شهاده بنتي (صف الاول) عطوني حل

اما بالنسبه لعروس الامير..
ياليت لو قلتي كلمه احسن من ردك الا فيه سخريه واستهزاء المرأه حاطه موضوعها للناس الي ترد بكلام يريح البال والقلب..
مو انتي بكل برودك ((هههههه)) وكنتي مدرسه فنيه يعني وخير؟! اول وحده لو اخر وحده..
ومستانسه يعني انك رسبتي البنات..ترا الله يحاسبك..طيب ادا انتي عندك مهاره فيه بعض الناس ماتعرف ترسم..
جايه تتعلم الرسم..مو جايه الى الرسوب والصراخ عندك صح او لا؟؟
درسيهم تمام واعطيهم الدرجات الا يستحقوها مو خسفتي الدرجات ومادري ايش..
دا رأيي بالنسبه لردك..

بصراحة بالنسبة للمادة التربية الفنية هذي موهبة من الله سبحانه وتعالى عمر المُدرسة لو تخرجت من أكبر جامعات العالم ما راح تجبر طالب على الفن وبصراحة المدرسة اللي ترسب طلاب في مادة فنية هذي بصراحة مب عدلة وبعدين موضوع ما يجيب اغراض الفنية او دفاتر هذا في أهل يتابعونه يعني أما بصراحة ما ارضاها ان مدرسة ترسب بنتي على انها ما جابت اللبس او مواد الفن في أهل تتواصل معاهم قبل كل شيء او قبل ما تخطي بخطوة لهذا الموضوع انا مرة رفعت الموضوع لمكتب الوزير ع سب مدرسة فنية لجئت الى خسف الدرجات من غير تنبيهات او أعلام ولي الأمر وهذا أكبر خطأ قد يقوم به المدرس بكل المواد ...

وانصح مدرسي الأنشطة يكونون متواصلين مع اولياء الامور قدر المستطاع والدخول على الطلاب بأسلوب لين فكل معلم او معلمة يستطيع جذب طلابة وجعلهم يحترمونه دون اللجوء الى الدرجات

وطارحت الموضوع ارجوا ان تتجه الى المدرسة وقعدي لها على الصغيرة والكبيرة والله ومن ثم والله ان راح تتعدل دراجاتها حتى لو رسمها مب قد المطلوب لان الرسم موهبة من الخالق

وحسبنا الله على كل انسان تربوي يلجئ الى خسف الدرجات رغبة في فرض شخصيته والاستقواء من البداية وخااااااصة مدرسي النشاط لان النشاط من المفترض انيكون فاكهة اليوم الدراسي المتعب وليس ضغط إضافي
أختي العزيزة في مدرسين الله يهديهم لازم يسون آكشن من بداية السنه بس خذيها مني كلمة دشي ع المديرة دايركت اصلا لو بنتج جايبة هذي الدرجات بتفوق راح تكون لهم صدمة أنا صارت لي ولدي كله تسعينات ومئات الا الرياضة 80 تخيلي دخلت ع المدرس ورويته الشهادة وزقرت المدير ,,, وما طلعت الا ورفعوا درجات ولدي لين ارتفعت 90 شوفي احيانا الغالية تحدث مثل هذي الامور بس صدقيني بالمتابعة والسؤال راح ترتفع خاااااصة مثل ما قلتلج انها نشاط

وحتى لو كانت بنتج نفرض ما تحب الفن إذا رحتي وشفتي راح تبتدعين الاساليب لتحبيبها هذه المادة واشراكها بالانشطة ....للأسف من خلال تجربتي صار التعليم افرضي نفسج بالمجتمع المدرسي والنشاط بجيبك


حبيبتي أنا اكثر وحده حااااااسة فيج لاني انا ما ارضى الثمانينات واعتبرها رسوب


فروحي وتابعي
واخذيها مني نصيحة طلعي ولدج الاول دائما وحطي له استاندر عالي هذا شيء لمصلحتة وما عليج من اللي يقول بعده صغير بالعكس الطفل من يمشي علميه داءما يكون في المقدمة

عيل اللي مسك ولده وهو صغير بعده وعمر ع 6 او 7 سنوات ويأشر له على الاندلس ويقوله ((( انت فاتح الاندلس ))) وكبر وبالفعل فتح الاندلس هل هو في السن 7 او 6 سنوات يستوعب كلام مثل فتح الاندلس لا طبعا بس كبر في نفسة معيار معين (( أن اكون قائدا )) فلا تتنازلين لو ربع درجة أكو أخوانا العرب في الدول الثانية لو ربع درجة ركضوا المدرسة وانتي صيري اخس واخس نبي حبيبتي خليجيييييين نشير اليهم بالبنان ونقول شوفوا العالم او الطبيب او المهندس الخليجي ونقول ونفتخر هذا ولدنا من الخليج ....

