شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

ازيييييييييييييييك ياامونة

كنتى بتسألى على اعراض الحمل ماتستعلجييييييش عليها بتظهر على نص التانى كده

الاول بيبقى مغص وبعدين هتعيشى بقى ههههههههه

فعشان كده نصييييييييحه اهتم باكلك والبيض واللبن والزبادى دلوقتى قبل العلقة

ولو اول يوم فى الدورة كان 10 /2

تبقى تضيفى اسبوع و9 شهور عشان تحسيى تاريخ الولاده

يعنى ان شاء الله 17/11 ميعاد ولادتك

وكل يوم 17 فى الشهر تبدائى شهر جديد

ما هو ده الكلام اللي قالتهولي الدكتورة يا جوجو بس بصراحة مش عاملة حسابي اولد في التاريخ ده ههههههههههه

انا قلت بما اني حملت في شهر 3 يبقى اولد في 12 وكمان يوم 8 عشان يوم عيد ميلادي, بس الدكتورة صدمتني بالتاريخ ده ومسدئتهاش خاااااااااالص طبعا ههههههههههههههه

وبالنسبة للاكل انا مش مستعجلة على الاعراض , انا عارفة اني مش هتغم زيكم هههههه, ماما قالتلي انها ولا مرة رجعت في حملها بيا انا واخواتي وبتقولي مش شرط خالص يجيلك غممان نفس, انا طالعة من الريجيم واقعة من الجوع والله هههههههههههه

هصلي العصر وارجع تاني

انا عاملة النهارده صينية بطاطس , بقالي 3 شهور ما اكلتهاش :( بسبب الريجيم الزفت

د\امونة;14806588:
ما هو ده الكلام اللي قالتهولي الدكتورة يا جوجو بس بصراحة مش عاملة حسابي اولد في التاريخ ده ههههههههههه

انا قلت بما اني حملت في شهر 3 يبقى اولد في 12 وكمان يوم 8 عشان يوم عيد ميلادي, بس الدكتورة صدمتني بالتاريخ ده ومسدئتهاش خاااااااااالص طبعا ههههههههههههههه

وبالنسبة للاكل انا مش مستعجلة على الاعراض , انا عارفة اني مش هتغم زيكم هههههه, ماما قالتلي انها ولا مرة رجعت في حملها بيا انا واخواتي وبتقولي مش شرط خالص يجيلك غممان نفس, انا طالعة من الريجيم واقعة من الجوع والله هههههههههههه

ههههههههههههههه

حلوة ماصدقتهاش دى

واحب ابشرك ان ماما فى حملها فيها وفى اخويا لا كانت بترجع ولا يجيلها غممان نفس ولا ضهرها حتى


وانا فضلت ارجع لحد اخر الخامس :D:D

بس ماتحسديش نفسك يااختى

ميرسى يابنات على كلامكم
منايا ازاى يعنى نسبه التشوهات متزدش على 70% دى مصيبه
هى لازم متزدش عن 25% والكلام ده مش من الدكتوره دى النسبه اللى مكتوبه ف التحليل وجنبها نسبه جوزى
وطبعا الدكتوره اتكلمت ف موضوع العدد انه قليل بس انا صدمنى ان فى حاجه تانيه والدكتور مكنش قالى عليها :(
امونه.....انا كنت بتكلم ف تنشيط لانى حسيت من الدكتور ساعتها ان المشكله ف حجم البويضه وانها مجرد تنشيط وخلاص فعشان كده كنت بتكلم ديما ف التنشيط لكن مادام جوزى محتاج علاج يبقى خلاص لازم هو يخف الاول طبعا
ان شاء الله هانبتدى ف الخطوات قريب يعنى هايعمل التحليل الخميس الجى وبعدها هانروح لدكتور ونشوف بقى ويارب خير
السؤال هنا بقى هو كورس العلاج ده مش بيحصل فيه تحسن قبل 3 شهور ولا ممكن عادى ؟؟؟؟؟؟؟
كمان احنا على يوم الخميس هانبقى منقطعين عن العلاقه تقريبا 5 ايام كده عادى ولا لازم 3 ايام؟؟؟؟؟؟؟

رشا

معمل البرج قال لجوزي ان ممكن يعمل التحليل بعد انقطاع العلاقة من 3 ايام الى اسبوع , خلي جوزك يحلل بعد انقطاع 3 او 4 ايام

كمان الكورس لازم يكون 3 شهور عشان هيا دي المدة الازمة لتصنيع حيوانات منوية جديدة , يعني المصنع بينتج حيوانات منوية جديدة كل 3 شهور

لازم تستني كورس العلاج يخلص وبعدين يحلل وبعدين حسب نتيجة التحليل الدكتور يقرر اذا كان كفاية كده ولا ممكن يستمر على العلاج فترة كمان

وبعد تقرير الدكتور تقدري تبدأي في العلاج, انا مش فاهمة حاجة عندك , هل الدكتورة قالتلك المبيض بتاعك صغير ولا البويضة ؟ واذا كان المبيض صغير ازاي هتكبره اذا كان دي خلقة ربنا ؟

