ابي رأيكم بمشاكلي ***تأجيل العرس *** الروتين الممل

قبل العرس باسبوع او اسبوعين وقفوا اللقاءات ..
لكن التلفون عادي اطمني عليه بين فترة وفترة ..
وحطيه تحت المراقبة ..
انا جيه سويت ..

انستازيا ..............

أشكرج عزيزتي على مرورج ............
وحلوه فكرتك ان اتركه قبل باسبوع او اسبوعين اعتقد المده مناسبه لي وله ...........

لكن اشلون بحطه تحت المراقبه حلوه هاذي ........؟؟؟؟؟

أختج *** ايوت

السلام عليكم ورحمه الله وبركاته

انا اعتقد اختى دامك اتحبى خطيبك اكيد فيه شوووق وحب واشياء من هذا القبيل

بس الملل اللى حاسته هو اللى خلق لك هذا الاحساس

مثلا انا خطوبتى اعتقد انها راح تطوول واجد تقريبا ثلاث سنين

والحين صار لى مخطوبه 9 شهور وعادى انى اطووول معاه ولا ارجع بيتنا الا ثانى يوم لدرجه انا خطيبى يعيى يرجعنى البيت

يعنى تعودت عليه كثير وهو بعد بس تجى الدراسه وتخرب كل شى

وبحكم دراسته خارج المنطقه اللى ساكنه فيها ما اشوفه الا يومين فى الاسبوع

يعنى اعتقد حبيبتى دامك تعودتى وتعود عليك حبيتيه و حبك مستحيل تقدرين تخلينه شهر

يعنى قبل الزواج علشان تشتاقون لا تشوفون بعض مده اسبوع بس خلكم على الاتصال


والف مبروووووووووك حبيبتى

شموع الامل .........

مشكوره يالغاليه على مرورج الجميل ...... انه مثلج أعجزه الاول مني وبعدين اروح بيتنا >>>>> ادري فيني ما استحي ولصقه ؟؟؟؟؟

تحياتي
أختج *** ايوت

السلام عليكم ورحمة الله وبركاته .........

انه بقول لكم شنو قررت على ضوء نصايحكم الحلوه والمفيده ......

وانتو قولوا لي رأيكم في الي سويته .......

انه الحين كملت اليوم الثاني ولله الحمد اني قدرت استحمل بعاد خطيبي الي تعودت اني ألصق فيه وما اهده ؟؟؟ زين

طبعا كان الاسبوع الي راح مرحله تمهيديه للفراق ما كنت أقعد معاه وأشغل روحي عنه حتى هو مستغرب مني ومن تصرفاتي الجافه .......

بس الظاهر لا المره تقدر على بعاد الرجال ولا الرجال يقدر على بعاد المره ......

طبعا انه بكمل على هالوتيره ليوم العرس

بس قولوا لي أشوفه في الويك اند في نهاية الاسبوع ولا ما أشوفه بتاتا

و مع ذلك قلبي مو مطمن واحس اني بجر وراي أشياء سلبيه من هاذي السالفه ؟؟؟ لان بعدين بيصير فراقي عنده سهل ؟؟؟؟ وبيصير عنده عادي يسافر ويطلع و يغيب عني لايام وأسابيع ؟؟ مع انه ما كان يقدر في الاول
وغير جذي هو ناوي يرجع يطلع مع ربعه الي ما أواطنهم بعيشة الله ؟؟؟؟ بعدين اشلون بخليه يتركهم مره ثانيه ؟؟؟ بعد ما غاب عنهم طوال هالسنتين ؟؟؟؟

حيرانه وتعبانه ؟؟؟؟؟؟؟ وابي مشورتكم ؟؟؟؟؟؟ و تكفون لاتقرون وتطلعون ؟؟؟

أختكم *** ايوت

السلام عليكم ورحمة الله وبركاته


تبون طريقة سهله تساعدكم على فراقهم


بسييييييييييييييييييييطه


انك تحطين ببالك انك بتقعدين معه وتعيشين معاه 24 ساعه لين تملوووووووووووون من بعض

فلا تخافون انشالله تعوضون كل دقيقه عشتوها بعيد عن بعض

وسلامتكم

هلا عزيزتي شمعه ........

