أم ألبراء;14830339:
السلام عليكم يا بنات
عاملين ايه ان شاء الله كلكو كويسين
انا بقالي كم يوم ما دخلتش مشغولة مع البراء ..كنت اخدته عالدكتور عشان الحرارة اللي كانت عنده والكحة والحبوب اللي ظهرت على ايديه من كم يوم.. المهم الدكتور شافه وقالي هو ليه وشه اصفر كده وهل عطيتيه اي عصير قلتله لاء :!!:
المهم قاللي ممكن يكون عنده فيروس وخاصة كتير ناس عندهم فيروس وبرد ديلوقتي المهم قالي روحي عشان تعملي تحليل دم وعملناه بوقتها بنفس المكان ولما طلعت النتيجة ولا الدكتور بيقولي لازم تروحي على مستشفى الاطفال حالا عشان يتعمله تحاليل تانية :hysterical::confused: وقعدت اسأله عشان افهم منه ولا بيقولي انه نسبة الدم بتاعت البراء نازلة شوية :'( الحمد لله على كل حال..وانه لازم ناخده عالمستشفى ليعمللوه تحاليل تانية هناك والمستشفى حيفهمونا ايه الشكلة :-#
طبعا انا كان عندي باقي شوية عقل من الحمل والولادة بس لما سمعت كده عقلي طار عالآخر!! وخفت موت وجالي الهسهس بعيد عنكو انه لو عنده حاجة خطيرة لا سمح الله :'(
وطبعا رجعت البيت وانا بعيط وجوزي كان بالبيت عشان مصاب برجله ومش قادر يمشي عليها..والمستشفى اصلا بعيدة عننا كتيير :( المهم رحنا المستشفى مع صاحب جوزي.. وجت الدكتورة وقلتلنا انه السبب وراء ضعف الدم هو انه الام بتكون عندها نقص حديد وبكده البيبي ما بياخدش كفاية حديد من الرضاعة..وبعد انتظار 4 ساعات منها فحص الدكتورة والتحاليل وبعدها استنينا نتيجة التحاليل وجت الدكتورة تاني وقالت انه عنده نقص حديد والحمد لله من فضل الله هو بخير وما فيهوش اي حاجة واديتنا دواء للحديد واني لازم اديله لحمة وفراخ مهروسين وكده
انا آسفة اني ضايقتكو بس كنت محتاجة افضفض بس كمان عايزة اقول للبنات الحوامل على حاجة مهمة انكو تاخدو بالكو من التغذية بتاعتكو وتاكلو كويس وتاخدو فيتامين الحديد..وانا حامل كانت نسبة الدم بتاعتي منخفضة بردو وده عشان ما كنتش باكل كويس وكرهت وقتها الفراخ واللحمة وكمان عشان كنت بعاني من حموضة شديدة بتخليني ماعرفش آكل كتيير اشياء.
عشان كده خدوا بالكو من التغذية بتاعتكو كويس اوي.. انا عارفة انه الموضوع صعب بس على قد ما تقدرو خدوا حاجات فيها بروتينات وحديد وفيتامين الحديد بردو
ميرا
ازيك يا حبيبتي اخبارك ايه..وحشاني اوييي يا قمر ..يارب تكوني بخير وبتاكلي كويس..انا قريت انك تعبانة بالحمل ومش بتاكلي كويس..معلش يا حبيبتي ان شاء الله ترتاحي قريب وتبتدي تستمتعي بحملك..ربنا يتمملك على خير وتقومي بالسلامة يارب انتي والبيبيات ان شاء الله
الف الف الف مليووووووووووووووووووووووووووووووووووووون سلامه على البراء
والحمد لله الحمد لله انه بقى كويس و اطمئنيتى عليه
الحمد لله يا حبيبتى ربنا يخليه لكى يااارب و متشوفيش فيه اى حاجه وحشه ابدات ابدا ياااااارب
و بصراحه انا قلت اوى دلوقتى علشان مش باكل كويس
اه يااانى استر ياااارب و يارب افتحى نفسى على الاكل يااااارب و اكل كويس
انا عارفه انى كده غلط بس غصب عنى يارب استر ياااااارب
ومتشكره اوى على دعوتك الحلوه دى ياحبيبتى
ربنا يكرمك من عنده يااااارب و يحفظلك البراء ياااااااااااااارب:L::L::L: