بيتنا الحادي عشر/فيه التفاؤل منتشر/بيت السنعات ربي يحميهم من كل شر /لشهر ربيع الاخر

مساء الورد
وإنتوا طيبين كلكم...
واللي ما ردو علي ولا عبروني ؟؟وإنتم طيبين كمان:cool:
متابعتكم ومن كم يوم كتبت يومياتي بس طاارت وزعلت !
مشغوله مع بزراني الله يحفظهم
الأجواء مرره حلوه كل يوم نطلع العصر
غير سني اللي ملتهب علي وقالت تحته صديد وكل يومين وأنا عندها تنظيف وعصب وبهذله
مسيطره على الوضع الحمد لله قاطعت الأخبار وتحسنت نفسيتي
لي 3 أسابيع شاده حيلي بتمارين البطن(من كتاب 8 دقائق بالصباح لبطن رشيق)وأحس النتائج روووعه وبكمل كمان
ومدهره بعمري خلطااات
وكريمات ..مسويه جدول لي عليه أسبوع والنتائج واااو:thumbs_up:
صغيري من أسبوعين بطل يرضع مني وأنا لقيتها من الله عشان أكل براحتي وأشد شوي بالرجيم الحمد لله باقي بس 3 كيلو وأوصل للوزن المطلوب

غير أني مشتركه بدوره للسلام الذاتي على الفيس بوك لصلاح الراشد مرره روعه
((وفيه ناس مرسلين لي دعوه ألعاب !!ترى أولا جهازي مرره يعلق
وبعدين توي أخط الحرف بالفيس ...وما فهمت كيف؟؟ وماعندي وقت أخاف لو عرفت طريق اللألعاب ما عاد قمت!!))
حبيبه ..........إنتبهي على روحك ومبروك اللولب صدقيني راااااحه نفسيتي عااال ..أتاري الحبوب كانت لاعبه فيني
ومن زمان ما تزاعلت مع البرنس..حتى هو ملاحظ الحمد لله:biggrin:
إسمعي فيه حبوب إسمها دافلون تأخذيها كل دوره 3 أيام تخفف النزيف
ومسكن برووف للألم
ناويه هالأسبوع أرتب المخزن ودواليب الملابس وأضف الشتوي

جداويا الحلى:
كاس ونص سميد وكاس حليب بودره شقريهم على النار لما يغمق لونهم
اخلطيهم بنص كاس سكر بودره ونص كاس زيت وعلبه قشطه وملعقه بكنج بودر
وافرديهم بصينيه بايركس الكبيره ودخليهم الفرن من تحت 10 دقايق وطلعيها تبرد اذا استوت
بالخلاط حطي علبه نستله كبيره و4ملاعق جبن او 4حبات جبن كيري وظرف كريم كراميل
اخلطيهم وصبيهم على الوجه ودخليه فرن من فوق واجلسي عنده لما يتماسك
رشي عليه كاكاو بودره و اذا بردقطعيه مربعات
سويته مع اذان الظهر ماياخذ ولا ربع ساعه وتقهوينا عليه الساعه2
:)