ما ادري انا مريضة و لا حالة طبيعية للصدمة الي صارت لي

الله يفرج همك ويصبرك

Dior Me;14596442:
لاحبيبتي مو مرض .. اللي فيكي سخط على قضاء الله وقدره بدون ماتحسي ..
انتبهي من كذا لحظات .. ممكن تقولي كلمة وتخرجي من الملة وانتي ماتدري ..
كل ماحسيتي نفسك متضايقة و تعبانة امسكي المصحف واستغفري ربك وصلي ..
اذا تحبي خطيبك من جد سوي شي عشانه .. تصدقي عنه ..ادعي له ..
فكري في مشروع يكون له صدقة جارية تنفعه في قبره..
حتى لو تشتري مصاحف وتحطيها في المسجد ...
او تساهمي في بناء مساجد في افريقيا والبلدان الفقيرة عن طريق الجمعيات اللي عندكم في البحرين ..
كلها مبلغ بسيط لايذكر سبحان الله انتي وغيرك يدفع وربك يبارك وتكبر وتبني مسجد ..
اكفلي يتيم وانوي ان أجر الكفالة لخطيبك .. بيجيكي الثواب وبيجيه ..
ربك كريم ياقلبي .. الجئي له عمرك ماترجعي خايبة ..
البكاء والنكد واللي تسويه في نفسك ماينفعه بشي ..
ما الومك على حالتك انتي معذورة ولك حق تحزني .. بس مو كذا ..
احزني الحزن الوقور اللي يخليكي تفكري بعقل وتنفعيه في قبره ..
مو تبكي وتصحي من نومك مفزوعة وتحرقي في قلبك وتفتحي للشيطان مليون باب ماينقفل اعوذ بالله منه ومن وساوسه ..
الدنيا ماشية ياحبيبتي .. وكلنا الى زوال .. محد مخلد ..
مايدوم الا وجه ربك سبحانه وتعالى ..
اصبري الصبر الجميل اللي من غير تذمر وخلي رجائك في الله وأملك كبير ..
الله يعوضك خير ويرزقك فرحة تنسيكي حزنك من غير ماتنسي خطيبك
وتستمري في الدعاء له .. ويجعل دعواتك زي زخات المطر تروي قبره وتنوره وتسعده ..
ربي يرحمه ويغفر له ويجعله من اهل الجنة ويرزقك جميل الصبر والسلوان ..

:thumbs_up::thumbs_up::thumbs_up::thumbs_up:

الله يفرج همك ويشرح صدرك

الله يرحمه ويصبركم
عزيزتي استغفري الله فهو من اعطى الحياة وهو من يأخذها من يقدر يقول ليش فلان يموت وفلان ثاني ما يموت,هذى اقدار واختبار احزني اغضبي ما تلامين من قوة الصدمه لكن اخيه اصمدي وتعوذي من الشيطان,فترة وتهدى نفسيتج وان شاء الله ربي يرزقج بغيرة والحياة ماشيه ناس تموت وناس تنولد,اختى عمتى شهدت وفات بنتها كانت بالطريق نازله الدوحه وهي شافتها بالسيارة وكانت تكلمها اشوي الا تقول لها يمه انقلبنا وكان ذي اخر شي سمعته من بنتها تتوقعين ايش ردت فعلها من اول يوم كنت اشوفها تصلي وتدعي لها صج تأثرت مرة تضحك مرة تصيح مرة تسرح وتمت فترة لكن اصبرت وذي اللى ابيج تسوينه الصبر ثم الصبر

الله يصبرك إن شاء الله ويدخله فسيح جناته

تأكدي أختي إن هذه الحالة إلي تمري فيها من الصدمة الله يفرج همك

إكثري من قرأت القرآن والدعاء

اول شيي...عظم الله اجرك ... والله يصبرج ويمسح على قلبج ....
.... الواحد صعب علية اذا يفقد شخص عزيز له .انه شفت تشييعة وصوورة .. وكل شووي اتذكر واصيح .. شلون انتي وهو خطيبج ..؟ ... الله يكون في عوونج ويصبرج .... كفاية الصدمة ال انحطيتي فيها.... دايما اقري قرآآن وادعي له .وقولي الحمد لله انه مات شهيد ..وطلعي عنه صدقة ... وانشالله ربي بيعوووضج ...

هنيئا ليه الشهادة ..واكيد اللي فيش حالة طبيعية للحزن ،الله يصبرش ويمسح على قلبش
والله ما ادري شقول اكثر بس عليش بالقران والأدعية تخفف على المهموم وتذكري ان الله سبحانه وتعالى موجود وما ينسى عبده.

{ نور آلـ ع ـرب..~;14597536:
{ حبيبتي عساه شهيد وربي يعوضه بالخير ..~
اختي بقولك شي
كل ماحسيتي نفسك متضايقة اقري قران او شغلي قران عندك بالغرفة
واسمعيه بهدوء واذا ودك تبكين طلعي اللي بخاطرك كله
السالفة ماصار لها مدة علشان تتاقلمين
لكن ان شاء الله مع مرور الشهور راح تتاقلمين ع الوضع حبة حبة
طولي بالك واذكري الله واستغفريه وادعي له
كلنا راح نموت بالنهاية
الي يستعجل اجله والي يتاخر
لاتخلي ربك يغضب عليك بسبب لحظة ضعف
تعوذي من ابليس
وحاولي تخرجين من الجو الكئيب الي حاطة نفسك فيه
انا متاكدة ان ماراح يسره يعرف انك مكتئبة بسببه
اكيد مايرضى يشوف دموعك
ولو كان عندك وحي بيزعل لو شافهم
يرضيك تخلينه يزعل ويتضايق ومايقدر يسوي لك شي؟
علشان كذا طولي بالك اختي
وهدي نفسك
ومحد يدري موته يمكن رحمة له من الدنيا ومافيها
قولي الحمدلله ع كل حال
وان لله وان اليه راجعون
ربي يعوضك
وربك راح يعوضه بالجنان

واذ تحبينه صدق وزعلانة عليه
وتتمنين يكون سعيد
سوي له صدقة جارية باسمه
وعسى اجرها يوصله لقبره
ويستمر ميزان حسناته بالتزايد

بكذا تسعديه
مو بدموعك

الله يجعل مثواه الجنة وانا من راي الاخت سوي له صدقة جارية

مشكورين على الرد بحاول اسوي مثل ما قلتوا ان شاء الله
جنة القلب
خطيبي توفى يوم الاربعاء بحادث سيارة دعمه واحد و كان ممكن يعيش لو وقف و ساعده و طلب له الاسعاف
و الي صار يوم الخميس زادت عندي حالة الكابة لان بيتي واجد قريب من الدوار و سمعنا كل شيء

مشكورة

معاج أوركيد , عزيزتي أنت مررت بإمتحان عصيب وانا اعرفك جيدا بأنك

فتاة قويه وصالحه ومؤمنه أنا اثق بك كثيرا , واثق بقوتك والتي مثلك يمكنها

أن ترفع رأسها الى الأعلى وتتمشى ايضا تنشر الإبتسامه الرائعه للآخرين

فأنا على دراية بأهل بحرين الطيبة , وكذلك الظروف التي

تمر بها البحرين قد تكون اثرت بك ولكن هي فتره وتعدي يا حبيبتي ثقي

بالله , ما ممرت به ليس بالسهل , إن الله يحبك كثيرا , لأنك مؤمنه وأناواثقة

من هذا , نعيش سعداء واحيانا نتعرض لإمتحانات وليس لإمتحان واحد

والشاطر فينا الي يشكر ربه ويتفائل ويبتسم ,

قال تعالي ( إن مع العسر يسرا,فإن مع العسر يسرا ) الآيه الأولى تخبرك أن

بعد العسر يسروهذه آية وليست شعر , ولكن الثانية جاءت تؤكد أن بعد العسر

التي تتعرضين له يسر بإذن الله ولكن شريطة أن تؤمني أن ما حدث لك

نصيب ومقدر , الله يوفقج ويسعدج اللهم آمين :L:

جنة القلب;14603249:

الله يرحمه

بس غريبة مشاركاتج اختي في هالفترة ماتدل انج فاقده شخص عزيز !!

