ح
حبيبي أبو عيالي
عروس جديدة
05-03-2011 | 07:44 PM
السلام عليكم
والله ماني عارفة من وين ابتدي وشلون انتهي ..
الأسبوع اللي طاف انصدمت .. طلعت حامل ، وبنتي ما كملت الثلاثة أشهر .. وماكنت أدري عن روحي بس بنوتي فجأة قامت تصيح وايد لأن ما ينزل حليب طول الليل معاناة عاد الأسبوع اللي طاف يوم السبت كنت أقول إلى أمي بنتي كله تصيح و ما ينزل مني حليب ومادري شسوي عاد امي بقت عويناتها خخخ قالت لي ليكون حامل قلت لها لا الله لا يقوله بنتي توها صغيرة حرام قالت لي كيفش المهم رجعت البيت متضايقة وزوجي يلح عليي يبي يعرف السبب قلت له مافيني شي و نمت وقعدت الساعه 3 الفجر على صياح بنتي والمشكلة انها ما تشرب مرضعة عصبت وايد وزوجي يقول لي شنو السبب ليش ما ينزل حليب قلت له ما ادري امي تقول لي يمكن حامل انصدم شوي وقال لي يجوز بكرة بجيب جهاز أختبار الحمل وبنتأكد واشترى لي الجهاز يوم ثاني و فحصت و طلعت النتيجة حامل !!!
قلت ما يصير بتأكد بروح المستشفى و رحت المستشفى و فحصت وطلعت النتيجة حامل و زوجي استانس حده لكني ظليت ساكته في السيارة ومتضايقة وحملته مسؤلية هالشي قلت له بنتي بعدها صغيرة حرام المسكينه على الاقل لما تكمل سنة هذا على الأقل وانت السبب وماادري شنو المهم عصب وصار لنا يومين ما نكلم بعض ..
محتارة شسوي نفسيتي تعبانة ومنقهرة على زوجي ..:hysterical:
جد جد بنتك صغيرررررره
ياعمري حرااااااااااااام بتفطميها من ها العمر
لأن مايصير ترضعينها و انتي حامل
عموما
شكلك ماتمانعي
الي صار صار واحمدي الله على نعمته
والأزواج مايقدرو ها الموقف وشنو يصير في الزوجه
اذا تلقت خبر مثل كذا في وقت غير مناسب
ولايعرف حجم المسؤليه الي على عاتقها
الله يعينك صراحه
صلي على النبي واذكري الله
ا
انفاسـﮱگ دخـﮱون
عروس ماسية
05-03-2011 | 08:06 PM
اللي صار صار وهذا من عند الله سبحانه نعمه من كريم احمدي ربج عليها صحيح بنوتج صغيره بس مانقدر نمنع اراده الله سبحانه اذا اراد شي قال له كن فيكون الله يعينيج يارب ولا تتظايقن ولا شي هذا الله كاتبه لج واحسن شي تروحين المستشفى تتاكدي يكون احسن واذا على بنتوتج حاولي تعودينها وتعطينها اشياء للصغار
شوفي حبيبتي صح بنتك لسى صغيره بس انا انقهر 8o|:mad:من الحريم الي يقولوا مانبي عيال وهم ماياخون موانع شئ طبيعي اذا ما اخذتي موانع انك بتحملين
اسفه على الاسلوب بس خلاص الحمل وصار مابقى الا تهتمين بصحتك وبنتك :092:وبعد الولاده ان شاء الله خذي احتياطاتك ولاتجينا بعدين وانتي تصحين خخخخخخخخخخ اسفه مره ثانيه:D:L::087:
ح
حبيبي أبو عيالي
عروس جديدة
05-03-2011 | 08:54 PM
شاطي الرحيل;14633247:
شوفي حبيبتي صح بنتك لسى صغيره بس انا انقهر 8o|:mad:من الحريم الي يقولوا مانبي عيال وهم ماياخون موانع شئ طبيعي اذا ما اخذتي موانع انك بتحملين
اسفه على الاسلوب بس خلاص الحمل وصار مابقى الا تهتمين بصحتك وبنتك :092:وبعد الولاده ان شاء الله خذي احتياطاتك ولاتجينا بعدين وانتي تصحين خخخخخخخخخخ اسفه مره ثانيه:D:L::087:
خخخخخخخخخخ
لا مرة ثانية بآخذ احتياطي
ومشكورين على المرور خففتون عليي الصراحة:sick:
مبرووووووووك ...F:F:
لا تعتلي هم انا اختي هيك صار فيها والحمد الله صبرت وكبرو اولادها أتعزبت شوي بس كلو بيهون خلفة صالحة ان شاء الله .....,
الله يعينج فديتج
يالله ماعليه شي وصار خذي احتياطاتج ف المرات اليايه
وربي يسهل عليج ..
