وعليه رسومات وخليته هو بعد يزينه بلصقات ورسومات عشان يحبه,, وكل ماشرب شي من عصير او حلب بعد شوي احاول اقله يلا نروح نغسل ونلعب بالماي واقعده ع الكرسي,, بس يوم نطلع برى او وقت النوم لسى يلبس الله يهديه

بس مشكلتي انه ينسى ومستحيل يقلي ع الحمام لازم انا اوديه,, ومرات يعند ومايسوي وبس نطلع يعمل ع الارض هلكت تنظيف الله يعينا يارب,,

هاي تجربتي البسيطة. ونسيت اخبركم اني حطيت كيس بالحمام فيه العاب وكاكاو وكل ماسوى بالحمام اصفق له وانادي ابوه ونساوي حفلة :) واعطيه من الكيس,,, وربنا كريم

بااااااااااااااااااااااااااااركولي يابنات بنتي تعلمت عالحمام .. اقولكم طريقتي .. من البدايه من جد جننتني .. اخليها بدون حفاظ ولما اوديها الحمام اعزكم الله ماتعملها ابداااا ..

وبعدين شويه شويه صرت افهمها انه لما تعملها بالسجاد افهمها انك توسخي السجاد وشوفي كيف صار وسخ؟؟!!

وبعدين صرت احط النونيه قريب التلفزيون وهي جالسه تشوف وبعد يوم او يومين شلت النونيه وحطيتها بالحمام ووريتها والحين لما تريد تعملها تروح الحمام من غير ماتقول لي هههههه ..,,

الله يهدي العيال ويخليهم لكم يارب ..,,

ومنكن نستفيد
ولدي عمره سنتين ,, بعدي ما علمته على بدون الحفاظ , احس بعده على التحكم في قضاء الحاجه
يعني لما اغير له في الحمام اقول له يالله ماما تسوي بووووله إسسسس
وهذي اوكي ,,
بس للحين ما تجرأت وخليته في البيت بدون حفاظ , اخاف يعفس الدنيا

انا اول شئ وعمرها سنتين و شهرين علمتها ع الكاكا لانهم لما يكبرو طبعا ريحه وتعببببب ظهرك ينكسر
شيلى وغسلي جسمهم
وحاله
ولما وصلت سنتين ونص بالتدريج علمتها ع البول كل شوي اشيلها اوديها لحد ما تعودت بس المشكله بليل
لسه ما عودتها
الان هى سنتين و9 شهور

موضوع جمييييييييل ..

بنتي عمرها سنتين وبدت اعلها يعني كل يوم اخليها ساعه بدون الحفاظ صار لي كم يوم من بديت وياها ...ساعات تقول لي واشيل الحفلظ واوديها واحيانا تقول لي واني اكون مشغوله بالمطبخ ..اقول لها عليش حفاظ سوي ما ترضى وتالي تستسلم واتسويها ...بس ان شاء الله تطلع مثل اختها بسرعه اتعلمت ما تعبتني ...

وراح اشوف الطرق اللي تقولونها عشن استفيد بعد ...

انا ماشيه مع بنتي والحمد الله ممتازه بس لصارت مع الاطفال تنسى وتعمل شوي بملابسها الداخليه وتكمل بالحمام

انا راح ابدا مع بنتي هالايام دعواتكم
تتعود بسرعه

نرجع للموضوع انا كتير بحاجة لبعض التجارب
من اسبوع ابتديت مع ابني عمره سنتين ونصف
كل نصف ساعة تقريبا اوديه الحمام
واول ما يصحى كمان

المشكلة من يومين صار ما يقبل يجلس على النونو
وبس اقعده يبكي ويتضايق وما يعمل شي

وبعد ما يقوم يعملها على الارض

وكمان لما اسأله في بيبي دايما يقول لاء وبعد شوي يعملها على الارض
صراحة تعبت معه
مبارح ضربته على الموضوع
عملها 3 مرات على الارض
ويلي بيقهر انه بيقعد على النونو وما بيعمل شي

بالبداية كنت شجعه واعطيه يلي بحبه
وبس يعملها احكي معه كلام بس
وهو بيضحك بطريقة استفزازية كانه فرحان بعملته

فققرت اضربه واوجعه عسى ولعل يحس شوي بغلطه

يا ريت حد يطمني بديت امل من الموضوع