زوجي واهلي وحملي ومصيبتي

تسلموا حبيباتي كلامكم جدا اعجبني بس المشكلة الحين اهو معترف انه غلطان وندمان بيقول كل الي صار بسبب الشيطان ساعديني ببدي اتغير عشان ربي ونفسي وعشانك وعشان بنتنا بس انا مو قادرة والله العظيم مو قادرة يوم وعدتو اساعدو افتكرت اني كل مرة اوعد وكل مرة اتعب نفسي وهو يخبي علي ويسوي شي من وراي انا الحين مو قادرة اطالع فيه نهائي واضحك على عمري واجامل اقول يابنت لايطير بالمرة ويروح لها بس اعصابي احسها ماتت وكل طعم لكل فرحة مات لاشعوريا الاقي يوم افرح ابكي ويوم تجي عيني بعينو ابتسم ثم ابكي اهو اول خطوة سواها ان الجوال صار عندي وكل رسالة واتصال يوريني اياه بس والله مو قادرة اصدق اقول الحين كذا وبس يطلع الشارع مو قدام عيني مو قادرة اثق في نهائي لدرجة اني اخترت مستشفى بيوم الولادة يدخل معك زوجك وامك والحين قلتله لاتجي معي يوم اولد لأن ولادتي حتتعسر بسبببك لأن حتذكر كل شي وقتها كنت اتمنى هو الي يقطع الحبل السري والحين قلتله اتركني انا وبنتي نعيش بسلام وانت الله حسيبك سوي مثل ما تبي
انا كل ما اطالعه افتكر اني حبيته واخلصت لي بس اهو ما يستاهل انا الضعيفة قدرت اقوى على نفسي واعصمها من الخطأوهو لأ
المشكلة الحين يقول لاتساعديني انتي تحاولي تكسري غروري لأني شرط لو بساعد لازم اكون على علم بكل كبيرة وصغيرة فحياتو اهو وافق بس شرط ان الي بينو وبين اهلو مالي دخل في كيف واخر مرة لقيت مقطع رقاصة فجوالو من اختو وقلت هالشي وبررلي ان المقصود كان بتوري الي معاها لأن معاها رجال يرقص احسن منها بس انا ما اقتنعت قلت احنا نشوف زي كذا مقطع ما بيهمنا لكن انتو الرجال غير يقول ابد والله تعبت والله لو مو حرام كان ودي انزل الي فبطني عشان ما تنصدم بأب مثل هذا بس الله يصبرني ادعولي انا حتى الحلول مو قادرة عليها
اللهم اجيرني في مصيبتي واخلف لي خيرا منها يارب العالمين

الله يهدي

اختى انا قريت ردك وابي اقول لج شي اللى تمرين به هذا من جراء الحمل وتأثيرة,ارجوج عامليه على انه انسان يغلط ويتوب هو جا وقال لج ساعديني طيب انتى بتصرفك هذا وكلامك راح تخلينه فعلا يرجع للى كان عليه,احنا الحريم بعض الساعات نكون سبب في دمار حياتنا
صح انتى ما خنتيه وحافظتي عليه وهو بالمقابل خانج لكن ذي من فعل الشيطان ,عيل لو تزوج عليك او خانك بالفراش ايش راح تكون ردت فعلج
الحمدلله على انها تلفونات وهو يبي يتوب امسكي بيده الى بر الامان لا تهدمين حياتك بوساوس شيطان
بقولك على سالفه وحده قريبه منى(تقول قبل زواجها بكم يوم جاها زوجها وقال لها انا سويت شي غلط ادخلت على الخادمه وكانت جايبه العشى المهم هي من طبعها الابتسامه من وسوست الشيطان ظن انها تبيه المهم هو ما قربها الحمدلله لكن جالت بخاطرة الوساوس تعرفين ردت فعلها ازعلت وسامحته وهو وعدها انه ما يرجع لمثل ذي الشي بفكر ولا بدونه والحين اهم من احسن الناس اللى ينحسدون على عشرتهم وحبهم لبعض ماشاء الله لانه طوت ذي الصفحه وعطته كل اللى يبيه من حنان وتفاهم)والله يا اختى كثير تمر علينا سوالف خيانات توصل الى الفراش لكن اذا كل وحده راح تطلق او تعاير زوجها بافعاله على الدنيا السلام,اخيه ذي الشيطان مستانس وطربان انه يسوي مشاكل تعوذي منه واتفلي عليه ولا تعطينه وجه قبال واكثري من الاستغفار ودعاء المصيبه ,وخليه يدخل معاج الولادة مع اني ما احبذ ذي الشي لانه رجالنا عرب من يشوفون شي منيه ولا منيه تعوف نفوسهم مب مثل الاجانب عادي يولدون ويطلون داخل وبرع
اتمنى لج الحياة السعيدة والولادة اليسيره ان شاء الله