السلام عليكم
هذا مقدر ومكتوب
سبحان الله
الله يتمم عليج ويرزقج ربي بالذريه الصالحه ان شاءالله ويجعلهم من الباريين ان شاالله
اللي عليج انج تروحين له وتكلمين وتتسامحين منه
اهو شنو ذنبه ...؟؟ تحملينه المسؤوليه وهي مشتركه بينكم
قولي له كنت زعلان ومتضايقة وسامحني
بادري يالطيبه بالصلح ولج الاجر ان شاءالله
دمتم سالمين
اختكم شريفة
هونيها تهون كلها ايام وبتمر
ولاتفكرين كثير لانك ماراح تستفيدين غير الهم
والله يقومك بالسلامة
مشاء الله تبارك الله اذكري الله ياختي هذا من عطايا الرحمن
يذنووون الاصغار
صح بنوتك لسا صغيره بس والله اذا ولدتي وصار عندها اخ او اخت والله بتستانس فيها :biggrin::biggrin:
والله انهم حلـــــــــــــوين ليش زعلانه :biggrin:
وزوجك اذا راضي بكيفه خليه ينبسط حقه :biggrin:
الله يرزكم كمان وكمان ان شاء الله :biggrin:
والتربيه مع بعض احسن من لما تكون واحد صدقيني
عن تجربه وربي يحفظك ويرعاك:biggrin:وقولي الحمدلله غيرك يتمنى وربي F:F:
خلاص ما في حل الا انك تستسلمين للامر الواقع ....وهذا الرزق مكتوب ومقدر .....[وعسى ان تكرهوا شيئا وهو خير لكم ] .....كل ما عليك الحين تفكرين بصحتك وتهيئين نفسيتك لتقبل هالشيئ وشلون توفقين بين تربية رضيعين صغار .................اما زوجك ما له ذنب روحي تاسفي منه وراضيه ..واحمدي ربك ترا بعض الازواج اذا حصل له مثل هالموقف من الحمل المبكر يقلب عليك ويصير الهم همين بالعكس هو مسكين مستانس ...الله يوفقك
مبروك
بادري وصالحي زوجك هو ماله ذنب وديري بالك ع صحتك والمرة الجاية خدي احتياطاتك
الله يقومك بالسلامة
.
.. أمــ عــلــيــ ..
عروس ماسية
06-03-2011 | 01:28 AM
ماشاءالله .. ع البركة البنوتة اللي جتكم .. و ع البركة الحمل ..
خلاص اللي صار صار .. أنتي ارضي بالأمر الواقع .. واسألي الله العون والخير .. وتوكلي على الله ..
ربي ما يخلق آدمي الا ومقدر رزقـه له .. لا تشيلين هم أبداً ..
~ :065: ~
~
احمدي ربج اول شي بعدين راح تستانسين بعدين يكبرون مع بعض ويصيرون مع بعض اصدقاء لان الطفل بروحه ماتعرفين اشلون يصير انا مثلج حملت على بنتي وهي عمرها 5شهور والحمدلله ولدت وكبروا مع بعض ماشالله جنهم توم بس انتي هونيها وتهون وزوجج ماله شغل هذا اللي كاتبه لج ربج ومبروووك وانشاللله الله يتمم لج على خير وتحملي بروحج وعلى بنتج وققفي عنها الرضاعة وعطيها الرضاعةا الحليب شوي اشوي حتى لوتصيح اول شي بس بعدين من الجوع ترضى بالامر الواقع وترضع واهم شي ماتياسين حاولي فيها وانصحج لو تروحين حق امج تساعدج احسن تقعدين عندها كم يوم
ربنا يتمملك حملك على خير
الحمد لله ان زوجك رجل متفهم وعاقل واتبسط بالخبر , ربنا يباركلك فيه
الحمل ده رزق من ربنا الف واحدة تتمنى تكون حامل كل 9 شهور :)
انا بصراحة فكرت اني لما ربنا يرزقني بالحمل , هحاول احمل بعدها فورا :) حتى لو بنتي او ابني ما كملو شهر
افرحي بنفسك وابعدي عنك الزعل , وربنا يقومك بالسلامة
الغالية إجعلي شعارك دائما قدر الله ما شاء فعل ... هذي خيرة من رب العباد وتذكري دائما وعسى ان تكرهوا شيئا وهو خيراً لكم