ثابري حبيبتي والله بعونج ولا تتنازلين عن الصدارة ابدا مهما كان الامر

العتب

انا والله يا اختي قصتي مثل قصتك بس مو بالفنية بنتي كتير شاطرة ماشاء الله عليها وذكية وكل ما نروح نسال عنها بيحكولنا ما شاء الله عليها متفوقة وهي الاولى عالصف ولما اعطوها الشهادة كلو 95 والله اني انقهرت واتنكدت يوميتها نكد لانها كل الواجبات ما شاء الله عليها بتحل وبتنسخ وبتتجاوب معي وهي الوحيدة في الصف اللي بتعمل نشاطات وبتجيب اغراض الدرس الجديد لما المعلمة تطلب منهم واحيانا بحضر معاها الدرس الجديد لما يكون في وقت

عروس الأمير;14590684:
انا الحمدلله اخاف ربي ماني محتاجه احد بنبهني بس وووووووربي اني كنت امينه ومخلصه وبكيفها البنت ماهمني رسمها في حريقه لان اصلا مانقيم ع الرسم وبس بس اللي رسبتهم اقسم حتى كراسه مايجيبون وكل يوم هواش وطقيق اقولهم جيبوا ارخص كراسه وارسموا اي رسمه اقدر احط عليها درجه لاني محاسبه عند ربي ليه اعطيها شي هي ماتستحقه والا تجيك وحده تقول استاذه انتي متعبه نفسك الماده تافهه مالها داعي ليه تدرسينها لنا ريحينا وريحي راسك بالله وش يكون ردك عليها المعلمات كانوا يضحكون علي يقولون انتي مخلصه والله مادتك ماتسوى تتعبين عشانها قلت انا وحده ف يدي امانه وراتبي مسؤؤله عنه وطول فترة تدريسي كنت انبه وانبه وانبه وبلغت الاداره في استهتارهم قالت رسبيهم هذولي مو جايات يدرسون مايستاهلون اللي يشيل هم درجاتهم وش اقول وووش اخلي االلي يقهر وحده جايبه لي كراسه فاضيه تقول يكفي حطي درجات عليها شفتوا كيف كانت وقحه وكيف كان عندي حق والله اني كنت اقول لهم جيبي كراسة زميلتك وششققيها وارسمي فيها بس عشان اعطيك درجه ولاكني كنت اكلم احد لكن رجاءا لاتتفلسفون علي وتقولون اني محاسبه الحمدلله كنت حاطه ربي بين عيوني من اول مادخلت المدرسه وان قصرت ف هذا من نفسي والشيطان وبالنسبه لصاحبة الموضوع حاولي تحلين المشكله وسوري اخذنا راحتنا ف الحديث بس مضطره ارد ع اللي يسوي نفسه فاهم وبيحاسبني

أختي لو قلتي هالكلام كان ماخليتي مجال أحد يفهمك غلط

وصراحه عندك حق ترسبيهم إذا مثل ماقلتي مايهتموا بالماده( وهذا أغلب حال البنات مايهتموا بالماده ) وماتجيب أغراضها أو ماترسم

وحاولي قد ماتقدرين تنصحيهم وممكن تهدديهم بتنقيص علامات وخلي الرسوب آخر الحلول وقبل كل هذا أرسلي لهم ورقه لأهاليهم خلي أهلهم يكون عندهم علم باللي تسويه بنتهم وخصوصا يمكن انتي تدرسي متوسط وهذولا مراهقات العناد عندهم هو الشخصية

الرسم موهبة مو الكل عنده
سبحان الله
وحده تشوفيها توب والرسم متقن ومحترف ووحده تتدرب وتاعبه حالها ورسمها على قدها

والله هذي مسؤوليه كبيرة الله يصبر المعلمات ويقدرهم على حمل هالمسؤولية

الله يساعدك ويقدرك على حمل هالمسؤوليه

موفقة

أختي صاحبة الموضوع

الله يساعدك والله الموضوع يقهر يعني لو نقصوها بالمعقول على الرسم كان مقبول لكن تنقصها كل هالدرجات ماليها حق وخصوصا إذا كانت تجيب أغراضها وتهتم بالماده

الله يهدي بعض المدرسات اللي مايقدروا تعب الطالبات ويظلموهم مايدروا أنهم محاسبين عند رب العالمين

الله يوفق بنتك وولدك ويرزقك برهم وإحسانهم

حسافه شهادتها تنعدم وهي ماشاء الله كله ممتاز والتربيه الفنيه مو ذاك الاهميه بعدين هي صغيره كيف يبونها ترسم اكيد بيكون رسمها مو حلو بالبدايه

والله يوفقها ان شاء الله وتنجح بالتربيه الفنيه وكل المواد..