شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

باااااااااااااااك :D



يارا

اهلا بيكى يا قمر

ربنا يرزقك ياارب الذرية الصاالحة




ام صوفيا

اللهم آمييييييييين
اهلا بيكى



اوونى
ربنا يطمنك يااااااااارب

يالا نفسى حد يعمل المنظاار قبلى ويقولى ايه النظااااااام




شيماء
اهلا بيكى معانا

انا متجوزة من 3 سنين ونص


ربنا يرزقنا ياااااااااارب :adore:

اه يا شيرين هي متعبه اوي كل اللي جربوها قالوا كده حتي الدكاتره عشان كده جبت الكهربا احسن طبعا

محبة الرسول انتى اخت ايمى؟

ام صوفيا

ايوة :D

انا اختها

منا استشفيت كدا من الكلام

ربنا يديكى الذريه الصالحه قريب ان ش اء الله

:hysterical::hysterical::hysterical:تعبت من قراءة التعليقات يا رغايين.. و مفياش حيل أرد عليكوا.. بس ححاول و أمري لله ...
أولا مش فاكرة مين سال بقالنا قد ايه متجوزين... التعداد بتاعي تحت ردودي أهو :D أصلي ساعات بنسى ... ههههههههههههههه انا بقالي سنة و 7 شهور..

يارب سهل;14646994:
يارا ازيك ياجمييلة
شهر وشهرين ايه ياشيخة بس انا بئالى 9 شهور وربنا لسه مأردش:( وانا كمان مش ملهوفة انا خاايفة برضه هى مسئولية ومصاريف وفلووس وكدا وانا بصراحة جوايا شعورين متناقضين تماما ونفسى اتكلم مع حد انا كمان وافضفض معاه
انا كنت همووووووت واشتغل والحمد لله اشتغلت وشغلى صعب جدااا يعنى بنروح مثلا 9 10 بالليل ملناش مواعيد وكمان ساعات بنروح نذاكر فطبعا الشغل دا مينفعش لو فى بيبى،ولا لو مفيش بيبى كمان وحياتك:'(:'(بس انا خايفة احمل مثلا واضطر اسيب شغلى وانا عارفة اد ايه مهم ان يكون ليكى فلوسك الخاصة وف نفس الوقت انا زهقانة وقرفانة من شغلى جدااا لانه جى على حساب كللللللل حاجة ف حياتى
نفسى اى حاجة تحصل تريحنى من الحيرة اللى انا فيها دى
وان شاء الله ياستى ربنا يرزقنا قريب

أهلا يا رب سهل... بس هههههههههههههه هو فيه اسم أسهل من كدا طيب... عشان اعرف اناديكي بس..
على فكرة اللي بيدور في بالك ده كان بيدور في بالي انا كمان.. ساعات من كتر الالتزامات اللي علينا اقول لنفسي احسن ان الحمل يتأجل و انزل اشتغل عشان اساعد جوزي... بس ساعات تانية يبقى نفسي أحمل اوي.. خصوصا اني مليش تقل على الشغل أوي...

* كلاسيك *;14647060:
طيب كويس الحمد لله

انا مش عايزة لا اطول اوي ولا على طول فهماني

عايزة اتمتع بشبابي شوية هههههههههههههه

وربنا يا ستي يكرمنا كلنا ونربيهم كويس من غير شد شعر:lol:

انتى عسولة على فكرة وانا بحبك في الله من زمان




دول من دلوقتي يا اوختشي والله

كل ما حد يشوفني يدعيلي او يسألني

انا اوقات بقول احمل بقى واخلص من الزن واوقات احس انه عادي

واوقات احاول احسس نفسي بسببهم انى ملهوفة ههههههههه







انا كمان لما بغسل سناني بالمعجون بحس انى مش جعانه فعلاً




على فكرة غلط كده لأنك هيجيلك احباط هو يوم واحد توزني فيه بس



اهلااااااااااااااااااااا

اخيراً لقيت حد رفيقي في المشاعير هههههههه

لأ بس كده حرام يابنتي انا امي بتبوس رجلى علشان انزل اشتغل

بس انا انطوائية شوية ومباخدش على الناس بسرعه

ومبعرفش اتعامل اوي مع الناس خاصة لو زحمة

ده انا بخاف اخرج لوحدي او اشتري حاجة لوحدي يابنتي

وحتى لو كده عايزة اشتغل شغل معين في دماغي ومعرفش هينفع

حالياً ولا لأ بس عامة صعب اوي علشان تحققي ذاتك

تقضي على حاجات كتير كده اعمل استخارة وشوفي

انا رأيي تحاولي تشوفي حاجة مريحة اكتر وليكي الحرية طبعاً


ازيكو يا بنات انتو مش عايزين تتعرفوا عليا ولا ايه :(

انت اللي عسل يا يارا و بحبك في الله يا قمر.. انا فاكرة اني كنت عايزة أقولك حاجة بس علبال ماخلصت قراية كنت نسيت :Dلما افتكر حبقى أقولك...