انه خلاص تعودت اني ما اشوفه زين في هاليومين واحس بتغيير كبير في حياتنا لان الفراق كان صعب علينا اثنينا .........

بس هانت ؟؟؟؟؟؟ راح القليل وباقي الكثير

بس بنات محتاجه لدعواتكم الحلوه الي أكيد بتساعدني بمحنتي ؟؟؟؟ احس روحي خايفه ومتوتره وقلقانه وتعبانه .... ويمكن تزرع الطمأنينه بقلبي وتيسر لي أموري

ادعولي ومشكورين على اهتمامكم والله يجعله بميزان حسناتكم
أختكم *** ايوت

إن شاء الله الله يوفقك أختي أيوت و يهونها عليكي...


و لا تقطعي معه مرة واحدة...فقط قللي زياراته...حتى لا يحس بتغيير يصعب التصرف به بعد ذلك...


متى إن شاء الله قررتوا الفرح ؟


طمنينا عنك...


تحياتي...

اختي العزيزه مرموم ............

الله يسلمك العرس باقي له شهر ؟؟؟؟؟؟؟

بس ليلحين ما حددنا شنو بسوي يعني عرس عائلي او عرس كبير ؟؟؟؟؟؟ لان تعرفين سوالف الاهل مو راضين

مثل ما قلتي انه غبت عنه هاليومين واحسه جاااااااااااف وياي وتصرفاته تغيرت معاي كنت متوقعه يتشوق لي بل بالعكس

وقرر انه يطلع مع اصحابه لرحله ليومين ؟؟؟؟؟؟؟؟ احس بالندم ؟؟؟؟

أختج *** ايوت

مرحبا



تصدقين اختي ايوت انا صار لي مده طوووويله مافتحت النت وفتحته الحين علشان اكتب مشكلتي وتفاجات بأن مشكلتي نفس مشكلتك بالضبط

انتي والأخت ايما:eek2::eek2:

المهم....

انا صار لي مخطوبه سنتين وباقي تقريبا سنه ونص طبعا بإتفاق بيننا لأننا مازلنا ندرس بس مشكلتي هي انه متعود على اشياء كثيررررررره سيئه وطول هالسنتين احاول فيه يتركها طبعا يتركها قدامي بس
اما من ورايي لا

انا اشوفه كل يوم وكل ساعه وكل لحظه يعني مايمر يوم بدون مااكون معاه من اول ماارجع من الكليه لحد مااروح اليوم الثاني

احبه ويحبني بجنننننون بس صفاته السيئه مادري ليه مايتركها

احاول اتركه بعض الأيام علشان يشتاق لي بس نفس الشي اخاف يرجع للغلط

انا كمان مقرره مااشوفه شهر قبل الزواج بس مااعتقد اسويها:pain::pain:



والله يا اخوات الا تقدر تساعدنا وعندها حل لنا تقوله

كيف اقدر ابتعد عنه بدون مايرجع للغلط مع العلم اني حاولت فيه بكل الطرق الممكنه ان يقتنع بأن الشي حرام والمفروض يتركه علشان ربه مو علشاني لكن ...........:down::down::down:

ام أصيل ..........

هلا فيكي عزيزتي .......... والموضوع اعتبريه ان انتي نزلتيه وحياكي الله تحطي همك على همي .........

معقوله تكون مشكلتك بالضبط مثل مشكلتي ......... ما شاء الله يخلق من الشبه اربعين .......

بس اتصدقين صارت مشكلة كل البنات ..........المخطوبات

الحين الحياة اتغيرت وصارت كلها مغريات ومثيرات ....... يعني وين ما يروح الواحد يلاقي الشيطان في كل مكان ........
التلفزيون ما شاء الله وكان ......... الانترنت حدث ولا حرج ......... الشارع اعوذ بالله ..........بكل الاماكن تلقين المغريات حول زوجك اشلون اتصونينه منها ......... اذا في مكان شغله يلاقي معاه المغريات ......... اصحابه يجرونه معاهم حتى لو هو مؤمن ......... في السوق تروحين وياه وما تسلمين .........

