تريدين شعرك مثل العراقيات كثافه ونعومه وطول

هلا اختي انا من مشجعي الجرجير
انا استخدمه هالفترة لان شعري مرة خفيف ويتساقط بكثرة
بس استخدم الجرجير لوحده
اغسل الجرجير تمام واقطعة داخل الخلاطة مع شوية ماي عشان ينعصر واعصره واخد ميته وافرك فيها فروة راسي
واحرك االدورة الدموية باطراف اصابعي اسوي مساج يعني لراسي
يوميا اعصر طازه ومن افرك راسي اسيبه مااغسله هذه طريقة دكتور جلدية بمصر هوة اللي جاب لامي الطريقة
تفركي بيه الشعر وماتغسلي وتعصري اليوم الثاني جديد وتفركي وهكذا وكل 3 او 4 ايام تغسليه عادي بالشامبو وتنشفيه وترجعي تسويله جرجير
اللي حالة شعرهم مثل حالتي يعني مرة يتساقط وخفييييييييف لازم يوميا عشان تلاقي نتيجة وطبعا النتيجة ماتبين بيوم او يومين يريدلك وقت لانه طبيعي والطبيعي يطول نتيجته
انا استمريت 3 اسابيع بدون توقف والتساقط خف كثير الحمدلله بس يريدلك وقت عشان يتوقف التساقط نهائيا وينبت شعر جديد
بس للاسف رجعت وقفت اسبوعين لان سافرت والان رجعت من جديد اسوي صرلي 4 ايام
وعلى فكرة هو بينشف الشعر ... من ينشف وتجي تمشطيه لازم ترطبيه عشان تعرفي تمشطي
انا ارطبه بزيت زيتون شويه امسح مسحات بس عشان اعرف امشطه
والله يقوي الشعرة نفسها وراح تلاحظون .. عقبال يارب ينبتلنا شعر جديد
وعلى فكرة من اغسل شعري بشامبو اتبعت طريقة وحدة هنا بالمنتدى الله يوفقها اخفف الشامبو بطاسة مع ماي وارغيها بعدين احطها على شعري ومن اغسله اخلي راسي لتحت واغسل الشامبو عشان الدورة الدموية توصل لفروة الراس ويكثر ويطول الشعر
هذه تجربتي واي سؤال انا حاضرة
يارب اكون افدتكم خواتي

العفو اختي
وبالنسبة لاختي المغربية اللي تسأل عن اسم الجرجير
انا سويت وظهرلي ان بالمغرب تسموه (( روكا او تيرا ))
يباع في المغرب بفس الإسم (الجرجير)
وسويت بالمترجم حق جوجل من العربية للفرنسية وكتبت كلمة الجرجير طلعتلي هالكلمة Cresson
شوفي هالرابط فيه قاموس من مسمياتنا الشرقية الى المغربي
http://go.3roos.com/dzago8a8jcr
وبموقع اخر وحدة كاتبه كلام ثاني واختلفوا الاخوات .. هذا الرابط نسختلك ياه
http://go.3roos.com/0iskammeslx
وبالرابط التالي موضوع بيه صورة الجرجير شوفيها يمكن تعرفيه
http://go.3roos.com/8frlydh59k8
من خلال بحثي كأني اقنعت انها الروكا او التيرا
اتمنى اكون افدتك اختي

كمان هذا الرابط ممكن تستفيدين منه اختي المغربيه
http://go.3roos.com/yjk5xufpnm4
واي خدمة اخواك موجودين