شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

الله يبارك فيكي يا هدى وربنا يطمن قلبك يارب

انا هعمل زي ما قلتي واعيد التحليل بكرة بالليل عشان يبقى بقالي 48 ساعة ويارب اسمع اخبار حلوة

ماما النهارده الصبح بتقولي خالك حلملك حلم حلو انك حامل , وحماتي صحت النهارده الصبح تدعيلنا بالذرية رغم انها متعرفش ان انا حللت ووليد مرضاش يقولها لحد ما نتاكد

ربنا يتقبل دعاهم يارب

امونة شوفى الخاص انا بعتلك لينك

ماشي يا هدى هشوف

شكلك حامل فى ولد يا امونة ان شاء الله ... هم اللى رخمين و بيغلسوا على ما بيظهروا فى التحليل

الا انتم شايفين التيكر بتاعى و لا حد قاللى كل سنة و انتى طيبة ؟؟؟؟ انا هسامحكم بس عشان خاطر خبر امونة

شفته يا هدى , ربنا يطمن قلبك, بكرة هحلل ان شاء الله, وهحاول اعيطلهم زيك يا هدى عشان يطلعولي النتيجة كمان ساعة :)

كل سنة وطيبة يا هدى

ههههههههههههههه ولد بنت شايب اي حاجة يا هدى , بس ربنا يرزقني

وكل سنة وانتي طيبة وعقبال لما نباركلك بالذكرى التلاتين يارب

مش هتعملي جو رومانسي لجوزو ؟ :) اي حاجة يعني , لو هتعملي ابقى قوليلي على افكار عشان اعملها في ذكرى كتب كتابنا الجاية

[BACKGROUND="70 #FFCCCC"]كل سنه وانتى طيبه يا هدى وعقبال ماعرف اعمل تيكر بمعاد فرحى:(

بلاش توتر يا امونه ان شاءالله حامل يا بنتى:D
بس يرضه مش قولتيلى انتى كنتى بتعانى من ايه؟؟؟؟؟؟؟رخمه انا صح;);)انا بس بدردش علشان اطلعك من التوتر اللى انتى فيه:)[/BACKGROUND]

وقوليلى يا امووونة
انت كنتى حاسة باية الفترة اللى فاتت من اعراض الحمل

هدى
كل سنة وانتى طيبة والعمر كله يااااااااارب :)



اموونة
ربنا معااكى يااااارب وان شاء الله النسبة تزييييييييييييد

كلى بقى كويس واتغذى :D

انا جيييييييييييييت...
أمونة انا فعلا سألت جوزي و قالي ان كدا النسبة بتقول انه فيه حمل بس ضعيف شوية.. فخدي بالك من نفسك على الآخر و ممكن يكون فعلا حصل الحمل متأخر .. و طالما دورتك أصلا كل 34 يوم يبقى أكيد معاد تبويضك متأخر ...فانت خدي بالك من نفسك و بكرة ان شاءالله تعملي التحليل تاني و يااااااارب النسبة تتضاعف و تطمني...
أهم حاجة خدي بالك من نفسك و يا ريت تتابعي مع دكتور كويس..و ربنا يثبتلك حملك و يتممهولك على خير يا رب...

هدى..كل سنة و انت طيبة يا هدهووووووود..و عقبال العمر كله يارب..

رشا :)

انا كنت بعاني من كيس مائي على المبيض اليمين وتكيسات صغيرة زي الكور السودة كده جوا المبيض الشمال, وهرمون اللبن كان عالي

شوشو

مفيش اعراض غير ان كل يوم بطني الصبح يكون فيها مغص , ولحد الوقتي عندي مغص , وكمان عندي افرازات كتير محسساني ان الدورة هتنزل

ربنا يستر يا منمن والنسبة تزيد , اللي مخوفني هو المغص اللي عندي ده , بنات كتير كان هرمون الحمل عندهم ضعيف ونزل بعد كم يوم , يارب سترك

علياء لسه مش هاكل براحتي واتفجع الا لما قلبي يطمن :)

هستنى لما تطلع نتيجة التحليل التاني واروح للدكتورة واسمع نبض واشوف كيس الحمل وبعد ده كله هاكل واتفجع ويمكن اكل دراع جوزي كمان :)

انا اكلت تونة من شوية

امونة المغص عاااااااااااااااااااااااااااااااادى طالما محتمل .... انا كنت كدة كل شوية ادخل ابص فى البانتى ....

يا بت ان شاء الله حامل و هتجيبى بيبى زى القمر

انا للاسف النهاردة عند ماما و بايتة من غير جوزو

هدى

عايزة اقولك جوزي مبسوط اوي لما قلتيلي شكلك حامل في ولد :) وبدأ يحط اسماء , عشان كده قلبي واجعني وقلقانة , لكن انا عارفة ان ربنا كريم ومش هيرد دعائي

انا هقوم اتخمد شوية وهصحى على الساعة 3 كده

تصبحو على خير يا بنات وربنا ما يحرمني منكم ولا من حبكم ودعواتكم يارب ويرزقكم بكل حاجة حلوة اتمنتوها لياو ويجبر خاطركم كلكم يارب بالذرية الصالحة

عايزة اقول حاجة البت ميجو كانت قالتلي ان فرصتي في الحمل كبيرة بعد اشعة الصبغة , عشان هيا حملت بعدها علطول ,طمنتني اوي ساعتها ربنا يطمن قلبها

ربنا يطمنا عليكي يا ميجو عشان معادها النهارده مع الدكتور ويرزقك بالذرية الصالحة يارب