طبعا بنات انه اقصد المغريات أشياء كثثثثثثثثثثيره """"""منها البنات الي يكونون سفور ولباسهم مو محتشم ....... منها السجائر ......... منها السهر لوجه الصبح منها أصدقاء السوء وغييييييييييييييييييرها وغييييييييييييييييييرها """""
خصوصا اذا كان الخطيب صغير في السن ؟؟؟؟؟؟

انه يا اختي تركت خطيبي يومين ....... وحياتي انعفست فوق تحت .......... من القلق والتفكير ؟؟؟؟؟؟؟؟؟

بس لما رجعت له كان صاين حاله ومحافظ على وعوده لي مع ان الانسان له زلات وغفوات بس هو أكيد ما يتحمل ؟؟؟؟؟ ولازم بيغلط اذا طالت المده
لذلك عدلت عن قراري ورجعت اليه وما راح افارقه ابدا لما تصير عنده هالعادات سلوكيات ؟؟؟؟؟؟

وترى المره هي الي تربي رجلها بعد الزواج والخطوبه خصوصا لما يكونون في سن مقاربه لان المره تكون هي العاقله والرجال هو الطايشش والي يأكد هذا الكلام بلوغ البنت قبل الصبي ..... تنصحه وتدير حياتهم وتساعده وفوق كل هذا تصونه وتكون له الحصن المنيع ؟؟؟؟؟

اسفه اني أطول في الكلام ........... بس مثل ما أعطيتيني من وقتج وكتبتي الرد لازم علي هالشئ .....

الله يوفقكم بدراستكم ويسر عليكم أموركم ويسهل لكم زواجكم ......... ان شاء الله يا ررررررررررررب يا رحمممممممممممممن ترحمنا ؟؟؟؟؟؟؟؟؟
ولا تنسينا من دعواتك ..................... الله يتمم لنا على خير ويتمم لكم على خير ...... ان شاء الله
تحياتي لج وتابعي الموضوع يمكن نحصل وحده خبيره تفيدنا ......
أختج ***أيوت

يا بنات...


صح المغريات كتير...ولكن كل ممنوع مرغوب...


يعني لو أعطتيه فسحة من الحرية سيكون أفضل...


لا تتصرفي معه على أنه الأساس فيه الخطأ....حتى لا يشعر أنك تعامليه كطفل يخطئ...


أعطيه فسحة من الحرية لكن أعيديه لك بكل الحب...إجعليه يشعر أنه يفتقدك...يحتاجك...أعطيه فرصة ليحس هذا الشعور....لكن لا تقطعي معه مرة واحدة...يعني اكتفي بمكالمات في الصبح و المساء....اسأليه كيف كان يومك...و إذا قال لك لقد انبسطت مع أصدقائي...قولي له هذا شيء جميل و الحمد لله أنك سعيد...


ابدأي قولي له كلام جميل يذكره بك و هكذا...ثم بعد يومين قولي له جاء دوري اليوم...أريد أن أراك...و هكذا...


بمعنى آخر إجعلي العملية فيها شد و جذب...و ذلك بشطارتك و معرفة طباع زوجك أو خطيبك...


أتمنى أكون قدرت أوصلكم وجهة نظري...


الله يسعدكم دنيا و لآخرة إن شاء الله....



تحياتي...

اختي

(( ايوت ))

ما أدري لو كان كلامي راح يفيدك بشي أو لأ لأن البنات ما شاء الله عليهم ما قصروا

بس انتي عارفة ان زواجي كان المفروض قبل شهر ونص تقريبا ولظروف عند اهل زوجي اجلنا كل شي احتراما لأهل الميت خاصة انه كان شاب ومحبوب من الجميع ، بس تصدقين اختي تأسفت كثير لان التأجيل سبب لنا مشاكل كثيرة مثل دفع غرامة مالية لصالة العرس وصعوبة حجز اشياء كثيرة ثانية ، يمكن تأجيل العرس يدخل من باب الاحترام للميت بس هل هذا معناه اننا نظل مخطوبين فترة طويلة وكل شي جاهز والحمدلله مو ناقصنا شي بس عشان مراعاة لخاطر ناس ما ندري بكرة بيقدرون لنا هالتضحية أو لا ؟؟

