وين فصلتون غرف نوم اطفالكم امهات البحرين

ما عندي خبر إن شاء الله البنات يفيدونش

قبل شهرين شريت غرفه نوم لبناتي من احمد شريف سريرين عراض وكبت وتشريحه مع المكتب والكرسي وشماعه على قلم ومنطرة طويلة تتنقل وكميدينو وحده طبعا الغرفه مالت شخص واحد بش شريت سرير زود نفسه طلع عليي 665 كنت أبي تفضيل خصوصا ان سعرها مو بسيط بس أبوهم قال أسرع ودفع ليهم

وقبل جم يوم جفت في هوم ستور إشكالهم روعه بس ما أدري عن الكوالتي

الحياة والامل;14655396:
أنا بعد قاعدة ادور لي أولادي غرفة نوم ابغي سرير بو طابقين وكبت 6أو8 أبواب وكمودينو
زوجي راح آل سليمان يقول شغل مو زين حتى في المنتدى ايقولون شغلهم مو زين بس اني ماشفت صراحة ايقولون بس ديزاينت
وقاعدة ادوور للحين كل المفروشات تقريبا رحتها يا غالي يا مو زين وزوجي يبغي بحرينية قلنا بروح سوق التلفزيون قال نفس الي في الشعبي بس ارخص هناك
دائما احصل بس السرير بروحه وما ابغي تكون الحجرة(مركعة) كل شي بروحه
والحين محد فاضي وما نقدر نطلع(الله ينصر البحرين يا رب)
شفت في لأسود سرير عادي بو طابقين حليو وبحريني ب160 لكن بدون الكبت والكمودينو

خيتو اذا تبغين تفصيل وبدون ديزاينااا سوي في الحرم او الشوملي ناس وااجد يمدحوونه وصنااعة بحرينية

بالنسبة لي الحين فكرت دااام انه بس كبت رااح اسوي من آل سليماان ولما يصير عمر ولدي سنتين سنتين وشووي بسوي له غرفة نوم كااملة