شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

shoshet*himo;14731898:
المهم يا بنات اانا اخدت 3 ايام كلوميد من اليوم التاني ومخدتش الحقن طبعا تفتكروا ده ياثر عليا او علي الدورة اللي جايه هتبقي هناك واعمل سونار ايام التبويض في مصر ولا لا ؟؟ محتاره وخايفه الحبوب اللي خدتها من غير داعي دي تتعبني والله وكمان مش هاخد تفجير بقا ملهاش لزمه وجوزي هينزل اول شهر 4 هيكون التبويض عدي خلاص قولولي اعمل ايه

وكمان كلمت ماما امبارح قولتلها توضبلي شقتي تجيب الست ويروحوا يعملوها لاني هاخد حماتي تقعد عندي عشان ابقي براحتي وعشان ابنها التاني اخو جوزي هيبقي موجود فمش هكون براحتي وبالحجاب طول الوقت وقولت لجوزي ومرحب جدا بالفكرة دي فطبعا هطبخ من اول يوم هنزل فيه وهشتري طلبات للبيت لانه فاضي والله شايله الهم بس متاكده باذن الله ربنا معايا باذن الله وشقتي جنب حماتي وجنب ماما الحمدلله

ان شاء الله خير ياشوشو وربناهيجعله فى ميزان حسنانك ان شاء الله
و فعلا حل حلو موضوع شقتك ده
ومتخافيش ان شاء الله كلوميد لوحده مش هيعمل حاجه
انتى يستحسن تعملى برضو متابعه تبويض فى مصر


معلش هقوم انشر الغسيل و اكمل لما اخلص
سلام مؤقت

يتصفح الموضوع حالياً: 4 (4 من الأعضاء و 0 من الزوار)
‏دينا حمدى, ‏حبيبة امها 4, ‏فجر1975+, ‏miramiro+

فجر ازيك ياحبى كنتى فين

shoshet*himo;14731880:
ازيكم يا بنات

انا حجزت علي يوم الاتنين القادم باذن الله العصر همشي ادعووولي يكون ربنا معايا هه واوعوا تنسوني وهدخل من هناك برضه بس معنديش نت للاسف هاخد الاب توب معايا وهجيب الفلاشه بتاعت النت دي حد يعرف احسن نوع ايه من التلات شبكات موبيل والسعر بيكون ايه وكمان بتتشحن ازاي وامتي حتي يفيدني عشان انزل اشتريها علي طوووول

بصي يا شوشو الفلاشة اللي تجيبيها لازم تكون شبكة الموبايل بتاعتها قوية في بيتكم

يعني لو شبكة موبينيل قوية في بيتكم هاتي فلاشة موبينيل
وبالنسبة للسعر ممكن تاخدي الفلاشة مجانا حسب العروض يعني وتعملي فاتورة محددة

وممكن تدفعي تمن الفلاشة 100 جنيه وتشحنيها

انا عندي بتاعة اتصالات بس شبكتها وحشة اوي هنا في البيت , الفلاشة ب 100 جنيه وعاملة فاتورة بدفع كل شهر 50 جنيه


وربنا يعينك على شغل البيت لما توصلي مصر و بالراحة على نفسك واحدة واحدة
وممكن اول يوم مامتك تطبخلك لحد ما ترتاحي من السفر , وربنا يسهل الامور وترجعي لجوزك بسرعة

miramiro;14732534:
لالالا انا اقدر على زعلك يا امونتى:adore::adore:
الشوق الشوق
الحب الحب :adore::adore::adore:

و طبعا يا حبى افتكر المحشى وبالف هنا و شفا لكم يااااارب
و قولى بببببببببببببببقى ان تيتا هى اللى عامله الوووووووووورق اااااااااااااااااااه :lol::lol: بسيحلك بس اوعى تفهمينى غلط :o:o:o

و عايزه تاكلى سكندوتشات طعميه برهيافقريه انتى فعلا
طب وعلى ايه المشوارماتطلبيه فى البيت حتى ارحض:lol::lol:
و هتاكلى مكرونه بالبشاميل ولا ايه
لو كده احدفى احدفى انا فاتحه بقى اهوه اصلى بحب المكرونه بالباشميل قوى قوووووووووووقى يا بووووووووووووى:D:D

و ايون انا جايه بالثوره على الموبيلات
مش تبع حزب المصطبه ;););) و نموت نموت و تحيا مصر هههههههههههههه
انا بعت لبابا و ماما و اختى امبارح رسايل انهم ميقلقوش لمايلاقوا الموبيل بتاعى مقفول علشان انا مقاطعه الشركه العميله دى 8o|8o|

وربنا يفرحنا بيكى يا امونه ياااااااااااااااااااااااااارب وتبشرينا ياااااااااااااااارب :L::L:

واناسامعه صوت انفجار دى بطنك دى و لا ايه ياامونه من كتر الاكل ;););)

ايوة ده صوت بطني يا لمضة ههههههههههههه

انا فطرت طعمية بس جوزي سهاني وسرق مني قرص مع اني فصلت القوات وكل واحد اخد نصيبه عشان انا طلبت منه بجنيه لوحدي :) مفجوع ههههههههههههه

وربنا يعينك على الترجيع انا كمان بخاف ارجع لاني بيحصلي نفس الاعراض اللي عندك بالضبط عياط ونهجان حاجة اخر قرف:lol::lol:

ومن عينيا هجيبلك حتة مكرونة بشاميلاية F:

دينا

انا لو صوت هصوت ضد التعديلات لان الناس اللي بثق فيهم هيعملو كده وانا معاهم :)

onny;14731976:
ازيكم يا بنات عاملين ايه ؟
جمعة مباركة علينا جميعا ان شاء الله


انا استلمت امبارح نتيجة العينة ولسه هروح للدكتور بكرة ان شاء الله
بس سالت دكتورة المعمل عن التقرير المكتوب وقالتلى العينة اتحللت علشان نعرف اذا كانت حميدى ولا .......... لاقدر الله والحمد لله حميدى

بكرة ان شاء الله هعرف الخطوات اللى جاية ايه من الدكتور

الحمد لله ان التحليل طلع حميد يا منى وربنا يطمنك اكتر بكرة

ريـري;14732295:
امونة انا مكلتش محشي عشان الرجيم هههههههههههههه
عشان انا زايدة 2 ك لغبط اسبوع جامد اوي وزد
فاعمله رجيم قاسي جدا عشان انزلهم

وانتي عاملة لسه مفيش اخبار يارب يكون خير ليكي

خلاص يا ريري سماح , اصلي كان حازز في نفسي اوي انك تاكلي المحشي لوحدك :lol::lol:


هدى

فسحة سعيده يا جميل انتي وبيلا


انا رايحة انشر الغسيل وابدا اعمل البشاميل, سلام مؤقتا

دينا حمدى;14732524:
يتصفح الموضوع حالياً: 2 (2 من الأعضاء و 0 من الزوار)
‏دينا حمدى, ‏miramiro+
ازيك ياميرو


هتعملى ايه فى الاستفتاء بكرة ان شاء الله




عمى ياعيال لسه مكلمنى وقعد يلعب فى دماغى علشان اقول نعم للتعديلات عااااااااااااااااا

و الله يا دينا انا محتارة جدا كنت مقررة لاء و امبارح اتناقشت مع ناس مؤيدين لنعم و لقيت برضه كلامهم مقنع انا فعلا بقيت محتارة عارفة احد مبرراتهم ايه بيقولوا لو قلنا لاء و صبرنا سنة مثلا على ما تتعمل انتخابات مجلس الشعب الناس اللى فى خوف منها حاليا زى فلول الحزب الوطنى و الاخوان بعد سنة هتكون قوتهم اكتر من دلوقتى بكتييييير بواقى الحزب الوطنى هيستجمعوا قوتهم و يغيروا جلدهم و يحاولوا يكسبوا تعاطف الناس و الاخوان حاليا شغالين جامد جدا و قوتهم رجعلتلهم بخروج القيادات من السجن و هيشتغلوا فى النور و يعملوا حزب الحزب ده بعد سنة هيبقى ليه قوة لا يستهان بيها
بس انا حاسة ان احنا عاوزين حاجة على نضافة من الاول مش هنقعد نرقع من هنا و نصلح من هنا و مفيش اى ضامن لتعديل الدستور بعد كده
محتاااارة

onny;14731976:
ازيكم يا بنات عاملين ايه ؟
جمعة مباركة علينا جميعا ان شاء الله


انا استلمت امبارح نتيجة العينة ولسه هروح للدكتور بكرة ان شاء الله
بس سالت دكتورة المعمل عن التقرير المكتوب وقالتلى العينة اتحللت علشان نعرف اذا كانت حميدى ولا .......... لاقدر الله والحمد لله حميدى

بكرة ان شاء الله هعرف الخطوات اللى جاية ايه من الدكتور

الحمد لله يا منى ربنا يطمنا عليكى


ميراااا
منورة التجمع

السلام عليكم
ازيكم


امونة
مفيش اى اخبار كدة

د\امونة;14732813:
دينا

انا لو صوت هصوت ضد التعديلات لان الناس اللي بثق فيهم هيعملو كده وانا معاهم :)

