ثلج ونار;14685625:
سلام عليكم
شخباركم يا حوامل
انا قررت اليوم اشارك بنات ديرتي هني واسلم عليهم مع اني من زماان اتابعكم بس للاسف ماعندي خبرة وماقدرت افيدكم بس استفدت وقريت من هني واجد وخزنت عندي ملف التجهيزات :)
انا عندي ولد عمره 3 سنوات بس قبل لا اجهز ولدت في بداية الثامن هههه ولا سويت له توزيعات ولاشريت شي غير الملابس الاساسية كنت رايحه السعودية وخديت جم قطعه اشوى ووصيت على مفرش وولدت وهو ماستوى ههههه لما ولدت زوجي صيف عند المحل كل يوم يروح لهم وبعد رحت عند ام منذر وخديت لي واحد جاهز مخمل ناعم وعندها فراشات حلوين واجد وجاهزين يعني زين للازمات نفس ولادتي هههه كلما اذكر اضحك بعدها سويت توزيعات لما طلع ولدي من المستشفى لانه كان خديج وظل بالمستشفى شهر وكانت بسيطه خديت كاكو واعواد خشب لصقتهم ومرت اخوي سوت بطاقات حطتهم عليهم ماقصرت :)
والحين حامل بالسابع ولحين ماشريت غير ملابس وبعد باقي لي جم قطعه وطقمين 3 كاملين وباااقي الاشياء الادوات والفراشات وملابسي مممم
بس الاوضاع مثل ماتعرفون مو مناسبة ولا لاقيه وقت اروح اكمل الاغراض والتجهيزات والاماكن الحين صارت مو امااان واخاف اطلع بروحي وزوجي دايما مشغول يارب تهدى الاوضاع عندنا وعند باقي الدول وتعدي هالازمة على خير
ممم هدرت واجد ماعليه استحملوني متمللة قاعده بروحي :)
اما التوزيعاات فانا مااحب اسوي شي تحف او بس شكل مامنه فايدة فللحين افكر اني بسوي بس جوكلت وكب كيك وبسوي توزيعات اقلام حلوة او شي للاطفال اما الكبار بس الجوكلت والكب كيك لاني تعبت وانا افكر مو لاقيه شي عملي
واقصد بشي عملي يعني يظل لفترة او يستفيدون منه مثلا شنطة الفراولة سويتها بقرقاعون ولدي والكل استانس منها والحين عايلتنا كلهم يحطونها في شناطهم يستفيدون منها للطلعات وجدي او ابواك تلفون او شي جدي يعني الواحد يستفيد منه
وحاليا مافي الا سجاده الصلاة ماسويتها وكان خاطري فيها لقرقاعون ولدي الاخير بس ماحصلت كمية فافكر لو بسوي بسوي السجادة شراايكم؟؟؟ والي تعرف وين احصلها مرتبه وحلوة وسعرها زين وكمية وين الاقي تخبرني!! :)
وتحيااااتي للجميع والله يسهل علينا وعليكم
تحصلين سجاده الصلاه الصغيره في محل بو 200 فلس وان شاء الله قدرت افيدج:D
