شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

النهارده بقى نزلنا علشان نروح لحماتى
وكنت تعبانه اوى النهارده مش قادره اشيل دماغى المهم نزلنا برضو


وانتم عارفين انى ساكنه فى المعادى الجديده و على الاوتستراد
المهم طلعنا الاوتستراد زحمه وامشى واقف امشى واقف لما بقيت عامله زى الفرخه الدايخه وعايزه ارجع ومش عارفه وحاجه صعبه اوووووووى

المهم بعد معاناااه وامشى و اقف و العذاب
فلاالاخر لاقينا العربيات فى الاتجاه التانى قاعدين يقولوا ارجعوا ارجعوا بيكسروا العربيات
المهم كملنا شويه ولاقينا كل العربيات قدامنا بتلف من فوق الرصيف اللى فى النص وتلف وترجع
قمنا لافينا احنا كمان و اتهبدنا على الرصيف طبعا و كان الخبطه دى مش فى ظهرى بس لا و فى نفوخى كمان عااااااااااا

ورجعنابقى و لاقينا العربيات اللى ورانا مش لفت على الرصيف زينا لا فى نفس الحاره و قاموا ماشين اتجاه عكسى و كانوا كتير ووقفوا طبعا قدام العربيات اللى جايه فىالاتجاه الصح و الدنيا وقفت

وكان حته يوم ميه ميه وجيت تعبانه اوى ولغايه دلوقتى كمان عااااااااااا

ريـري;14657784:
هي اشعة بالصبغة ولا ايه
حمدلله علي سلامتك ياقمر وان شاء الله مفيش حاجة وربنا يطمنك

ايوه اشعة بالصبغة ربنا يخليكى يا ريرى و يطمنا كلنا يا رب

الله يسلمك يا ميويه
حمد لله على سلامتك انتى يا حبيبتى الف سلامه عليكى
خدى مسكن و ريحى خالص معلش وهتبقى كويسه ان شاء الله
و يارب النتيجه تبقى كويسه ان شاء الله
وتطمنينا بكره باذن الله

انا هقوم بقى علشان طولت على الجهاز علشان جوزى يكمل شغله
وهفتح من الموبيل هبقى معاكم بس مش هعرف اكتب

و اطبق الغسيل كمان و اسند دماغى اللى وجعانى خالص دى


وسلمولى على كل البنات علياء و ميجو و جوجو و بوسى و فجر و ام فريده وكللللللللله كله يارب مكونش نسيت حد

RAINBOW2000;14657821:
ايوه اشعة بالصبغة ربنا يخليكى يا ريرى و يطمنا كلنا يا رب

ارتحي شوية وخدي مسكن ونامي وان شاء الله ابقي طمينا ومتقلقيش خير ان شاء الله


ميرا ارتحي شوية والف سلامة عليكي

ميوي الف حمدالله على سلامتك

الحمد لله انك عملتيها ببنج , هو بنج كلي ولا موضعي؟ احكيلنا يا بت تقرير مفصل من اول ما دخلت الاوضة

ميرا

اخت جوزي بتجهز لانجيري وورتني الحاجات اللي جابتها من بورسعيد , وكان من ضمنها الهوت شورت, قلتلها استني اما اوريه لاخوكي قامت قالتلي لا اتكسف قلتلها ملكيش دعوة يابت انا اللي هوريهاله هههههههههههه

ولما شافها محبش يعلق اوي لكن لما روحنا البيت قاللي دي بجامة بنت لذينا اوي ولازم اجيبلك وحدة ههههههههههههههههههههه

ميرا ايه الناس اللي بتكسر العربيات دي ,حسبي الله

اخو صاحب جوزي , ناس بلطجية وقفوه برشاشات وسرقو منه العربية بتاعته

ألف سلامة عليكي يا مي انت و ميرا..ميرا: فعلا انا قريت انه كان فيه شغب هناك و كان في ناس بتكسر العربيات... ربنا يعدي الأيام دي على خير...و الحمد لله انكم روحتوا بالسلامة..
مطار برج العرب وحش؟؟؟؟ أنا أول مرة حنزل عليه بس أسمع دايما انه أحسن كتير من النزهة.. انا نزلت على النزهة و بصراحة ضيق و زحمة و مش حلو..
عيب برج العرب انها بعيدة أوي عن اسكندرية... يعني ساعة و ربع او ساعتين بالعربية...
أنا مش عارفة مطار النزهة مش شغال ليه...

الناس دي يا أمونة.. بسبب الفتنة اللي طالعة اليومين دول بين المسلمين و المسيحيين.. في حد معين بيشعلل الطرفين عشان يخليها فوضى و للأسف في ناس بتنساق ورا الكلام ده... و مش فاهمة ليه بيحصل كدا...؟؟و وزارة الداخلية سايبة ده يحصل ليه....

و يا ريت يا جماعة لو حد اتعرض لسرقات او تهديد يتصل بأرقام الجيش للطواريء عشان يبلغ عن الاعتداءات دي عشان البلطجية دول يتمسكوا و يتحبسوا...يعني خلي أخو صاحب زوجك يتصل و يبلغ عن اللي حصله ..