انا لمن قلت عادي أأجل العرس قلت لمصلحتي يعني ما خلصت تجهيزاتي كلها بس بعدين تأسفت لأني اشوف نظرات القهر في عيون خطيبي مسكين لمن يقول المفروض الحين احنا في شهر العسل او المفروض انا وياك الحين في بيت واحد وبيتنا بديت احس اني ما ابي ادخله عشان ما أمل منه ، بس معليش هانت وان شاء الله كلها شهرين ويتم الزواج بس ادعوا لنا يا بنات الله يتمم لنا وللكل بالخير

اختي انتوا أجلتوا شهرين وخلاص كفاية كذا ، حرام تعطلون نفسكم بعدين الحياة مو مضمونة يعني لا سمح الله توفى قريب ثاني ايش تسوون تأجلون بعد ..؟؟

اختي الميت الله يرحمه والحي ابقى من الميت والحياة لازم تستمر ، توكلي على الله وكملي تجهيزاتك وعسى الله يوفقك ويبارك لك ويرزقك بالذرية الصالحة يا رب .

اللي يعزك وتهمه مصلحتك وخايف على علاقتكم راح يجي العرس ويبارك لكم صدقيني الملل اللي في علاقتكم ناتج عن تطويل الخطوبة بغير ارادتكم

بالنسبة للمشكلة الثانية انا راجعة لك على قولتهم راح ادلي بدلوي

تحياتي لك

السلام عليكم ورحمة الله وبركاته

اختي مرموم .......

ما شاء الله عليكي .....

كلامك مضبوط 100% بس المره تحب تتعامل مع خطيبها بحذر اول السنوات ..... لان هاذي السنوات الاولى راح تكون هي المؤثر الاساسي في حياتهم الزوجيه....
اتصدقين اختي ....
اني عودت خطيبي على اشياء كثيره من اول سنه ؟؟؟؟ وبالفعل وجدت انها لها مردود ايجابي في حياتنا ؟؟؟
وسالفة انه يطلع مع ربعه ويسهر معاهم من المحظورات بحياتنا ويمكن هاذا الشئ واااايد بيفيدني بالزواج ...
بس مثل ما قلتي ما تفارقينه على طول وتقطعينه ولا تصيرين لصقه بجبذه .....اشكرج على نصيحتج المفيده

السلام عليكم ورحمة الله وبركاته

اختي رومي .....

أشكرج عزيزتي على مشاركتج الحلووووووووووووووووه ويانا ؟؟؟

و أنه اقول اشفيه الموضوع امنور جذي لا يكون مولعين لمبات بالمنتدى اتاري رومي داشه .....

المشكله عزيزتي مش بالتأجيل بس الا ؟؟؟

ان الاهل ما يبوني اسوي حفله ويبوني اسوي بس ليلة جلوه وحنه وأسافر شهر العسل ....هذا اذا كان الزواج هالشهر
يعني اسوي عرس عائلي بس؟؟؟؟
اشلون وانه توني صغيرونه واحلم بهذا اليوم ؟؟؟؟
وحتى ابوي وامي تأثروا بكلامهم الحين وقاعدين يضغطون علي عشان ما أسوي حفله ؟؟؟؟
يعني مشاريعي كلها ارميها ورا ظهري
الحمد لله على كل حال ؟؟؟
الله يوفقج اختي الغاليه وينولج الي ببالج ويوفقج بشغلج وبحياتج الزوجيه

ايوت اللله يصبرك ...ابصراحه من قريت قضيتك فهمت وش تقصدين ...لاني كنت تقريبآ في اشياء من قضيتك كنت اعيشها بس الحين انا صالي 3 سنوات متزوجة ... الحمدللة... والى اليوم يا اخت ايوت ندمااااااااااااااااااانه ان حلمى ماحققته ...(ماسويت عرس) وان شاء الله يكون خيرة .. يعني طفشت زوجي من كثر مااقوله ياليتني سويت عرس .. وكل ماارجع من زواج احس بكتمة وضيقه ..لاني كنت احلم بشىء من يوم اني صغيرة ..وماسويته الا زواج عائلي حتى احس انه عائلي وناقص بعد لاني ماجبت مصورة في العرس من زود القراده ..:confused:.... الحمد لله على كل شىء...بس انا لمى تزوجت كنت صغيرة ومحد من صديقاتي تزوج..وماعندي خبرة كافيه في امور الزواج...كنت اقول لاهلي ابي عرس
وافقوا بس تدخلت وحده ...وجت امي اقنعتني انه مانسويه الا عائلي
تحسفتتتتتتتتتتتتتتتتتتتتتتتتتتتتت اني وافقتتتتتتتتتتتتتتتتتتتتتتتتتتتتت
:confused::confused::confused::confused::confused::confused:
علشان كذا يا اختي افهمك بليز لاتسوين عائلي سوي اللي في خاطرك
عشان ماتتألمين بعد كل مارحتي عرس وتذكرتي انه حلمك ماتحقق...

