شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

دينا حمدى;14645099:
صباح الفل يا امونتى ياحلوة
ادعى لى يابت رايحة للدكتورة دلقوتى وهعمل التحليل
سلام ياحلوين

ربنا يطمنا عليكي يا دندون , شكلك كده وريتي جوزك العين الحمرا عشان يروح معاكي النهارده:lol:

manyaa;14645212:
.....
أديني نمت جعانة و صحيت جعانة و لحد دلوقتي ماحطتش حاجة في بطني من امبارح الظهر.. جعااانة بس مليش نفس آكل أكل الدايت.. مش عارفة أكل ايه...:(

طبعا البنات زعقولك بما فيه الكفاية بس انا هكمل عليهم هههههههههههه

انتي يابت لو سبتي نفسك تجوعي هتجيلك فجعة وتبوظي الدايت, كلي فاكهة , انا باكل تفاح بيسد نفسي وبيشبعني, اشربي شاي يا منمن وخصوصا الاخضر بيحرق سعرات كتير

في حاجة كمان سمعت الدكتور بتاع التغذية على قناه الحياه بيقولها

بيقول ان في حبوب شاي اخضر , بس تركيزها حوالي 300 مجم يعني اد 20 كوراية شاي اخضر وبتساعد اوي على الحرق, , اسألي كده عليها عندكم

أجمل ايام العمر;14645529:
فطرت و جيت بس حاسة اني هدومي وسعت شوية مع ان الميزان ثابت انا بوزن كل ساعتين من كتر الجوع

لا انتي عديتي خلاص مرحلة الهسهس الى مرحلة الوسوس :lol:
اعقلي يا هدى وسيبي الميزان عشان هيجيبلك احباط , الوزن بس في اخر الاسبوع عشان تقدري بجد تقيمي التزامك بالدايت



انا هدومي وسعت عليا خالص وخصوصا الجيبات ورجعت تاني احط فيهم دبابيس تمسكهم :)

وسطي بقى رفيع خالص بس المشكلة ان بطني لسه موجودة, عندي بطن صغنونة من تحت , صحيح خست شوية بس لسه موجودة, مش هتروح الا بالرياضة

أجمل ايام العمر;14646922:
انا زهقانة جدا

مالك يا هدى خير ان شاء الله

manyaa;14640883:
ههههههه اه طبعا يا كلاسيك واخدة بالي منك من زمااااااااااااااااااااااااااااااااان :)
و على فكرة كدا احسن انك مش ملهوفة على الخلفة و ماتخافيش انت طبيعية يا حبيبتي...:) عشان لسة عروسة... أصلا دكاترة كتير يقولوا ماتبدأوش تقلقوا غير لما يعدي سنة و نص...
و ان شاءالله تحملي قبل السنة ماتخلص هههههههههههههههههه و تيجي تشدي شعرك من العيال..

يا بنات ..هي مين جوجو بركات على الفيس؟؟؟

طيب كويس الحمد لله

انا مش عايزة لا اطول اوي ولا على طول فهماني

عايزة اتمتع بشبابي شوية هههههههههههههه

وربنا يا ستي يكرمنا كلنا ونربيهم كويس من غير شد شعر:lol:

انتى عسولة على فكرة وانا بحبك في الله من زمان

د\امونة;14640926:
ازيكم يا بنات ياللي تحت :)

كلاسيك انتي طبيعية, بس سدئيني كمان شهرين القيامة هتقوم حواليكي والناس هتقولك مفيش حاجة جاية في السكة وانتي هتضحكي معاهم في الاول وبعدين تضايقي منهم وبعديم تعيطي منهم وهلم جرا لحد ماتحملي, ربنا ما يكتب عليكي الانتظار وتحملي علطول

دول من دلوقتي يا اوختشي والله

كل ما حد يشوفني يدعيلي او يسألني

انا اوقات بقول احمل بقى واخلص من الزن واوقات احس انه عادي

واوقات احاول احسس نفسي بسببهم انى ملهوفة ههههههههه

miramiro;14642332:

شوشو
اجمددددددددى ومتفكريش فى الاكل
روحى اغسلى اسنانك بالمعجون او كلمى حد فى التليفون وانتى تنسى الجوووووووووووع اه والله قرائتها قبل كده فى النت

انا كمان لما بغسل سناني بالمعجون بحس انى مش جعانه فعلاً

manyaa;14645597:
كل ساعتين يا هدى هههههههههه.. انا كل يوم بوزن و احيانا مرة الصبح و مرة باليل.. و احيانا بوزن قبل الأكل و بعد الأكل بساعتين .. مش عارفة ليه بس غباء بقى بعيد عنك هههههههههههههه....
بس انا ميبدأش يبان علية وسع هدوم و خسسان غير لما اخس من 5-7 كيلو كدا..
و بلبس حزام رياضي على البطن عشان يسيح شوية دهون ... على الله يجي بفايدة بقى..