رشا طيب طالما كده كده ان شاء الله جوزك ناوى يعمله ما يعمله بعد التلات ايام احسن

ويارب التحليل يطلع كويس وفعلا المختبر اامن مكان تعملوا فيه والله واحد صاحب جوزى عنده معمل وقبلها كان بيشتغل فى البرج وبيقوله معندهمش ضمير خالص ونتايج كتير بتطلع غلط وشكر لنا فى المختبر جدا واصلا ساب البرج علشان قله الضمير

شوشو ربنا يعينك على جماتك بس فعلا الضنا غالى اووووووووووى وفراقه بيكسر القلب ربنا ما يكتبها على حد يارب معلش هى غصب عنها وكويس انك عند ممتك تغيرى جو عندهم شويه

امونه على فكره انا كمان سمعت ان الكاكاو غلط فى الحمل خلى بالك

جوجو روقى وبلاش تضايقى نفسك علشان البيبى ورربنا يفك كربك

ياسمين عمره مقبوله يارب

باقى البنات ازيكوا عاملين ايه

ازيك يا لميس

حكاية المعامل دي بتفرق من فرع للتاني لان الدكاترة مختلفين في كل فرع , وسواء البرج او المختبر الاتنين معامل كبيرة ونضيفة , انا شخصية بحب البرج مش عارفة ليه :)

والكاكاو بصراحة ادمان , ولازم اعوض حرماني من الريجيم الاول واكل جاتوه شيكولاتة غرقان شيكولاتة وبعدين ابطل:)


هدى

اخبارك ايه يا جميل , عملتي ايه مع جوزك , احتفلتو بعيد الميلاد ولا لسه زعلانه من كلامه ؟


جوجو

انا مش بحسد نفسي انا عارفة قدر نفسي هههههههههههه, انا عارفة اني مفجوعة وكمان من صغري لحد ما رحت الجامعة وانا بيجيلي غممان نفس , ومتعودة عليه وبعرف ازاي اتغلب عليه , واكل اكتر واكتر واكتر هههههههههههه

هروح اطبخ الرز عشان اخلص بقى

السلام عليكم
ازيكم يا بنات

د\امونة;14807315:
ازيك يا لميس

حكاية المعامل دي بتفرق من فرع للتاني لان الدكاترة مختلفين في كل فرع , وسواء البرج او المختبر الاتنين معامل كبيرة ونضيفة , انا شخصية بحب البرج مش عارفة ليه :)

والكاكاو بصراحة ادمان , ولازم اعوض حرماني من الريجيم الاول واكل جاتوه شيكولاتة غرقان شيكولاتة وبعدين ابطل:)


هدى

اخبارك ايه يا جميل , عملتي ايه مع جوزك , احتفلتو بعيد الميلاد ولا لسه زعلانه من كلامه ؟


جوجو

انا مش بحسد نفسي انا عارفة قدر نفسي هههههههههههه, انا عارفة اني مفجوعة وكمان من صغري لحد ما رحت الجامعة وانا بيجيلي غممان نفس , ومتعودة عليه وبعرف ازاي اتغلب عليه , واكل اكتر واكتر واكتر هههههههههههه

هههههههههههههههههه


يكرة نشوووووووووووووف;)

حبيبة امها 4;14807350:
السلام عليكم
ازيكم يا بنات

وعليييييييييكم السلام

ازيك F:

ازيكو يا بنات عاملين ايه :)
انا الحمد لله عملت التحليلات
وعايزه اعرف منكم هى كده كويسه ولا ايه
fsh 5
lh 11,9
معرفش حساهم مش اووى صح ولا ايه:-#^o)

السلام عليكم ورحمة الله وبركاته

ازيكم يابنات وايه الاخبار معاكم
دينا عامله ايه ياحبيبتى روحتى للدكتور تانى ولا لا طمنينيى عليكى ياقمر

امونه عامله ايه ياعسل واخبار البامبينو ايه هتلاقيه لسه مؤدب معاكى لسه مبدأش كورس القرف هههههههههههههههههه مش تستعجلى ربنا يكرمك يارب ويثبتهولك

حبيبة أمها شيرين صح عامله ايه ياحبيبتى انتى هتنزلى مصر امتى وانتى اعده فين اصلا

ميرا الوحشه مش هقولك حلوه دلوقتى خالص
عامله ايه والبامينوز عاملين ايه اهتمي شويه بنفسك يابنتى ده الواحد شايل نونو واحد ومخستع على الاخر امال انتى تعملى ايه بقى حساكى شبه الفرخه الدايخه
اتغذي عشان مش تتعبى فى اخر شهور معلش وربنا يقومك بالسلامه يارب عرفتى نوعهم ولا لسه

منايا ياقمر ازيك انا نفسي لما اجي السعوديه اشوفك والله ونونس بعض بقى هناك وابقى اديكى رورو شويه واعيش حياتى عروسه تانى ههههههههههههههههههههههههه

