تجمع الامهات العاملات لشهر ربيع الثاني

صباح الخير يا بنات ...عاملين ايه... والله وحشتوني

DodyCat;14749417:
كل الرجاله كده سبحان الله امبارح بقول لجوزى مش هخرج عشان انضف البيت قالى هو البيت عمره بينضف مهو على طول مكركب والله دمى اتحرق وكنت مش هعمل اى حاجه
انا بقى يا بنات مشكلتى يوسف ربنا يخليهولى يا رب كل ما ارتب حاجه يبوظها
ارتب الانتريه يشيل الخداديات ويرميها على الرض اطبق سجاده الصلاه يشلها ويرميها على الأرض يفتح الأدراج ويرمى اللى فيها :confused: ربنا يهديه

life is dream;14749103:
ازيكم يا حلوين

انا ما دخلتش يوم الخميس ...كان عندي موعد في العيادة وخلصت ورجعت في الزحمة وصلت المكتب الساعة 1 و اتخانقت مع المدير عشان مشروع المفروض اسلمو وسلمتو بس هو البرنامج مش بيفتح في جهازه ...وبدل ما يجيب واحد يصلح الجهاز بهدلني قمت رديت على كل كلمة واتخانقت معاه وقلت له ان انا اصلا بشتغل في اللاب توب بتاعي وانت اجهزتك كلها خربانة وعشان اثبت لك ان العطلة مش مني حطبع المشروع في مكتبة برا واجيبو في سي دي
وفعلا امبارح جا واعتذر لي
المهم طلعت من المكتب متاخر وكانت ماما اخدت منذر وقعد معاها لغاية الساعة 10 انا وصلت البيت لقيت زوجي قاعد قمت اجهز الغدا قال لي مش عايز ...بعدها دخلت الاوضة وقعدت اعييييييييييط كنت متضايقة جدا ...جا زوجي بعد حوالي نص ساعة وقعد يتخانق معاي ...وقمت طلبت منو يسيبني في حالي اذا مش حيخفف عني ما يزيد على
المهم بعدها اخدت شاور وصليت وبدات اغسل الهدوم ورحت جبت منذر ونيمتهو
يوم الجمعة صحيت من الساعة 7ونص وكملت باقي الغسيل ونشرت الهدوم وجهزت الفطور .. ورتبت البيت ...صحي زوجي وما رضيش ياكل وكنا عايزين نروح العين عشان ابن خالتي في مستشفى بعيييييد اسمو توام
رحنا ورجعنا الساعة 9 بالليل واتعشينا ونمنا
امبارح صيحت من بدري ورتبت البيت وغسلت المواعين ...ولبست ونزلت ورجعت البيت الساعة 4ونص منذر كان مع ماما وكنت اصلا طابخة بنظفت ورتبت وبخرت البيت والهدوم ورحت لماما على الساعة 5 وربع وقعدت معاهم لغاية 6 ونص ورجعت لقيت زوجي لسة واصل ...سخنت الاكل واكلنا واخدت شاور ونمت وبس

النهاردا صيحت رتبت والبيت نظيف وطبعا امبارح نظفت ارضية المطبخ بالكلوركس ....باقي لي بس اطبخ
حعمل كبسة دجاج انشاء الله ...وحصورها وانزلها في قسم الطبخ
على فكرة اتخانقت مع زوجي بالليل ولسة متخاصمين ومش ناوية ابدا ابدا اتصالح معاه

صباح الخير

ازيكم

life is dream;14749730:
والله بس زي منذر بالضبط ....ومنذر عندو هواية انو يفتح الدرج بتاع التسريحة على الاخر وينزلو كلو في الارض وهكذا يلف على الادراج كلها ...وبيموت في حاجة اسمها يرمي المخدات ويسحب المفارش ويكركب



مرحلة وحتعدي يا دودي على قول ماما الطفل في ال3 سنة الاولى مش طبيعي
سنة مرهون
سنة مجنون
وسنة طاير مع الطيور



نحنا في مرحلة الجنون

:lol: حلو قوى المثل ده بجد

صباح الفل
انا صايمة وبفكر أفطر هتجنن على نيسكافيه

ازيكم تاني
انا بجد عندي زحمة شغل عايزة اخلص عشان اطلع بدري
حرغي واحكي عن يومي امبارح


رجعت البيت والحمدلله نظيف ومش عايز حاجة بس مسحت الصالة على خفيف وعملت الكبسة وقعدت ارتب الدولاب ...جا زوجي وقال مش عايز يا كل ...قلت احسن في سري طبعا
دخلت منذر الحمام ...وخليتو يلعب شوية وطلعتو ولبستو وبعدها انا اخدت شاور ...وطلعنا اكلنا انا ومنذر وبعدها رخمت قمت جبت اسفنجة تسدحت قدام التلفزيون وكنت على وشك انام ....زوجي طلع الساعة 9 فنمت انا ومنذر بعد ما لعبنا ...صحيت على الساعة 12 وثلت كان لسة زوجي داخل كملت نوم ....

صحيت الساعة 6 ونص بس منذر صحي معاي اديتو حليب يرضع وقمت بعد 10 دقايق رتبت الصالة كان زوجي مبهدلها شوية طبعا نام في الصالة ... وغسلت الطبق اللي اكلنا فيه انا ومنذر وشوية مواعين ... وعملت لمنذر شوربة وفطور وعملت ماسك طبعا كنت عاملة خطلة زيوت طبيعية لشعري بالليل فغلستو الصبح ونشفتو وعملت بخور لعبايتي ولبست وصحيت منذر ....ما رضيش يغسل سنانو ...وقعد يحضر بارني وانا بلبسو ومش راضي يطلع من البيت عايز يحضر الكرتون ...فشلتو بالغصب وجيت



لما ارجع حكنس الصالة بس الغرفة كنستها لما منذر كان بيحضر ...واغسل الحمام واطلع الزبالة ... طبعا مافيش طبيخ حطلع باقي الكبسة

بفكر اني اروح ازور ماما
طبعا جيت لقيت زوجي كاتب في الفيس بوك بيت شعر


لا ..لايهمك لو صرخت وتهاويت


لاتنتظر مني على حزني ارجيك




حيل الله اقوى ولا لغيره ترجيت

DodyCat;14758196:
صباح الفل
انا صايمة وبفكر أفطر هتجنن على نيسكافيه

كملي صيام يادودي كدا حتاخدي اجر اكتر
وانشاء الله صيام مقبول

life is dream;14758734:
كملي صيام يادودي كدا حتاخدي اجر اكتر
وانشاء الله صيام مقبول

فطرت
لقيت نفسى متنحه وفى أيدى بروجكت مهم

معلش يا دودى

كل سنة وكل ام فيكم طيبة

صباح الخير فينكم يا بنات

صباح الخير

ازيكم

صباح الانوار

صباح الخير

وينكم من يومين كسلانييين عايزين نرغي

ازيكم انا هنا
بس مشغوله قويي اليومين دول

المهم هرغلكم شويه برده هههههههه

اول امبارح روحت وكان عندي شاورمه ومكرونه واكلنا وبعدين لبسنا ونزلنا مع العروسه اللي قولتلكم عليها دي
روحنا فسحناهم في دبي مول
وروحنا متاخر طبعا ونمت علي طول وسبت الشقه مبهدله وتاني يوم صحيت جهزت حاجه الشغل وحمزه وبس
وبعد ما اكلنا سندوتشات سجق ونزلنا روحنا لواحد صاحب جوزي كان عامل عمليه وانا روحت قعدت مع مراته
ورجعنا متاخر برده ونمت علي طول
صحيت بقي بدري شويه نظفت المطبخ وطبخت كشري اصفر وقطت بطاطس ولما ارجع احمرها واعمل سلطه وخلاص
وجهزت حاجه الشغل وحمزه وروقت الشقه علي خفيف وخلاص
بس بجد حاسه اني تعبانه وكمان النهارده هروح للعروسه لانها هتسافر بكره العين هرتب معاها الشنط والمفروض انظف البيت واطبخ لان اخو جوزي هيجي بكره ويتغدا معانا
انا بجد حاسه اني تعبانه قوي الفتره دي

صباح الخير
أدعولى انا عندى مشاكل كتير من كل ناحيه الحمد لله

ازيكم يا عسولات ....انا كنت مشغولة جدا وانتوا كسلانييين


انا الحمدلله بخير ...ومش بتكلم مع زوجي من يوم السبت بس امبارح جاب لي عشا الله اعلم ليه
ربنا يسهل عليك يا دودي

ربنا يسهل عليكم كلكم ...عايزين يوم الاحد نشاط وحيوية مش زي الاسبوع دا
وجمعة مباركة
باااااااااي