ما انا عارفة انه غلط يا مي.. بس انا فطرت خلاص الحمد لله.. بيبقى غصب عني مش بمزاجي..

على فكرة غلط كده لأنك هيجيلك احباط هو يوم واحد توزني فيه بس

يارب سهل;14646994:
يارا ازيك ياجمييلة
شهر وشهرين ايه ياشيخة بس انا بئالى 9 شهور وربنا لسه مأردش:( وانا كمان مش ملهوفة انا خاايفة برضه هى مسئولية ومصاريف وفلووس وكدا وانا بصراحة جوايا شعورين متناقضين تماما ونفسى اتكلم مع حد انا كمان وافضفض معاه
انا كنت همووووووت واشتغل والحمد لله اشتغلت وشغلى صعب جدااا يعنى بنروح مثلا 9 10 بالليل ملناش مواعيد وكمان ساعات بنروح نذاكر فطبعا الشغل دا مينفعش لو فى بيبى،ولا لو مفيش بيبى كمان وحياتك:'(:'(بس انا خايفة احمل مثلا واضطر اسيب شغلى وانا عارفة اد ايه مهم ان يكون ليكى فلوسك الخاصة وف نفس الوقت انا زهقانة وقرفانة من شغلى جدااا لانه جى على حساب كللللللل حاجة ف حياتى
نفسى اى حاجة تحصل تريحنى من الحيرة اللى انا فيها دى
وان شاء الله ياستى ربنا يرزقنا قريب

اهلااااااااااااااااااااا

اخيراً لقيت حد رفيقي في المشاعير هههههههه

لأ بس كده حرام يابنتي انا امي بتبوس رجلى علشان انزل اشتغل

بس انا انطوائية شوية ومباخدش على الناس بسرعه

ومبعرفش اتعامل اوي مع الناس خاصة لو زحمة

ده انا بخاف اخرج لوحدي او اشتري حاجة لوحدي يابنتي

وحتى لو كده عايزة اشتغل شغل معين في دماغي ومعرفش هينفع

حالياً ولا لأ بس عامة صعب اوي علشان تحققي ذاتك

تقضي على حاجات كتير كده اعمل استخارة وشوفي

انا رأيي تحاولي تشوفي حاجة مريحة اكتر وليكي الحرية طبعاً


ازيكو يا بنات انتو مش عايزين تتعرفوا عليا ولا ايه :(

يارب سهل;14646994:
يارا ازيك ياجمييلة
شهر وشهرين ايه ياشيخة بس انا بئالى 9 شهور وربنا لسه مأردش:( وانا كمان مش ملهوفة انا خاايفة برضه هى مسئولية ومصاريف وفلووس وكدا وانا بصراحة جوايا شعورين متناقضين تماما ونفسى اتكلم مع حد انا كمان وافضفض معاه
انا كنت همووووووت واشتغل والحمد لله اشتغلت وشغلى صعب جدااا يعنى بنروح مثلا 9 10 بالليل ملناش مواعيد وكمان ساعات بنروح نذاكر فطبعا الشغل دا مينفعش لو فى بيبى،ولا لو مفيش بيبى كمان وحياتك:'(:'(بس انا خايفة احمل مثلا واضطر اسيب شغلى وانا عارفة اد ايه مهم ان يكون ليكى فلوسك الخاصة وف نفس الوقت انا زهقانة وقرفانة من شغلى جدااا لانه جى على حساب كللللللل حاجة ف حياتى
نفسى اى حاجة تحصل تريحنى من الحيرة اللى انا فيها دى
وان شاء الله ياستى ربنا يرزقنا قريب

بصى انا عاوزة اقولك على حاجة اولا و اخيرا اللى ربنا عاوزة هو اللى هيكون انا حاسة بكلامك لانى ظروفى شبه ظلروفك شويه شغل و مذاكرة و مسئولية و سعات اقول ربنا لسه مرزقنيش عشان عارف ان كل ده هيكون صعب عليه انا فى رايى روحى لدكتور و اكشفى و اعملى التحاليل و الحجات دى و لو مفيش مشكلة و كله تمام سيبيها شويه على الله على ما تظبطى ظروفك خصوصا ان بقالك مش كتير خالص
انت معرفتيناش عليكى بس انا فكراكى اظن كنتى بتشاركى فى التجهيزات لو انا الذاكرة عندى شغالة يعنى

* كلاسيك *;14647060:



ازيكو يا بنات انتو مش عايزين تتعرفوا عليا ولا ايه :(

ايه ده يارا هنا و هل يخفى القمر يعنى ازيك يا عروسة

كلاسيييك

اززيك عاملة ايه

منورة التجمع :)

عرفينا عليكى :D

حبيبة امها 4;14645811:
انا وزنى 80 الطول 169
اللى مزعلنى ان انا يوم فرحى الصبح كنت 70 وبقيت 80

عادي يا شوشو انا وزني وطولي زيك وخسيت بقيت 73 في 7 اسابيع ابدأي انتي ومتخافيش

محبة_الرسول;14646867:
يا بنات

تردد قناة المحور الجديد

11296
افقى (H)
معدل الترميز 6/5


انا جبتها وشغالة

بكرة فى برنامج الطبيب الساعة 2 ونص

د عبدالطيف سويلم هيشرح المنظااااااار

فيديو

الدكتور ده بحسه محترم اوووى وفااهم ما شاء الله

كتر خيرك يا عليا , كانت رايحة خالص من عندي , دلوقتي بتفرج على دكتور سيد الاخرس

أجمل ايام العمر;14646922:
انا زهقانة جدا

طيب اخرجي يا هدى وغيري جو

الحمد لله تمام ازيك انتي يا مي وحشاني والله

اصل انا بحبك في الله والله مش عارفه ليه هههههههههه

محبة

اهلاً بيكي يا حبيبتي

انا يارا .. ليسانس اثار .. متجوزة بقالي 3 شهور

من الشرقية اصلاً بس اتجوزت في القاهره ف وحيدة بقى وشريدة

بــــــــــس

يا اهلا بيكي يا يارا انا كنت عارفة اسمك بس ههههه

انتي كم سنة يا يارا وساكنة فين في القاهرة؟

انا امونة , 27 سنة , صيدلانية , مش بشتغل, من المنصورة وعايشة في كايرو

* كلاسيك *;14647125:
الحمد لله تمام ازيك انتي يا مي وحشاني والله

اصل انا بحبك في الله والله مش عارفه ليه هههههههههه

محبة

اهلاً بيكي يا حبيبتي

انا يارا .. ليسانس اثار .. متجوزة بقالي 3 شهور

من الشرقية اصلاً بس اتجوزت في القاهره ف وحيدة بقى وشريدة

بــــــــــس

ايوه كده يا يارا صيتينى فى التجمع هو انا كده كل الناس بتحبنى :lol: شوفتوا بقى
بس انت بدرى عليكى اوووووى تبقى فى تجمع زى ده عيشى حياتك يا بنتى

(يارب سهل )عرفينا بيكي يا جميل

بالنسبة للشغل , انا بقولك الشغل مش هينفعك لما تحملي خصوصا انك بتتاخري في الشغل
متشغليش بالك دلوقتي , لما تحملي هتلاقي حساباتك اتغيرت خالص , ممكن تلاقي نفسك تعبانة من الحمل , او حملك ضعيف وتضطري تقعدي في البيت

حكاية بئة ان يبقالك فلوسك الخاصة , انا شايفة مفيش فرق بين الزوج والزوجة واللي انتي عايزاه اطلبيه من جوزك ياستي :) بس خليكي خفيفة في طلباتك :)


ميوي

ازيك يا بطة , اخبار مزاجك ايه النهارده

هدي رمت كلمه انا زهقانه ومشيت ؟؟؟؟؟؟؟؟؟؟؟؟؟؟؟

ازيكم يا بنات

امونه اانا لسه متغديه هيه هيه هيه هيه امبارح نمت جعانه وبقيت طول اليل بقول امتي النهار يطلع عشان افطر ههههههههههههههههههه شوفتي الهبل بتاعي

مني ازيك يا قمر عامله ايه الدكتور قالك المنظار امتي يا جميل ؟ وهو دكتور مين اصلا ؟؟؟