وسلامى لكل البنات القمرات اللى هنا

امونه.......انا اقصد البويضه معلش كنت لسه راجعه ساعتها ومكنتش مركزه
هى قالتلى ان البويضه 14سم وهو ده بس اللى عندى

مسك ازيك يا جميل , اخبارك ايه ؟ بتكلمي جوزو كتير ولا ايه :lol::lol:, يلا بئة انجزي واولدي في السريع عشان الراجل استوى خلاص من بعدك يا غزال هههههههههههههههه

ام الحسناء...;14807440:
ازيكو يا بنات عاملين ايه :)
انا الحمد لله عملت التحليلات
وعايزه اعرف منكم هى كده كويسه ولا ايه
fsh 5
lh 11,9
معرفش حساهم مش اووى صح ولا ايه:-#^o)

اسماء هرمون ال اتش عالي يا جميل المفروض يكون نص ال اف اس اتش , هو هنا اكتر من الضعف دا معناه ان في عندك تكيسات في المبيض

لازم تروحي للدكتورة تعملك سونار مهبلي وتشوف علاج للتكيسات دي

ra_tamima;14807483:
امونه.......انا اقصد البويضه معلش كنت لسه راجعه ساعتها ومكنتش مركزه
هى قالتلى ان البويضه 14سم وهو ده بس اللى عندى

البويضة حجمها 14 يعني حجمها ما شاء الله كبير يا رشا , انتي عاملة التحليل في اليوم الكام من الدورة؟ البويضة حجمها بيكبر 1 ملي كل يوم

المفروض حجم البويضة المناسب للتلقيح يبقى من 18 الى 24 وهتوصل للحجم دا في اليوم ال 14 من الدورة

mesk_2005;14807460:
السلام عليكم ورحمة الله وبركاته

حبيبة أمها شيرين صح عامله ايه ياحبيبتى انتى هتنزلى مصر امتى وانتى اعده فين اصلا

وسلامى لكل البنات القمرات اللى هنا

انا فى الرياض ومش عارفة لسة هنزل امتا
انا المفروض كنت هنزل الشهر الجاى
بس ممكن اجل لشهر 6

د\امونة;14807625:
مسك ازيك يا جميل , اخبارك ايه ؟ بتكلمي جوزو كتير ولا ايه :lol::lol:, يلا بئة انجزي واولدي في السريع عشان الراجل استوى خلاص من بعدك يا غزال هههههههههههههههه





اسماء هرمون ال اتش عالي يا جميل المفروض يكون نص ال اف اس اتش , هو هنا اكتر من الضعف دا معناه ان في عندك تكيسات في المبيض

لازم تروحي للدكتورة تعملك سونار مهبلي وتشوف علاج للتكيسات دي



البويضة حجمها 14 يعني حجمها ما شاء الله كبير يا رشا , انتي عاملة التحليل في اليوم الكام من الدورة؟ البويضة حجمها بيكبر 1 ملي كل يوم

المفروض حجم البويضة المناسب للتلقيح يبقى من 18 الى 24 وهتوصل للحجم دا في اليوم ال 14 من الدورة

كنت عامله السونار ف اول ايام التبويض وساعتها الدكتور قالى لازم تبقى 18سم او اكتر يعنى صغنزنه شويه

كمان نسيت ااقولك ان الدكتوره شافت صدرى علشان موضوع هرمون اللبن ده مش لقيت حاجه وطبعا كشفت نسا علشان تشوف حاجه اسمها قرحه والحمدلله مفيش حاجه
تفتكرى كده موضوع البويضه الصغنونه دى مش مشكله اوى :(

اول ايام التبويض يعني اليوم العاشر من الدورة يا رشا صح كده؟

لو كانت البويضة في اليوم العاشر حجمها 14 ملي معناه ان يوم خروج البويضة في اليوم ال 14 من الدورة هيبقى حجمها 18 ملي واعتقد كدا ان حجمها كويس وممكن تتلقح بسهولة لاني انا بويضتي بتبقى في نفس الحجم تقريبا

مش عارفة ازاي يا أمونة... طيب هي النسبة الطبيعية ممكن تختلف من معمل للتاني مثلا؟؟؟ أصل هم في نتيجة التحليل كاتبين كل التحليل بالتفصيل الطبيعي تكون نسبته كام و هو نسبته كام و هو كدا ناجح وللا ساقط..:) و كاتبين جنب النتيجة اللي هي 76% ان الطبيعي انها تكون أقل من 70%... و الدكاترة في مصر و هنا شافوها و كلهم قالوا نسبة بسيطة مش مهمة.. انتوا كدا قلقتوني اوي... بس العدد الحمد لله ممتاز جدا و الحركة ممتازة جدا و كل حاجة تانية حتى الدكتور لما شافها قال التحاليل ممتازة.. معقول كل الدكاترة دول مش بيفهموا :(