بيتنا الحادي عشر/فيه التفاؤل منتشر/بيت السنعات ربي يحميهم من كل شر /لشهر ربيع الاخر

مساء الخير بنات يارب تكونوا باحسن حال يارب

يومياتي
صحيت 5 صحيت الاوسط والصغير والكبير معطي نفسه اجازة << رغم اني مو مرتاحة من الحركة
المهم فطرت اولادي والغالي وتسهلوا ربي معهم واخذت لي كوفي وشربته وذاكرت شوي بس النت
اشغلني مررررة وع 10 الا زوجي يدق معصب يقول ان المدرسة مرسلين يقولون ابنك متغيب يومين
بدون عذر قال هذا تربيتك وردها ع راسي قال صحية وفطرية بمرة الحين واوديه عشان ثاني مرة لايكذب
اتاريهم المعلمين ودهم يفتكون يقولون اللي يبغى يغيب يغيب واذا سالوهم اولياء الامور ينكرون !!!!!
المهم رجعت نزلت مفرومه للغداء وكشنت عليها وقليت خضار ونثرتة عليه واولادي سندويتشات وعصير للغدا
بعدها مسكت المطبخ ونظفته مضبوط ورتبت الثلاجه والملحق رتبته ورحت ركبت ع قهوتي وذاكرت للصغير

وبسسسسسسسس

تحياتي للجميع ربي يحميكم

:adore:مساء الخير:D

يوميات
صحيت الساعه 10.30:!!:
قمت بسرعه لقيت زوجي طالع على الدوام :(والاولاد يلعبو بالمطبخ:mad:
رتبت البيت ومسحت شوي الغبره وولعت المبخرة لتعطير البيت ما استغني عنها احب اشم الروائح الحلوة كل يوم:)
وانا اجهز بالفطور الي وللاولاد الا الباب بنفتح وزوجي داخل مروح من الدوام اخذ اجازة وروح لانه حس نفسه تعبان ومريض:sick:
بس انا فرحت لانه اخذ اجازة لمدة اربع ايام احب يكون معاي بالبيت :rolleyes:

افطرنا مع بعض ورفعت الاكل وبدات اجهز للغدا جهزت محاشي وورق دوالي
اتغدينا غدا متاخر لانه احتاج مني شغل كثير :clock:
وبعدين رجعت نظفت البيت من اول وكنست السجاد بالمكنسه الكهربائيه ونظفت المطبخ والغاز والثلاجه وعملت عصير برتقال شربنا انا وزوجي واولادي وقعدنا شوي نتابع على التلفزيون :D

ولقيت ابني الصغير شكله مو طبيعي وحسيت جبينه سخن:sick:
قست حرارته بالميزان لقيتها 38.6 :'(
شربته دوا خافض للحرارة وعملتله كمادات وزوجي كان لازم يطلع عشان في عنده موعد مع واحد سالني ناخده للطبيب قلتله بستنى لبكره الصبح اذا ارتفعت كمان مرة ناخذه

وخفت حرارته مع الدواء وان شاء الله ما بترتفع كمان مرة

وخلص يومي على هيك :|

السلام عليكم..

يومياتي..

امس.. بعد ردي.. شيكت على البيت وكنست مره ثانية..

وركبت عالقهوة وحطيت قهوة بالفرن تحمس.. وبديت بالغداء..

جا زوجي وبنتي من الجامعة..و قال زوجي: ما بعد جو!!! تأخرو متوقعهم ياصلون قبل ساعة!!!:058:

وانا انهبل!! ما بعد زليت قهوتي ولا قصرت على غداي ولا قطعت السلطة!!!!!!!

ثم جا زوجي يعلمني ان لولو بالحمام من فتره وتناديني..

يووووووووه.. وانا فاظيه لها..:badly:

وارقى وانا عافه اني بالقى شي ما يسرني..

وفعلا..لقيت الانسه مسويتها على نفسها..بالحمام..ومتمشيه بارجاء الحمام وموطيه المفارش اللي توني مغسلتهن..:mad:

عيوني ما طلع منها شرار..الا طلع منها نيرااااااان ظيان.. طقيتها وقبصتها ووظيتها بموية باردة :mad:

وقلت: مانيب امك لا تكلميني انا بناتي نظيفات..