رائعتي انا مررت بما مررتي به ولكن اسوء انا انتي بنتك ما كملت 3 شهور انا خلصت الاربعين وحملت دايركت حتى عيالي الاثنين دخلوا الروضة ما بعض كأنهم توأم بينهم 9 شهور حمل والاربعين يعني لو حسبتيها فعلياً بينهم 10 شهور فقط لا غير بس دائماً الإنسان يحمدالله ويقول ربي يسر ولا تجعل للشيطان مدخلا ً ان يعسر .. ولا تحملي زوجكِ عزيزتي ما حدث ولا حتى تحملي نفسك ولكن قولي الحمدالله الحمدالله وطلبي من الرحمن التسهيل والتيسير والرحمة وصدقيني راح تفرحين بعدين لما تشوفينهم كبار في المدرسة متتاليين صحيح راح تتبعي اشوي في البداية بس والله العظيم راح تحمدالله انك جبتيهم متقاربين تربيتهم وحده انا عندي 5 ربي يحفظهم 3 جبتهم ورى بعض طقة وحدة بس الحين افتخر فيهم الكبير 14 البنت اللي بعدة 13 ولعدها ولد 12 وبعدها ولد 7 سنوات والاخيرة بنت 5 شهور بس جدا فرحانه في الطقة اللي ورى بعض لما يكبرون تحسي بقيمتهم ترتاحي كثير لان كل ما كنتي صغيرة وعندك عيال راح تبدعي بتربيتهم وراح يكون عطائك كبير بلا حدود بس لما تكبري وتدخلي الثلاثينات راح تتعبي حتى بالولادة انا ببنتي الاخيرة بقيت اموت في الولادة حسيت اني توه اول مولود عكس عيالي الباقيين وطبعا هذا بفعل تقدم السن رقم اني توني 32 بس كل ما انجبت الوحدة وهي صغيرة كان افضل حبيبتي ادعي الله يسهل عليج حملج هذا وبعدها ارتاحي 3 سنوات ....
صدقيني بركة من الله
ليش فديتج عكرتي مزاج رجلج , الحين هو مستانس افرحي ليش هو مستانس
غيره كان ماافتكر , او عصب , قولي الحمدلله , ثانيا مبروك بتيبين لها اخ
او اخت يلعبون وياها , اهتمي في نفسج وصحتج , واكلي زين اما بالنسبة
لبنتج هذي نصيبها ترضع من المراضيع , انتي ما كنت
قاصده , المهم إن شاالله بعد الولاده , تحطين لولب حق سنه , عشان تقدرين
ترضعين ,لأن حبوب منع الحمل ينشف الحليب , وهذا هو الخيار الأفضل ,
الله يعهنيكم ويريح بالكم ويرجعكم حق بعض , خليج مرنه مع زوجج لا
تخربين على حياتج :L:
ذكرتيني بنفسي آنه نفس الشيء بنتي الحين عمرها سنه وحملت عليها والحين يمكن دخلت الشهر الخامس
في البداية تأخرت علي الدورة فوق الاسبوعين وآنه متعودة تأخرني طبعاً
امي واختي كانو يقولون لي روحي حلللي مبين على شكلج انج حامل صاير ويهج اصفر ووايد ضعفانه وآنه مطنشة
لكن بعد جم يوم قلت خل احلل ما يصير فعلاً وايد تأخرت
والصمدة حللت وطلع اني حاامل
انصدمت من قلب لانه بنتي صغيرة ولا متعوده ع المرضعه وآنه كلش ما كنت مفكرة في الحمل من الحين وزوجي بعد ع الاقل عقب 3 سنوات ..
من الانهيار حطيت الحرة في زوجي وعصبت عليه وهاوشته وقلت له انت السبب
بس بعدين هديت وعرفت ان هذا امرة الله والله اراد هالشي وحتى لو ماخذة موانع بعد بيصير ...
وثاني شي يتربون مع بعض احسن ..
الحين روحي حق ريلج واعتذري منه قولي له سامحني كنت متضايقة على بنتي وعلى نفسي
مسكيننه توها طفله بتنحرم من الحليب ومسؤلية وجذي وفي لحضة الغضب الواحد ما يدري شنو يقووول
والحمد الله على كل حال ..
أ
أكليلة الحوراء
عروس نشيطة
06-03-2011 | 01:15 PM
الله يساعدش خيو
هذي نعمة من عند رب العالمين واتلله يتمم ليش على خير
بس لازم تعودين بنتش على الرضاعه الصناعيه لانه مايصير صغيره وماتشرب حليب
الله معاك