شىء ثاني فترة الخطوبه حلوووووووووووة (الملكة) بليز استمتعي فيها صح انها طويله ... لكنها روعههههههههههههههه ..مافيها مسؤليه مثل الزواج
ان شاء الله بتتزوجين يوما ما منه وبتعيشين زي العالم والناس ...انا خطوبتي قصيرة ...والى يومك اتمنى يرجع يوم منها ...صح الزواج حلووووووو...واحلى بعد انه انتي وياه تعيشون في بيت واحد...بس ايام الملكة لها طعم خاص ..غير والله غير... بس فيه شىء ابيك تقتنعين منه
انا افهمك انك ماتقدرررررين بس قوي قلبك واقعدي شوي فكري مع نفسك
انه غلط كل يوم اتشوفينه وغلط انك اتزعلينه ...وش تركتي للزواج
وش بيقول عليك ..بيقول وهذا حنا في البداية كل ماطق عود زعلت
فكري ايوت ...وخليك احسن من غيرك...قد ماتقدرين حاولي تتغلين عليه ابعدي فترة صرفي عمرك جهزي ... اعزمي صديقاتك...اي شىء بس اتغلي عليه ...يوم يومين...ساعات خليه يقعد ساعه ساعتين بعدين صرفيه
شاقولك ..مو حلو انك اتقابلينه كل يوم...شىء ثاني بعد..ابتعدي عن بيتك شوي ...خلو مقابلاتكم في بيت اهلك...(تغلي) علشان اذا تزوجتي يصير للزواج طعمممممممممممممممممممممممممممممممممم
فاهمه علي...يعني خليه يتمنى اليوم اللي يجمعكم في البيت

عارفه وش بتقولين لي...ماتقدرين اتخافين يرجع للتدخين ولربعه

انتي مثلييييييييييييييييييييييييي والله مثليييييييييييييييييييييييييييي

بس انا تزوجت وبقولك انه غلطططططططططططططط تفكيرناااااااا
بليززززززززززززززززز لاتسوين غلطتيييييييييييييييييييييييييييييييي
:rolleyes:

اتركيه براحته ... اذا على الدخان اذا انتي قايلتله يتركه بعد الزواج بيرجعله
لازم ايكون منه هو الاراده....وبعدين عطيه الثقهههههههههههههههههه
وان رجعله ... مو اتسوين سالفه .... فكري الف مرة وشلون تتفاهمين معاه

واذا على السهر ... عطيه حريه بليز لانه الممنوع مرغوب...وبعد الزواج بشطارتك اترجعينه...بس مو غصب بليز....ودايم حسسيه انه من حقة يسهر....

ترى الرجاجيل تفكيرهم في الحرمه واحددددددددد...[س انتي اقنعيه انك غير ...ولا بتتعذبين اول ماتتزوجين ...خذيها مني نصيحههههههههههه

فاهمه علي حبوبتي....

:up:

اشكرك عزيزتي على تعاطفك ويا مشاكلي وردك الجمييييييييييل جدا ........

بالفعل عزيزتي انه مو راضيه اني ما أسوي حفله كبيره ........ بس شسوي الاهل قدروا يقنعون امي وابوي ان الحفله العوده مالها داعي وخصوصا ان المرحومه ما مر على وفاتها الا شهرين بس واحنا عندنا العاده يكون 4 اشهر على الاقل بس لاني زهقت ومليت من حياتي وماني راضيه أأجل اي شئ بس كل هذا على حساب حفلة العرس ؟؟؟؟؟؟؟

يعني حل من الاثنين ..........

