عندي مشكلة تاعبتني نفسياً

هلا الغاليه


تصدقين انتي نفس حالتي.. والله اني مضايجه منها واايد وصرت اخاف اتزوج بعد عشان ما انفضح والله.....سرت المستشفى وماقالو شي ...حتى انا استغربت قلت معقوله هالشي فيني انا بس واول مره يسمعون عنه!!

سويت تحاليل في كل شي والحمدلله كل شي اوكي لدرجه قلت يمكن فيني دود في بطني لاني بصراحه ضعيفه ويمكن من هالشي بس عقب التحاليل الحمدلله طلع مافيني شي

بس بغيت اسالج انتي ضعيفه ولا مليانه ؟؟؟ انا قلت يمكن هالشي يصير حق الضعاف بس


انشالله نحصل على العلاج

بسم الله الرحمن الرحيم

السلام عليكم ورحمة الله وبركاته

يا ريت عندي اي معلومات عن الموضوع

لكن للاسف ما اعرف عنه شي

بس دخلت عشان اسلم عليكم

و ادعي لكم ان شاء الله بانكم تلقون الحل

بسرعه عاجلا غير اجل يا رب

و يوفقكم بالزواج و الاستقرار من غير اي مشاكل

تضايقكم امييييين

يمكن عندكم التهاب في اللثه او شي؟ والله ها ي للي اعرفه

انشاء الله تلقون الحل

الله يوفقكم

عاااادي هذا كله تصدقون يقولون هذا زياده رطوبه بالراس يطلع بهذي الطريقه أنا أعاني من نفس المشكله بس الفوطه على الوساده وماعندي حل أتمنى أننا نلاقي الحل السريع لهذه المشكله

خدوه بشكل ايجابي وليس بشكل سلبي

تعرفون ان في دراسه اجريت على الذين يسيل لعابهم وكتشفوا ان نسبة الذكاء لذى الأشخاص الذين يسيل لعابهم اكثر من غيرهم


وثانياً لازم الزوج يقبل بكل شي موجود في زوجته والعكس ايضاً .. سبحان الله مافي احد كامل في هالدنيا

والله لاتعليق
:eek2::eek2::eek2::eek2::eek2:
ام الزييييييييييين

هلا وضحى

انا اقولك
هذا من الدود والله وحده من صديقاي نحييفه وراحت للصيدلي تبي دوا تسمين فسألها انتي يطلع منك لعاب عند النوم قالت ايوه
قال اذن فيك دود

وانا قبل ماكانت عندي هالمشكله بس صارت تجيني احيانن بس ماكشفت لأني اتوقع السبب اني حاطه تقويم بأسناني وصارت فيه فراغات من التقويم فيطلع اللعاب منها

لا مو شرط من الدود

انا مركبه بريسيز ويطلع معاي وعادي ما احسه مشكله

وترى اكثر شي يطلع اذا كنت ذاك اليوم باذله مجهود هذا بالنسبه لي ومدري عنك ؟؟

ونصيحه اهم شي ابعدي عن اللون الغامق يعني انتبهي يكون لون مفرش نومك غامق خليه فاتح علشان ما يبين

انا استوا بي مثلكم بس الحمد الله راح بدون ما اتعالج منه

السلام عليكم اخواتي
الله يشفيكم مما فيكم ويعافي جميع المسلمين
اولا عزيزاتي وضحى ووقيرل اعتبروها شي طبيعي ولا تكبرو المسألة عشان ماتكبروالحمدلله على العافيه
ثانيا خروج اللعاب اثناء النوم له اسباب منها التهاب الجيوب الانفيه اوصغر فتحه الانف وبذلك يقل كميه الهوا الداخله للرئه عبر الانف اذا كان موجود التهابات في الجيوب الانفيه وبالتالي تلقائيا ينفتح الفم وانتي نايمه ويصير التنفس عبر الفم لاخذ كميه هواء اكبر واذا انفتح الفم اثناء النوم ماراح يصير فيه تحكم بخروج اللعاب فيطلع اثناء النوم
وساعات تصير من كثر الواحد ماهو مستغرق بالنوم فتلاقي مافيه تحكم بعضلات الفكين خصوصا لما يكون نوم عميييييق حيييييل
ايضا قد تكون الاسباب نوعيه الاكل قبل النوم وكذلك كميه الماء المشروب قبل النوم او المزاج برضه له دور
هذي الاسباب اللي اتذكرها للاسف نسيت اشياء منها اتمنى تعذروني وتكونو استفدتو منها والافضل لك روحي لدكتور شاطر لاتروحي لطبيب عام لان الطبيب العام دايما يبي يمشي الناس وكلهم عنده مافيهم الا العافيه
روحي لاستشاري باطنيه او غدد وقد يتطلب الامر استشار لدى طبيب نفسي
الله يعافينا وياكم وجميع المسلمين
ودمتم سالمين

الغاليه ام ميرال

يمكن يكون كلامج صح اذا كان السبب في الانف..لاني من صغيره انكسر خشمي وصرت اتنفس من صوب واحد والفتحه الثانيه اتنفس منها شوي...يمكن يكون هذا السبب.... يمكن عشان جيه يوم اسير عند الدكتور ما يعرف شو السبب




تحياتي

Girl

وسعوا صدوركم حبيباتي
انا زوجي معه نفس المشكله لكن عادي مااتوقع ان الشي هذا ياثر او يضايق الطرف الثاني انا وانا بنت ماكرهت الشي هذا بالعكس اتوقع انه شي عادي........واسفه اذا طولت عليكم