قفلت معي.. غيرت لبسها<< يا حسافة التطقيمة..

و نظفت الحمام وحطيت ملابسها الوسخه بكيسه عقدتها ورميتها بسلة الغسيل..

ونزلت وحواجبي شوي وتوصل لحيتي.. وكملت غداي.. وزليت القهوة..

جو الجماعة..وسلمنا عليهم وتقهوينا حطيت الغدا وتغدينا.. وشلنا السفره وغسلت المواعين بسرعه ورصيت الصحون بالغسالة..

والحرمه كنست المقلط الله يعافيها:068:

جهزت شاي وحطيته بكيسه وخذت اكياس شيبسات.. وطلعنا للحديقة..

وانا كنت حرااانه من الخرشة..ولما نزلت من السيارة فسخت البالطو وخليته بالسيارة..

و زوجي راح مع الرجال مدري وين..بسيارتنا وفيها البالطو..:015:

حطيت حرتي بالشاي بياله ورا بياله.. تمشينا ومارست هواية التصوير..

وبعدين دقيت على زوجي قلت خلصنا << ذبحني البرد..:090:

رجعنا للبيت والجماعه راحو ياخذون لهم فره عالبحر..

لبست بناتي بجامات ورتبت شعورهن..

وا ركبت عالقهوة وجهزت الصينية.. ورتبت المجلس وشيكت عالحمام..

و سويت شاي.. رتبت المواعين.. رجعوا ربعنا وحطيت للرجال صينية فيها ترمس قهوة وشاي.. وبسكوت وتمر وحلا..

وحنا سويت لنا كوبتشينو.. مع بسكوت شكولاه.. بس ما ذقت من البسكوت شي..

البزران يتخامطونه ويلمسونه كله..ماعاد قبلته..:-#

سولفت معها شوي ثم قمت للمطبخ..سويت بيزا بالتورتيلا.. و نتفت الباقي من اللحم..وسويت عليه ساندوتشات..

وحطيتها للرجال..ثم سويت لنا بيزا..وساندويتشات ماشروم..

حطيتها لنا وتعشيناها.. شلت السفره والساندويتشات ما وكلت!! قمت كلتها :|

غسلت المواعين.. ورقيت ارتب غرفة الالعاب وفرشت فراشهم.. ونزلت فرش الرجال..

رقينا فوق سولفت معها شوي ثم دخلت غرفتي دااااايخة تعبااانة..

ولا قدرت انام من معدتي.. ودي ارجع واتاح :-# غثيت روحي بهالسندويتشات..

وتقلبت ونمت نوم متقطع.. حسيتها بداية سخونه :sick:..

اليوم..قمت من السرير تسع << قايمه من النوم من زمان بس منسدحه..

نزلت ركبت عالقهوة..وسويت فول وطلع مالح.. وزدته علبه فول ثالثة..

وناداني زوجي يبي يرقى لغرفتنا..ورقيت معه احرس لا تطلع الحرمه..

وقعدت لين نزل..نزلت وراه ولقيت الفول احترق..لاااااااااااااا:031:

تقهوينا ثم قليت بيض وعطيت الرجال فطورهم..

وكملت قهوتي..لين خلصو الرجال مفطرين..وحطيت فطورنا..

كلت لقمتين وقمت اغسل المواعين..

غسلتها ومسحت الكاونتر وفركت الفرن..

طلعو البنات يلعبون بالحديقة..وكنست المقلط.. وحطيت لهم دواسه برا عشان يفسخون جزمهم قبل يدخلون..

جبت القهوة نكمل عليها..ثم طلعو الرجال..

ودخلت المجلس شلت فرشهم..وصينية القهوة والشاي..

ومسحت الطاولات ولمعت الـTV واسقيت الزرع وكنست المجلس والاسياب والحمام..

وحطيت الشاي بصينية ومعه بسكوت مالح وجبته لنا..