مرحبا F: حبيبتي , أنا الان اريد أن تنسي الجمله التي قالها لك وذلك على

قولتهم اللسان ما فيه عظم يقول كل شئ , اما بالنسبة لموبايله شلون جاتج

الجرأه تفتشين موبايله ;)قويه , عدم ثقتك في زوجك , دمرت حياتك , من

الآن فصاعدا لا تفتشين موبايل زوجك ثقي

فيه , المقاطع الخليعه موجوده عند كل الأزواج , المجتمع سمح للشاب فعل

مايشاء وبالتالي حلل على نفسه امور كثيره هذه نفسيتهم التي لا بد ان نفهمها

ونحاول ان نتعايش معها من اليوم فصاعدا ابتسمي وارفعي رأسك للأعلى ,

وثقي بنفسك وثقي به , واياك ومعاتبته

عطيه مساحه اجعليه يفكر بك , ومن بعد صلاة الفجر , ادعي لزوجك بشكل

يومي , اللهم احفظ لي زوجي واحففه بالملائكه واحميه من شرور الدنيا

وفتنها وخاصه فتن النساء وفتن النت وفتن الرجال وفتن الجوال وجميع الفتن

واجعلني اللهم فتته الوحيده ولذته وهميانه وفكره

وشرود ذهنه واجعل اللهم بين زوجي وبين نساء العالمين حاجز اسود لا

يمكن اجتيازه ولا اختراقه ولا حتى النظر من خلاله , لا تيأسي من رحمة

ربك وعيشي حياتك فأنت تنتظرين اجمل ما في الوجود , اذا اتصل بك

زوجك او كلمك ابتسمي له , حبيه اياك ومعاتبته اجعليه

يفضلك على نساء العالمين .

مين يتكلم معاه ياخيه الرجال لابغو شي ما يعييهم شي بس الله يصبرنا عليهم

الله يكون فعومج ويصبرج ويهدي ريلج ويسر عليج ولادتج

الله يعينك اختي ويرجع لك زوجك مالك الا الدعاء وقراءه القران ويارب يهديه ويصلحه ,ليه ماتحاولي تكلمي احد من طرفه ابوه او احد عاقل تكوني متاكده انه راح يحل الموضوع ماراح يزيده سوء وطمنينا عليك ..
ياارب يبعد عن زوجك عيال وبنات الحرام

والله مدري اش اقولك
وضعك الامني انا فمابال انتِ
يارب ييسر لك ويهدي زوجك
ويقومك بالسلامة اهم شي الحين صحتك وصحة البيبي
وبعد ماتقومين بالسلامة ان شاء الله
لكل حادث حديث
اختي انتبهي على نفسك والبيبي
ترى ماخد ينفعك في هالزمن لا زوج ولاغيره

ااااااااااااااااه دعواتكم خواتي والله النار حارقتني بس ايش اسوي والمصيبة انه خلص اعتذر انتهى يستناني الحين اتقبل الموضوع والي صار صار بس انا بجد مو قادرة

حياتي لاتخلي الحزن يدخل إلى قلبك تذكري الله بمجرد ان يخطر ببالك وستغفري عسى الله ان يفرج عليك في القريب العاجل ويرزققك الصبر ورجال مالهم امان حسبي الله عليهم

مرحبا

والله شوفي ياأخية و الله العظيم إني مريت في نفس حالتج بالضبط

و كنت أعصب و آكل في نفسي و يوم أواجه يقولي يقولي بتوب و بتغير

و الحين أنا غضيت عن الموضوع من ثلاث شهور و ما أفتش من وراءه

بس قويت صلتي برب العالمين و شغلت نفسي بأشياء تفيدني مثل قراءة القرآن و الأدعية و الإستغفار

و أهتم بأني آكل أكل صحي و أسوي رياضة و أهتم بجسمي و أسوي خلطات ( مجنونة متعب )

و شوفي موضوع الأخت سلمى في قسم الشؤون الأسرية ( تردن أن تعرفن أسرار سعادتي الزوجية )

و حسيت إني أنا تغيرت و استفدت وايييد

حبيبتي الله يوفقج ويقومج بالسلامة
وعليج بالاستغفار الدائم بعد كل صلاة
واغتنام اوقات استجابة الدعاء
وقيام الليل
وان شاء الله ربج ماراح يضيع عملج
ويردلج زوجج يحبج اكثر من اول
وكلميه باسلوب لطيف وحلو
قوليله انج تحبينه وتغارين عليه
ولاتزعلين وتعصبين في كل مرة لان الرجال عادة يكره هالاسلوب
والله يوفقج ويرزقج بالذرية الصالحة...