1. اما اني أأجل العرس بعد 3 أشهر
2. أو اني اسويه الحين بس حفله عائليه .
وخصوصا ان موقفي الحين صار ضعيف بعد ما أقتنعوا امي وابوي ؟؟؟؟؟؟؟؟؟ و ما راح أقدر اسوي اي شئ بدون موافقتهم ؟؟؟

اما عن سالفة الوتين المملل ؟؟؟؟؟؟

فبدأ يزيد ويكبر وخصوصا ان نفسيتي مضايقه حيييييييييييل ولاعت كبدي من كل شئ ؟؟؟؟؟؟؟
وبالفعل عزيزتي فترة الخطوبه حلوه و ممتعه بدون اي مسوؤليات بس تضجر وتلوع الكبد اذا زادت عن حدها وتأجلت كل مره ؟؟؟
بس انه اتبعت اسلوب حلو اغيب عنه يوم وأشوفه يوم ؟؟؟؟؟؟؟ صار شوية تجديد نعنشت الوضع ؟؟؟
أشكرج عزيزتي مره ثانيه لانج فدتيني بأرائك المفيده وتجربتك القيمه .....
الله يوفقج ويحميج ؟؟؟؟؟؟ ولا تنسينا من دعواتك الحلوه ؟؟؟؟؟؟ وانه متأكده انها راح تنفعني وتساعدني بمشكلتي

و أنا ودي أعطيج رايي بمشكلتج...

أول شي كنت اتمنى انج توقفين انتي وخطيبج وقفت الرجال قبل فترة..
بس مب مشكلة الحمدلله انج تلاحقتي عمرج..و الي سويتيه كله صح
ثاني شي .. علشان ما تملوون من بعض لا تخلينه يشوفج كل يوم ، اتفقيي وياه انه يشوفج كل يوميين بدل كل يوم لمدة أسبوع و الأسبوع اللي بعده خليه يشوفج كل 3 أيام و هكذا الين يوم العرس لا تخاينه ايشوفج قبل العرس لمدة اسبوع ..[SIZE=5]فقط بالتيلفون علشان تتكون عندكم حرارة اللقاء.
و ثالثاً: لا تحاتيين كل شي (وسواسيه) آسفه . بس علشا ما تحاتيين انه يدخن او يسهر او يشوف شي انتي ما تبغينه رمسيه بالتلفون و اتفقي معاه على كل شي بس بالتيلـــفــون

الله يوفقك أختي أيوت....


ما شاء الله البنات ما قصروا في آراءهم...


إن شاء الله تمر الأيام و نباركلك على فرحك و تكوني أحلى عروسة و يوفقك الله إن شاء الله...


بس أنا عندي سؤال محيرني ...ما رأي خطيبك في الموضوع ؟ ألا يستطيع أن يضغط على أهلك إن كان رأيه عدم التأجيل...
فقط حتى لا تكوني بمفردك عند مواجهتهم...و يساندك خطيبك...



تمنياتي لك بالتوفيق...

السلام عليكم

بصراحه انا احيي الاخت مااعرف وش اسمها كيوت اظن المهم رايها صحيح 100% احذري تسوين حفله عائليه وانتي نفسك في عرس كبير

شوفي انا سويت ملكة عائلية برغبتي والحين انا ندماااااااااااااااااااانه كل ماحضرت ملكة حلووووووووووه طلعت منها وانا صدري ضيق


الحل واحد من ثنين

اما انك تاجلين العرس ل3 شهور احسن من انك تسوي عرس اي كلام العرس مره وحده بالعمر

او انك تتزوجون عادي بحفله مقتصره على اهلك واهله وتسافرون وبعد شهر تسون عرس كبييييييييييييييييير

منها تحلون مشكلة الملل بينكم وبنفس الوقت تسون العرس الي تحلمون فيه

والملل الي انتي فيه هذا بسبب انك حاصره اهتمامك به وسعي دائرة اهتماتك لتشمل اهلك خواتك صديقاتك نفسك

ترا قلة اهتمامك بلي حواليك وخصوصا صديقاتك لانهم بعيدين عنك شوي بيزعلهم منك ويحسون انك تغيرتي عليهم بعد ارتباطك .
غيبي فتره عنه وخلالها سوي تغييرات في شكلك ومايشوفك الا يوم العرس

اتمنى يااختي اني قدرت افيدك

وعلى فكره ترا اخر مره اشارك هنا تفشلت هذي ثالث مره اكتب