وولدهم حاط دوبه من دوب رهف..كل شوي يطقها.. في البدايه اظحك ومسويه نفسي عادي..تالي مصخها..قمت اهاوشه واطير عليه عيوني..

رجعو الرجال من برا تقهوو..ثم مشو الله يستر عليهم..

غسلت مواعين القهوة والشاي..ورقيت ارتب الفرش..

ودهنت شعري.. وتمددت على السرير وانا اتنفس الصعداء..

ثم اخذت شاور ونزلت وانا انتفظ من الجوع.. طلعت قدور غدانا امس..

وسويت لي ساندويتش مع كوب قهوة.. وروقت عليه.. وقعد معي زوجي يسولف وقال انه معزوم وبيطلع..

قلت الله يستر عليك.. سخنت الغدا وقريت يومياتكم ثم حطيت الغدا وتغدينا..

وجيت اكمل قرايه ثم جتني رهف معها صحن واذكر اني ما شلت السفره..شلتها وقلت لجود تكنس..

ولا بعد غسلت المواعين..

اخيرا خلصت كاتبه اليوميات!!! من زمان باديه فيها..:057:

وقطو..

نوف الاردن
الله يشفي بنتك

روز ياااااااااااااااااااهـ يوميات
صعبه
تعبت وانا اقراء

الناس اشكال وانواع..

نوع تفرحين بزيارتهم وودك يطولون..

ونوع عادي ما تفرحين ولا تتظايقين..

ونوع تتظايقين وتقولين متى يروحون..

ياترى..انا لما ازور احد..اكون اي نوع بالنسبه له!!

________________

جوجو.. ماشاء الله تقطعينهم بالعافية.. دايم الاسواق النسائية مافيها ملابس زينه..

بس حقت كماليات..

لمعة الماس.. لي فتره بعلق على السمكه وانسى..

من متى السمكه تحمل وتالد ؟!!!! اخبرها تبيض..

هي ما انتفخت الا لأنها مريضة ويومها قريب.. بس شكل اللي باعها لاعب عليكم خخخخخ

اذا الثانيه ما بعد ماتت.. انتبهي لاتكثرين عليها الاكل..

مره وحده باليوم بس.. والمويه غيريها يوميا..ولا يسير فيها تفاوت بدرجة الحراره..

خليها فاتره..لا بارده ولا حارة..

كان عندي سمك..حاطته بفازه زجاجية.. وكابه باسفلها حجر زجاجي ملون..كانت تحفه حيه ولا احلا..

قعدت اسبوعين وماتت وحده قدام عيني..شفتها وهي تنقلب..

اااااه قعدت ابكيييييي<<كنت حامل برهف وحساسه..

ومن بكره ماتت اختها فاقدتها..تهئ تهئ..

سوسو..ممسحتك الخضرا ما غيرها خخخخخخخ

ما قلتي لنا..وين تدرسين واي مرحله..ووشي الماده ؟

خلود.. الله يقويك ويعينك.. اهل زوجك بيمسون عندك؟

ولاتنسين إن ضيوفك يوم جو يطلعون طلعوا ذنوبك معهم

فهمت وما فهمت!!

ام احلا بنية.. الله يسمعكم خير ويطمنكم على احبابكم..

اللهم اني استودعتك اهل ليبيا واحبابنا فيها..فاحفظهم يامن لا تظيع ودائعه..

حنينـ.. شفتي الشبشب وخليتيه!!!!

اذا لحقتي عليه عطيني واحد السب فيه اللي عندي..

سوسو.. جزتي لهم بالعلوم ونسوا تخصصك ـههههههـ

الله يوفقك يا ابله سارة<< تمويه خخخ

__________________

وش رايكم بابسط علبة مناديل..

جوجو \
ابغى المدينه عشان أسيطر ع الجزء الغربي كله خخخخخخخخ
لاوالله جد أحب المدينة أحسها هدوء وفيها بركه لما اروح لها أحس بهيبه للمكان سبحان الله
يا رب أروح لها في أقرب وقت من تزجت ماعاد رحت لها
وليش أسأل حنين >> لأن في النت كلاً يروج لبضاعته وما ندري من الأحسن
وقلت اسأل حنين ن أهل مكه أدرى بشعابها ..