مادري يجوز بعدج مب مستوعبه اللي صار الله يعينج :)

لا حول ولا قوة الا بالله

انا لله وإنا إليه راجعون

الله يرحمه ويعوضه شبابه بالجنـّـه وجميع أموات المسلمين

الله يصبرك .. ويصبر أهله ويعوضكم خير

حبيبتي .. مالك في هالوضع الا ~ الصبر ~ وتذكري أن هذا حال الدنيا .. ما تدوم لأحد .. ولو دامت لأحد لدامت للنبي صلى الله عليه وسلم ....!!!! هذا وهو نبي توفاه الله .. وبكت عليه الأرض كلها .. بس مثل ما قلت لك .. حال الدنيا ..

تقربي لله تعالى تحسي براحة وطمأنينة ..

اذا قمتي آخر الليل مفزوعة .. سمـّـي بالله الرحمن الرحيم .. وتعوذي من أبليس .. وصلي " الوتر " وأدعي ربك .. وأبكي الى صلاة الفجر .. راح ترتاااااحين راحة ما مثلها صدقيني والله ..

:'(

~

اللهـ يرحمهـ يا رب ويمسح على قلبج

اذكري اللهـ يا قلبي :(

وتأكدي ان هالشي طبيعي نتيجهـ الصدمهـ

وانا ما ألومج لأن صج صعب فقدان انسان عزيز

واللهـ يصبرج يا قلبي

:'(

قلبي معاك اختي بس اقولك ربي يصبر ويجعل مثواه الجنة

والله عجز لساني الله يرحمه ويصبرك

جعلها آخر الأحزان .. وتمسح على راسش الزهرااء ..

أحزنتيني .. شعور جداً مؤلم تفقد شخص عزيز على قلبك .. بس هذا قضاء الله وقدره ومانقدر نعترض عليه ..

أختي الشعور الي تحسين فيه طبيعي من الصدمة والله يكون بعونش .. بس تقدرين تخففين على روحش بقراءة القرآن والتقرب من الله .. أجعلي ثقتش بالله قوية حتى تحسين بالأمان والسكينة

إذا فعلاً تحبينه إدعي ليه بالمغفرة والرضاا .. أهو محتاج دعائش .. مايريد بكاء ولا عويل .. سوي ليه أعمال من قراءة قرآن وصلوات حتى تنفعه في القبر ويوم المحشر ..

والله يصبركم إن شاء الله ..

جنة القلب;14603249:

الله يرحمه

بس غريبة مشاركاتج اختي في هالفترة ماتدل انج فاقده شخص عزيز !!

مادري يجوز بعدج مب مستوعبه اللي صار الله يعينج :)

الله يسامحش ..

الأخت مادخلت أهني وكتبت إلا لانها تبي تفرغ أحاسيسها وكبتها ..


وبالعكس أختي فاطمة حاولي تشغلين روحش باشياء معينة .. وتجنبي تقعدين لوحدش بكثرة حتى ماتفكرين واجد وتحاتين ..


الله يلهمكم الصبر والسلوان

ﭧ ﭨ ﭷ ﭸ ﭹ ﭺ ﭻ ﭽ ﭞ ﭟ ﭠ ﭡ ﭢ ﭣ ﭤﭥ ﭦ ﭧ ﭨ ﭩ ﭪﭫ ﭬ ﭭ ﭮ ﭯ ﭰ ﭼالتغابن: ١١
ﭧ ﭨ ﭽ ﭮ ﭯ ﭰ ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ ﭻ ﭼ ﭽ ﭾﭿ ﮀ ﮁ ﮂ ﮃ ﭼالبقرة: ١٥٦ - ١٥٧
شفتي عليهم صلوااااات من ربهم وليست صلاه واحدة
قولي ياختي (اللهم أجرني في مصيبتي واخلف لي خيرا منها )
ما قالها عبد إلا آجره الله في مصيبته وأخلفه خيرا منها