shoshet*himo;14647424:
بصي يا امونه اانا اول ما اشتغلت كان مرتبي 180 ج ههههههههههههههههههههه اه والله صاحب الشغل قالي احنا هنعلمك لسه ده المفروض ناخد منك فلوس كمان
ماشي يا ستي وكنت بصرف 30 ج مواصلات شهريا الكلام ده في 2002 والباقي كان 50 ج قسط الموبيل هههههههههههههههه والباقي ماما كانت مدخلاني جمعيه بيهم قعدت شهرين كده والراجل زودني الظاهر عجبته ههههههههههههههههه وفضل يزودني كل شهر اخر شهر مشيت فيه وسافرت هنا كان مرتبي حوالي 1300 وطبعا كل ما يزودني ماما تزود فلوس الجمعيه بتاعتي جزء بس بفايده الحمدلله والباقي كنت بشبرق بيه نفسي اوي وعلي الاخر ولما مشيت كمان من الشغل الراجل اداني مكافاه ولما اتجوزت اصلا نقطني ب 3000 ج يعني كان مظبطني الحقيقه هههههههههههههههههه

ااااااااااااه..فكرتوني بالشغل.. كنت ناوية أحكيلكوا بس بجد تعبت من القراية.. شوية كدا و ارجعلكم تاني:D

يارب سهل;14647604:
بنات ادعولى بجد ربنا يفرجها عليا انا نازل عليا موود كآبة غريييب انا بجد مش طايقة ابص فى اللاب توب بيفكرنى بالشغل ومش طايقة اروح ولا طايقة البروجكت منجر بتاعتى انا بجد زهقت من الشغللللللل دا
رب لا تذرنى فردا وانت خير الوارثين

انا شيماء 23 سنة ومتجوزة من 9 شهور

اسفة يا شيماء.. شفت ردك بعد الاقتباس... بصراحة شغلك متعب أوي.. انا حتى لو فاضية مش حخلي يومي كله للشغل كدا.. ماتشوفي شغل مواعيده أحسن من كدا..

Om Soffiia;14647856:
مممممممممممممم
انتو مش بتردو ليه

على ايه؟؟
و أهلا بيكي معانا عرفيني عليكي..

لحظةحب;14647872:
ربنا يخليكم يا بنات انا والله بحسكم اخواتي ولما بكون مدليقك بتكلم معاكم لاني معنديش حد اكلمه.من كام يوم اخت جوزي قاعده معانا بنتكلم علي العمره فبقولهم انا هعيش حياتي مع نفسي انا متعوده اروح مع بابا وبينا تليفونات اروح الحرم اي وقت واقعد للشروق وانزل بالليل اروح فاخته بتقولي لا اناي مبتخفيش علي نفسك بقولها هو انا خارجه اناراحه الحرم تقولي باباكي كان بيسيبك بس جوزك مش هيرضي انتي متعرفيش ان واحده اغتصبوها في الحرم قلنله حتي لو صح كلامك انا هروح انا مش مكه كل يون قالتلي شوفي مين هيوديكي قلتله انا متفقه نع جوزي علي كده رح هو رد قالي عادي انا قلتلها يراحتك فقالت انتم حرين انا مليش دعوه وخلص الموضوع.امبارح بقا خلص موضوع الحجز علي ان خلاص هناخد سويت كلنا يجي البيه بالليل يقوبي علي فكره مش هتنزلي وتيجي لوحدك لما تحبي هبقي اوديكي قلتله بس انا هنزل بالليل قبل الفجر مش هتقولي عايز انام قالي لا سكت وقلتله ايه اللي غير كلامك قالي مفيش روحت قلتله تصبح علي خير بقا ونمت محروق دمي..
اللي يضحك بقا حلمت اني بعد ما نزلت مت الطايره روحت الاوتيل ونسيت انا معتمره انا وجوزي وحصل جماع ومفتكزتيش غير وانا نلزله من الاوتيل وفضلت انا وجوزي تفكر نعمل ايه علشان محذش يعرف هههههه والاوتيل كان وحش وفضلت اتخانق معاخته وسبتهم ونزلت قعدت في الحرم لوحدي عقلي الباطن بينفث عن نفسه

ههههههههههههههه عجبني الحلم اوي.. زي اللي عمل عاملة و عايز يداريها... بصي يا ستي.. طبعا لا خلاف ان اخت جوزك بتحشر نفسها .. هي ممكن تقول رأيها بس ما تمليش عليكوا ايه اللي يتعمل..
موقف جوزك بقى أنا شايفاه من منطق تاني... ان هو محبش يحرجك أدام اهله.. و دي نقطة تتحسبله... و قال يبقى يقولك بينك و بينه.. و دا اللي انا شايفاه. . لان بصراحة يا ياسمينا حتى و ان كان ده الحرم... بس صعب اوي و انت متجوزة انك تنزلي لوحدك كل يوم باليل ...خليه هو يوصلك و أكديله على كدا.. و انا لو مكانك جوزي مش حيوافق أبدا برده... بس بجد هو شكله كدا محبش بس يحرجك و يضايقك ادام أخته..فانت اتفقي معاه بحنية كدا على المواعيد اللي انت عايزاها .. و يوصلك فيها و اقنعيه بالراحة كدا مايكسلش.. عشان انت مش كل يوم في مكة... و صفوا النفوس بينكم يا حلوين.. مبقتش عمرة دي هههههههههههه

ازيكم يا بنات

انا جيت نورت البيت

أنا بقى أول ما اتخرجت و خلصت الامتياز بتاعي ...وزارة الصحة كلفتني في الوادي الجديد .. باريس...
طبعا طنشتهم و كانوا حاطين شروط غريبة لقبول التظلمات.. انه يكون الأب متوفي و تكوني انت الراعية الوحيدة للأم...
أو يكون عندك إصابة صحية تمنعك من ممارسة عملك و السفر حاجة في القلب مثلا مكسورة مثلا كدا يعني...خلل عقلي مايضرش برده... :)
أو انك تكوني مكتوب كتابك...
و طبعا انا كنت و لا واحدة من التلاتة .. و رفضت بصراحة اني اكتب كتابي انا و خطيبي عشان خاطر الموضوع ده بس.. كنت عايزة القرار بتاع كتب الكتاب يكون بتأني.. بالرغم ان بنات كتير في دفعتي عملت كدا و كتبت كتابها على أول عريس اتقدملها من غير خطوبة حتى.. و كله عشان خاطر وزارة الصحة الغالية لان لما حترفعي تظلم ساعتها حينقلوكي للمحافظة بتاعتك... :)
فضلت قعدة 8 شهور من غير شغل لاني مش حركة.. يعني معرفش افضل كل شوية انزل و ادور على الشغل في المستشفيات و المستوصفات الخاصة و يقوللي لأ و بتاع مبحبش أتعرض لاحراج... لكن لما بيبقى في مكان بيعلن عن حاجته لأطباء كنت بنزل احط السي في بتاعي.. و طبعا محدش كان بيتصل عشان لسة خريجة جديدة... و انا كنت بختار أماكن جامدة بصراحة بعيدا عن المناطق الشعبية عشان متبهدلش في المرواح و المجي..
و كنت موصية صحابي طبعا.. لحد مالقيت شغل في مستشفى خاصة و الحمد لله في منطقة حيوية جدا و قريبة جدا من الشارع الرئيسي..و كانت لذيذة بقى بشتغل 3 ايام في الاسبوع كل يوم فيهم بروح 3 ساعات الصبح أو 3 ساعات باليل.. حسب تنسيقي مع الدكاترة اللي بيداوموا في اليوم ده.. و طبعا كنت باخد المرتب بتاعي بالنسبة ...
حكمللكم بعدين