عليك بالاستغفار الاستغفار الاستغفار ان شاء الله ربي يهديه ويرده لك:'(والله حزنتيني

تسلموا حبيباتي بس هالرجال معد منه فايدة وبس يعصب كأني أنا الغاطانه مو هوا بس انا اخذت قراري الي ما حتراجع عنو انا قررت اولد واتطلق بنتي ما ربي كفيل بها بس انا مو قادرة وهو مو مساعدني خليه يعيش حياتو مع الي يبي ولا يفكر يعيش معي وهو خانقني كلنا عبيد لله وبس

شوفي ياقلبي الواحد فينا سهل يستسلم وحتى لو هو اللي راح يطلع منها خسران بس قبل لاتتخذي هذا القرار .. حطي في بالك آشياء منها بنتك ومصلحتك أولا
لايهمك كلام الناس واللي راح تسمعيه ..

انتي بتخاذ هذا القرار * الطلاق * هل راح تكونين مبسوطة ومرتاحه وماراح تفكرين فيه مرا ثانيه
مهما صار بينكم انتي الوحيده اللي عشتي الموقف من الاول وراح تعيشينه للأخير هل راح تنسينه وتنسين الحياه معه اللي عشتيهااا ..
ياقلبي الخطوة قبل لاتخطينها حاولي إنك تفكرين فيها مليون مره لأنه اللي بينكم مو مويه ولا شئ بيروح وتنسينه مع الايام اللي بينكم طفل انتي أمه وهو أبوه ..
إذا انتي شايفه إنه مايحتاج أي فرصه فقرارك بيدك إتخذيه ... بس إذا يساورك شكووك بقرارك صبري وعطيه فرصه ولنفسك فرصة ولطفلتكم تعيش بين أمها وأبوهااا ..

والله يهديكم ويقدم اللي فيه الخير لكم ..

امين الله يقدم الي فيه الخير
اهو يقول انه تاب لله عز وجل لأن بيتو صار من قزاز وما يبيه ينهدم
بس المشكلة صارت فيني انا مو قادرة افكر بنفسي والبيبي والمشاكل ماتفارقني ولسة الولادة ربي ييسرها علي وعلى كل حامل يارب
والله احس عقلي باع البيعة وبطل يفكرلي بشي والمفروض امس اخذ ابرة حديد والله مارحت احس معد لي نفس اهتم بشي حتى صحتي

اختي الغالية ... الله يقومك بالسلامة ويقر عينك بشوفة بنتك ويبرد قلبك بحضنها وضمتها لصدرك

انا حاسة فيك ...وحاسة بالالم اللي يعتصر قلبك ....بس اطلب منك طلب

خلي زوجك على جنب الحين وانسيه وانسي افعاله الشينة ...وركزي في بنتك وتجهيزاتها

والولادة ...واعتقد انك بتمين في بيت اهلك صح ...عيل هذه بتكون فرصة لك تعيدي ترتيب افكارك

وحياتك ...لاتقولين بتطلق وما بنسى وهالامور استخيري وشوفي اذا ربنا كاتب انكم تكملون مع بعض

وانه ينصلح حاله ...بيصير ....صديقني كل شي يبا له صبر وتاني .... يا ما تعذبنا وياما شفنا من الازواج ...

اختي شي طبيعي يعاملك على انك انت الغلطانة ويعصب ...لان هو رجل وهذا طبع الرجال


اشغلي نفسك باشياء اهم منه ...هل يستاهل ياخذ هذا الحيز من حياتك ...ما اعتقد عيل لاتخليه ياخذ اكثر من اللي يستاهله



اكثري من الاستغفار واكثري من الدعاء ولحظة الولادة ادعي ربك يهديه

والله احيان احس ان فرقاه عيد اجل في وحدة من اول ما حملت للثامن كل ما تقوله طفشانه يقولها الله ييسر وهو كل يوم نازل جدة ويقول شغل اما انا حرام يفضالي