حنين \
تسلم عيونك يا قمر .. ولو عليك كلفه بلاش .. لا تتعبين حالك مره ..
أهم شي تعلميني المناطق لأن مالي خبره كثير في المدينه

أنوثه \
إن شاء الله يخلص شغل بيتكم على خير وتفرحين بالنتيجة
وعقبال ما تلبسين رهوفه طقم كاااامل ألماس هي وأختها يا رب


رووز\
الله يكتب أجرك وتعبك ما يضيع عند الله .. والحمد لله تجملتي وانتي راعيتها


خلود \
الله يقويك .. وانبسطي بالتدريس في الدار ترا من أحلى اللحظات =)

عجوز تسمع بالروح الرياضية..

سلام بنات
كيف الحال

روز يومك كان كتييييييييييييييير صعب :)
وبالنسبه لابن الضيف يضرب بنتك وانت بتسكتي انا كمان كتيييييييير بتسير معي كل الاولاد يضربو ولادي وولادي ما يعرفو يضربو ابدا انا اكون مدايق من جواتي:mad:بس ما بحب ابين لانم بيضلهم ولاد صغار وما بحب اعمل مشكله عشان الصغار بس بعد ما يروحو ازعل من ولادي واوبخهم واحكيلهم ليش تخليهم يضربوك ليش ما تضربهم :mad:يقلي( انا ماما زغير ما بعرف اضرب بس اكل كتير اكبر وبضربهم) هههههههههههههههههه:D

..نبرة شجن..;14859347:
سلام بنات
كيف الحال

هلا كيفك انت

صباح الخير ياحلوات

طبعا الضيوف ماجوا اللي هم زملاء زوجي انا عييت عليه لاننا بكره بنمشي :mad: بمشيئة ربي
واليوم كللللله غاطسه بالغسيل والكوي واحس ظهري منكسر من الظهر ماسكه الغسيل دفعات وغسالتي تطفش وجففت يديني كانهن يدين شغاله
خلصت بعد صلاة العشاء وسويت عشانا وجاء زوجي مرررره نفسيته تعبانه يوم سألته قال اخوي يقول انقل محلك بأسمك وانا موظف صعبه قمت ابتسمت قلت بأسمي قال مايصلح لازم احد معه شهادة جامعيه وانكسر قلبي بوقتها وخنقتني العبره وبلعتها
ورحت للمطبخ اجهز العشاء وجلست اصييييييييييييييييييييييييييح وبعد ماهديت رحت غسلت وجهي بماء بااارد وحطيت كحل من جديد وبودره وابتسمت غصب واخذت عشانا وتعشينا وقمت غسلت المواعين وجهزت الشنط

يوم جيت ابرتاح تذكرت الثلاجه لازم افرغها رحت للمطبخ وحطيت كيستين وحده للطعام والخضار الذلانه واللي مايصلح نعطيها احد والثانيه ناوين بكره بإذن الله نعطيها العامل قبل نمشي ورجعتهن للثلاجه ورحت للغرفه بدلت ملابسي وحطيت كريم وجهزت لبسي انا وييونه وجيت اشوفكم


باقي بكره اذا صحيت ادخل الغسيل اللي ع المنشر بالشنط وافصل السخانه والثلاجه بنمشي الساعه 8اذا ربي أراد ويسر

الله ييسر لزوجي الخيره ويسعد قلبه ويريحه ويهدي اخوه
(سبحان الله الناس عند الامور الماليه تغيرون !!!! ):(

نوف الاردن.. الواحد يتحمل ويسكت لما تكون الزياره ساعات..

اما لما تكون يوم كامل!! لابد تفلت اعصابك.. وانا ما هاوشته الا بعد ما امه طلبت مني لعله يخاف...

عروسة.. وشو محلكم اللي ما يصلح ينكتب باسمك لأنك مش جامعية؟!!!!!

اعرف واحد فاتح بقاله وحاطها باسم اخته اللي ما معها الا ابتدائي!!!!!!

والفلوس تغير النفوس يا قلبي..