أجمل ايام العمر;14649383:
انا جيت نورت البيت

اهلا بيكى

جعااااااااانة

المهم و مع النسبة كنت باخد 10 جنيه في الساعة:thumbs_down: طبعا كل الناس بتبقى غفاكرة دكتور الأسنان ده بياخد على قلبه قد كدا.. و انا كنت من الناس دي خصوصا اني في الكلية كنت بصرف بالهبل على الخامات و على علاج العيانين اللي بشتغللهم في الكلية و صرفت من جيب بابا بالعبيط و دايما أصبر نفسي اني لما اتخرج و اشتغل حعوضهم ....بس طلعت أحلام...
في امتياز مرتبي كان 275 جنيه و 75 قرش..ومحدش يسألني ال 75 قرش لازمتهم ايه ...كنت بحس بالإهانة والله و احنا وقفين في طابور ادام الخزنة في الكلية علشان الكام دول.. و طبعا يوم القبض بالنسبالنا يوم الفسحة العالمية عشان اخرج مع صحابي و نفرتك المرتب :)
المهم لما اشتغلت في الخاص بقى.. ملقيتوش يختلف كتير.. كنت طبعا بالمواعيد بتاعتي دي يادوب اخر الشهر بيبقى حسب كمية العيانين اللي دخلتلي.. اول شهر قبضت 100 جنيه و تاني شهر قبضت 250 جنيه و بقيت الشهور كانت بتتراوح في حدود ال 200 او 150 كدا يعني.. و الشهر الوحيد اللي اخدت فيه أكتر مرتب في حياتي كان 300 جنيه :) كنت هايصة بيه على الآخر ...و كان الشهر ده عشان كل زمايلي في المستشفى كانوا واخدين أجازة.. اللي سافر واللي راح يحج واللي مش عارفة بيتجوز واللي معرفش ايه فالمدير مسكني جميع أيام الأسبوع بقيت اروح كل يوم 3 ساعات الصبح و 3 ساعات باليل حتى في الأيام الممطرة و العواصف كنت بروح الا لو الجو سيء جدا... كنت بقول أثبت نفسي عشان المدير يثبتني و يزود المرتب حبتين..
بس طبعا عايزة أقولكوا كنت تقريبا الدكتورة الوحيدة الملتزمة بالحضور.. حتى الدكاترة الكبار فيها ماكانوش منتظمين و لما بيجوا بيعدوا يتفرجوا على التلفزيون برة مع التمريض يتابعوا الكورة.. او يجوا يعدوا نص ساعة يلاقوا مفيش حالات يمشوا.. و يتحسبلهم مرتبهم انهم حضروا طبعا.. غير بقى الاستهتار في المستشفى كل شوية حاجة في العيادة تبوظ و حلني على بال ما العامل يرضى يجي يصلحها.. و طبعا اليوم ده بيبقى مضروب لان مفيش عيان حتعرفوا تشتغليله و المكنة بايظة..
و بعدين بقى بدردش مع الممرضة بتاعتي..اكتشفت انهم خاريجين تجارة و معهد فني تجاري او معهد كمبيوتر او خدمة اجتماعية.. و شغالين تمريض ...فطبعا مش كل حاجة في الشغل بتبقى فاهماها..
المهم اخر حاجة بقى حصلت و كانت سببتلي اكتئاب جامد من الشغل.. ان الممرضة بتاعتي اللي اتعودت عليها خلاص و كانت بنت طيوبة و عندها 21 سنة بس و كانت يا دوب اتحجبت من 3 شهور بس...و بتحكيلي عن قصتها مع الحجاب و كدا .. و ياما رغينا بقى في الوقت الفاضي.. فجأة لقيتها غابت و مش بتيجي .. و كل ما اسأل زميلاتها عنها يقولولي دي تعبانة اوي و عندها دور أنفلوانزا جامدة و كدا.. و فجأة الغيبة طولت و هي لسة ما جاتش.. سألت قالولي دي اتوفت امبارح... :'( جالها فيروس في المخ و ماتت.. و انا بقى عرفت الخبر من هنا و قعدت أعيط من هنا ادام الممرضة.. و اتخنقت بقى ... خصوصا لما بكلم اهلها لقيتهم شاكين انه الفيروس من شغلها في العيادة و مش عارف ايه.. قلتلهم انا دايما بقولها تعليمات التعقيم و هي مابتعملش حاجة في العيادة من غير ما تلبس جونتيات و دايما بأكد عليها .. غير ان مفيش عيانين دخلولي عندهم أمراض.. غير ان انا اللي وشي في بق العيان ليل و نهار... غير بقى ان الدكاترة بتوع المستشفى اللي هي اتوفت فيها ما قالوش انه بسبب العيادة خالص نهائي...
بس الموضوع ده حصل من هنا و انا جوازي قرب من هنا.. و سبت الشغل بحجة الجواز.. و بس...
و جيت هنا بقى..

كلي زبادي يا هدى..:)

عايزة آكل رز و مكرونة و باتيه

كلي اي فاكهة يا هدى على الاقل هتديكي طاقة تعينك على شغل البيت

ايه ده يا مانيا كنتي بتاخدي 300 جنيه بحالهم , ده انتي على كده ممكن تاخدي البشاوية هههههههههه

انا كمان يا هدى نفسي اوي في كرواسون وباتيه وفطيرة كبيرة من بتوع المنصورة :)

اليوم الفري بتاعك امتى؟

يوم الخميس ان شاء الله يا امونة

خلاص هانت يا هدى, انا كمان بستنى يوم الخميس بفارغ الصبر :)

على فكرة محلات الاطفال في سيتي ستار كانت عاملة تخفيضات بس برده الاسعار ناااااااااااااار, الاحسن تشتري من برا المولات , لان السعر جوا اي مول بيبقى الضعف او اكتر كمان

قوليلي انتي اكلتي قبل كده في اي مطعم من مطاعم سيتي ستار؟

هقوم اروق المطبخ و انيم البنوتة و ارجع تاني ان شاء الله

ماشي ياهدى ولما ترجعي جاوبي على السؤال ده كمان

لو اي واحدة تعرف الاجابة تتفضل يا بنات :)

عايزة اعرف اذا كان فيه محلات لانجيري حلوة في سيتي ستار عشان نفسي اوي اجيب بجامة هوت شورت تكون جل او قطن, اصل جوزي شافها عند اخته وعجبته اوي :)