وانا كمان مايلة اكتر انى اقول لأ

RAINBOW2000;14732994:
و الله يا دينا انا محتارة جدا كنت مقررة لاء و امبارح اتناقشت مع ناس مؤيدين لنعم و لقيت برضه كلامهم مقنع انا فعلا بقيت محتارة عارفة احد مبرراتهم ايه بيقولوا لو قلنا لاء و صبرنا سنة مثلا على ما تتعمل انتخابات مجلس الشعب الناس اللى فى خوف منها حاليا زى فلول الحزب الوطنى و الاخوان بعد سنة هتكون قوتهم اكتر من دلوقتى بكتييييير بواقى الحزب الوطنى هيستجمعوا قوتهم و يغيروا جلدهم و يحاولوا يكسبوا تعاطف الناس و الاخوان حاليا شغالين جامد جدا و قوتهم رجعلتلهم بخروج القيادات من السجن و هيشتغلوا فى النور و يعملوا حزب الحزب ده بعد سنة هيبقى ليه قوة لا يستهان بيها
بس انا حاسة ان احنا عاوزين حاجة على نضافة من الاول مش هنقعد نرقع من هنا و نصلح من هنا و مفيش اى ضامن لتعديل الدستور بعد كده
محتاااارة

ربنا ييسر يامى للى فيه الخير

انا مش معترضة على الاخوان انا اعتراضى ان مفيش احزاب جديدة هتكون اتكونت غيرهم
وهما القدام بس اللى هيستولو على الحياة السياسية

والناس اللى خايفة من المادة التانية الجيش قال ان لامساس بالمادة التانية فى كل الاحوال
بس لو قولنا نعم نضمن منين ان الرئيس الجاى مايبقاش ديكتاتور لان الدستور مش مقلل صلاحياته خالص

فينكو

يا بنات حد يرد عليا ضروري جدا دلوقتي

في نوعين من تحليل الحمل

واحد بيقول بوسيتيف او نيجاتيف ب 33 جنيه

وواحد بيقول كمية الهرمون بالضبط اد ايه ب 69 جنيه

ممكن حد يقولي انهو ادق

يعني ممكن لو عملت التحليل الاول يطلع غلط ولا ايه

لاني بصراحة الشيطان كابس على نفسي وبيقولي اعملي التحليل النهارده وجوزي يقولي خليها الاسبوع الجاي

الافضل اللى بيقول نيجتيف او بوستيف
ومش هيطلع غلط
وبعدها ابقى اعملى كمية الهرمون بعد فترة يعنى
لان بتاع كمية الهرمون بيحدد انتى فى الاسبوع الكام

وان شاء الله يكون فى حمل
انا حاسة انى لو مطلعتش حامل الشهر دا ممكن يجرالى جاحة او اتهبل
لان بجد زهقت ................ استغفر الله العظيم

ربنا يطمنك يارب يا امونة
ويقدملك اللى فية الخير
ساكتين لية يا بناااات

مش عارفة يا شوشو في بنات بيقولو التاني ادق لانه بيبن الحمل قبل معاد الدورة

خايفة, وجوزي بيتريق عليا بيقولي لما الحبايتين اللي في وشك يروحو نروح نحلل :)

جوزي مش عايز ان احنا نتصدم ونرجع البيت ومناكلش البشاميل , راجل طفس هههههههههههه

عندي امل كبير اوي وخصوصا ان دي اول مرة من 3 شهور الدورة تتأخر كل ده وفي نفس الوقت حاطة كلامكم في بالي عن انكم بتتاخر عندكم بال 10 ايام وبتنزل الدورة

بس بقول انا مش هاخد غير نصيبي , ومش عايزة اعيش الدور , خليني اروح واخد الصدمة وخلاص وارجع البيت انضفه بدل ما انا عايشة في زريبة ,وارجع تاني اصلي القيام لاني وقفته , خفت وجع ضهري ياثر لو في حمل

عايزة اعيش طبيعي تاني

انا زيك يا شوشو بقول اني ممكن اتهبل بس سبحان الله ربنا بيخفف الصدمة علينا وبنرجع تاني نركز في الهوم وورك وترجع تاني يبقى عندنا امل , لو مكناش كده كنا انتحرنا , بس ربنا كريم ومش بيحملنا فوق طاقتنا

امري لله هستنى يوم كمان واعمله بكرة بدري وخلاص , وانا ونصيبي

دماغي وجعتني من التفكير , انا كنت كويسة الصبح وفجاة اتجننت وعايزة احلل وفجاة هديت تاني

انا فعلا اتجننت :)

والله هى فعلا حاجة تجنن
ادعووووووووولى

امونة الافضل تعملى التحليل الاغلى علشان بيبين فى حمل ولا لأ وكمان نسة الحمل اد ايه بالظبط وفى الاسبوع

بنات انا هقوم اخرج
جوزى مصمم يخرجنى رغم ان انا مليش مزاج ولا ليا نفس
بس بيقولى انتى مخرجتيش بقالك اكتر من شهر