مشكلتي وحرماني من امي ساعدوني

فداك الكون حبيبتي الله يوفقك

يارب فرج هم كل مسلم يارب

البنات ما قصـروا .. الله يفرج همج .. موفقـة عزيزتي

تسلمي

RABI M3AK OKHTIIIIIIIIII

ماشاء الله البنات ماقصروا وام سلمى الله يحفظها ردودها تريح الباااااااال
حبيبتي ربنا يفرج همك وييسر امرك وانشاء الله يدخل الفرح لقلبك و ماعاد يخرج منه ابدااااااااااا
المهم ياروحي احنا كلنا صديقاتك وانشاء الله تلقينا قد المسؤلية وانشاء الله نقدر نفيدك
وننصحك عشان تتقوي وتطلعي من الحالة الي معيشة نفسك فيها
اهم شي ياروح قلبي الصلاة والله حافظي على صلاتك بتسعدي بحياتك وبتنفتح لك ابواب
الخير والرحمة بالدنيا والاخرة
انا عشت مع امي بعد مانفصلت عن ابي وكنت اسمع كلام يشوه صورة ابي من اقارب امي
الله يهديهم حتى صرت اكرهه وماتكلم عليه باحترام . لكن الحمدلله امي انسانة متدينة
ومتعلمة كانت تقول الي بيني وبين ابوك شي غير وانتوا لاتتدخلون ابدااااا وهذا ابوكم
بتتحاسبوا فيه ولازم الطاعة والبر له . والحمدلله بعد ماكبرنا شوي صرنا نعرف نميز الصح
من الغلط ولو احد ذكر ابي بكلمه تضره ازعل منه وارد عليه وصار كل واحد يحترمه على الاقل امام عياله
والحين مكملين 12 سنة وحنا عايشين مع امي بس علاقتنا بأبي الحمدلله ولو فيها قليل ممن التقصير
بس على الاقل سؤال ولو بمكالمة قصيرة ولا تحسبي انه ابي شخص كامل لا هو مايصلي ويشرب خمر
ومرات يضربنا ربنا يهدييييييه ويصلح حااااله بس بالنهايه هو ابي وانا محاسبة بمعصيته
اتمنى منك ترمي كل شي ورا ظهرك وتبدئي من جديد حبي امك وحبي ابوك وطعيهم وبريهم
ودام انك الحين عند امك حاولي تتقربي منها وتتحاوري معاها بالي تحسيه وانشاء الله ربنا بيألف بين قلوبكم
وبنفس الوقت لا تنسين تسالي على ابوك وتتطمني عليه وانسي اي شي عمله بحقك بالماضي
وربنا يوفقك ويسهل امورك وامور اختك ويوفقكم يارب
السموحة على الاطالة

والله كلامك يريح البال انا اتمني امي تحس فيا لو مره والله بخااطري اني اشوف حنان من قلب يلا الله كريم ابشركم والله يابنات انا حاليا بدأت اصلي اسأل الله ان يثبتني وحاسه براحه
والله يابنات انا في بقلبي كره لامي وابويا هم السببب تسعاستي بالدنيا هم السبب ف اني اكون انسانه شكاكه والله
خسرت حاجات كثير بسب شكي وسمعت تعليقات وسخافات كثير
ورخصت نفسي لاني بكل صراااااااااااااحه ماعندي اي ثقه بنفسي منعدمه
يلا الله كريم الله يسعدكم جميعا
ومشكوره اختي مظلومه الله يفرج همك وهم كل مسلم يااااااااااااااااااااااااااااااااااااااااااااااااااااااار

ما شاء الله ام سلمى وباقي العضوات ما قصروا .... الله يوفقج اختي وتأكدي انه كلنا في المنتدى صديقاتج ... وان بغيتي اي نصيحه ولا شو ما كان ... لا تترددين بمراسلتنا ... *__*

الله يثبتك على طريق الحق

استمري حبيبتي .. وشيلي عنك وساوس ابليس وافكاره السوداء اللي ما تجيب لك الا المشاكل ..!!

تفائلي بالحياة .. تقربي لأمك .. شاركيها كل شئ .. اتخذيها صديقة لك .. وليس مجرد أم .. والله بتحسـّـي بسعادة كبيرة لا تووووصف .. وبتحسين مع الوقت انها هي تبدأ تتجاوب معك ..!!

بس أنتي تفائلي علشان تشوفين نتيجـة بأقرب وقت ..!!

:)

الحمد لله بدأ التفاؤل عندي بعد ماكان لايعرف لي طريق
والبركه بالله سبحانه وتعالي ثم انتوااااا
الله يسعدكم

اللة يفرج همك يااختي الدنيا دار شقاء مافي احد مرتاح مادري شقول الاخوات ماشاء الله عليهم كفو ووفو

الله يفرج همك وهمي

بصراحه يابنات انا مبسووووطه جداااا لان الحمدلله في ناس فيها خير كلكم رديتوا وجبرتوا خاطري بجدددددد انا متشكره لك وحده ردت الله يسعدكم يارب

ربنا يعينك

الحمدلله اننا قدرنا نساعدك و نفيدك بشي
والف مبروك على رجوعك لطريق الهداية وربنا يقويك ويثبت قلبك على الدين
والان دام انك بداءتي تشوفي الحياة بنظرة افضل وصرتي متفألة
يعني لازم تسامحي وتنسي الماضي
ربنا يوفقك ويسعدك ويرزقك بالزوج الصالح

تسلمين حبيبتي