د\امونة;14647197:
(يارب سهل )عرفينا بيكي يا جميل

بالنسبة للشغل , انا بقولك الشغل مش هينفعك لما تحملي خصوصا انك بتتاخري في الشغل
متشغليش بالك دلوقتي , لما تحملي هتلاقي حساباتك اتغيرت خالص , ممكن تلاقي نفسك تعبانة من الحمل , او حملك ضعيف وتضطري تقعدي في البيت

حكاية بئة ان يبقالك فلوسك الخاصة , انا شايفة مفيش فرق بين الزوج والزوجة واللي انتي عايزاه اطلبيه من جوزك ياستي :) بس خليكي خفيفة في طلباتك :)


ميوي

ازيك يا بطة , اخبار مزاجك ايه النهارده

انا الحمد لله

بس انا ليه راى فى موضوع الشغل و الفلوس الخاصة االشغل كشغل فى رايى بيدى الواحد خبرة و تجارب و بيخليى شخصيته تبقى احسن النقطة دى بعيدا عن الفلوس يعنى مفيش شك فى ان الشغل فى حد ذاته ليه هدف و قيمة فى رايى على الاقل
بالنسبة بقى لموضوع الفلوس الخاصة ده طبعا هو مفيش فرق بين الاتنين بس انا بحس كون الواحدة معاها فلوس بتاعتها هى ده بالنسبالى شىء مهم جدا حتى لو هى جوزها مش مقصر معاها خالص بس احساس ان ليا فلوسى الخاصة ده بيريحنى حتى لو انا مش بصرفها مش عالرفة يمكن لان انا مبحبش اطلب حاجة من حد او بتكسف مش عارفة انتم ايه رايكم فى الموضوع ده عاوزين نعمل استفتاء عام

مي و يارب سهل اززززززيكم

يارب سهل اهلا بيكي معانا بس قوليلنا اسم اسهل من ده ههههههههههههههههه

مي كلامك صح انا مع قصه الفلوس دي لازم الست يبقي ليها استقلاليه في فلوسها يمكن عشان انا كنت بشتغل في مصر برضه اشتغلت 5 سنين من اول ما اتخرجت ومن ساعتها مبطلبش من اهلي مليم والله حتي جهازي عملت منه كتير من مرتبي كنت فرحانه اوووي بكده وبعد مااتجوزت وجوزي سافر وسابني نزلت شغلي تاني 9 شهور علي بال ما بعتلي كنت بقوله متبعتليش فلوس انا بشتغل ومعايا الحمدلله قالي انا ماليش دعوه بشغلك مصاريفك كله عليا انا مش علي شغلك فكان بيبعتلي وكنت بصرف منه وكنت بحوش مرتبي شوفتي النصاحه هههههههههههه وكمان مكنتش بصرف لاني كنت قاعده مع بابا وماما ولو جبت حاجه في البيت كنت بتضرب هههههههههههههههههه بجد كانوا بيخصموني ويفضلوا يشتكوا لجوزي كانت اياااااااااام والله لكن هنا انا عاطله الحمدلله بس ليا مصروف شهري باخده من جوزي خاص بيا انا مش للبيت خالص اعمل بيه اللي عايزاه

انا كمان يا مي بتكسف اطلب جدا من جوزي بس هو اللي طلب اني مشتغلش , يستحمل بقى ههههههههههههه

هو نفسه لو اشتغلت , اشتغل في مكان نضيف , يعني انا كنت بشتغل في مستشفى في الارياف وبركب مواصلات وبتبهدل , قاللي الحالة الوحيدة اللي تخليني اوافق انك تشتغلي لما يكون مكان نضيف وبره مصر كمان

بس انا بصراحة مش اد الشغل انا كفاية عليا البيت , بيدوخني والله


شوشو حبيبتي انتي مش مجنونة انا كنت زيك كده امبارح هموت من الجوع وكنت بقول امتى ييجي الصبح عشان افطر هههههههههه

قوليلي بئة اتغديتي ايه

انا هاكل تونة النهارده ان شاء الله

انا هقوم اصلي العصر واجي

shoshet*himo;14647238:
مني ازيك يا قمر عامله ايه الدكتور قالك المنظار امتي يا جميل ؟ وهو دكتور مين اصلا ؟؟؟

الحمد لله يا شوشو
ربنا يقويكى على الرجيم يا جميل

انا لسه هقوم دلوقتى اصلى العصر وبعدين هنزل اروح للدكتور ان شاء الله لما اجى هقولك الميعاد امتى

اسمه د/ شريف حبيب
عيادته فى مصر الجديدة وبيروح كمان رابعة

ادعيلى بقى علشان مرعوبة اوىىىىىىىىىىى