مفيش وزارة داخلية ولا ضباط يا مانيا

كل يوم الوزارة تتغير , ومفيش لسه انتظام في الشرطة

لواحظ ازيك يا كتكوتة

هتسافري امتى العمرة

امال فين البت ميجو وسحر وجوجو ؟ مختفيين

لعل المانع خيييييييييييييييييير وهوم وورك :)

د\امونة;14658013:
امال فين البت ميجو وسحر وجوجو ؟ مختفيين

لعل المانع خيييييييييييييييييير وهوم وورك :)

امووووووووووووووووووووووووووونة كل اللي شاغل بالك الهوم ورك ولا اييييييييييييييييييييييييييييييييييييييييييييييييييه:lol::lol::lol::lol::lol::lol::lol:

انا جيت جوزي اخيرا نام .. مي @ حمد الله على سلامتك و ان شاء الله تطلع سليمة .. شوشو @ انا عملت الفاهيتا لجوزي و طلعت حلوة قوي و اكلها كلها بالهنا و الشفا على قلبه .. انا كلت لحمة مشوية و سلطة انا مش ممكن ابوظ الدايت مش هبطل غير لما اوصل 53 ان شاء الله

شطورة يا هدى , انا برده كنت متأكده انك مش تبوظي الدايت زي ما شوشو قالت :) بس شكيت فيكي شوية صغيرين ههههههههههههه اصل دي فاهيتا برده مش اي حاجة

قوليلي طريقة الفاهيتا ولو تعرفي شاورما الفراخ قوليلي

miramiro;14657740:
ياحلويين
فين سمر كمان مش شايفه لهامشاركات؟؟؟؟

وبوسى الجميله انتى
ازيك يا حبيبتى عامله ايه و ازاى جودى بوسيهالى بوسه كبيررررررررررررررره

وانتى عندك حق اسعار لاسنزا استهبال اصللللللللللللللللللللللللى

امونه
ما تسالى اخت زوجك جيباها منين بالضبط و تخلصى نفسك هههههههههههههههههههه
وعندىسؤال محورى بقىمعلش

هو زوجك اللى انتى شايله منه اوى علشان السينما انتى
هو شاف ازاى بيجامه الهوت شورت عند اخته دى هااااااااااااااااااا؟
كانت على الحبل و لا متعلقه قدامه و لا اخته لابساها ولا ايه بالضبط؟؟؟؟؟؟؟؟
سؤال محورى ومنطقى طبعامش كده ;);););)

ازيك ياميرا انا موجوده بدخل كل وم وبقراه المشاركات بس مش عندي حاجات جديده اقولها

miramiro;14657855:
انا هقوم بقى علشان طولت على الجهاز علشان جوزى يكمل شغله
وهفتح من الموبيل هبقى معاكم بس مش هعرف اكتب

و اطبق الغسيل كمان و اسند دماغى اللى وجعانى خالص دى


وسلمولى على كل البنات علياء و ميجو و جوجو و بوسى و فجر و ام فريده وكللللللللله كله يارب مكونش نسيت حد

الف سلامه عليكي
مي 000 الف سلامه عليكي وربنا يجلها بفايده
ريري000 الحمد لله انك اتنقلتي مع مامتك احسن
مونه000 انا ماشيه علي الدايت وفرحانه اني مبلخبطش وبشرب شاي اخضر مرتين في اليوم بس نفسي افضل كده مش عايزه العزيمه بتاعتي تروح
انا المفروض ان البريود كانت تيجلي يوم 3 في الشهر بس لسه مجتش وعمرها متاخرت عندي كل ده كانت اكتر حاجه تاخر يومين انا كنت واخده الشهر اللي فات كلوميد من اليوم لعاشر ممكن يكون هو اللي اخرها لاني اعرف انو بيتاخد من اليوم التالت
مش عارفه هي كده متاخره من الكلوميد ولا اروح للدكتور

يا ريري انا خلاص والله اتعقدت من الهوم وورك وبحسد البت ميرا انها عايشة بشرف هههههههههههه

عايزة ارتاح شوية , عايزة اخد دش بضمير بدل سبق البيض اللي بعمله ده

نفسي اسشور شعري ويقعد كام يوم ههههههههه

بتهيألي الدورة مش متاخرة ولا حاجة يا سمر , انا برده بتخلف معايا باليومين والتلاتة كمان , اصبري شوية

هو جوزك جاي امتى؟

انا مبسوطة اوي انك ماشية عالدايت وملخبطيش , وحلو اوي كوبايتين الشاي الاخضر دول هيساعدوكي اوي في نزول الوزن

د\امونة;14658255:
بتهيألي الدورة مش متاخرة ولا حاجة يا سمر , انا برده بتخلف معايا باليومين والتلاتة كمان , اصبري شوية

هو جوزك جاي امتى؟

انا مبسوطة اوي انك ماشية عالدايت وملخبطيش , وحلو اوي كوبايتين الشاي الاخضر دول هيساعدوكي اوي في نزول الوزن

جوزي كان كاتب الاجازه علش شهر 4 بس جت ظروف كده في الشغل لغبطت كل حاجه فلسه مش عارفه بس بيقول هيحاول ينزل يا شهر 4 او 5
بس كده الدوره متاخره 6 ايام وخصوصا اني واخده كلوميد المفروض انو يظبتها

سمر انا افتكرت ان الدورة متاخرة 3 ايام سوري انتي بتقولي مجاتش من يوم 3 , هيا كده فعلا متاخرة , بس البنات اللي بياخدو كلوميد يفيدوكي بئة اذا كان هو السبب ولا لأ

طيب انتي كده خوفتيني من الكلوميد , انا مش عايزة حاجة تأثر على دورتي , وفي نفس الوقت نفسي ابدا تنشيط ومتاخرش